ينفورماتسيا اشكەرەلەۋ: mzjubao@cnr.cn

وزەكتى ماقالالار

كورىڭىز! 8-ايدان باستاپ مىنا جاڭا بەلگىلەمەلەر اتقارىلادى

来源:央广网     |责编:努丽霞提|     发布日期: 2020-07-31 09:17

 دەنساۋلىق ساقتاۋ، سالاماتتىق كوميتەتى مەن مەملەكەتتىك جۇڭگوشا ەمدەۋ، ٴدارى-دارمەك باسقارۋ مەكەمەسى بىرلەسىپ شىعارعان «ەمدەۋ بىرىككەن تۇلعاسىن باسقارۋ ٴادىسى» (سىناق رەتىندە اتقارىلادى) 8-ايدىڭ 1-كۇنىنەن باستاپ اتقارىلادى

 

مەملەكەتتىك دەنساۋلىق ساقتاۋ، سالاماتتىق كوميتەتى مەن مەملەكەتتىك جۇڭگوشا ەمدەۋ، ٴدارى-دارمەك باسقارۋ مەكەمەسى بىرنەشە كۇننىڭ الدىندا «ەمدەۋ بىرلەسكەن تۇلعاسىن باسقارۋ ٴادىسىن (سىناق رەتىندە اتقارىلادى)» باسىپ تاراتتى، اتالعان ٴادىس 2020-جىلى 8-ايدىڭ 1-كۇنىنەن باستاپ اتقارىلادى. «ادىستە» مىنالار ايقىن بەلگىلەندى: رايوندارعا بولىنگەن ايماق، قالا جانە اۋدان دارەجەلى دەنساۋلىق ساقتاۋ، سالاماتتىق اكىمشىلىك تاراۋلارى ءوز وڭىرىندەگى ەمدەۋ بىرلەسكەن تۇلعاسى قۇرىلىسى جوباسىن جاساپ، وڭىرلىك قاتىناس، جان سانىنىڭ ورنالاسۋى، بۇقارانىڭ ەمدەلۋ قاجەتى، ەمدەۋ، دەنساۋلىق ساقتاۋ شارت-جاعدايى سياقتى فاكتورلارعا نەگىزدەلىپ، قىزمەت وتەۋ رايونىن بىرنەشە توراپتىق اۋماققا بولەدى، ەمدەۋ-دەنساۋلىق ساقتاۋ بايلىعىن توراپتىق اۋماققا بىرىكتىرىپ، 3-دارەجەلى ۇكمەتتىك شيپاحانا نەمەسە قاراستىلىق رايونداردىڭ ەمدەۋ ورەسىنە ۋاكىلدىك ەتەتىن شيپاحانا باس بولىپ، باسقادا شيپاحانا، نەگىزگى ساتى ەمدەۋ-دەنساۋلىق ساقتاۋ قۇرىلىمى، الەۋمەتتىك دەنساۋلىق ساقتاۋ قۇرىلىمى قاتارلىلار مۇشە بولعان ەمدەۋ بىرلەسكەن تۇلعاسىن قۇرايدى. 

  

ەمدەۋ قۇرىلىمدارىنا، شيپاگەرلەرگە، سەسترالارعا ەلەكتروندىق كۋالىكتى جالپىلاستىرۋ قىزمەتى بيىل 8-ايدىڭ 1-كۇنى رەسمي باستالادى

 

تاياۋدا، مەملەكەتتىك دەنساۋلىق ساقتاۋ، سالاماتتىق كوميتەتى مەن مەملەكەتتىك جۇڭگوشا ەمدەۋ، ٴدارى-دارمەك مەكەمەسى بىرلەسىپ «ەمدەۋ قۇرىلىمدارىنىڭ، شيپاگەرلەردىڭ، سەسترالاردىڭ ەلەكتروندىق كۋالىك قىزمەتىن جالپىلاستىرۋ جونىندەگى ۇقتىرۋدى» جاريالاپ، بۇكىل ەل كولەمىندە ەمدەۋ قۇرىلىمدارىنا، شيپاگەرلەرگە، سەسترالارعا ەلەكتروندىق كۋالىك ٴبىتىرۋ قىزمەتىن رەسمي اتقارۋدى ۇيعاردى. ەلەكتروندىق كۋالىكتى جاساۋ قىزمەتى 2020-جىلى 8-ايدىڭ 1-كۇنى رەسمي باستالادى. كۋالىك الۋ شارتىنا ۇيلەسكەندەرگە 2020-جىلى 12-ايدىڭ 30-كۇنىنەن بۇرىن ەلەكتروندىق كۋالىك تاراتىلادى. 

 

8-ايدان باستاپ مەملەكەت بويىنشا «مۇگەدەك اسكەر كۋالىگى» قاتارلى كۋالىكتەر ٴبىرتۇتاس اۋىستىرىلىپ، تاراتىلادى

 

 قوسىننان شەگىنگەن اسكەريلەر ٴىس باسقارماسى جاقىندا ۇقتىرۋ شىعارىپ، 2020-جىلى 8-ايدىڭ 1-كۇنىنەن باستاپ، «مۇگەدەك اسكەر كۋالىگى»، «جارالانعان-مۇگەدەك حالىق ساقشىسى كۋالىگى»، «زاپاس قوسىنداعى جارالانعان-مۇگەدەك حالىق جاساعى، حالىق جۇمىسكەرى كۋالىگى»، «ۇكىمەت قىزمەتى سەبەبىنەن جارالانعان-مۇگەدەك كۋالىگى» سياقتى 4 ٴتۇرلى كۋالىكتى اۋىستىرىپ تاراتۋ قىزمەتى باستالاتىندىعىن جاريالادى. جاڭا كۋالىكتى اۋىستىرىپ تاراتۋ قىزمەتى ءبىر جىلعا جالعاسىپ، 2021-جىلى 7-ايدىڭ 31-كۇنى اياقتايدى. 2021-جىلى 8-ايدىڭ 1-كۇنىنەن باستاپ كونە كۋالىكتەر كۇشىنەن قالادى. كۋالىك اۋىستىرۋ كەزەڭىندە جاڭا جانە كونە كۋالىك تەڭ كۇشكە يە بولادى. «ۇقتىرۋدا» مىنالار ايقىن بەلگىلەندى: كۋالىك اۋىستىرۋشىلار كونە كۋالىگى مەن جەكەلىك سۋرەتىن الىپ، اۋدان دارەجەلى حالىق ۇكىمەتىنىڭ قوسىننان شەگىنگەن اسكەريلەر ىستەرى تاراۋىنا بارىپ كۋالىك اۋىستىرۋدى ءوتىنىش ەتۋىنە بولادى.

 

8-ايدىڭ 1-كۇنىنەن باستاپ اقى تولەۋ، ەسەپ جابۋ جاعىنداعى زاڭعا قايشى ارەكەتتەردى اشكەرەلەۋ جونىندە جاڭا بەلگىلەمە اتقارىلادى

 

تاياۋدا، جۇڭگو تولەم ەسەبىن اداقتاۋ قوعامى «اقى تولەۋ، ەسەپ جابۋ جاعىنداعى زاڭعا قايشى ارەكەتتەردى اشكەرەلەۋ، سيلاۋ ءادىسىن اتقارۋ ەرەجەسى» مەن «اقشا تولەۋ، ەسەپ جابۋ جاعىنداعى زاڭعا قايشى ارەكەتتەردى اشكەرەلەۋ، سيلاۋ قورىن باسقارۋ ادىسىنە» وزگەرىس ەنگىزدى، وزگەرىس ەنگىزىلگەن ەرەجە 2020-جىلى 8-ايدىڭ 1-كۇنىنەن باستاپ اتقارىلادى. «ەرەجەدە» بىلاي دەپ بەلگىلەندى: بانكە سالاسىنىڭ فينانس قۇرىلىمى، بانكەگە جاتپايتىن اقى تولەم قۇرىلىمى، ەسەپ اداقتاۋ قۇرىلىمى، تاپسىرىپ الۋ تالونىن سىرتقا كوتەرمەگە بەرۋدەن قىزمەت وتەۋ قۇرىلىمى سياقتى اقشا تولەۋ، ەسەپ جابۋ كاسىبىمەن شۇعىلداناتىن ورىندار مەن جەكەلەردىڭ اقشا تولەۋ، ەسەپ جابۋ سالاسىنداعى زاڭعا، بەلگىلەمەگە قايشى ارەكەتتەرىن ٴارقانداي ورىن مەن جەكەنىڭ جۇڭگو تولەم ەسەبىن اداقتاۋ قوعامىنا اشكەرەلەۋىنە بولادى. اشكەرەلەۋشى شىن اتى-جونىمەن اشكەرەلەۋى كەرەك. اشكەرەلەۋ، سيلاۋ قىزمەتى اشكەرەلەۋ ىسىنە وبيەكتيۆ، ٴادىل تەكسەرۋ جۇرگىزۋ، اشكەرەلەۋ ىستەرىن تەز، ٴونىمدى تۇردە ٴبىرجاقتىلى ەتەدى، سونىمەن قاتار قۇپيالىقتى ساقتاۋ پرينسيپى بويىنشا اشكەرەلەۋشى قۇپيا ۇستالادى.

  

 8-ايدىڭ 1-كۇنىنەن باستاپ، «حالىقتىق قۇرىلىس ينجەنەرياسىنداعى ءۇي ٴىشى ورتاسىنىڭ لاستانۋىن تەجەۋ ولشەمىنىڭ» جاڭا نۇسقاسى اتقارىلادى

 

تاياۋدا تۇرعىن ءۇي جانە قالا-اۋىل قۇرىلىسى مينيسترلىگى مەملەكەتتىك ولشەمدى «حالىقتىق قۇرىلىس ينجەنەرياسىنداعى ءۇي ٴىشى ورتاسىنىڭ لاستانۋىن تەجەۋ ولشەمىن» جاريالادى. وسى رەت جاريالانعان جاڭا «ولشەمدە» بولمە اۋاسىنداعى بىلعانىش زاتتار قاتارىنا مەتيل مەنزول جانە ديمەتلين بەنزەن قوسىلدى. مۇندا ٴۇي اشەكەيلەۋ، اشەكەيلەۋ ماتەريالدارىن تۇرگە ايىرىپ، ءارى ءبىربولىم ماتەريالداردىڭ ورتانى لاستاۋشى زاتى مولشەرىن شەكتەۋ جانە ولشەۋ ادىستەرىن رەتكە ٴتۇسىردى. تابيعي اۋا الماستىراتىن 1-تۇردەگى حالىقتىق قۇرىلىستاردىڭ اۋا الماستىرۋ رەت سانى جونىندە ناقتى تالاپتار قويىلدى، سونداي-اق، بالالار باقشاسى، مەكتەپ ساباقحاناسى، جاتاق قاتارلىلاردى اشەكەيلەۋ جاعىندا لاستانۋدى تىزگىندەۋگە قاتاڭ تالاپ قويىلدى. جاڭا «ولشەم» 2020-جىلى 8-ايدىڭ 1-كۇنىنەن باستاپ اتقارىلادى.

 

«جۇڭگو بانكە قامسىزداندىرۋدى باقىلاۋ-باسقارۋ كوميتەتىنىڭ اكىمشىلىك جازالاۋ ءادىسى» 8-ايدىڭ 1-كۇنىنەن باستاپ اتقارىلادى

جۇڭگو بانكە كەپىلدىگىن باقىلاۋ قوعامى جاقىندا «جۇڭگو بانكە قامسىزداندىرۋدى باقىلاۋ-باسقارۋ كوميتەتىنىڭ اكىمشىلىك جازالاۋ ءادىسىن» باسىپ تاراتتى، اتالعان ٴادىس 2020-جىلى 8-ايدىڭ 1-كۇنىنەن باستاپ اتقارىلادى. «ٴادىس» اكىمشىلىك جازالاۋ ٴتارتىبىن جۇيەلەندىرۋدى كوزدە ۇستاپ، اكىمشىلىك جازالاۋ ونىمدىلىگىن، زاڭ اتقارۋ دەڭگەيىن جوعارىلاتۋدى، بانكە سالاسىنىڭ قامسىزداندىرۋ كاسىبىنە اكىمشىلىك جازا بەرۋ ٴتارتىبىن جاپپاي ارناعا ٴتۇسىرۋدى ماقسات ەتتى. «ادىستە» بىلاي دەپ بەلگىلەندى: جازا اتقارۋ ۇيعارىمىن جاساۋدان بۇرىن، دەلوعا قاتىستى ادامعا اكىمشىلىك جازالاۋ ۇيعارىمىن جاساۋدىڭ فاكتىن، سەبەبىن جانە نەگىزىن الدىن-الا ايتۋى ٴارى بايانداۋ ۇقىعى مەن اقتالۋ ۇقىعى بار ەكەندىگىن ايتۋ كەرەك. دالەل تىڭداۋ شارتىنا ۇيلەسسە، دەلوعا قاتىستى ادامداردىڭ زاڭ بويىنشا دالەل تىڭداۋدى ٴوتىنىش ەتۋىنە بولادى، دەلوعا قاتىستى ادامداردىڭ اقتالۋىنا بولا جازانى اۋىرلاتۋىنا بولمايدى. دەلوعا قاتىستى ادام اكىمشىلىك جازالاۋ ۇيعارىمىنا مويىنسال بولماسا، اكىمشىلىك قايتا قاراۋ نەمەسە اكىمشىلىك ارىز-شاعىم بەرۋ ۇقىعى بولادى.

 

    中央广播电视总台 央广网 版权所有

    كورىڭىز! 8-ايدان باستاپ مىنا جاڭا بەلگىلەمەلەر اتقارىلادى

    دەنساۋلىق ساقتاۋ، سالاماتتىق كوميتەتى مەن مەملەكەتتىك جۇڭگوشا ەمدەۋ، ٴدارى-دارمەك باسقارۋ مەكەمەسى بىرلەسىپ شىعارعان «ەمدەۋ بىرىككەن تۇلعاسىن باسقارۋ ٴادىسى» (سىناق رەتىندە اتقارىلادى) 8-ايدىڭ 1-كۇنىنەن باستاپ اتقارىلادى