ينفورماتسيا اشكەرەلەۋ: mzjubao@cnr.cn

وزەكتى ماقالالار

الدىن الا زەينەتكە شىعۋ ىسكە اساتىن بولدى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-06-29 17:47

الدىن الا زەينەتكە شىعۋ ىسكە اساتىن بولدى! مىنا ولكەلەردە 7- ايدىڭ 1- كۇنىنەن باستاپ اتقارىلادى!

الدىن الا زەينەتكە شىعۋ ساياساتى شىقتى

 

1. 2019-جىلى 6-ايدىڭ 1-كۇنى، وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ مەملەكەت قىزمەتكەرلەرى زاڭى» رەسمي اتقارىلدى. جاڭا مەملەكەت قىزمەتكەرلەرى زاڭىنىڭ ٴبىر ۇلكەن جارقىن ٴتۇيىنى: قىزمەت ىستەگەنىنە 30 جىل تولعاندار الدىن الا زەينەتكە شىعۋدى ٴوتىنىش ەتۋىنە بولاتىن بولدى!

 

وسى رەتكى مەملەكەت قىزمەتكەرلەرى زاڭىنا وزگەرىس ەنگىزۋدەگى جارقىن تۇيىندەردىڭ ٴبىرى رەتىندە، الدىن الا زەينەتكە شىعۋ قىزۋ تالقى قوزعادى.

 

مەملەكەت قىزمەتكەرى زاڭىنىڭ 93-تارماعىندا مىناداي ٴۇش ٴتۇرلى جاعدايدا الدىن الا زەينەتكە شىعۋدى ٴوتىنىش ەتۋگە بولادى دەلىنگەن: 

 

(1) قىزمەت ىستەگەنىنە 30 جىل تولسا؛ (2) مەملەكەت بەلگىلەگەن زەينەتكە شىعۋ جاسىنا 5 جىل قالسا ٴارى قىزمەت ستاجى 20 جىلعا تولسا؛ (3) مەملەكەت بەلگىلەگەن الدىن الا زەينەتكە شىعۋعا بولاتىن باسقا دا جاعدايلار بولسا.

 

مۇنداي جاعداي ادەتتە ەرەكشە قىزمەت ورنىنداعى مەملەكەت قىزمەتكەرلەرىن مەڭزەيدى، ولاردىڭ قىزمەت ورنى ەرەكشە بولاتىندىقتان، دەنساۋلىعىن قورعاۋ ٴۇشىن، مەملەكەت ولاردىڭ الدىن الا زەينەتكە شىعۋىنا جول بەرەدى.

 

2. جاقىندا، سانشي ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى «كاسىپورىنداردىڭ ەرەكشە جۇمىس تۇرلەرىنەن الدىن الا زەينەتكە شىعۋ قىزمەتىن باسقارۋ ٴادىسىن» باسىپ تاراتتى

قۇجاتتا مىنالار ايقىن بەلگىلەندى: ٴادىس 2020–جىلى 7-ايدىڭ 1-كۇنىنەن باستاپ اتقارىلادى، بۇندا ەرەكشە جۇمىس ٴتۇرى، قىزمەت ورنى ينفورماتسياسىن ەستەلىككە الۋ ٴتۇزىمى جانە قامسىزداندىرۋعا قاتىناسقان مەكەمە-ورىندار مەن ۇكىمەت ەكى جاقتان اشىق جاريالاۋ ٴتۇزىمىن اتقارىپ، قوعام مەن بۇقارانىڭ باقىلاۋىن اشىق قابىلدايدى.

 

3. 5-ايدىڭ 29-كۇنى حىبەي ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ۇكىمەت تورابى «حىبەي ولكەسىنىڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ 2020– جىلعى بۇكىل ولكەدەگى كاسىپورىن جۇمىسشى – قىزمەتكەرلەرىنىڭ اۋرۋ سەبەبىنەن الدىن الا زەينەتكە شىعۋ قىزمەتىنە قاتىستى ماسەلەلەر جونىندەگى ۇقتىرۋدى» جاريالادى

ۇقتىرۋدا مىنالار ايقىن بەلگىلەندى: اۋرۋ سەبەبىنەن قىزمەتتەن شەگىنۋدى ٴوتىنىش ەتكەندەردىڭ بارلىعى 2020-جىلى 12-ايدىڭ 31-كۇنىنەن باستاپ زەينەتكە شىعادى، 2021- جىلى 1-ايدان باستاپ اي سايىن نەگىزدىك زەينەتاقى تاراتىلادى، قوعامدىق قامتاماسىزداندىرۋدى اتقارۋ قۇرىلىمى جۇمىسشى-قىزمەتكەرلەردىڭ اۋرۋ سەبەبىنەن زەينەتكە شىعۋىن تەكسەرىپ بەكىتۋ ينفورماتسياسىن سەستيماعا ەنگىزىپ، حىبەي ولكەسىنىڭ كاسىپورىنداردان زەينەتكە شىققانداردىڭ باسقارۋىنا قوسادى.

 

ەندەشە قانداي ادامداردىڭ الدىن الا زەينەتكە شىعۋىنا بولادى؟

 

1.كاسپورىن، ٴىسورىن قىزمەتكەرلەرى

 

اۋرۋ سەبەبىنەن الدىن الا زەينەتكە شىعۋ 

 

مەملەكەت تاراتقان [1978] 104-ٴنومىرلى قاتىستى قۇجاتتارعا نەگىزدەلگەندە، كاسىپورىن جۇمىسشى-قىزمەتكەرلەرى ٴبىر ۋاقىتتا تومەندەگىدەي 3 شارتتى قاناعاتتاندىرسا، اۋرۋ سەبەبىنەن شەگىنۋدى ٴوتىنىش ەتۋىنە بولادى:

 

1.كاسىپورىن جۇمىسشى-قىزمەتكەرلەرىنىڭ نەگىزدىك زەينەتكەرلىك قامسىزداندىرۋىنا قاتىناسقان جالپى جىل شەگى 15 جىلعا تولۋى؛ 2. ەرلەر 50 جاسقا، ايەلدەر 45 جاسقا تولۋى؛ 3. ەڭبەك قابىلەتىن ساراپتاۋ كوميتەتى 1 دە 4-دارەجەلى ەڭبەك قۋاتىنان بۇكىلدەي ايىرىلعان دەپ ساراپتاۋى كەرەك.

 

 ٴبىتىرۋ ٴتارتىبى 

 

ٴوتىنىش بەرۋ

 

جۇمىسشى-قىزمەتكەرلەردىڭ ٴوزى تۇرعان قىزمەت ورىنىندا (جۇمىسسىزدار جانە يكەمدى جۇمىستانۋشىلار وزدەرىنىڭ ارحيۆىن باسقارۋعا العان قۇرىلىمداردا) ٴوتىنىش بەرۋىنە بولادى. 

 

دەنساۋلىق تەكسەرۋدى ورنالاستىرۋ 

 

قوعامدىق قامتاماسىزداندىرۋ مەكەمەسى زەينەتكەرلىك قامسىزداندىرۋ باسقارماسىنىڭ العاشقى قاراۋىندا تولىمدى بولعاننان كەيىن، قوعامدىق قامتاماسىزداندىرۋدى اتقارۋشى قۇرىلىم جەرگىلىكتى ەڭبەك قابىلەتىن ساراپتاۋ كوميتەتىمەن بايلانىس جاساپ، اۋرۋ سەبەبىنەن زەينەتكە شىعۋدى ٴوتىنىش ەتكەندەردىڭ (مىندەتتەن بوساۋ) ەڭبەك قابىلەتىن ساراپتاۋ ۋاقىتىن، ورنىن بەلگىلەيدى، ٴارى ٴوتىنىش بەرگەن مەكەمە-ورىنعا جانە جۇمىسشى-قىزمەتشىگە ۇقتىرادى.

 

زەينەتكە شىعۋدى ٴبىتىرۋ

 

ساراپتاۋ ارقىلى ەڭبەك قابىلەتىنەن بۇكىلدەي ايىرىلعان جۇمىسشى-قىزمەتكەرلەردىڭ نەگىزگى ينفورماتسيالارىن رەتتەۋگە، جەكەلىك ەسەبىن اداقتاۋعا جانە قىزمەتكەر قىسقارتۋ قىزمەتىنە، ٴوتىنىش بەرگەن مەكەمە - ورىن جاۋاپتى بولىپ، زەينەتكە شىعۋ مامىلەسىن تەكسەرىپ بەكىتەدى.

 

ەرەكشە جۇمىس تۇرىنەن الدىن الا زەينەتكە شىعۋ

 

ەرەكشە جۇمىس تۇرىنەن الدىن الا زەينەتكە شىعۋدى ٴوتىنىش ەتۋدىڭ ٴۇش شارتى بار:

1.كاسىپورىن جۇمىسشى-قىزمەتكەرلەرىنىڭ نەگىزدىك زەينەتكەرلىك قامسىزداندىرۋىنا قاتىناسقان جالپى جىل شەگى 15 جىلعا تولۋى؛ 2. ەرلەر 55 جاسقا، ايەلدەر 45 جاسقا تولۋى؛ 3. ەرەكشە جۇمىس تۇرلەرىمەن شۇعىلداناتىن جىل شەگى بەلگىلى جىل شەگىنە تولۋى كەرەك، بۇندا، ەرەكشە اۋىر دەنە ەڭبەگىمەن شۇعىلدانعانىنا 10 جىل بولعاندار؛ شەحتا، جوعارى تەمپەراتۋرادا قىزمەت ىستەگەنىنە 9 جىل بولعاندار؛ ۋلى، زياندى ورتادا قىزمەت ىستەگەنىنە 8 جىل بولعاندار قامتىلادى.

 

ٴبىتىرۋ ٴتارتىبى

 

شارتقا تولاتىن جۇمىسشى-قىزمەتكەرلەر مەكەمە-ورىندارىنا ٴوتىنىش بەرۋىنە بولادى، مەكەمە-ورنى 7 كۇن بۇرىن اشىق جاريالاپ، ساندى مالىمەتتەردى رەتتەگەننەن كەيىن جەرگىلىكتى قوعامدىق قامتاماسىزداندىرۋ مەكەمەسىنە ٴوتىنىش بەرەدى. (مۇنىڭ ىشىندە، كادىرلاردى ۋاكىلدىك ەتۋشى نەمەسە جۇمىسسىزداردى بۇرىنعى قىزمەت ورنى ٴوتىنىش بەرەدى، بۇرىنعى قىزمەت ورنى جوق بولسا، ۋاكىلدىك قۇرىلىم ٴوتىنىش بەرەدى)، مىناداي ماتەريالداردى تاپسىرادى:

 

جۇمىسشى-قىزمەتكەرلەردىڭ جازباشا ٴوتىنىشى جانە العاشقى ارحيۆى؛ «اقى تاپسىرۋشىلاردىڭ نەگىزگى ينفورماتسياسىن تەكسەرىپ بەكىتۋ كەستەسى»؛ «كاسىپورىنداردىڭ ەرەكشە جۇمىس تۇرلەرىن اتقارۋ تىزىمدىگىنىڭ نەگىزگى احۋالىن تىزىمدەۋ كەستەسى»؛ «ەرەكشە جۇمىس تۇرلەرىمەن شۇعىلداناتىن جۇمىسشى-قىزمەتكەرلەر تىزىمدىگى»؛ «ەرەكشە جۇمىس ٴتۇرى بويىنشا زەينەتكە شىعۋدى بىرىگىپ تەكسەرۋگە ۇسىنۋ ٴوتىنىشى»؛ جۇمىسشى-قىزمەتكەرلەردىڭ ازاماتتىق كۋالىگىنىڭ كوشىرمە نۇسقاسى؛ «قۇلاقتاندىرۋ انىقتاماسى». 

 

قوعامدىق قامتاماسىزداندىرۋ مەكەمەسى قاتىستى ماتەريالداردى قابىلداعاننان كەيىن، بىرىگىپ تەكسەرۋ جۇرگىزەدى، ماقۇلداۋدان وتكەندەرىن ٴوتىنىش بەرگەن ورىندارمەن دەركەزىندە بايلانىس جاساپ، الدىن الا زەينەتكە شىعۋ رەسميەتىن وتەيدى.

 

2.مەملەكەت قىزمەتكەرلەرى 

 

مەملەكەت قىزمەتكەرلەرىنىڭ زەينەتكە شىعۋىندا ەكى ٴتۇرلى ٴتاسىل بار:

 

ٴبىرى، زاڭدا بەلگىلەنگەن زەينەتكە شىعۋ ٴادىسى، ياعني زاڭدا بەلگىلەنگەن زەينەتكە شىعۋ جاسىنا تولعاننان كەيىن، مىندەتكە تاعايىنداۋ، مىندەتتەن بوساتۋ ورگانى زەينەتكە شىعۋعا بۇيىرادى؛ ەندى ٴبىرى، ٴوز ەرىكىمەن زەينەتكە شىعۋ، ياعني زاڭدا بەلگىلەنگەن ەڭ تومەنگى زەينەتكە شىعۋ شارتىن ازىرلەگەننەن كەيىن، ٴوز ەركىمەن زەينەتكە شىعۋدى ٴوتىنىش ەتۋىنە بولادى.

 

مەملەكەت قىزمەتكەرلەرى ٴوز ەركىمەن زەينەتكە شىعۋدا تومەندەگى شارتتاردىڭ بىرىنە ۇيلەسسە، ٴوزى تالاپ ەتىپ، مىندەتكە تاعايىنداۋ، مىندەتتەن بوساتۋ ورگانىنىڭ بەكىتۋىمەن الدىن الا زەينەتكە شىعۋىنا بولادى: 

 

(1) ەرلەر 55 جاسقا، ايەلدەر 50 جاسقا تولىپ، قىزمەت ىستەگەن جىل شەگى 20 جىل بولعاندار؛ 

 

(2) قىزمەت ىستەگەن جىل شەگى 30 جىلعا تولعاندار.

 

ٴوز ەركىمەن زەينەتكە شىعۋ ٴتاسىلىن ورناتۋ ەلىمىزدە تۇڭعىش رەت بولىپ وتىر، سونىمەن بىرگە مەملەكەت قىزمەتكەرلەرىنىڭ زەينەتكە شىعۋ ٴتۇزىمىنىڭ جاڭا ٴبىر ەرەكشەلىگى بولىپ تابىلادى. وسىلاي ىستەگەندە ٴىشىنارا قىزمەت وتەۋ جىل شەگى ٴبىرشاما ۇزاق، ٴارى زاڭدا بەلگىلەنگەن زەينەتكە شىعۋ جاسىنا تولماعان مەملەكەت قىزمەتكەرلەرى ٴوز قالاۋى بويىنشا الدىن الا زەينەتكە شىعا الادى.

 

ٴبىتىرۋ ٴتارتىبى 

 

مەملەكەت قىزمەتكەرلەرىن باسقارۋ تاراۋلارى زاڭدا بەلگىلەنگەن ٴتارتىپ بويىنشا زەينەتكە شىعۋ شارتىنا ۇيلەسەتىن مەملەكەت قىزمەتكەرلەرى ٴۇشىن زەينەتكە شىعۋ رەسمياتىن ۋاعىندا ٴبىتىرۋى كەرەك، ادەتتە مەملەكەت قىزمەتكەرلەرى زەينەتكە شىعۋ شارتىن ازىرلەگەن سول ايدا وزىنە ۇقتىرىپ، رەسمياتىن ٴبىتىرىپ بەرەدى.

 

ال ٴوز ەركىمەن زەينەتكە شىقپاقشى بولعاندار ٴوزى ٴوتىنىش بەرىپ، مىندەتكە تاعايىنداۋ، مىندەتتەن بوساتۋ ورگانىنىڭ بەكىتۋىمەن زەينەتكە شىعۋ رەسميەتىن وتەۋىنە بولادى.

来源:中国经济网

监制、审核:巴赞

 

编辑:古丽美热

 

 

中央广播电视总台 央广网 版权所有

الدىن الا زەينەتكە شىعۋ ىسكە اساتىن بولدى

(1) ەرلەر 55 جاسقا، ايەلدەر 50 جاسقا تولىپ، قىزمەت ىستەگەن جىل شەگى 20 جىل بولعاندار؛