ينفورماتسيا اشكەرەلەۋ: mzjubao@cnr.cn

وزەكتى ماقالالار

قايرات زەينوللا ۇلى: سالكىنتىنىڭ ٴساتتى قادامى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-06-29 17:48

كەدەيلىكتەن قۇتىلۋداعى ەرشىمدى ەڭبەكتەر 18-ءبولىم

您的浏览器不支持 audio标签

كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ ءۇشىن، نەگىزگى ساتىداعى كادرلار ءار كۇنى وتباسىلارىن ارالاپ، حالىقتىڭ جاعدايىن ۇعىسىپ، بۇقارالىق قىزمەتتى جاقسى ىستەپ، حالىق رايىن ەستەلىككە الىپ، ساقتالعان ماسەلەلەرگە باعىتتاي ءتۇرلى ۇتىمدى شارا قولدانىپ، اۋەلگى ماقسات پەن بورىشىن ەستەن شىعارماي، يدەيانى ازات ەتىپ، حالىقتىڭ وي ساناسىنا بۇرىلىس جاساپ، حالىقتى تىڭ تۇرمىسقا باستاۋعا بەرىك نەگىز قالادى.

مەنىڭ اتىم قايرات زەينوللا ۇلى. شيحۋ قالاسى شيداگوۋ قالاشىعىنىڭ ورىنباسار باستىعى، سالكىنتى قىستاعىنىڭ پارتيا ياچەيكا شۋجيى بولىپ قىزمەت اتقارامىن. سالكىنتى قىستاعى شيداگوۋ اۋىلدىعىنان 33 كيلومەتر شالعايعا ورنالاسقان بولىپ، 181 وتباسى، 569 جان سانى، 28 پارتيا مۇشەسى بار. قىستاعىمىز مال شارۋاشىلىعىن نەگىز ەتكەن قىستاق. قىستاعىمىزدىڭ جالپى تابيعي جايلىمى 646 مىڭ 973 مۋ بولىپ، شاپپالىق جەرى 1073 مۋ. قىستاعىمىزداعى حانزۋ، ۇيعۇر، مۇڭعۇل، قازاق سىندى 4 ۇلتتان قۇرام تاپقان تۇرعىندار وتە تاتۋ-ٴتاتتى تۇرادى، ۇلتتار ىنتىماعى جاراسقان، قوعامى ورنىقتى، دامۋى ۇستىندەگى قىستاق. قىستاعىمىزدا ەمحانا، بالالار باقشاسى سياقتى نەگىزدىك قۇرىلعىلار تولىق، حالىق تۇرمىسىنا اسا ٴتيىمدى.

 2019-جىلى قىستاعىمىزدىڭ جان باسىندىق كىرىسى 14 مىڭ 560 يۋانعا جەتتى. بيىلعى كەدەيلىكتەن قۇتىلدىرۋدان قامال الۋداي تاريحي مىندەت الدىندا، قىستاعىمىز شيداگوۋ قالاشىق پارتكومنىڭ تىكەلەي قولداۋىندا، تومەن كىرىستى ەكى وتباسىنا 50 مۋدان جەم-ٴشوپ ەگىستىك جەرىن ٴبولىپ بەرسەك، ٴۇش وتباسىن جايلىم قورعاۋشى سىندى الەۋمەتتىك يگىلىك قىزمەتىنە ورنالاستىرىپ، جىلدىق كىرىسىنىڭ ون مىڭ يۋاننان اسۋىنا كەپىلدىك ەتتىك. بيىل قۋاڭشىلىق اپاتى اۋىر بولدى، قىستاق كادرلارى مەن قىستاققا تۇسكەن قىزمەت گرۋپپاسى مالشىلاردى دەر كەزىندە جەم-شوپپەن قامداۋعا ادام كۇشى جانە كولىك ورنالاستىرىپ، مالشىلاردىڭ جەم-ٴشوپ قىيىنشىلىعىن شەشىم ەتتىك. اسىرەسە، مادەن نۇرساعات ۇلى سىندى بەلدى باقتاشىمىز جەم-شوپتەن تارىققاندا، ارناۋلى كولىكپەن 3 توننا جۇگەرى، 200 تاي ٴشوپ جەتكىزىپ بەرىپ، ٴتول الۋ قىزمەتىنە كومەك كورسەتتىك. 5-ايدان كەيىن، قۋاڭشىلىق جاعدايىن الدىن الا مولشەرلەپ، مالشىلاردىڭ كوشىپ-قونۋىنا تىكەلەي جەتەكشىلىك جاساپ، مالدىڭ جايىلىس ماسەلەسىن دەر كەزىندە دۇرىس، تياناقتى ورنالاستىرىپ، مال باسىن قۋاڭشىلىق اپاتىنان امان الىپ قالدىق. 

قىستاعىمىزداعى قىستاق ەكى باسشىلىق القاسى مەن قىزمەت گرۋپپاسى قازىرگى اۋقىمعا قاراي مالشىلاردى اۋقاتتاندىرۋ جونىندە جوبا جوسپار جاساپ، ارناۋلى ۇيرەنۋ، كاسىپتىك ٴبىلىم تاربيەسى، ەگىنشى-مالشىلاردىڭ كەشكى مەكتەبى سىياقتى قيمىلداردى ۇيىمداستىرىپ، وتباسىن ارالاپ، ۇگىت جۇرگىزدىك، بۇقارانىڭ تۇرمىس ورەسىن جوعارىلاتۋ بارىسىندا، قىستاعىمىزدىڭ كوركەم كورىنىسى مەن تابيعي ساياحات بايلىعىنان تولىق پايدالانۋ ارقىلى قىستاق تۇرعىندارىنىڭ اۋلا ساياحاتىن دامىتۋىنا دەم بەردىك. الدا قىستاعىمىزدى ٴداستۇرلى ساياحات قىستاعى ەتىپ قۇرىپ شىعۋعا جوسپار جاساپ وتىرمىز. بيىل ساياحات كاسىبىنە ويىسقان وتباسى وننان استى. تولەۋ زەينوللا ۇلى، قاستەر نۇرسۇلتان ۇلى قاتارلى ازاماتتار باستاماشى بولىپ، كۇنىنە 30 ادام رەتتەن ارتىق قوناق قابىلداۋعا ساقاداي سايلانىپ، ساياحاتتان ايلىق تازا كىرىستەرىن ون مىڭ يۋاننان اسىرىپ وتىر. 

مال شارۋاشىلىعى جاعىندا سىرت ورىنداردان اسىل تۇقىمدى مال ەنگىزىپ، ەتتى قوي-سيىر ٴوسىرۋ جاعىندا كورنەكتى تابىستارعا قول جەتكىزدىك. قىستاعىمىزدا 2018-جىلداعى 700 باس سيىر قازىر 1350 باس سيىرعا ٴوسىپ، نەگىزىنەن ىلە قوڭىر سيىرى قىستاعىمىزدىڭ  سيىر شارۋاشىلىعىنىڭ نەگىزىن قالاپ وتىر. قوي ٴناسىلى نەگىزىنەن باسباي قويى مەن التاي تەگەنە قويرىقتى قوي ٴناسىلىن نەگىز ەتىپ دامۋدا. 

 

حالىق بۇقاراسى پارتيانىڭ ابزال ساياساتىنىڭ شاراپاتىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىنىڭ ارقاسىندا وسىنداي باياشات تۇرمىسقا كەنەلىپ وتىرعاندىقتارىن شىنايى سەزىنۋدە. الدا قىستاعىمىزداعى حالىق بۇقاراسىنىڭ تۇرمىسىن جاقسارتۋدا ناقتىلى ىستەر تىندىرىپ، پارتيانىڭ ۇنىنە ٴۇن قوسىپ، قىستاعىمىزدى ىنتىماعى جاراسقان، تابيعاتى كوركەم، قوعامى ورنىقتى، ورتاسى تاماشا، ساياحاتى دامىعان، دوڭگەلەك داۋلەتتى ورەدەگى قىستاق ەتىپ قۇرىپ شىعۋعا بار كۇشىمىزدى سارقا جۇمسايمىز. 

来源:中央广播电视总台

策划:赛力克、阿依努尔

记者:夏力哈尔

编辑:古丽美热

 

 

中央广播电视总台 央广网 版权所有

قايرات زەينوللا ۇلى: سالكىنتىنىڭ ٴساتتى قادامى

قوي ٴناسىلى نەگىزىنەن باسباي قويى مەن التاي تەگەنە قويرىقتى قوي ٴناسىلىن نەگىز ەتىپ دامۋدا