ينفورماتسيا اشكەرەلەۋ: mzjubao@cnr.cn

وزەكتى ماقالالار

باسپالداقتان بايقاڭىز

来源:央广网     |责编:达吾力别克|     发布日期: 2020-03-25 18:32

ورتاق ءبىر باسپالداقتى پايدالانعانى ءۇشىن جۇعىمدالدى ما؟ بەيجيڭ شەتەلدەن كىرگەندەرگە بايلانىستى ىندەت جۇقتىرعان تۇڭعىش ناۋقاستىڭ ناقتى ءمان جايىن حابارلاندىردى

 

3-ايدىڭ 24-كۇنى بەيجيڭ قالاسىنىڭ جاڭا ءتيپتى ايدارشا ۆيرۋسىمەن جۇعىمدالعان وكپە قابىنۋ ىندەتىنەن ساقتانۋ تىزگىندەۋ قىزمەتى جٶنىندەگى اقپارات جاريالاۋ ماجىلىسىندە بەيجيڭ قالالىق اۋىرۋدى تىزگىندەۋ ورتالىعىنىڭ ورىنباسار مەڭگەرۋشىسى پاڭ شيڭحو بەيجيڭ قالاسىنداعى شەتەلدەن كىرگەندەرمەن بايلانىستى بولعان تۇڭعىش ناۋقاستىڭ قاتىستى احۋالىن حابارلاندىردى.

 

 

 

ليۋ xx، ەر، 42 جاستا، بەيجيڭ قاراستىلىعىندا، قازىر حايديان رايونى سۋجوۋ كوشەسىندەگى 3-ءنومىرلى داحى ساياجايىندا تۇرادى، بەيجيڭ قالاسىنداعى شەتەلدەن كىرگەندەرمەن بايلانىستى بولعان تۇڭعىش ناۋقاس.

 

3-ايدىڭ 10-كۇنى ناۋقاستا شارشاۋ، قىزۋ قاتارلى اۋرۋ بەلگىلەرى بايقالعان، ءدارى ىشكەن سوڭ دەنە تەمپراتۋراسى قالپىنا كەلگەن.

 

14-كۇنى ناۋقاس ءوزى تۇرعان شاعىن رايون ىشىندە ناۋقاس پايدا بولعانىن بىلگەن سوڭ، حايديان رايونى شيپاحاناسىنىڭ قىزۋ امبالاتورياسىنا بارىپ ءدارى الىپ، ۇيىنە قايتىپ ەمدەلگەن.

 

17-كۇنى ناۋقاستا تاعى دا قىزۋى ورلەۋ احۋالى كورىلەدى، تۇماۋ ءدارىسى جانە جوتەلدى باساتىنءدارى ىشەدى.

 

20-كۇنى كەشتە ناۋقاس تاعى دا حايديان رايونى شيپاحاناسىنا بارىپ، ەكى جۇتقىنشاق سۇرتكىشىن العىزىپ تەكسەرىلەدى.

 

21-كۇنى تەكسەرۋدەن شىققان ناتيجەدە جاڭا ءتيپتى ايدارشا ۆيرۋسىنىڭ نۋكلەين قىشقىلى بولىمدى بولىپ شىعادى، جالپى بەتتىك- CT كەسكىنى، قاندى تەكسەرۋ جانە انتيدەنەنى تەكسەرۋ ارقىلى 23-كۇنى دياگنوزى تۇراقتاندىرىلىپ، بەلگىلەنگەن شيپاحاناعا بارىپ ەمدەلەدى، كلينيكالىق تيپكە ءبولىنۋ جاعىنان ناۋقاستىڭ جەڭىل ءتيپتى ءتۇرى دەپ قارالادى.

 

ناۋقاسپەن وتباسىندا جاقىن جاناسقانداردان ونىڭ ايەلى عانا بار ەكەن، كەزەكتە وندا ەشقانداي اۋرۋ بەلگىسى جٶق، ونىڭ قاتىستى تەكسەرۋلەرىنىڭ بارلىعى بولىمسىز كورسەتكىش بولىپ شىققان. ناۋقاس تا بۇل اۋىرۋعا شالدىعۋدان ەكى اپتا بۇرىن ۋحان، حۋبەي جانە باسقا دا اۋىرۋ جالعاستى تارالىپ جاتقان وڭىرلەرگە بارماعان نەمەسە شەتەلگە ساياحاتتاۋ جانە سىرت جەرلەردە تۇرۋ احۋالى كورىلمەگەن.

 

ناۋقاس تۇراتىن عيمىراتتىڭ استىڭعى قاباتىنداعى كورشىسى لي XX، ايەل، 48 جاستا، لياۋنيڭ ولكەسىنىڭ بىنشي قالاسىنان، قازىر حايديان رايونىنىڭ سۋجوۋ كوشەسىندەگى 3-ءنومىرلى داحى ساياجايىندا پاتەر جالداپ تۇرادى.

 

3-ايدىڭ 5-كۇنى لي XX انگىليادان بەيجيڭگە كەلىپ، وتباسىندا اۋاشالانادى، وسى ارالىقتا شاعىن رايوندا قيمىل جاساپ، يۇڭحۇي ەرەن بازارىنان زات ساتىپ الادى.7-كۇنى باسپالداقپەن ءتۇسىپ، شاعىن رايوندا سىرتقا شىعۋ كۋالىگىن بىتىرەدى، 9-كۇنى ناۋقاستانىپ، 11-كۇنى باسپالداقپەن ءتۇسىپ، جاياۋ ءجۇرىپ حايديان شيپاحاناسىنا بارادى، 12-كۇنى جاڭا ءتيپتى ايدارشا ۆيرۋسىمەن جٷعىمدالعان وكپە قابىنۋ اۋرۋىنا شالدىققانى انىقتالادى.

 

ەپيزووتولوگيا تەكسەرۋى ارقىلى ليۋ XX پەن لي XX تىڭ تاياۋدا ورتاق ءبىر باسپالداقتى پايدالانعانى، ليۋ XX تىڭ لي XX 3-ايدىڭ 11-كۇنىنەن بۇرىن الدە قاشان لاستاعان باسپالداقپەن ءجۇرىپ اۋىرۋ جۇقتىرعانى بايقالادى. اۋىرۋدى تىزگىندەۋ تاراۋلارى مەن الەۋمەتتىك اۋماق قىزمەتكەرلەرى ليۋ XX پەن لي XX تىڭ تۇرمىس ورتاسىنا ىلگەرىندى-كەيىندى ديزەنفەكسيالاۋ شاراسىن قولداندى.

بەيجيڭ قالاسىنداعى شەتەلدەن كىرگەندەرگە بايلانىستى ناۋقاستار تۋرالى اۋىرۋدى تىزگىندەۋ تاراۋلارى مىنالاردى تاعى ءبىر رەت ەسكەرتتى:

 

جۇقپالى اۋرۋدان ساقتانۋ جانە ونى تىزگىندەۋ جاعدايى ءالى دە اۋىر، كۇردەلى. قاتىستى ساقتانۋ شارالارىن تياناقتاندىرىپ، ماسكى تاعۋ، از باس قوسۋ، قول تازالىعىنا كوڭىل ءبولۋ، وتباسىندا ۇنەمى اۋا الماستىرىپ تۇرۋ، دەر كەزىندە تازالىق ىستەۋ، قاجەتتى كەزدە تازالىق بولمەسى، اسحانا سياقتىلاردى دەزينفەكسيالاۋ كەرەك.

 

قوجالىق باسقارۋشى ورىندار شاعىن رايوندا وتانشىلدىق تازالىق قيمىلىن ورىستەتىپ، لاس زاتتاردى دەر كەزىندە تازالاپ، ورتاق پايدالاناتىن قۇرىلعىلاردى ۇنەمى دەزينفەكسيالاۋعا تاباندى بولۋ كەرەك.

 

 اۋدارعان: ءدىلنار جامباي قىزى

 

中央广播电视总台 央广网 版权所有

باسپالداقتان بايقاڭىز

ورتاق ءبىر باسپالداقتى پايدالانعانى ءۇشىن جۇعىمدالدى ما؟ بەيجيڭ شەتەلدەن كىرگەندەرگە بايلانىستى ىندەت جۇقتىرعان تۇڭعىش ناۋقاستىڭ ناقتى ءمان جايىن حابارلاندىردى