ينفورماتسيا اشكەرەلەۋ: mzjubao@cnr.cn

وزەكتى ماقالالار

مىنە قىزىق! زات وتەتىن اسپاپتان ادام ءوتتى

来源:央广网     |责编:阿依娜|     发布日期: 2020-01-14 14:56

 

تاياۋدا بەيجيڭ قالاسىنىڭ باتىس ۆاكزال زالىندا مىناداي ءبىر قىزىق جاعداي ءجۇز بەردى. فۋ فاميلالى جولاۋشى ەسىكتىڭ كىرە بەرىسىندەگى تەكسەرۋ اسپابىنىڭ الدىندا ايدا اسپانعا ءبىراق شىعاردى. 

 

بۇل، ءسىرا، نەندەي قىزىق جاعداي دەيسىز عوي؟

 

ءىستىڭ ۇزىن ىرعاسى بىلاي بولعان:

 

اماندىق ساقتاۋ قىزمەتكەرلەرى فۋ فاميلالى جولاۋشىعا شاپانىنىڭ ىشىندەگى كىشكەنتاي سۋمكانى تەكسەرۋ اسپابىنان وتكىزۋدى ايتادى. 

 

ويلاماعان جەردەن فۋ مىرزا تەكسەرۋ اسپابىنىڭ ىشىنە ەكپەتتەن جاتا كەتەدى دە، انە-مىنە دەگەنشە ارجاعىنان اۋدارىلىپ-توڭكەرىلىپ، اپىل-عۇپىل شىعا كەلەدى. بۇنى كورگەن اماندىق ساقتاۋ قىزمەتكەرلەرى اۋىزىن اشىپ اڭقيىپ قالادى. 

ءۇستى-باسىپ قاعىپ سىلكىپ جاتقان فۋ مىرزاعا ەلدىڭ ءبارى:  «ويباي-اۋ، بۇنىڭىز نە، زات وتەتىن وتكەلدەن ءوزىڭ ءوتىپ، نە كورىندى سونشا»،-دەيدى ۋلاپ-شۋلاپ.

 

 سوندا ول كىسى نە دەدى دەيسىز عوي؟

 

- كۇن سۋىق، كيىمىمدى قاباتتاپ كيىپ العانمىن، سۋمكامدى الىپ شىعۋ ءۇشىن كيىمدەرىمدى شەشۋىمە تۋرا كەلەدى ەكەن، قۇيىتتاي سۋمكا ءۇشىن سىرت كيىمدى شەشىپ اۋرە بولعانشا، تەكسەرۋ اسپابىنان ءوزىم قوسا وتە سالعانىم ءجون عوي،-دەگەن ويعا كەلدىم،-دەگەن ەكەن ول كىسى ساسقان ۇيرەك قۇيرىعىمەن جۇزەدى دەگەندەي. 

 

اڭعال جولاۋشىنىڭ ايتقانى قالىپقا سيمايتىنى بەلگىلى ءىس، وسىعان قاراتا اماندىق قورعاۋ ساقشىلارى دا قولدى جايىپ قاراپ قالمادى. ەسەسىنە ول كىسىگە اماندىق بىلىمدەرىنەن ساباق بەرىپ، مادەنيەتتى ءجۇرىپ-تۇرۋدىڭ قىرىن-سىرىن تاپتەشتەپ ءتۇسىندىردى. 

中央广播电视总台 央广网 版权所有

مىنە قىزىق! زات وتەتىن اسپاپتان ادام ءوتتى

تاياۋدا بەيجيڭ قالاسىنىڭ باتىس ۆاكزال زالىندا مىناداي ءبىر قىزىق جاعداي ءجۇز بەردى. فۋ فاميلالى جولاۋشى ەسىكتىڭ كىرە بەرىسىندەگى تەكسەرۋ اسپابىنىڭ الدىندا ايدا اسپانعا ءبىراق شىعاردى.