ينفورماتسيا اشكەرەلەۋ: mzjubao@cnr.cn

وزەكتى ماقالالار

كوركەيگەن مەكەن، كوڭىلدى جۇرت

来源:央广网     |责编:达吾力别克|     发布日期: 2020-06-29 20:22

ۇلتتار ىنتىماعى بەرەكەلى شاڭىراعىندا تۋىستارىمەن بىرگە اتا مەكەندەگى زور دامۋشىلىقتى سەزىندى

تورابىمىز ۇسىنىس ەتكەن ءتىلشى ساعىنبەك رابات ۇلى التايدان حابارلايدى. «مەن ءوز ەركىممەن جۇڭگو كوممۋنيستىك پارتياسىنا كىرۋدى قالايمىن، پارتيانىڭ پروگرامماسىن قولدايمىن، پارتيانىڭ ۋستاۆىنا بويسىنامىن، پارتيا مۇشەسىنىڭ بورىشىن وتەيمىن، پارتيانىڭ قارارىن اتقارامىن، پارتيا تارتىبىنە قاتاڭ بويسىنامىن، پارتيانىڭ قۇپيالىعىن ساقتايمىن.....». 6-ايدىڭ 26-كۇنى، ءبىر كەلكى دە اسقاق داۋىس بۋرىلتوعاي اۋدانى ۇلىڭگىر كولىنىڭ بويىندا جاڭعىرىپ، پارتيا تۋى الدىندا سەرت بەرگەن ءاربىر پارتيالى مۇشەسىنىڭ جۇرەك قىلىن تەبىرەنتتى.

بۇل «التاي گازەتى» مەكەمەسىندەگى كادرلار مەن كوكتوعاي اۋدانى دۇرە قالاشىعىنىڭ ۇزاقتى قىستاعىنداعى تۇرعىندارىنان دوستاسىپ تۋىس بولعانداردىڭ «پارتيا تۋى تيانشاندا جەلبىرەپ، التىنتاۋعا نۇرىن شاشتى» اتىنداعى تاقىرىپتىق پارتيا كۇنى قيمىلى جانە «ۇلتتار ىنتىماعىنىڭ بەرەكەلى شاڭىراعى، تۋىسىمدى ەرتىپ التايدا ساياحاتتايمىن» بىرلەسكەن دوستىق قيمىلىنداعى ءبىر كورىنىس.

سول كۇنى «التاي گازەتى» مەكەمەسى پارتكومىنىڭ شۋجيى، باس رەداكتورى داي ۋيگونىڭ جەتەكشىلىگىمەن، گازەت مەكەمەسىندەگى پارتيالى كادرلار، قىستاقتاعى پارتيالى كادرلار جانە پارتيالى تۇرعىندار پارتيا تۋى الدىندا پارتياعا كىرۋ سەرتىن قايتا بەرىپ، اۋەلگى ماقسات پەن بورىشتى ەسكە الدى. وسىدان كەيىن، بارلىق پارتيا مۇشەسى پارتيا جارناسىن تاپسىرىپ، ءوزارا سىرلاسىپ، بۇكپەسىز اڭگىمەلەسىپ، پارتيا ياچەيكاسىنا ۇسىنىس-پىكىر بەردى.

قازاق رەداكسيا ءبولىمىنىڭ مەڭگەرۋشىسى گۇلزات گەگال قىزى مەن اقپارات ءبولىمىنىڭ ءتىلشىسى دۋ پىڭفي «قايتكەندە تاڭداۋلى پارتيا مۇشەسى بولۋعا بولادى» دەگەن تاقىرىپتا پارتياعا كىرۋ اسەرىن كوپشىلىكپەن ورتاقتاستى. گۇلزات بىلاي دەدى: مەنشە، پارتيا مۇشەلەرى ۇلگىلى، باستاماشىلىق رولىن ساۋلەلەندىرۋى كەرەك، اسىرەسە، ءوز قىزمەت ورنى جانە قوعامدىق تۇرمىستا ۇلگى-ونەگە بولىپ، كورنەكتى ناتيجەلەرىمەن توڭىرەگىندەگىلەردى يلاندىرۋ، اسەرلەندىرۋ، تاربيەلەۋى ءتيىس، قيىنشىلىعى بار، كومەككە مۇقتاج بۇقاراعا قول ۇشىن بەرۋى، قولىنان كەلگەن كومەگىن اياماۋى كەرەك.

ىنتىماق ــ ادامزاتتىڭ ماڭگىلىك تاقىرىبى، ءبىر مەملەكەتتىڭ باياندى تىنىشتىعىنىڭ كەپىلى، ءبىر رايوننىڭ دامۋدى جەدەلدەتۋىنىڭ قاجەتى، ءار وتباسىنىڭ جاراسىمدى، باقىتتى بولۋىنىڭ نەگىزى. «ۇلتتار ىنتىماعىنىڭ بەرەكەلى شاڭىراعى» قيمىلى اۆتونوميالى رايوندىق پارتكومنىڭ قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتى تياناقتاندىرۋ ءۇشىن جاسالعان كەلەلى شەشىمى. قوعام ورنىقتىلىعىن ءومىرىمىزدى قاستەرلەگەندەي قاستەرلەپ، ۇلتتار ىنتىماعىن كوز قاراشىعىمىزداي قورعاۋىمىز كەرەك. ۇلتتار ىنتىماعىنىڭ بەرەكەلى شاڭىراعى بىرلەسكەن دوستىق قيمىلىندا گازەت مەكەمەسىندەگى كادرلار مەن تۋىستارى باي مازمۇندى ءان-ءبي نومىرلەرىن ورىنداپ، ۇلتتار ىنتىماعىنا قاتىستى بىلىمدەردەن زەيىن سىناۋ سۇراۋلارىنا تالاسا جاۋاپ بەردى، سونداي-اق كادرلار تۋىسىمەن بىرگە دوپتى ارقاسىمەن تۇسىرمەي الىپ ءجۇرۋ ويىنىن كورسەتكەندە، ۇلىڭگىر كولى جاعاسىندا شاتتىق كۇلكىسى مەن دۋ قول شاپالاق ءۇنى كەرنەدى. بىرلەسكەن دوستىق قيمىلى «قاراجورعا» بيىمەن مارەسىنە جەتتى.

ىلە-شالا گازەت مەكەمەسىندەگى كادرلار مەن ۇزاقتى قىستاعىنداعى تۋىستارى بۋرىلتوعاي اۋدانى كوكاعاش اۋىلىنىڭ اقوتكەل قىستاعىنا بارىپ، وسى قىستاقتىڭ قىستاق كەلبەتى مەن ۇلتتىق سالت-سانا كورمەسىن بىرگە ەكسكۋرسيالادى.

«اقوتكەل قىستاعى ــ بۋرىلتوعاي اۋدان قالاشىعىنان 8 كيلومەتر قاشىقتىقتا، 2017-جىلدان بۇرىن اتى الىس-جۋىققا ءمالىم اۆتونوميالى رايون دارەجەلى كەدەي قىستاق بولاتىن. 2017-جىلى كوكاعاش اۋىلدىق پارتكوم مەن ۇكىمەتتىڭ دامۋ وي جەلىسىنە بۇرىلىس جاساۋى جانە حيلۇڭجياڭ ولكەسىنىڭ كومەگىندە، بۇل قىستاقتىڭ نەگىزدىك قۇرىلعىلارى ۇزدىكسىز كەمەلدەنىپ، قىستاق كەلبەتى شىت جاڭا تۇسكە ەنىپ، مادەنيەت جانە مۋزيكا الاڭى قۇرىلدى. بىلتىردان بەرى، ءبىز بۋرىلتوعايدىڭ قىسقى بالىق اۋلاۋ ساياحات مەرەكەسى ورايىنان پايدالانىپ، اۋىل-قىستاق مادەنيەت سالت-سانا ساياحاتىن بارىنشا دامىتىپ، 50 مىڭ ادام-رەت ساياحاتشى قابىلداپ، ساياحات كىرىسىمىز 530 مىڭ يۋانعا جەتتى»- دەدى اقوتكەل قىستاعىنىڭ ءبىرىنشى شۋجيى، قىزمەت اترەتىنىڭ باستىعى ليۋ ميڭ. 

اقوتكەل قىستاعىنىڭ وزگەرىسىن كورگەننەن كەيىن ۇزاقتى قىستاعىنىڭ تۇرعىنى نۇربەك قايدار ۇلى: «التاي گازەتى» مەكەمەسىنىڭ باسشىلارى مەن كادرلارىنا العىس ايتامىن، وسى جولى كورىكتى بۋرىلتوعايعا كەلىپ، اقوتكەل قىستاعىنىڭ وزگەرىسىن كورىپ، باقىتتىڭ وڭاي-وسپاق قولعا كەلمەيتىنىن تەرەڭ سەزىندىم. بۇدان بىلاي قىستاق كوميتەتىنىڭ ءتۇرلى جۇمىستارىنا بەلسەنە سايكەسەمىن، پارتيانىڭ سوزىنە قۇلاق اسىپ، پارتياعا ىلەسىپ، اقوتكەل قىستاعىنىڭ تۇرعىندارى سياقتى ەرتەرەك باقىتتى تۇرمىسقا جەتۋگە بارىنشا قۇلشىنامىن،- دەدى سەنىمدى تۇردە.

 

داي ۋيگو بىلاي دەدى: بۇگىن ءبىز دوستاسقان تۋىستارىمىزبەن بىرگە بۋرىلتوعايعا كەلىپ، ەستەن كەتپەس ماعىنالى قيمىل وتكىزدىك. باستىسى، پارتيالى كادرلاردى قاربالاس قىزمەتتەن از دا بولسا ازات ەتىپ، كوڭىل كۇي جاقتان سەرگىتتىك. ەندى ءبىر جاعىنان، تۋىستارىمىزعا اتا مەكەنىمىزدەگى وراسان زور وزگەرىستەردى سەزىندىردىك. سوڭىندا، ءبىز دە وسىنداي قيمىلدار ارقىلى پارتيا ۇيىمىنىڭ ۇيىستىرۋ قۋاتىن، ىقپال كۇشىن جانە جاۋىنگەرلىك قۋاتىن ونان ارى جوعارىلاتىپ، كوپشىلىكتىڭ وتانشىلدىق سۇيىسپەنشىلىگىن ۇزدىكسىز نىعايتىپ، «بەستى شىنايى مويىنداۋدى» كۇشەيتىپ، كورىكتى التاي قۇرۋعا ءبىر كىسىلىك ۇلەسىن قوسۋىن ءۇمىت ەتەمىز.

قىستاق تۇرعىندارى اتىنان لەبىز بىلدىرگەن ۇزاقتى قىستاعى تۇرعىندار كوميتەتىنىڭ ورىنباسار مەڭگەرۋشىسى قۇمارقان ابىلەيىز ۇلى: 4 جىلدىڭ الدىندا، قىستاعىمىزدىڭ قىزمەت كەڭسەسى بىرنەشە اۋىزدى جاتاعان ءۇي بولاتىن، پارتيا مەن ۇكىمەتتىڭ قامقورلىعىندا قىستاعىمىزدا ەكى قاباتتى قىزمەت عيماراتى سالىندى. قاجەتتى پارتا-ورىندىق جانە كومپيۋتەر قاتارلىلارمەن «التاي گازەتى» مەكەمەسىنىڭ كومەگىندە جابدىقتالىپ، قازىر قىستاعىمىزدىڭ ەڭسەلى قىزمەت كەڭسەسى قىستاق تۇرعىندارىنىڭ «قوس ءتىل» ۇيرەنەتىن، عىلىمي بىلىمدەردى يگەرەتىن جانە كىتاپ وقيتىن بازاسىنا اينالدى. قىستاق تۇرعىندارى اتىنان «التاي گازەتى» مەكەمەسىنىڭ جاساعان كومەگىنە ايرىقشا راقىمەت ايتامىن،- دەدى تەبىرەنىستى كوڭىل كۇيمەن.

سۋرەتتى تۇسىرگەن ارداق، ناعيما، كۇلايقان قاتارلىلار.  

 

 

    中央广播电视总台 央广网 版权所有

    كوركەيگەن مەكەن، كوڭىلدى جۇرت

    ۇلتتار ىنتىماعى بەرەكەلى شاڭىراعىندا تۋىستارىمەن بىرگە اتا مەكەندەگى زور دامۋشىلىقتى سەزىندى