ينفورماتسيا اشكەرەلەۋ: mzjubao@cnr.cn

وزەكتى ماقالالار

الاقاي، ەمدەۋ قامسىزداندىرۋىندا مىناداي وزگەرىستەر بولادى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-06-29 17:48

الاقاي، ەمدەۋ قامسىزداندىرۋىندا مىناداي وزگەرىستەر بولادى

نۋكلەين قىشقىلىن تەكسەرۋدى ەمدەۋ قامسىزداندىرۋىمەن تولەۋ، كىسى باسىنا تۋرا كەلەتىن قازىنالىق كومەك قاراجاتىنىڭ مولشەرىن 30 يۋان جوعارىلاتۋ… تۇرعىنداردىڭ ەمدەۋ قامسىزداندىرۋىندا بيىل تاعى قانداي جاڭالىقتار بار؟ 

 

1. نۋكلەين قىشقىلىن تەكسەرۋدى ەمدەۋ قامسىزداندىرۋىمەن تولەۋگە بولادى:

 

جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ-تىزگىندەۋ قىزمەتىنىڭ قاجەتى، جەرگىلىكتى رايونداردىڭ ەمدەۋ قامسىزداندىرۋ قورىنىڭ تولەۋ قابىلەتى سياقتى فاكتورلاردى جان-جاقتى ويلاستىرۋ نەگىزىندە، جاڭا ٴتيپتى ايدارشا ۆيرۋسىن تەكسەرۋ ٴۇشىن ورنالاستىرىلعان نۋكلەين قىشقىلىن تەكسەرۋ مەن انتيدەنەنى تەكسەرۋ نىساندارىن، سونداي-اق، قاتىستى سارىپ بولاتىن ماتەريالداردى ولكە دارەجەلى ەمدەۋ قامسىزداندىرۋ نىسانى تىزىمدىگىنە ەنگىزەدى، ٴارى اقى تولەۋ شارتىن سايكەستى بەلگىلەيدى.

 

2.كىسى باسىنا تۋرا كەلەتىن قازىنالىق كومەك قاراجاتىنىڭ ولشەمى جوعارىلاتىلادى:

 

2020-جىلى قالا-اۋىل تۇرعىندارىنىڭ نەگىزدىك ەمدەۋ قامسىزداندىرۋىنا بەرىلەتىن قازىنالىق قوسىمشا قاراجات ولشەمى كىسى باسىنا ورتا ەسەپپەن 30 يۋان جوعارىلاتىلىپ، ٴار ادامعا بەرىلەتىن قوسىمشا قاراجات ولشەمى جىلىنا 550 يۋاننان تومەن بولمايدى؛ پرينسيپتىك جاقتان جەكەلەردىڭ تاپسىراتىن قاراجات ولشەمى دە 30 يۋان ارتتىرىلىپ، جىلىنا 280 يۋانعا جەتەدى.

 

3.جوعارى قان قىسىم، قانتتى نەسەپ اۋرۋى قاتارلى سوزىلمالى، سالماقتى اۋرۋى بار ناۋقاستارعا:

 

جوعارى قان قىسىم، قانتتى نەسەپ اۋرۋى قاتارلى امبولاتوريادا ٴدارى قولدانۋدى قامتاماسىزداندىرۋ مەحانيزمى سياقتىلار جاپپاي تياناقتاندىرىلىپ، امبولاتوريادا سوزىلمالى، سالماقتى اۋرۋلاردى قامتاماسىزداندىرۋ، تۇراقتاندىرۋ ٴتارتىبى ارناعا ٴتۇسىرىلىپ قاراپايىمداستىرىلادى.

 

4.بالنيتساعا جاتقان، سالماقتى اۋرۋعا شالدىققان ناۋقاستارعا:

 

بالنيتساعا جاتۋ مامىلەسى دەڭگەيى بەكەمدەلىپ، ساياسات كولەمىندە بالنيتساعا جاتۋ قاراجاتىنىڭ تولەنۋ سالىستىرماسى %70 كە جوعارىلاتىلادى؛

 

سالماقتى ناۋقاستاردى قامسىزداندىرۋدى قامتاماسىزداندىرۋ ورەسى بەكەمدەلەدى: ەڭ تومەنگى اقى تولەۋ ولشەمى تۇرعىندار ٴوز مەڭگەرۋىندەگى كىرىسىنىڭ تەڭ جارىمىنا دەيىن ٴبىرتۇتاس تومەندەتىلىپ، ساياسات كولەمىندە اقى تولەۋ سالىستىرماسى %60 كە جوعارىلاتىلىپ، شارت-جاعدايى بار رايونداردىڭ ەڭ جوعارعى شەگىن كۇشىنەن قالدىرۋ جونىندە ىزدەنىس جاساۋىنا دەم بەرىلەدى؛

 

5.تۇرمىسىندا قيىنشىلىعى بار ناۋقاستارعا: 

 

ەرەكشە قيىنشىلىعى بارلارعا، ەڭ تومەنگى تۇرمىسى قامتاماسىزداندىرىلاتىن ادامدارعا، اۋىل-قىستاقتارداعى ارحيۆى تۇرعىزىلىپ كارتچكا بەرىلگەن كەدەي تۇرعىندارعا تۇرگە ٴبولىپ قارجىلاي كومەك بەرىلەدى. قيىنشىلىعى بار بۇقارانىڭ قامسىزداندىرۋعا تيىستىلەرىن تۇگەلدەي قامسىزداندىرۋعا قاتىناستىرۋعا كەپىلدىك ەتىلەدى؛

 

كەدەيلىكتەن ارىلتۋدان قامال الۋ مەزگىلىندە، اۋىل-قىستاقتارداعى ارحيۆى تۇرعىزىلىپ كارتچكا بەرىلگەن تۇرعىنداردىڭ ەڭ تومەنگى اقى تولەۋ شەگى ادەتتەگى قامسىزداندىرۋعا قاتىناسقان تۇرعىنداردىڭ تەڭ جارتىسىنا تومەندەتىلەدى. اقى تولەۋ سالىستىرماسىن 5 پايىز جوعارىلاتىپ، اۋىل-قىستاقتارداعى ارحيۆى تۇرعىزىلىپ كارتچكا بەرىلگەندەردىڭ ەڭ جوعارعى شەگى جاپپاي كۇشىنەن قالدىرىلادى؛

 

6.ولكە اتتاپ ەمدەلۋدە:

 

ولكە اتتاپ ەمدەلۋ ەسەبىن جابۋ ٴتۇزىمىن جەدەل تياناقتاندىرىپ، ولكە اتتاپ ەمدەلۋ كاسىبىن سەلبەسىپ باسقارۋ مەحانيزمىن كەمەلدەندىرىپ، مەملەكەتتىك تەكشەدە ٴبىرتۇتاس ەستەلىككە الۋ سىناق ٴتۇيىنى قىزمەتىن جالعاستى ىلگەرىلەتەدى، ٴارى وسى ارقىلى شارتقا ۇيلەسەتىن ەمدەۋ قامسىزداندىرۋىنا قاتىناسقان قالا-اۋىل تۇرعىندارىن ولكە اتتاپ باسقا جەردە ەمدەلۋ ەسەبىن جابۋ تۇزىمىنەن ٴبىرتۇتاس يگىلىكتەندىرەدى.

 

امبولاتوريا قاراجاتىن ولكە اتتاپ تىكەلەي ەسەپتەۋ سىناق ٴتۇيىنى ىسكە قوسىلادى؛

 

7.قوعامدىق قامسىزاندىرۋ كارتوچكاسىن الماعان جاعدايدا دا ەمدەۋ قامسىزداندىرۋىنان يگىلىكتەنۋگە بولادى: 

 

مەملەكەتتىك كەڭەستىڭ ۋيچات تەكشەسى مەملەكەتتىك ەمدەۋ قامتاماسىزداندىرۋ مەكەمەسىنىڭ «ەمدەۋ قامسىزداندىرۋ ەلەكتروندىق تالونى» يقۋاتىن ىسكە قوسىپ، ەمدەۋ قامسىزداندىرۋىنا قاتىستى بارلىق كاسىپتى قامتىدى. ٴنومىر الۋ، ەمدەلۋ قاراجاتىن تولەۋ، ٴدارى دۇكەنىندە ٴدارى ساتىپ الۋ قاتارلىلاردىڭ بارلىعىن «ەكىلىك نومىرمەن» بىتىرۋگە بولاتىن بولدى. كەزەكتە بۇل شاندۇڭ، فۋجيان، حىبەي، جيلين، حيلۇڭجياڭ، گۋاڭدۇڭ، سانشي، گانسۋ، گۋاڭشي، يۇننان، انحۇي، تيانجين، حۋنان، شاڭحاي، لياۋنيڭ، گۋاڭجوۋ، سىچۋان، چيڭحاي، حاينان، شينجياڭ جانە شينجياڭ ٴوندىرىس قۇرىلىس بيڭتۋانى قاتارلى جەرلەردە ىسكە قوسىلدى، الدا باسقا دا جەرلەرگە جالپىلاستىرىلادى.

 

 

来源:中国政府网

监制、审核:巴赞

编辑:古丽美热

 

 

中央广播电视总台 央广网 版权所有

الاقاي، ەمدەۋ قامسىزداندىرۋىندا مىناداي وزگەرىستەر بولادى

بالنيتساعا جاتۋ مامىلەسى دەڭگەيى بەكەمدەلىپ، ساياسات كولەمىندە بالنيتساعا جاتۋ قاراجاتىنىڭ تولەنۋ سالىستىرماسى %70 كە جوعارىلاتىلادى؛