ينفورماتسيا اشكەرەلەۋ: mzjubao@cnr.cn

وزەكتى ماقالالار

جۇڭگوداعى ەڭ ۇزاق جاساعان ادام 134 جاستا

来源:央广网     |责编:阿依娜|     发布日期: 2020-06-30 15:27

 

2013-جىلى جۇڭگو قارتتار قوعامى جاريالاعان 6-كەزەكتى «جۇڭگوداعى 10 ۇزاق جاساعان جۇلدىزدار تىزىمدىگىندە» الىمقان.سەيىت ٴبىرىنشى ورىندى يەلەدى. ۋاڭ شياۋجۇن فوتوسى 

 

جۇڭگوداعى، ارعىسىن ايتساق دۇنيەجۇزىندەگى ەڭ ۇزاق جاساعان الىمقان. سەيىت 25-ماۋسىمدا تۋىس-تۋعان، دوس-جاراندارىنىڭ، كورشى-قولاڭدارىنىڭ جانە سول جەردەگى قىزمەتكەرلەردىڭ كومەگىندە 134 جاسقا تولعان تۋىلعان كۇنىن وتكىزدى.

 

الىمقان.سەيىت شينجياڭنىڭ قاشقار ايماعى جاڭاشار اۋدانى قۇمشىلىك اۋىلىنىڭ ادامى، چيڭ پاتشالىعىنىڭ گۋاڭشۇي جىلناماسىندا تۋىلىپ، قازىرگە دەيىن ءۇش عاسىرعا كۋا بولدى. 2013-جىلى جۇڭگوداعى 10 ۇزاق عۇمىر سۇرۋ جۇلدىزىنىڭ ٴبىرى بولعاننان كەيىن، دۇنيە جۇزىندەگى ەڭ ۇزاق جاساعان ادام جانە دۇنيەدەگى ەڭ ۇزاق عۇمىر كەشىرگەن ايەل زاتى دەپ تانىلدى.

الىمقان.سەيىت تاياعىن مۋزيكا اسپابى رەتىندە ىستەتىپ، اسقاقتاتا ٴان شىرقادى. ۋاڭ شياۋجۇن فوتوسى 

 

 جايشىلىقتا ول عاشىقتىق جىرلارىن ايتىپ، قالجىڭداپ جۇرەدى. سول كۇنى قاشقار ايماعى جاڭاٴشار اۋداندىق ۇكىمەت قارت تۇرعان قىستاقتا «ماحاببات ماڭگى ەرتەگى» تاقىرىبىنداعى قارتتىڭ تۋعان كۇنىن قۇتتىقتاۋ قيمىلىن وتكىزدى. 

 

قازىر قارت جۇرە الماي قالعاندىقتان، تاماقتانىپ، جاتىپ-تۇرۋىنا نەمەرەسى مەن كەلىنى قارايلاسىپ وتىر. جەرگىلىكتى شيپاحانانىڭ تاياۋدا بەرگەن تەكسەرۋ مالىمەتىندە كورسەتىلۋىنشە، ونىڭ دەنساۋلىعى جاقسى، كوزىنىڭ كورۋ قۋاتى مەن قۇلاعىنىڭ ەستۋ قۋاتى دا جاقسى ەكەن. 24- ماۋسىمدا الىمقان.سەيىت دوسىنىڭ ول ٴۇشىن ازىرلەگەن قوناعاسىسىنا قاتىناستى. قارتتىڭ تاماققا تابەتى وتە جاقسى بولىپ، ٴبىر شىنى كوجە، ٴبىر سامسا، ٴبىر قوي ەتى كاۋابى، ٴبىر ٴتىلىم قاربىز جەدى.

 قىزى تاجىگۇل. تۇردى شەشەسى الىمقان.سەيىتتىڭ شاشىن تاراپ بەردى. ۋاڭ شياۋجۇن فوتوسى

 

كوڭىل كۇيدىڭ جاقسى بولۋى ۇزاق جاساۋدىڭ باستى سەبەبى. الىمقان.سەيىت جۇڭگو مەديتسينا ۋنيۆەرسيتەتىنىڭ 4-جىلدىعىندا وقيتىن ريزۋانگۇلگە سۋدى كوپ ٴىشۋدىڭ، تاڭەرتەڭگى اسقا ٴمان بەرۋدىڭ توتەنشە ماڭىزدى ەكەندىگىن ەسكەرتتى. 

 

قارت دۋماندى ورتانى، ماڭايىندا ادامداردىڭ كوپ بولعانىن جاقسى كورەدى. «كۇندىز اكە ـ شەشەم سىرتقا شىعىپ قىزمەت ىستەيدى، مەن ۇيدە تاپسىرما ورىندايمىن». اجەم انانى، مىنانى دا سۇرايدى، كەيدە مەن جاۋاپ بەرمەي بەرمەي قالسام «جاسىڭ مەندەي بولعاندا سويلەمەگەنىڭدى كورەرمىن»،-دەپ بۇرتيىپ قالادى دەيدى ريزۋانگۇل. 

 

سول كۇنگى قۇتتىقتاۋ قيمىلىندا الىمقان.سەيىت ۇقساماعان فورماداعى قۇتتىقتاۋ تىلەكتەرىن تاپسىرىپ الىپ، باقىتتى سەزىمگە بولەندى. ول ٴبىر جاعىنان ٴان ايتىپ، «بۇگىن ەرەكشە كوڭىلدى بولدىم»،-دەپ اعىنان اقتارىلدى. 

 

اۋدارعان: مۇقامادي ٴشارىپ ۇلى 

 

    中央广播电视总台 央广网 版权所有

    جۇڭگوداعى ەڭ ۇزاق جاساعان ادام 134 جاستا

    جۇڭگوداعى ەڭ ۇزاق جاساعان ادام 134 جاسقا تولعان تۋىلعان كۇنىن وتكىزدى