ينفورماتسيا اشكەرەلەۋ: mzjubao@cnr.cn

وزەكتى ماقالالار

الاقاي، بۇل اقشا 300 ميلليونعا جۋىق ادامنىڭ قالتاسىنا تۇسەدى

来源:央广网     |责编:阿依娜|     发布日期: 2020-06-25 15:35

 

 

 

 

بيىلعى «ۇكىمەت قىزمەتىنەن باياندامادا» مەملەكەت بويىنشا 300 ميلليونعا جۋىق ادام زەينەتاقى الادى، زەينەتاقىنىڭ ۋاعىندا، تولىق تاراتىلۋىنا، ءسوزسىز، كەپىلدىك ەتۋ كەرەك دەپ كورسەتىلگەن. الايدا، جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ ىقپالىنا ۇشىراعاندىقتان، قازىر، ەلىمىز ەكونوميكاسىنىڭ دامۋى ءدوپ كەلىپ وتىرعان قىسىم اسا اۋىر. سوسىن دا، كەيبىر كىسىلەردە ايىرىم ورىندار زەينەتاقىنى تاراتا الماي قالار ما ەكەن دەيتىن الاڭ تۋىلادى.

 

بۇعان الاڭداۋدىڭ قاجەتى جوق، بۇل ماسەلەنى مەملەكەت ەرتەدە-اق ويلاعان. جەر-جەردىڭ زەينەتاقىنى ۋاعىندا، تولىق تاراتۋىنا كەپىلدىك ەتۋ ءۇشىن، مەملەكەت زەينەتاقىنى ورتالىق رەتتەۋ ءتۇزىمىن ورناتىپ، ارتىق-كەمىن رەتتەدى. جۋىقتا، قازىنا مينيسترلىگى ورتالىقتىڭ 2020-جىلعى رەتتەۋ قورىنىڭ جىلدىق مەجە ەسەبىن جاريالادى. مۇنداعى ساندى مالىمەتتەردە كورسەتىلۋىنشە، بيىل ورتالىقتىڭ رەتتەۋ قورى مەجەمەن 739 ميلليارد 823 ميلليونعا جەتەدى. 

 

مىنە، وسى اقشا تۇرعاندا، جاپپاي دوڭگەلەك داۋلەتتى قوعام قۇرۋ جولىندا، ەشكىم دە قاتاردان قالمايدى!

كىمنىڭ قوسقان ۇلەسى ەڭ زور؟

7 ولكە 176 ميلليارد 700 ميلليون يۋان ۇلەس قوستى

 

ەلىمىزدەگى 31 ولكە (شياڭگاڭ، اۋمىن، تايۋاندار قامتىلمادى) بەينە بىرگە تۋىسقان باۋىرلاستارعا ۇقسايدى. اعايىندىلاردىڭ كەيبىرى قارىمدى دا ىسكەر بولعان سوڭ، ارقالايتىن بورىشى دا، ارينە، باسقادان كورى اۋىرىراق بولادى. زەينەتاقىنى ورتالىقتا رەتتەۋ ءتۇزىمى اتقارىلعان سوڭ، ءىشىنارا ولكەلەردىڭ تاپسىرعان قارجىسى وزدەرىنە بوساتىلعان قارجى سوماسىنان اسىپ كەتتى دە، ناق ۇلەس قوسۋشى ولكەلەرگە ايلاندى.

 

1. مۇنداي ۇلەس قوسۋشى ولكەلەر تۇگەل ەكونوميكاسى دامىعان رايونداردان

 

بيىلعى مەجە ەسەپكە نەگىزدەلگەندە، گۋاڭدۇڭ، بەيجيڭ، فۋجيان، جياڭسۋ، جىجياڭ، شاڭحاي، شاندۇڭ قاتارلى 7 ولكە ناق ۇلەس قوسۋشى ولكەلەر بولىپ، جيىنى 176 ميلليارد 700 ميلليون يۋان ۇلەس قوستى.

2020-جىلعى ورتالىقتىڭ قور كىرىس-شىعىسىن تەڭشەۋ احۋالى (بىرلىگى: ءجۇز ميلليون يۋان)  دەرەك قاينارى: قازىنا مينيسترلىگى

 

وسى ساندىق مالىمەتتەردەن دە بايقاۋعا بولادى، ۇلەس قوسۋشى ولكەلەر نەگىزىنەن تەڭىز جاعالاۋىنداعى ەكونوميكاسى دامىعان رايونداردا. مىسالى: ءبىرىنشى ەكونوميكالىق ءىرى ولكە گۋاڭدۇڭنىڭ قوسقان ۇلەسى 64 ميلليارد 571 ميلليون يۋان بولىپ، ناق قوسقان ۇلەس جالپى سوماسىنىڭ %36.5 ىن يەلەپ، ورتالىقتىڭ رەتتەۋ قارجىسىنا قوسقان ۇلەسى ەڭ زور ولكەگە اينالدى.

 

2. دامىعان رايونداردىڭ زەينەتاقىسىندا «اۋىلداستاردىڭ» ۇلەسى بار

 

كەزەكتە، ەلىمىز قارتتانعان قوعامعا قادام تاستادى. جۋىق جىلداردان بەرى، جەر-جەردە جان سانى قاۋىرت ارتتى. ساندىق مالىمەتتەردە كورسەتىلۋىنشە، گۋاڭدۇڭ ولكەسىندە جۋىق 5 جىلدان بەرى 7 ميلليون 970 مىڭ جان سانى كوبەيگەن، بۇل حىفي قالاسىنىڭ جان سانىمەن بارابار.

 

جاستار سانى تەزدەن مولايعان سوڭ، زەينەتاقى تاپسىراتىن ادام سانى دا ارتتى، زەينەتاقى «ەسەپ داپتەرىندە» ارتىق اقشا تۇرۋى تابيعي عوي. گۋاڭدۇڭ ولكەسى باستان-اقىر زەينەتاقى قالدىق سوماسى ەڭ كوپ ولكە بولىپ كەلەدى. 2019-جىلى گۋاڭدۇڭ ولكەسىنىڭ سول مەزگىلدەگى زەينەتاقى قالدىق سوماسى 129 ميلليارد 600 ميلليون يۋان بولىپ، 1- ورىندى يەلەگەن ءارى 2-ورىنداعى سىچۋان ولكەسىنىڭ 47 ميلليارد 830 ميلليون يۋانىنان دا، 3-ورىنداعى بەيجيڭ قالاسىنىڭ 47 ميلليارد 720 ميلليون يۋانىنان دا الدە قايدا كوپ اسىرعان.

پايداسىنان ەڭ كوپ يگىلىكتەنەتىندەر كىم؟

ءتورت ولكەنىڭ ناق پايداسى 10 ميلليارد يۋاننان اسادى

 

ناق ۇلەس قوسۋشى 7 ولكە مەن كىرىس-شىعىسى قارايلاس بولعان گۇيجوۋ، يۇننان، شيزاڭ قاتارلى 3 ولكەدەن تىس، باسقا 21 ولكە مەن شينجياڭ ءوندىرىس-قۇرىلىس بيڭتۋانى تۇگەلدەي پايداعا كەنەلۋشىلەر. مۇنىڭ ىشىندە، شىعىس سولتۇستىكتەگى 3 ولكە مەن حۋبەي ولكەسىنىڭ الاتىن پايداسى ەڭ زور بولىپ، لياۋنيڭ، حيلۇڭجياڭ، حۋبەي جانە جيلين ولكەلەرىنىڭ تازا پايداسى 10 ميلليارد يۋاننان اسادى.

 

1. شىعىس سولتۇستىكتەگى 3 ولكە جالعاستى ەكى جىل ەڭ كوپ پايداعا كەنەلگەن ولكەلەر قاتارىنان كورىندى

 

دەرەكتەردە كورسەتىلۋىنشە، لياۋنيڭ ولكەسىنىڭ ناق پايداسى ەڭ كوپ، 55 ميلليارد 558 ميلليونعا جەتكەن، حيلۇڭجياڭ ولكەسىنىڭ ناق پايداسى 48 ميلليارد 556 ميلليون يۋان، جيلين ولكەسىنىڭ ناق پايداسى 14 ميلليارد 519 ميلليون، حۋبەي ولكەسىنىڭ ناق پايداسى 18 ميلليارد 687 ميلليون يۋان بولعان. وسى ءتورت ولكە جالپى پايدا سوماسىنىڭ 3/4 بولەگىن يەلەيدى، تەك لياۋنيڭ جانە حيلۇڭجياڭ 2 ولكەنىڭ ۇستايتىن سالىستىرماسى 60 پايىزعا جۋىقتايدى.

 

مۇندا نازار اۋدارۋعا تاتيتىن ءبىر ءىس، شىعىس سولتۇستىكتەگى 3 ولكە قاتارىنان 2 جىل ناق پايدا العان ولكەلەر قاتارىنان بوي كورسەتتى. مۇنداعى باستى سەبەپ- قارتتانۋ ورەسى ءبىرشاما جوعارى بولۋ، جاستاردىڭ سىرت رايوندارعا اعىلۋى، زەينەتاقىنىڭ كىرىسى شىعىسىنا جەتپەۋ قاتارلىلاردىڭ ىقپالىنا ۇشىراعان.

 

2. حۋبەي ولكەسىنە بيىل ىندەت جاعدايى ىقپال ەتتى

 

حۋبەي ولكەسىنىڭ جاعدايى ءسال وزگەشەلەۋ، بيىلعى ناق پايدا كولەمى بىلتىرعىدان %55 جوعارىلاعان، مۇنداعى سەبەپ- جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ سوققىسىنا ۇشىرادى. قازىر، حۋبەي ولكەسى قوعامدىق قامتاماسىزداندىرۋ بولسىن، الدە قازىنا جاعىنان بولسىن، ءبىرشاما اۋىر قىسىمعا ءدوپ كەلىپ وتىر، زەينەتاقىنى اۋدارىپ تولەۋ كولەمىن ارتتىرۋ اسا قاجەت بولىپ تابىلادى.

 

مەجەمەن، حۋبەي ەكونوميكاسىنىڭ بىرتىندەپ قالپىنا كەلۋىنە بايلانىستى، كەلەر جىلدان كەيىن زەينەتاقى تەڭشەۋ قاراجاتىنىڭ جوتكەلۋ كولەمى بىرتىندەپ ازاياتىن بولادى.

 

 

نەلىكتەن رەتتەلەدى؟ زەينەتاقى جەتپەي قالدى ما؟

 

بيىل ورتالىقتىڭ تەڭشەۋ قاراجاتى وتكەن جىلعى اتقارىلعان ساننان 109 ميلليارد 523 ميلليون يۋان ارتىپ، ارتۋ مولشەرى %17.4 كە جەتەتىندىگى مەجەلەنىپ وتىر. كوپتەگەن ادامدا وسىنشاما كوپ قارجى رەتتەلگەندىگىنە قاراعاندا، زەينەتاقى جەتپەي قالعان با دەيتىن سۇراق تۋىلۋى مۇمكىن.

 

1. جالپى تۇلعالىق جاقتان قاراعاندا، قور مىعىم، زەينەتاقىنى ۋاعىندا، تولىق تاراتۋعا كەپىلدىك ەتۋگە بولادى

 

وسىدان ىلگەرى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى زەينەتكەرلىك قامسىزداندىرۋ مەڭگەرمەسىنىڭ باستىعى نيە ميڭجۇننىڭ ايتۋىنشا، جالپى تۇلعالىق جاقتان قاراعاندا، مەملەكەت بويىنشا كاسىپورىنداردىڭ زەينەتكەرلىك قامسىزداندىرۋ قورىنىڭ جيىنتىعىنان ءالى دە 5 تريلليون يۋاننان ارتىق اقشا بار، ماتەريالدىق نەگىز ءبىرشاما مىعىم، زەينەتاقى تاراتۋعا كەپىلدىك ەتۋدە ماسەلە جوق.

 

ەلىمىز زەينەتاقىسىنىڭ قورى قوماقتى بولۋمەن بىرگە، ءۇستى-ۇستىنە كوبەيۋدە. ادام كۇشى بايلىعى جانە قوعامدىق قامتاماسىزداندىرۋ مينيستىرلىگىنىڭ ايتۋىنا قاراعاندا، قوردىڭ جالپى تۇلعالىق كىرىس-شىعىسى تەپە-تەڭدىگىن ساقتاي العان، كىرىس شىعىستان جوعارى، نەگىزگى زەينەت اقىسىنىڭ ۋاعىندا، تولىق تاراتىلۋىنا كەپىلدىك ەتۋگە ابدەن بولادى. بۇعان الاڭداۋدىڭ قاجەتى جوق.

 

2. ءىشىنارالىق جاقتان قاراعاندا، ولكەلەر ارا زەينەتكەرلىك قامسىزداندىرۋ قورىنىڭ بىركەلكىسىزدىگى ماسەلەسى وتە كورنەكتى

 

ءبىر جاعىنان، ەلىمىزدە رايوندار ارا ەكونوميكانىڭ دامۋ ورەسى بىركەلكى بولماعاندىقتان، جەر-جەردىڭ زەينەتكەرلىك قامسىزداندىرۋ ساياساتى، مامىلە ورەسى قاتارلى جاقتارىندا پارىق ساقتالىپ وتىر. ولكە دارەجەلى ءبىرتۇتاس جوسپارلاۋ ءتۇزىمى ءالى كەمەلدەنە قويعان جوق، مەملەكەت بويىنشا ءبىر تۇتاس كىرىس-شىعىس ەتۋدى ءبىر جولدا جۇزەگە اسىرۋ قيىن.

 

ەندى ءبىر جاقتان، جان سانىنىڭ اسىرالىم سالىستىرماسىندا پارىقتار بولعاندىقتان، ولكەلەر اراسىندا قوردىڭ بىركەلكىسىزدىگى ماسەلەسى بارعان سايىن كورنەكتىلەنىپ، قور قالدىعى نەگىزىنەن گۋاڭدۇڭ، بەيجيڭ قاتارلى شىعىستاعى دامىعان رايوندارعا شوعىرلاندى. لياۋنيڭ، حيلۇڭجياڭ قاتارلى ولكەلەردە سول مەزگىلدەگى قور كىرىسى شىعىسىنا جەتپەي قالۋ احۋالى كەزىگىپ، قور اينالىسى ءبىرشاما زور قىسىمعا ءدوپ كەلدى.

 

3. ەلىمىزدىڭ زەينەتكەرلىك قامسىزداندىرۋ قورىن ورتالىق رەتتەۋ ءتۇزىمىن ورناتۋى ـ بۇكىل مەملەكەت بويىنشا ءبىر تۇلعا بولۋدى جۇزەگە اسىردى 

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى يوۋ جۇننىڭ ايتۋىنشا، ولكەلەر اراسىندا قوردىڭ بىركەلكىسىزدىگى ماسەلەسىن ولكە دارەجەلى ءبىر تۇتاس جوسپارلاۋمەن شەشۋ قيىن بولعاندىقتان، ءبىر تۇتاس جوسپارلاۋ دەڭگەيىن اناعۇرلىم جوعارىلاتۋ قاجەت بولدى دا، مەملەكەت زەينەتكەرلىك قامسىزداندىرۋ قورىن ورتالىق رەتتەۋ ءتۇزىمىن ورناتۋدى ۇيعاردى. ولكەلەردىڭ زەينەتكەرلىك قامسىزداندىرۋ قورىنا لايىقتى رەتتەۋ جۇرگىزۋ- قور مولشەرىندە ۇلعاۋسار جەتىسپەستىك كورىلگەن رايونداردىڭ زەينەتكەرلىق قامسىزداندىرۋ اقىسىن تولەۋ قىسىمىن اناعۇرلىم باسەڭدەتتى، حالىق بۇقاراسىنىڭ تۇرمىس قاجەتىن قاناعاتتاندىرىپ، قوردىڭ باياندى اينالىمىنا كەپىلدىك ەتىپ، قازىنالىق اۋىرتپالىقتى مەڭگەرۋگە پايدالى.

 

اۋدارعان: نۇرگۇل قۇمارقان قىزى

 

 

    中央广播电视总台 央广网 版权所有

    الاقاي، بۇل اقشا 300 ميلليونعا جۋىق ادامنىڭ قالتاسىنا تۇسەدى

    بۇل اقشا 300 ميلليونعا جۋىق ادامنىڭ قالتاسىنا تۇسەتىندىگى تۇراقتاندى