ينفورماتسيا اشكەرەلەۋ: mzjubao@cnr.cn

وزەكتى ماقالالار

باستىق ەمەس باي بولامىن

来源:央广网     |责编:阿依娜|     发布日期: 2020-01-14 14:55

باستىق ەمەس باي بولامىن، مەن ەندى....

«مەن جىلتىراعان دۇنيەنىڭ ازعىرۋىنا وپ- وڭاي ۇشىرادىم، ۇيىمنىڭ حات ارقىلى سۇراستىرىپ، اڭگىمەلەسىپ جانە قىزمەت ورنىمدى رەتكە سالۋ جونىندە تانىمىم ايقىن بولماي، بۇگىنگى كۇنگە ءتۇسىپ وتىرمىن»-دەدى چۇڭچيڭ قالاسى جياڭجين رايونى شۋاڭفۋ ونەركاسىپ باقشاسىن جوبالاۋ ءبولىمنىڭ بۇرىنعى باستىعى ۋاڭ ۋي وكىنشتەن ورتەنگەن وكسىگىن باسا الماي. ۋىسىنا ۇقىقتى مىعىم ۇستاعان وسى ءبولىم باستىعى باقشا رايونىنىڭ دامۋ جولىن ويداعىداي جوسپارلاۋ بىلاي تۇرسىن، ەندىگى جەردە ءوزى «قالتاسىن قامپيتۋدىڭ» جولىن قاراسىترۋمەن قارا تەرگە ءتۇستى.

 

1990-جىلى، ۋاڭ ۋي ەمتيحان ارقىلى اۋىل –قىستاق كادرىنە اينالدى. سونىمەن ول ءوزىنىڭ سول كەزدەگى  ومىرلىك نىساناسىن «ورىنباسار قالاشىق باستىعى بولامىن»دەپ بەكەمدەدى.

 

ءبىراق، ۋاڭ ۋي ورىنباسار قالاشىق باستىعى بولعانىمەن، شىن تۋايتىندا يىعىنداعى جاۋاپكەرشىلىكتى ءتىپتى دە ويداعىداي ارقالاپ، حالىق ءۇشىن جۇمىس ىستەۋ ءۇشىن ەمەس، قايتا ويدىرىپ ەسەپ جاساپ، قىزمەتكە شىققان تۇسكەندە ۇكىمەت كولىگىن پايدالانىپ، كۇنىنە جايۋلى قوناق داستارقانىنىڭ باسىنان تابىلۋدى ماقسات ەتكەن ەكەن دە، مەشپەتىنىڭ ءبىرىنشى تۇيمەسىن قاتە تۇيمەلەپ قالماي، قاتەلىك ۇستىنە قاتەلىك جاماعان.

 

2004-جىلى، ۋاڭ ۋي جياڭجين رايونى شۋاڭفۋ ونەركاسىپ باقشاسىن جوبالاۋ قىزمەتىنە اۋىسادى، ماماندىعى ساي ، كاسىپكە قانىق ول قىزمەت ناتيجەسىمەن بىردەن كوزگە ءتۇسىپ، 2009- جىلى شۋاڭفۋ ونەركاسىپ باقشاسىن جوبالاۋ ءبولىمنىڭ باستىقتىعىنا تاعايىندالادى.

 

وسى كەز ونىڭ قايراتى تاسقىنداعان كەز بولسا كەرەك،  ءبىراق ول قوجايىن ساۋداگەرلەردىڭ قۇرعان« تۇزاعىنان» بۇلقىنىپ شىعا الماي بىرتە –بىرتە قۇيعا باتا بەردى، ءىرىپ–شىرىگەن تۇرمىسقا بوي ۇردى، باسقا قىزمەتتەستەرىنىڭ ءمانسابى ورلەپ باسشىلىق قىزمەتكە تۇرعانىن كورگەندە، قىزعانىشتىڭ قىزىل شۇبار جىلانى ونىڭ ىشىندە جالاڭداپ مازاسىن الدى. سونىمەن، ول ءوزىنىڭ  ومىرلىك نىساناسىنا:« ءومىر بويى باسشى بولماي تەك اقشا عانا تابۋ كەرەك» دەيتىن « رەتتەۋ» جۇرگىزدى.

 

مىنە ەندى تىڭ ومىرلىك نىساناعا بەت تۇزەگەن ۋاڭ ۋي دەرەۋ وزىنە «سويلەۋ ۇقىعى» ارقىلى «سايكەسترۋ اقىسىن»،«تەكسەرىپ بەكىتۋ ۇقىعى» ارقىلى «العىس ايتۋ اقىسىن»، «جاعدايدان حاباردار بولۋ ۇقىعى» ارقىلى «دەلدالدىق اقىسىن» الۋ سىندى ءۇش ءتۇرلى «پايدا تابۋ» جولىن جوباسىن دايىندادى.

 

«سويلەۋ ۇقىعى»  ارقىلى « سايكەسترۋ قاراجاتىن » قالتاسىنا ۇرىپ وتىردى

 

 جوبالاۋ قىزمەتىندە باقشا رايونىندا ەركىن كەسىم جاساۋداي قولايلىلىق بولادى، كاسىپورىن شۋاڭفۋ ونەركاسىپ باقشاسىنا  نەمەسە كاسپورىن  قول قويماقشى بولعان جەرلەر جەردەن پايدالانۋ پىلانىنا ۇيلەسپەي، ونى رەتكە سالۋعا تۋرا كەلەگەندە، ۋاڭ ۋي كاسىپورىن قوجايىنىنا ءوزىنىڭ باقشا رايونىنداعى باسشىلارمەن بولعان قارىم –قاتىناسىنىڭ جاقسى ، سوزىنىڭ ءوتىمدى ەكەنىن، ولاردىڭ جۇمىس ىستەۋىنە، سايكەسىپ كومەكتەسەتىنىن، ءبىراق بۇعان ازداپ «تابان اقى» الاتىنىن ادەيلەپ ەسكەرتەدى. اقشانى العاننان كەيىن، ۋاڭ ۋي ءوزى جوبالاعان ءبولىم باسىتىعىنىڭ «سويلەۋ ۇقىعىنان» پايدالانىپ، جەردەن پايدالانۋ جوسپارىن رەتتەۋگە جەتەكشىلىك ەتىپ، ويلاعانىنا ۇنەمى قولى جەتىپ وتىردى. مىسالى: 2016- جىلى 5-ايدا، چۇڭچيڭدەگى بەلگىلى ءبىر عىلىم–تەحنيكا سەرىكتىگى شۋانفۋ زاۆود رايونىنىڭ جانىنان زات جەتكىزۋ وبيەكتىسىن ساتىپ الماقشى بولادى، ءبىراق جەر ەرەجەگە ۇيلەسپەي مىستارىن قۇرتىپ تۇرعاندا، كاسپورىن ۋاڭ ۋيدىڭ قالتاسىنا 500 مىڭ يۋان « سايكەسترۋ قاراجاتىن» سۇڭگىتىپ جىبەرەدى، ۋاڭ ۋي باسشىلاردى «يلاندىرىپ»، كاسپورىننىڭ قۇرىلىسقا پايدالاناتىن جەرىن الۋىنا كومەكتەسەدى. 2009 –جىلدان 2019- جىلعا دەيىن، ۋاڭ ۋي ىلگەرىندى-كەيىندى سايكەسۋگە كومەكتەسۋ دەگەن اتپەن باسقالاردان 2 ميلليون 820 مىڭ يۋان «سايكەسترۋ قاراجاتىن» العان.

 

«تەكسەرۋ بەكىتۋ ۇقىعى» ارقىلى «العىس ايتۋ اقىسىن» العان

 

 شۋاڭفۋ ونەركاسىپ باقشاسىن اشۋ قوماقتى قۇرىلىس، تاستاندى بولعان الاڭ تاپشى، تاستاندى بولعان الاڭداردىڭ الىس – جاقىندىعى، تاس –توپىراق قۇرىلىسىىمەن شۇعىلداناتىن ساۋداگەرلەردىڭ پايداسىنا زور ىقپال جاسايدى. ۋاڭ ۋي تاستاندى الاڭدى جوبالاۋ، بەكىتۋ ۇقىعىنان پايدالانىپ، « تاستاندى الاڭدى» ءوزىنىڭ « بايۋ كوزىنە» اينالدىرادى. مىسالى: 2017- جىلى 7- ايدا، ءمالىم كاسپورىننىڭ جاۋاپتىسى ۋاڭ ۋيدەن نىساناعا جاقىنىراق جەردى تاڭداپ الىپ، تاستاندى توپىراقتان پايدالانباق ەكەنىن، سوڭىندا وسى كومەگى ءۇشىن «ايىرىقشا» راقىمەت ايتاتۋ ەمەۋرىن تانىتقاندا،ۋاڭ ۋي  قىزمەت قولايلىلىعىنان پايدالانىپ، سول كاسپورىننىڭ جاقىن ماڭدا تاستاندى بولعان الاڭدى بەكىتىپ،  كاسپورىن بەرگەن 200 مىڭ يۋاندىق العىس ايتۋ قاراجاتىن قىمسىنباي قالتاسىنا سالادى. 2012- جىلدان 2018- جىلعا دەيىنگى ارالىقتا ۋاڭ ۋي ىلگەرىندى- كەيىندى تاس –توپىراق قۇرىلىسىمەن اينالىساتىن قوجايىندارىنا كوتەرمەگە الۋ نىسانىنداعى ءتيىمدى الاڭدى بەكىتىپ بەرىپ، ءبىر ميلليون 280 مىڭ يۋان « العىس» اقى الادى.

 

«جاعدايدان حاباردار بولۋ ۇقىعى» ارقىلى « دەلدالدىق اقىسىن» العان

 

ءتۇرلى ماجىلىستەرگە قاتىناسۋ جانە قىزمەت بارىسىندا ۋاڭ ۋي كوپتەگەن كاسپورىنداردىڭ ينفورماتسياسىن يەلەيتىن، سونىمەن ول وسى ينفورماتسيالاردان پايدالانىپ ءارقايسى كاسپورىندار اراسىندا دەلدال بولىپ،«دەلدالدىق اقىسىن» الۋدا ونىڭ بايۋ جولى بولىپ قالىپتاستى. مىسالى: 2017- جىلى، چۇيڭچيڭدەگى بەلگىلى قورا- جاي سەرىكتىگى شۋانفۋ ونەركاسىپ باقشاسىنداعى جەر مەن سەرىكتىكتى وتكەرمەلەمەكشى بولادى. ۋاڭ ۋي بۇدان حابار تاپقاننان كەيىن،  سەرىكتىكتەگى ءبىر جارناگەرمەن ىرىقتى تۇردە حابارلاسىپ، ساتىپ الۋشىلارعا كومەكتەسۋگە پەيىل ەكەنىن اڭعارتادى. كەيىن ۋاڭ ۋيدىڭ تانىستىرۋىمەن، بۇل قورا- جاي سەرىكتىگى مەن چۇڭچيڭ بەلگىلى ساۋدا سەرىكتىگى وتكەرمەلەۋ سۇلبالىق كەلىسىمىنە قول قويادى. ۋاڭ ۋي بولسا وسىدان 500 مىڭ يۋان « دەلدالدىق قاراجاتىن» سوعىپ الادى.

 

«جوبالاۋ ءبولىمنىڭ باستىعى» سالاۋاتىنا سۇيەنىپ، ۋاڭ ۋي « بايۋ» جولىن تىپتەن كەڭەيتە تۇسەدى، ءبىراق ول تەك عانا« جوبالاۋ ءبولىمنىڭ باستىعى» سالاۋاتىنا سۇيەنىپ، قوعامدا ىرعىن تۇرمىسقا كەنەلۋگە كەلمەيتىنىن، وسى « سالادا» ءتىپتى دە ەمىن –ەركىن الشاڭ باسىپ، اناعۇرلىم مول اقشا تابۋ ءۇشىن، ول ەندى ءوزىن« ۋاڭ قوجايىننىڭ » كەيپىنە ەنگىزۋگە تىرستى. اكەسى اتىنان كوپتەگەن سەرىكتىك،نىساندارعا قارجى قوسقان سوماسى 9 ميلليوننان اسقان. الايدا، شارۋاشىلىق جۇرگىزۋدى بىلمەيتىندىكتەن، قارجى قوسۋدا اۋىر قارىز داعدارىسى تۋىلىپ، كەلىسىپ وتىرىپ وماقاسادى. ال وسى كەزدە ۇلكەندى–كىشىلى سەرىكتىك قوجايىندارى ۋاڭ ۋيمەن قارىم –قاتىناس ورناتىپ، تارتۋ- تارالعى ۇسىنىپ پايدا بولىسەدى، ۋاڭ ۋي بۇل ادامداردى دا تويتارمايدى.« ۋاڭ قوجايىن» سالاۋاتى، ۋاڭ ۋيدىڭ « بايۋ» جولىنا باستاي الماعانىمەن، تارتىپكە، زاڭعا قايشىلىق جاساپ قۇيعا باتۋىن جەدەلدەتتى.

 

2019-جىلى 5-ايدا، جياڭجين رايوندىق ءتارتىپ تەكسەرۋ كوميتەتى باقىلاۋ كوميتەتى ۋاڭ ۋيگە ءتارتىپ تەكسەرۋ جانە باقىلاۋ- تەكسەرۋ جۇرگىزدى. 2019- جىلى 8- ايدا، ۋاڭ ۋيگە پارتيادان ايداۋ، قىزمەتتەن ايداۋ شاراسى كورىلىپ، ونىڭ پارا الۋ قىلمىسى سياقتى ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا جولداندى. 

 

«سوبيەكتيۆ جاقتاعى سىرتقى ورتانىڭ وزگەرىسىنەن كەيىن پارتيالىلىق ءمورال تاربيەسىنىڭ كۇشەيۋىمەن دۇنيەگە، ومىرگە، قۇنعا كۇزقاراس جونىندەگى دۇرىس انىقتاما مەن يگەرۋگە نەمقۇرايدى قاراپپىن»- دەدى ۋاڭ ۋي وپىق جەپ، بارماعىن تىستەپ، ءوزىنىڭ «اۋرۋ سەبەبىن» قورتىندىلاعاندا. ءبىراق، ادام ءومىرى ءبىر-اق رەت عانا، قاتە باسقان قادامىن قالپىنا كەتىرۋ قيىن، مۇنداي وكىنىشتىڭ ورنىن ول ەندى تەمىر قاپاستا عانا تولتىراتىن بولدى. 

中央广播电视总台 央广网 版权所有

باستىق ەمەس باي بولامىن

«مەن جىلتىراعان دۇنيەنىڭ ازعىرۋىنا وپ- وڭاي ۇشىرادىم، ۇيىمنىڭ حات ارقىلى سۇراستىرىپ، اڭگىمەلەسىپ جانە قىزمەت ورنىمدى رەتكە سالۋ جونىندە تانىمىم ايقىن بولماي، بۇگىنگى كۇنگە ءتۇسىپ وتىرمىن»-دەدى چۇڭچيڭ قالاسى جياڭجين رايونى شۋاڭفۋ ونەركاسىپ باقشاسىن جوبالاۋ ءبولىمنىڭ بۇرىنعى باستىعى ۋاڭ ۋي وكىنشتەن ورتەنگەن وكسىگىن باسا الماي.