ينفورماتسيا اشكەرەلەۋ: mzjubao@cnr.cn

وزەكتى ماقالالار

ۋكراينا زۇڭتۇڭى يراننان اشىق كەشىرىم سۇراۋدى تالاپ ەتتى

来源:央广网     |责编:阿依娜|     发布日期: 2020-01-14 14:56

يران ارمياسى 1-ايدىڭ 11-كۇنى مالىمدەمە جاريالاپ، بىرنەشە كۇننىڭ الدىندا ۋكراينا اۆياتسيا سەرىكتەستىگىنىڭ جولاۋشىلار ۇشاعىن يراننىڭ ويلاماعان جەردەن قاتە اتىپ تۇسىرگەنىن مويىندادى. مالىمدەمەدە بىلاي دەلىندى: «سول كۇنى بۇل كەزەكشى ۇشاق حومەني حالىقارالىق اۋەجايىنان ۇشىپ، ءىسلام توڭكەرىستىك قورعاۋشىلار اترەتىنىڭ سەزىمتال اسكەري ورتالىعىنا جاقىندادى. بۇل كەزەكشىلەر الماساتىن ۋاقىتقا تۋرا كەلىپ، ونىڭ ۇستىنە بۇل ورتالىق جوعارى دارەجەلى ساقتىق كۇيدە تۇرعان. وسىنداي جاعدايدا ۇشاقتى ويلاماعان جەردەن قاتە اتقىلاعان». 

 

 

يراننىڭ جۇڭگوداعى باس ەلشىحاناسى 

 

يراننىڭ سىرتقى ىستەر مينيسترى زاليەۆ: 

 

 قايعىعا باتقان ءبىر كۇن بولدى. 

 

ارميا جاقتىڭ ىشكى تەكسەرۋى العاشقى ادىمدا مىناداي قورىتىندى شىعاردى: ا ق ش-نىڭ تاۋەكەلشىلدىگى تۋدىرعان قاتەرلى ساتتە، ادامنىڭ اعاتتىق جىبەرۋىنەن تۋىلعان اپات. 

 

حالقىمىزعا، بارلىق قازا بولۋشىنىڭ وتباسىنداعىلارعا، سونداي-اق باسقا دا ىقپالعا ۇشىراعان مەملەكەتتەرگە وكىنىش بىلدىرەمىز، كەشىرىم سۇرايمىز جانە ازا بىلدىرەمىز. 

 

يران ارمياسى مالىمدەمە جاريالاپ 5 جاقتان تۇسىنىك جاسادى

△ يران قارۋلى كۇش مينيسترلىگى باس شتابىنىڭ ۇكىمەت توراپ بەكەتىندە جاريالاعان ۋكراينا جولاۋشىلار ۇشاعىنىڭ كۇيرەۋ ۋاقيعاسىنا قاتىستى مالىمدەمەنىڭ قيما سۋرەتى

 

مالىمدەنىڭ تولىعى تومەندەگىدەي: 

 

2020-جىلى 1-ايدىڭ 8-كۇنى سارسەنبى تاڭەرتەڭ، ۋكراينانىڭ بويىن 737 ۇشاعى تەگەران حومەني حالىقارالىق اۋەجايىندا قۇلاپ، سانسىز ادامنىڭ جۇرەگى پارە-پارە بولدى. قارۋلى كۇش مينيسترلىگى دەرەۋ تەحنيكا جانە تاسىمال ماماندارىنان ۇيىمداسقان مەملەكەتتىك اۆياتسيا كوميتەتىنەن دەربەس تۇراتىن تەكسەرۋ گرۋپپاسىن قۇردى. قازىر تەكسەرۋ ناتيجەسىن جاريالايمىز:

 

1. ا ق ش زۇڭتۇڭى مەن ا ق ش ارمياسى يران ءىسلام رەسپۋبليكاسى تەريتورياسىنداعى قىرۋار قۇرىلعىنى اسكەري نىسانا كەيىن، يران ءىسلام رەسپۋبليكاسى كومەسكى حاۋىپكە قاراتا ەڭ جوعارى ساقتىق كۇيدە تۇردى. 

 

2. باسقارىلمالى بومبى شابۋىلىنان كەيىنگى بىرنەشە ساعاتتا، ا ق ش-نىڭ يرانداعى سوعىس ۇشاعى كوبەيدى. ونىڭ ۇستىنە مالىمەتتە ا ق ش-نىڭ اۋە شابۋىلى يراننىڭ اسكەري قولباسشىلىق ورتالىعىنا باعىتتالدى، يراننىڭ اۋە شابۋىلىنان قورعانۋ قوسىندارى رادارعا ەرەكشە ءمان بەرۋى كەرەك دەلىنگەن. 

 

3. قاراما-قايشىلىق داعدارىس جاعدايىندا، ۋكراينانىڭ 752-كەزەكشى ۇشاعى تەگەران حومەني حالىقارالىق اۋەجايىنان ۇشىپ، بۇرىلعان كەزدە يران ءىسلام توڭكەرىستىك قورعاۋشىلار اترەتىنىڭ سەزىمتال اسكەري ورتالىعىنا جاقىنداعان، ونىڭ ۇستىنە ءپىشىنى دە جاۋ ۇشاعىنا ۇقساپ كەتكەن. وسىنداي شۇعىل جاعدايدا، ۇشاق ويلاماعان جەردەن اعات اتقىلاۋعا تاپ بولعان. وكىنىشكە وراي، بۇل قىرۋار يراندىق باۋىرلاس پەن كوپتەگەن شەتەل ازاماتىن قازاعا ۇشىراتتى. 

 

4. يران ءىسلام رەسپۋبليكاسىنىڭ باس شتابى ءارقايسى ەلدەن قازا بولعانداردان جانە ولاردىڭ وتباسىنان شىنايى حال سۇرايدى، ادامداردىڭ اعاتتىعىنان تۋىلعان ۋاقيعادان عاپۋ وتىنەدى، قارۋلى قوسىننىڭ سوعىس جۇرگىزۋ تارتىبىنە تۇبەگەيلى رەفورما جاساپ، وسى تەكتەس ۋاقيعانىڭ قايتالاي تۋىلماۋىنا كەپىلدىك ەتەدى ءارى دەلونى دەرەۋ قاتىستى ءادىليا تاراۋلارىنىڭ قاراۋىنا تاپسىرادى، بۇل قاتىستى زاڭدىق جاۋاپكەرشىلىكتى قۋزاستىرۋدى قامتيدى. 

 

5. باس شتاپ تاعى يران ءىسلام توڭكەرىستىك قورعاۋشىلار اترەتىنىڭ قاتىستى ءمانساپتىلارى حالىققا تەز ارادا ەگجەي-تەگجەيلى ءتۇسىندىرۋى كەرەكتىگىن جاريالادى. 

 

حامەني ويلاماعان جەردەن ۋكراينا اۆياتسيا سەرىكتەستىگى جولاۋشىلار ۇشاعىنىڭ اتىپ تۇسىرىلگەنى جونىندە مالىمدەمە جاريالادى

 

يراننىڭ ەڭ جوعارى كوسەمى حامەني 1-ايدىڭ 11-كۇنى بىلاي دەپ مالىمدەمە جاريالادى: «باس شتاپتىڭ ۋكراينا جولاۋشىلار ۇشاعى ۋاقيعاسىن تەكسەرۋ ناتيجەسى جانە ونىڭ ادام قاتەلىگىنە ساياتىنى سەبەپتى، وسى قورقىنىشتى ۋاقيعادان تۋىلعان ءولىم مەنى قاتتى كۇيزەلتتى. ەڭ اۋەلى، مەن قازا بولعانداردىڭ جانۇياسىنان تاعى دا شىنايى حال سۇرايمىن جانە ازا بىلدىرەمىن. ەكىنشى، باس شتاپتى وسى ۋاقيعاداعى ءارقانداي مۇمكىندىگى بار كەمشىلىكتى نەمەسە جاۋاپكەرشىلىكتى قاتاڭ تەكسەرۋگە قۋزايمىن. ءۇشىنشى، مەن قاتىستى ءمانساپتىلاردان باسا نازار اۋدارۋىن جانە كەيىن دە قاجەتتى شارا قولدانىپ، وسى تەكتەس ۋاقيعانىڭ قايتالانباۋىن تالاپ ەتەمىن».

 

يران زۇڭتۇڭى رۋحاني: يران بۇل ايانىشتى قاتەلىكتەن ايرىقشا كەشىرىم سۇرايدى

 

يراننىڭ زۇڭتۇڭى رۋحاني مالىمدەمە جاريالاپ بىلاي دەدى: «يراننىڭ بۇل ايانىشتى قاتەلىگىنە عاپۋ ەتىڭىزدەر، سونداي-اق يراننىڭ ىشكەرىلەي تەكسەرۋ جۇرگىزىپ، وسىنشاما زور جانە كەشىرىلمەس قاتەلىكتىڭ بارلىق سەبەبىن جانە ۋاقيعا تۋدىرۋشىلاردى، ءسوزسىز، انىقتايتىندىعىن بىلدىرەمىن». 

△ يراننىڭ زۇڭتۇڭى رۋحانيدىڭ مالىمدەمە جاريالاعان قيما سۋرەتى

 

مالىمدەمەدە بىلاي دەلىنگەن: «سۇلەيمەن گەنەرال ولتىرىلگەن ارەكەتتەن ءوش العاننان كەيىن، ا ق ش-نىڭ ۇرەيلەندىرۋى مەن شاپقىنشىلىق جاساۋىندا، قورعانىستى كۇشەيتۋ ءۇشىن يران ارمياسى %100 جوعارى دارەجەلى ساقتىق كۇيدە تۇردى، سونىمەن باقىتقا قارسى ادامنىڭ اعاتتىعىنان جانە قاتە اتقىلاۋدان كوپتەگەن ادام قازا بولدى». 

 

رۋحاني مالىمدەمەسىندە تاعى بىلاي دەدى: «يراننىڭ قورعانىس سوعىس جۇيەسىندەگى ءالسىز تۇيىندەردى شەشۋ ءۇشىن، قاجەتتى شارالار قولدانىپ جانە رەتتەۋ-تۇزەتۋ جۇرگىزىپ، وسى تەكتەس شىرعالاڭنىڭ قايتالاي تۋىلۋىنان ساقتانامىز».

يران ءىسلام توڭكەرىستىك قورعاۋشىلار اترەتى اۆياتسيا-عارىش ءبولىمىنىڭ قولباسشىسى: ءادىليا قۇرىلىمدارىنىڭ تەكسەرۋىن قابىلداۋعا دايىنبىز

 

يران ءىسلام توڭكەرىستىك قورعاۋشىلار اترەتى اۆياتسيا-عارىش ءبولىمىنىڭ قولباسشىسى قاجىزارد بىلاي دەدى: «بۇل ءىس جونىنەن بارلىق جاۋاپكەرشىلىكتى ارقالاپ، ءادىليا قۇرىلىمدارىنىڭ تەكسەرۋىن قابىلداۋعا دايىنبىز». 

 

قاجىزارد تاعى بىلاي دەدى: «ءبىر اپتانىڭ الدىندا، وڭىرلىك جاعداي توتەنشە شيەلەنىستى، قاقتىعىس تۋىلۋ مۇمكىندىگى وتە جوعارى بولدى، ەكى جاقتىڭ قارۋلى كۇشتەرى دە بارىنشا ساقتاندى، تەگەران اۋە قورعانىس جۇيەسىنە كەيبىر جاڭا جۇيەلەر قوسىلدى، باسقارىلمالى بومبى اتۋ جۇيەسى تەگەراننىڭ باتىسىنا ورنالاسقان، بۇل ۋاقيعا تۋىلۋدىڭ الدىنداعى ءتۇن ورتاسىندا عانا كوبەيدى. بۇدان بۇرىنعى حاباردا شارلاۋشى باسقارىلمالى بومبىنىڭ يرانعا تۇتقيىل شابۋىل جاساۋ حاۋپى بار دەپ ايتىلعان، سوندىقتان بۇل ۇشاقتى (ۋكراينا ۇشاعىن) باسقارىلمالى بومبى جۇيەسى شارلاۋشى باسقارىلمالى بومبى دەپ قاتە تۇسىنەدى، بۇل مەڭگەرۋشى ءاسىلى جوعارىعا مالىمەت بەرۋگە ءتيىس ەدى، ءبىراق حاباردان ماسەلە شىققان سياقتى، وسىلايشا ول 10 سەكۋند ىشىندە باسقارىلمالى بومبى اتۋ-اتپاۋدى بەلگىلەيدى، الايدا ول قاتە شەشىم جاسادى».

 

رەسەيدىڭ جوعارى دارەجەلى ءمانساپتىسى: ا ق ش-نىڭ ارانداتۋشىلىعىنان يران ارمياسى جولاۋشىلار ۇشاعىنا قاتە سوققى بەرگەن 

 

رەسەيدىڭ حابارىنا قاراعاندا، 1-ايدىڭ 11-كۇنى رەسەي مەملەكەتتىك دۋماسى (پارلامەنتتىڭ تومەنگى پالاتاسى) مەملەكەت قورعانىس كوميتەتىنىڭ ورىنباسار ءتوراعاسى شۆيتكين اقپارات قۇرالدارىنىڭ تىلشىلىگىن قابىلداعاندا بىلاي دەدى: «رەسەي مەملەكەتتىك دۋماسى يراننىڭ ۋكراينا جولاۋشىلار ۇشاعىن اتىپ ءتۇسىرۋ ارەكەتىن جازعىرادى، ءبىراق مۇنى ا ق ش-نىڭ ارانداتۋشىلىعىنان ىستەلگەن ارەكەت دەپ قارايمىز». 

شۆيتكين بىلاي دەدى: «ا ق ش-نىڭ يرانعا جاساعان ارانداتۋشىلىعى يراندى قايتارما سوققى بەرۋگە ماجىبۇرلەدى، ا ق ش-نىڭ ارەكەتى وسىزامانعى حالىقارالىق زاڭ-ەرەجەگە مۇلدە ۇيلەسپەيدى، ال جولاۋشىلار ۇشاعىن اتىپ ءتۇسىرۋ يراننىڭ مەملەكەتتىك مايدانى ەمەس، قايتا ءمالىم ءبىر ادامنىڭ اعاتتىعى، حالىقارالىق قوعام مۇنى يراننىڭ بايقاۋسىزدا جاساعان ارەكەتى دەپ ساناۋى كەرەك».

 

ۋكراينانىڭ زۇڭتۇڭى: يران رەسمي كەشىرىم سۇراۋى جانە وبيەكتيۆ تەكسەرۋ جۇرگىزۋى كەرەك

 

وسى ىسكە قاراتا ۋكراينانىڭ زۇڭتۇڭى زەلەنسكي ۋكراينا جاق يران جاقتىڭ رەسمي كەشىرىم سۇراۋىن جانە وبيەكتيۆ تەكسەرۋىن كۇتەتىندىگىن جاريالادى. ول بىلاي دەدى: «ۋكراينا جاق يران جاقتان قاتەلىكتى تۇبەگەيلى مويىنداۋدى تالاپ ەتەدى. يراننىڭ اشىق، تۇبەگەيلى تەكسەرۋ جۇرگىزۋگە كەپىلدىك ەتۋىن ءارى ۋاقيعا تۋدىرۋشىلاردى زاڭ بويىنشا جازالاۋىن ءۇمىت ەتەدى. مۇردەنى ءوز ەلىمىزگە اكەلىپ جەرلەيمىز، يران جاق تولەم تولەسىن ءارى ديپلوماتيالىق جولمەن كەشىرىم سۇراسىن». 

 

كانادا زۇڭليى: قاتىستى ادامداردىڭ جاۋاپكەرشىلىگىن قۋزاستىرۋ كەرەك 

 

ا ق ش سىمدى تەلەۆيزيا اقپارات تورابىنىڭ 1-ايدىڭ 11-كۇنگى ەڭ جاڭا حابارىنا قاراعاندا، كانادانىڭ زۇڭليى ترۋدو ەڭ جاڭا مالىمدەمەسىندە بىلاي دەدى: «كانادا ۇكىمەتى يران ۇكىمەتىنىڭ ۋكراينا جولاۋشىلار ۇشاعىن اتىپ ءتۇسىرۋ ۋاقيعاسىن تەكسەرۋدە <تولىق سەلبەسۋىن> ءۇمىت ەتەدى، سونىمەن بىرگە قاتىستى ادامداردىڭ جاۋاپكەرشىلىگىن قۋزاستىرۋدى تالاپ ەتەدى. وسى رەت شىرعالاڭعا ۇشىراعان جولاۋشىلار ۇشاعىنداعى 176 ادامنىڭ 57سى كانادا ازاماتى». 

     

    中央广播电视总台 央广网 版权所有

    ۋكراينا زۇڭتۇڭى يراننان اشىق كەشىرىم سۇراۋدى تالاپ ەتتى

    يران ارمياسى ويلاماعان جەردەن ۋكراينانىڭ جولاۋشىلار ۇشاعىن اتىپ تۇسىرگەنىن مويىندادى، ۋكراينا زۇڭتۇڭى رەسمي كەشىرىم سۇراۋدى تالاپ ەتتى