ينفورماتسيا اشكەرەلەۋ: mzjubao@cnr.cn

وزەكتى ماقالالار

وقىتۋشىعا 90000 يۋان سيلىق بەرگەن جەردى جۇرت ماقتادى

来源:央广网     |责编:达吾力别克|     发布日期: 2020-09-14 18:49

وقىتۋشىنىڭ جىلدىق سيلىعى 90 مىڭنان اسقان جەر جۇرت نازارىن اۋداردى

تاياۋدا مىندەتتى وقۋ-اعارتۋ ساتىسىنداعى وقىتۋشىلاردىڭ ورتاشا ەڭبەكاقى ورەسى ماسەلەسى تاعى دا ەل نازارىن اۋداردى. وقىتۋشىلاردىڭ مامىلەسىن قامتاماسىزداندىرۋ ساياساتى جاعىندا، مەملەكەت 2020-جىلدىڭ سوڭىنان بۇرىن مىندەتتى وقۋ-اعارتۋ ساتىسىنداعى وقىتۋشىلاردىڭ ورتاشا ەڭبەكاقىسى سول جەردەگى ۇكىمەت قىزمەتكەرلەرىنىڭ ورتاشا ەڭبەكاقى دەڭگەيىنەن تومەن بولماۋى كەرەكتىگىن ايقىن ورتاعا قويعان ەدى.

 

ءىس جۇزىندە، جەر-جەر وقىتۋشىلاردىڭ ەڭبەكاقىسى مەن مامىلەسىن جوعارىلاتۋ جاعىندا ۇزدىكسىز رەفورما جاسادى، تاياۋدا كوپتەگەن جەرلەر جەرگىلىكتى وقىتۋشىلاردىڭ ەڭبەكاقىسى مەملەكەت قىزمەتكەرىنەن اسىپ كەتكەندىگىن جاريالادى.

 

جينحۋا قالاسىنداعى كوپتەگەن وقىتۋشىلاردىڭ كىرىسى ۇكىمەت قىزمەتكەرىنەن اسىپ كەتكەن، ي-ۋداعى وقىتۋشىلارىنىڭ جىلدىق سيلىعى 90 مىڭنان اسقان

 

جىجياڭ ولكەسىنىڭ جينحۋا قالالىق وقۋ-اعارتۋ مەكەمەسىنىڭ جاريالاۋىنا نەگىزدەلگەندە: 2019 – جىلى جينحۋا پۋجياڭ، ۋ-ي قاتارلى جەرلەردەگى مىندەتتى وقۋ-اعارتۋ ساتىسىنداعى وقىتۋشىلاردىڭ ورتاشا ەڭبەكاقىسى مەملەكەت قىزمەتكەرىنەن جوعارى بولعان. جين حۋا ورتا، باستاۋىش مەكتەپ وقىتۋشىلارىنىڭ ەڭبەكاقىسى مەن ۇكىمەت قىزمەتكەرلەرىنىڭ ەڭبەكاقىسىن ءونىمدى بىرلەستىرۋ مەحانيزمىن ورناتۋدى جەدەلدەتۋدە، ياعىني: ۇكىمەت قىزمەتكەرلەرى سيلىق اقشا بەرۋ ساياساتىن شىعارعاندا، ورتا، باستاۋىش مەكتەپ وقىتۋشىلارىنا دا ۇقساس ۋاقىت، ۇقساس دەڭگەيدە سيلىق اقشا بەرۋ ويلاستىرىلادى.

 

بۇدان سىرت، جينحۋا قالاسىنىڭ اۋداندارى (قالا، رايون) مىندەتتى وقۋ-اعارتۋ ساتىسىنداعى وقىتۋشىلار مەن ۇكىمەت قىزمەتكەرلەرىنىڭ ەڭبەكاقىنداعى پارىقتى دەر كەزىندە تولىقتاپ تاراتىپ، وقىتۋشىلاردىڭ جىلدىق باعالاۋ سيلىق اقشاسىن ۇزدىكسىز جوعارىلاتتى. ي-ۋ قالاسىنداعى وقىتۋشىلاردىڭ ءار ادامعا تۋرا كەلەتىن جىلدىق سيلىعى 2018-جىلعى 84800 يۋاننان 2019-جىلى 91800 يۋانعا جوعارىلاپ، ارتۋ مولشەرى %8.2 كە جەتكەن .

 

گۇيياڭ نىسانانى ورىندادى

 

گۇيجوۋ ولكەسى گۇيياڭ قالاسى دا وقىتۋشىلاردىڭ ەڭبەكاقى مامىلەسى جەرگىلىكتى ۇكىمەت قىزمەتكەرلەرىنىڭ كىرىس ورەسىنەن تومەن بولماۋ سىندى قىزمەت نىساناسىن جۇزەگە اسىردى. 2019-جىلى گۇيياڭ قالاسىنداعى مىندەتتى وقۋ-اعارتۋ ساتىسىنداعى وقىتۋشىلاردىڭ جىلدىق ورتاشا ەڭبەكاقى كىرىسى 109 مىڭ 100 يۋانعا جەتىپ، سول جەردەگى ۇكىمەت قىزمەتكەرلەرىنىڭ جىلدىق ورتاشا ەڭبەكاقى كىرىسىنەن 6000 يۋان جوعارى بولعان. 2018-جىلدان باستاپ گۇيياڭ قالاسى ءار جىلى وقۋ -اعارتۋ مەجە ەسەبىنە ءبىر ميلليارد 400 ميلليون يۋان قارجى قوسىپ، وقىتۋشىلاردىڭ ەڭبەكاقى مامىلەسىن قامتاماسىزداندىرۋعا جۇمساعان. 

 

مەملەكەتتىك كەڭەس وقىتۋشىلاردىڭ مۇددەسىن قورعاپ، وقىتۋشىلاردىڭ مامىلەسىن قامتاماسىزداندىرۋدى كەپىلدەندىردى

 

7-ايدىڭ 1-كۇنى مەملەكەتتىك كەڭەستىڭ وقۋ-اعارتۋعا قۋزاۋشىلىق ەتۋ كوميتەتى كەڭسەسى «مىندەتتى وقۋ-اعارتۋ ساتىسىنداعى وقىتۋشىلاردىڭ ورتاشا ەڭبەكاقى كىرىسى ورەسى جەرگىلىكتى ۇكىمەت قىزمەتكەرلەرىنىڭ ورتاشا ەڭبەكاقى كىرىسى ورەسىنەن تومەن بولماۋىن قاداعالاۋ، اشكەرەلەۋ تەكشەسىن» قۇردى.

 

ەگەر مىندەتتى وقۋ-اعارتۋ ساتىسىنداعى وقىتۋشىلاردىڭ ەڭبەكاقىسىن كەشەۋىلدەتۋ، مەكتەپ ورنالاسقان جەردەگى مىندەتتى وقۋ-اعارتۋ ساتىسىنداعى وقىتۋشىلاردىڭ ورتاشا ەڭبەكاقىسى سول جەردەگى ۇكىمەت قىزمەتكەرلەرىنىڭ ورتاشا ەڭبەكاقى ورەسىنەن تومەن بولاتىن جاعدايلار جارىققا شىقسا، ءارقايسى ادام شىن اتى-جونىمەن اتالعان جاعدايلاردى مالىمدەۋىنە بولادى.

 

كوپتەگەن توراپتاستار قۇپتاپ:

 

«جاقسى بولعان ەكەن!»

 

«وسىلاي بولعاندا عانا اناعۇرلىم ۇزدىك دارىندىلاردى وقىتۋشىلىققا باۋراي الامىز!»-دەستى.

 

    中央广播电视总台 央广网 版权所有

    وقىتۋشىعا 90000 يۋان سيلىق بەرگەن جەردى جۇرت ماقتادى

    وقىتۋشىنىڭ جىلدىق سيلىعى 90 مىڭنان اسقان جەر جۇرت نازارىن اۋداردى