ينفورماتسيا اشكەرەلەۋ: mzjubao@cnr.cn

وزەكتى ماقالالار

تاعى ٴبىر جەمقور زاڭ تورىنا ٴتۇستى

来源:央广网     |责编:阿依娜|     发布日期: 2020-01-14 15:33

 

 

ورتالىق ٴتارتىپ تەكسەرۋ كوميتەتى مەن مەملەكەتتىك باقىلاۋ-تەكسەرۋ كوميتەتىنىڭ قاتىناس-تاسىمال مەڭگەرمەسىندە تۇراتىن ٴتارتىپ تەكسەرۋ، باقىلاۋ-تەكسەرۋ گرۋپپاسىنىڭ حابارىنا قاراعاندا، اتالعان گرۋپپا قاتىناس-تاسىمال مينيسترلىگى عىلىم-تەحنيكا مەڭگەرمەسىنىڭ بۇرىنعى ورىنباسار باستىعى يۋان پىڭنىڭ تارتىپكە، زاڭعا اۋىر قايشىلىق جاساۋ ماسەلەسىنە تەكسەرۋ جۇرگىزگەن. 

 

تەكسەرۋدە يۋان پىڭنىڭ ورتالىقتىڭ سەگىز ءتۇرلى بەلگىلەمەسىنىڭ رۋحى مەن پاكتىك تارتىبىنە قايشىلىق جاساپ، ۇكىمەت قىزمەتىن ٴادىل اتقارۋعا كەسىرى ءتيۋى مۇمكىن بولعان اقشا مەن تارتۋ-تارالعىنى بەلگىلەمەگە قايشى قابىلداعاندىعى؛ يۇننان ولكەسىندە قىزمەت ىستەگەن كەزىندە قىزمەت قولايلىلىعىنان پايدالانىپ، ادىليالىق دەلولارعا بەلگىلەمەگە قايشى كيلىگىپ جانە ارالاسىپ، قارا قوعام سيپاتتى سۇرقيا كۇشتەردى «قانات استىنا الىپ»، قۇرىلىس كوتەرىپ الۋ، كاسىپ اۋىستىرىپ ورنالاستىرۋ قاتارلى جاقتاردا باسقالارعا كومەك بەرىپ، پايدا جەتكىزىپ، زاڭسىز كوپ مال-مۇلىك قابىلداپ، پارا الۋ قىلمىسىنا شاتىلعاندىعى انىقتالعان. يۋان پىڭ پارتيالى باسشى كادر بولا تۇرا اۋەلگى ماقساتىنان، بورىشىنان بەت بۇرىپ، مۇرات-سەنىمىنەن ايىرىلىپ، ٴتارتىپ پەن زاڭنىڭ تومەنگى شەگىنەن القىپ، پارتيا تارتىبىنە، زاڭعا اۋىر قايشىلىق جاساعان ٴارى قىلمىسقا شاتىلعان؛ زاردابى اۋىر، سيپاتى ناشار بولعاندىقتان قاتاڭ ءبىرجاقتى ەتۋ كەرەك. «جۇڭگو كوممۋنيستىك پارتياسىنىڭ ٴتارتىپ، جازا ەرەجەسى»، «جۇڭحۋا حالىق رەسپۋبليكاسىنىڭ باقىلاۋ-تەكسەرۋ زاڭى» قاتارلى قاتىستى بەلگىلەمەلەرگە ساي، ج ك پ قاتىناس-تاسىمال مينيسترلىگى پارتگرۋپپاسىنىڭ ماجىلىسىندە يۋان پىڭعا پارتيادان شىعارۋ، قىزمەتتەن ايداۋ جازاسىن بەرۋدى؛ تارتىپكە، زاڭعا قايشى بارلىق تابىسىن تاركىلەۋدى ۇيعاردى. ونىڭ قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا ايىپتاۋىنا تاپسىرىلدى، وعان ساياتىن مال-مۇلىك دەلوسى دا بىرگە تاپسىرىلىپ بەرىلدى. 

 

اۋدارعان: ايدىنبەك ءشارىپحان ۇلى

中央广播电视总台 央广网 版权所有

تاعى ٴبىر جەمقور زاڭ تورىنا ٴتۇستى

قاتىناس-تاسىمال مينيسترلىگى عىلىم-تەحنيكا مەڭگەرمەسىنىڭ بۇرىنعى ورىنباسار مەڭگەرۋشىسى يۋان پىڭ پارتيادان شىعارىلىپ، قىزمەتتەن ايدالدى