ينفورماتسيا اشكەرەلەۋ: mzjubao@cnr.cn

وزەكتى ماقالالار

الاقاي! ايگىلى كورىنىس رايوندارىنىڭ ەسىك بەلەتى تەگىن تاراتىلادى

来源:央广网     |责编:达吾力别克|     发布日期: 2020-09-16 09:55

الاقاي، ايگىلى كورىنىس رايوندارىنىڭ ەسىك بەلەتى تەگىن تاراتىلادى!

مەملەكەت مەرەكەسى مەن جۇڭچيۋ مەرەكەسىندە جالپى 8 كۇن دەمالىس بەرىلەتىن بولدى، ۇزاق دەمالىستا قايدا ساياحاتتاۋدى جوسپارلادىڭىز؟ 

 

ءتىلشىنىڭ ساياحات بازارىنان ۇعىسۋىنشا، بيىل مەملەكەت مەرەكەسى ۇزاق دەمالىسىنداعى ساياحات ونىمدەرىنە الدىن الا تاپسىرىس بەرۋ جوعارى ورلەۋگە كوتەرىلگەن، ءبىر ءبولىم ءوتىمدى لەنيالاردىڭ پويەز بەلەتى، ۇشاق بەلەتى، قوناقجاي  بولمەلەرى ساتىلىپ بىتكەن نەمەسە قاۋىرت ساتىلا باستاعان. قازىر حۋبەي، شانشي، شاندۇڭ، سانشي قاتارلى ولكەلەردەن سىرت، مەملەكەت بويىنشا 500 دەن استام كورىنىس رايونى ەسىك بەلەتىن تەگىن ۇسىنباق نەمەسە لايىقتى باعادا ارزانداتپاق. وتانىمىزدىڭ كوركەم تاۋ-وزەندەرىن ارالاپ ساياحاتتاۋدى دەمالىستاعى ساپارلاۋ كۇن تارتىبىنە ەنگىزۋىڭىزگە بولادى!

 

ءارقايسى رايونداعى ساياحات كورىنىس تۇيىندەرى ەسىك بەلەتىنىڭ اقىسىن الماۋ نەمەسە لايىقتى باعادا ارزانداتۋدى جولعا قويدى: 

 

شينجياڭ التاي ايماعى: A دارەجەلى 32 كورىنىس رايونىنىڭ ەسىك بەلەتى تەگىن

شينجياڭنىڭ كۇز ماۋسىمىنداعى كوركەمدىگىن اسىرەلەۋ قاجەتسىز. شينجياڭداعى كورىنىس رايوندارى ماي بوياۋلى سۋرەتتەن اۋمايدى. جەرگىلىكتى ورىننىڭ ەكونوميكاسىن جەبەۋ ءۇشىن، التاي ايماعىنداعى A دارەجەلى كورىنىس رايوندارى بۇكىل ەلدەگى ساياحاتشىلاردان 2 اي ەسىك بەلەتىن الماۋدى بەلگىلەدى! قاناس، كوكتوعاي، الۋان كەرىش (كەيدە بەس كەرىش، الۋان ءتۇستى قايراڭ دەپ تە اتالادى) قاتارلى كورىنىس رايوندارىنىڭ ەسىك بەلەتى بۇكىلدەي تەگىن!

 

التايداعى 3 ساياحات كورىنىس رايونى: 

 

قاناس كورىنىس رايونىنداعى مەملەكەتتىك گەولوگيالىق ورمان باقشاسى، مەملەكەتتىك 5A دارەجەلى كورىنىس رايونى قاتارلىلاردى شينجياڭنىڭ ساياحات كورىنىس رايونى تىزىمدىگىندەگى الدىڭعى 3 كورىنىس رايونىنا ەنگىزۋگە بولادى. بۇل ارا اۋليە باقشاسى دەپ اتالادى، كورىنىس رايونى اسقار تاۋ، ارقىراعان وزەن، جاسىل ورمان، تۇنىق كول، شۇرايلى جايىلىم سياقتى عاجايىپ جاراتىلىستىق تابيعي كورىنىستەردەن قۇرام تاپقان، ءار جىلى كۇزگى تابيعاتى ماي بوياۋلى سۋرەتكە ۇقسايدى. قارلى شىڭ قاسقايا ەڭسە كوتەرىپ، ءيت تۇمسىعى وتپەيتىن نۋ ورمانى جايقالىپ، كوگىلدىر كول بەتى جاقۇتتاي جارقىراپ كورگەننىڭ جاننىڭ كوزىن سۇرىندىرەدى؛

 

كوكتوعاي كورىنىس رايونىنىڭ قازاق تىلىندەگى ماعىناسى «كوك ءتۇستى توعاي». موڭعۇل تىلىندە «كوك وزەن ءيىرىمى» دەگەن ماعىنانى بىلدىرەدى. بۇل ءوڭىر مەملەكەتىمىز بويىنشا ەكىنشى دارەجەلى سۋىق جەر، دەسەدە، كۇزدەگى تابيعات كورىنىسى ەرەكشە كوركەم. 

 

ساياحاتتاۋدا بارماسا بولمايتىن جەردىڭ ءبىرى الۋان كەرىش ( بەس كەرىش). بۇل ارادان ەلىمىزدەگى بىردەن-ءبىر سولتۇستىك مۇزدى مۇحيتقا قۇياتىن وزەن—ەرتىس وزەنى اعىپ وتەدى، جەر بەدەرى ەرەكشە. اساۋ وزەننىڭ سوققىسى مەن سۇراپىل داۋىلدىڭ جەمىرۋىنەن سولتۇستىك جاعالاۋداعى جالاما جارتاستى جەر بەدەرى قالىپتاسقان. ول جەر قاناس كولى كورىنىس رايونىنا بارۋداعى ءسوزسىز باسىپ وتەتىن جول. تابيعاتىنىڭ عاجايىپ بولمىسى «باتىس سولتۇستىكتەگى 100 عاجايىپ كورىنىستىڭ» ءبىرى رەتىندە باعالانعان .

چيڭداۋ قالاسىندا A دارەجەلى 12 كورىنىس رايونى ەسىك بەلەتىن تەگىن ۇسىنباق، بۇعان لاۋشان كورىنىس رايونى، شياۋچيڭداۋ كورىنىس رايونى، وۋفان مۇراجايى قاتارلى كورىنىس رايوندارى قامتىلادى.

 

شي – ان قالاسىندا A دارەجەلى 53 كورىنىس رايونىنىڭ ەسىك بەلەتى تەگىن، بۇعان داتاڭ فۋرۇڭيۋان باقشاسى، شي – ان قالا جامبىلى، داميڭگۇڭ سارايى مەملەكەتتىك ەسكى جۇرت باقشاسى قاتارلى كورىنىس رايوندارى قامتىلادى.

 

سانشيدەگى A دارەجەلىدەن جوعارى 130 كورىنىس رايونىندا العاشقى ەسىك بەلەتى تەگىن

 

گۇيجوۋ ولكەسىندە A دارەجەلى كورىنىس رايوندارىنىڭ ەسىك بەلەتى بيىل جىل سوڭىنا دەيىن جارىم باعادا ارزانداتىلادى.

 

يۇننانداعى A دارەجەلى 137 كورىنىس رايونى بيىل جىل اياعىنا دەيىن بەلەت باعاسىن جارىم باعادا ارزانداتتى.

 

گانسۋ ولكەسى گاننان وبلىسى كولەمىندەگى بارلىق كورىنىس رايوندارى ساياحاتشىلارعا تەگىن اشىلدى ...

 

شي – ان  : A دارەجەلى 53 كورىنىس رايونىنىڭ ەسىك بەلەت اقىسى الىنبايدى.

8-ايدىڭ 1 – كۇنىنەن باستاپ، شي ـ انداعى ايگىلى كورىنىس ورىندارى داتاڭ فۋرۇڭ باقشاسى، شي ـ ان قالا جامبىلى، داميڭگۇڭ مەملەكەتتىك ەسكى جۇرت باقشاسى سياقتى A دارەجەلى 53 كورىنىس رايونى سىرتقا تەگىن اشىلدى.

 

ولكە ءىشى-سىرتىنداعىلار جاسىل ءتۇستى دەنساۋلىق كۋالىگى ارقىلى ساياحات ورىندارىن ارالاپ كوزدەن كەشىرۋىنە بولادى، الايدا، ساياحاتتاۋدان بۇرىن توراپ جەلىسىندە الدىن – الا كەلىسۋ قاجەت. 

 

سانشي: 130 A دارەجەلى كورىنىس رايونىندا العاشقى ەسىك بەلەتى الىنبايدى

2020-جىلدىڭ سوڭعى جارىمىنداعى دۇيسەنبىدەن جۇماعا دەيىنگى جۇمىس كۇندەرىندە، سانشي ولكەسىندەگى 126 A دارەجەلىدەن جوعارى ساياحات كورىنىس رايوندارى بۇكىل ەلدەگى ساياحاتشىلاردان العاشقى ەسىك بەلەتىن المايدى، مۇنىڭ ىشىندە يۇنگاڭ تاس ۇڭگىرى، ۋتايشان، پيڭياۋ  بايىرعى قالاسى سياقتى ايگىلى كورىنىس وڭىرلەرى بار.

 

ورتالىق راديو تورابىنىڭ حابارىنا قاراعاندا، سانشي ولكەلىك مادەنيەت ساياحات مەڭگەرمەسى جاريالاعان حاباردا، سانشي ولكەلىك حالىق ۇكىمەتى كەڭسەسىنىڭ «قىزمەت وتەۋ كاسىبىن قالپىنا كەلتىرىپ، ورنىقتى ارتۋىن جەدەلدەتۋدەگى ءبىر قانشا شارا تۋرالى ۇقتىرۋداعى» ساياحات كورىنىس رايوندارىنىڭ ەسىك بەلەتىن تەگىن بەرۋ قىزمەتىنە قاتىستى تالابى بويىنشا، سانشيدە 2020-جىلدىڭ سوڭعى جارىم جىلىندا دۇيسەنبىدەن جۇماعا دەيىنگى قىزمەت كۇنىندە مەملەكەتتىڭ ءار جەرىنەن كەلگەن ساياحاتشىلارعا العاشقى ەسىك بەلەتىن تەگىن بەرەتىن A دارەجەلى ساياحات كورىنىس رايونىنا جاڭادان 4 ورىن قوسىلعان. ولار: تايدايشان قاردا سىرعاناۋ ورنى، ليڭشى قىزىل جارتاس سايى، زوچۋان ليانحۋايان كورىنىس رايونى، شيياڭ شىما بۇتحاناسى.

 

قازىرگە دەيىن سانشيدە العاشقى ەسىك بەلەتىنىڭ اقىسى الىنبايتىن A دارەجەلى كورىنىس رايونىنىڭ سانى 130 عا جەتتى . ( ەسكەرتۋ: ساياحاتقا شىعۋدان بۇرىن الدىن الا كەلىسۋ كەرەك).

 

گۇيجوۋ: A دارەجەلى كورىنىس رايونىنىڭ ەسىك بەلەتىن جارىم باعادا ارزانداتادى

 

8-ايدىڭ 1-كۇنىنەن باستاپ، گۇيجوۋ ولكەسىندەگى A دارەجەلى ساياحات كورىنىس رايوندارى ولكە ءىشى – سىرتىنداعى بارلىق ساياحاتشىلارعا ەسىك بەلەتىن جارىم باعاعا دەيىن ارزانداتىپ، ءتيىمدى باعا ۋاقىتىن 2020 – جىلى 12 – ايدىڭ 31 – كۇنىنە دەيىن ۇزارتتى. 

گۇيجوۋداعى ءىشىنارا ساياحات كورىنىس رايوندارىنىڭ ەسىمدىگى

 

«دەنساۋلىق اقاۋسىزدىق كنەشكاسىمەن گۇيجوۋدى ساياحاتتاۋ» قاتارلى توراپ جەلىسى ارقىلى الدىن الا كەلىسكەن سوڭ، توراپ جەلىسىندە نەمەسە توراپتان تىسقارى كورىنىس رايونىنىڭ ارزانداتىلعان ەسىك بەلەتىن ساتىپ الۋعا بولادى. 

 

جياڭسۋ: «ءبىر يۋانمەن ساياحاتتاۋ» تيىمدىلىگىمەن كوپتەگەن ايگىلى باۋ-باقشالاردى ارالاۋعا بولادى

 

جۋىقتا، سۋجوۋ قالاسىنىڭ باۋ ـ باقشا جانە جاسىلداندىرۋدى باسقارۋ مەكەمەسى بۇكىل ەلدەگى ساياحاتشىلارعا باعىتتاي « ءبىر يۋانمەن باۋ ـ باقشالاردى ارالاۋ. 1 ميلليون يۋاندىق سيلىق تاراتۋ» قيمىلىن ورتاعا قويدى. بيىل 12-ايدىڭ 31-كۇنىنەن بۇرىن، سۋجوۋ باۋ-باقشا ساياحات تورابى، تۇڭچىڭ ساياحاتى سياقتى توراپ تەكشەلەرىندە «ءبىر يۋانمەن باۋ-باقشا ارالاۋ» ەسىك بەلەتىن توراپ جەلىسىندە ساتىپ الۋ قيمىلىن ۇيىمداستىرىپ، 1 يۋاندىق ەسىك بەلەتىنەن جيىنى 500 مىڭ داناسىن ساتىلىمعا شىعاردى. ءار ءبىر يۋاندىق بەلەتتى تالاسا ساتىپ العاندار، سول كورىنىس رايونىنىڭ باعاسى ارزاتىلعان 2 دانا ەسىك بەلەتىنەن يگىلىكتەنۋىنە بولادى.

 

1 يۋاندىق ەسىك بەلەت باعاسىنىڭ قولدانىلۋ كولەمى: حۋچيۋ، ليۋيۋان، چۇيجىڭيۋان، شىزىلين، وۋ يۋان، ۋاڭ شىيۋان، ساڭلاڭتيڭ، كىيۋان، تيانپيڭشان، وسىمدىك باقشاسى، حايۋاناتتار باقشاسى، حۋانشيۋ شانجۋاڭ، ي-يۋان، كوركەمونەر باقشاسى سياقتى سۋجوۋداعى ايگىلى 14 باۋ-باقشا كورىنىس رايونىن قامتيدى. 

 

سۋجوۋدى ساياحاتتاپ بولعان سوڭ 6 بەكتىكتىڭ ەجەلگى استاناسى بولعان نانجيڭدى قالاي تاستاپ كەتۋگە بولسىن. 

 

جۇڭشانليڭ قابىرىستانى نانجيڭ قالاسى شۋان-ۋ رايونىنىڭ وڭتۇستىك باۋرايىنداعى جۇڭشان كورىنىس تۇيىنىنە ورنالاسقان. سىرتقا تەگىن اشىلعان مەملەكەتتىك   5A دارەجەلى كورىنىس رايونى. بۇل ورىننىڭ كۇزگى كورىنىسى اسا كوركەم، ادەمى دارشىن گۇلى، بيىك وسكەن شىنار اعاشى، اق ورىك داڭعىلى سياقتى ورىندار مەملەكەت مەرەكەسى كەزىندە ساياحاتتاۋعا ەرەكشە ۇيلەسەدى.

 

شيشياشان تاۋى ساياحاتشىلاردىڭ دەم الىپ، تىنىستاۋىنا توتەنشە قولايلى. جىلدىڭ ءتورت ماۋسىمىنداعى ەڭ كوركەم مەزگىل كۇزگى تابيعات كورىنىسى. جۇڭگوداعى ايگىلى ۇيەڭكى اعاشى وسەتىن ءتورت ساياحات كورىنىس رايونىنىڭ ءبىرى. قىزىل ۇيەڭكىنىڭ تۇرلەرى كوپ، سانى مول. 

 

چيڭداۋ: A  دارەجەلى 12 كورىنىس رايونىن تەگىن ساياحاتتاۋعا بولادى

 

التىن كۇز ماۋسىمى تايادى، چيڭداۋداعى كوز جاۋىن الاتىن مەزگىل كەلىپ جەتتى. سونداي – اق بيىل 12 – ايدىڭ 31-كۇنىنە دەيىن چيڭداۋداعى لاۋشان كورىنىس رايونى، شياۋچيڭداۋ باقشاسى، شياۋيۇيشان باقشاسى، تەڭىز ونىمدەرى مۇراجايى، وۋفان مۇراجايى، داجۋشان كورىنىس رايونى، لاڭياتاي كورىنىس رايونى، جۋشان مەملەكەتتىك ورمان باقشاسى، چيڭداۋداعى گەرمانيا گۋبەرناتورىنىڭ كونە جۇرتى مۇراجايى ( قوناق ءۇيى ) ، شينحاۋشان باقشاسى، چيڭداۋ تاۋىنداعى زەڭبىرەك تەكشەسىنىڭ ەسكى جۇرتى، حىشان كورىنىس رايونى، لاۋشان كورىنىس رايونى سياقتى ون ەكى A دارەجەلى كورىنىس رايونىنىڭ ەسىك بەلەتى الىنبايدى.

ايگىلى كورىنىس ورىندارىن تاماشالاعىسى كەلەتىندەر چيڭداۋ لاۋشان كورىنىس رايونىن قالت جىبەرمەڭىزدەر، ول مەملەكەتتىك 5A دارەجەلى ساياحات كورىنىس رايونى. مەملەكەتتىك كەڭەستىڭ تۇڭعىش توپتا تەكسەرىپ بەكىتكەن مەملەكەتتىك ءتۇيىندى كورىنىس رايوندارىنىڭ ءبىرى؛

 

دەنە-تاربيەگە قىزىعاتىندار وۋفان مۇراجايىن تاماشالاسا لايىقتى. وۋفان مۇراجايىنىڭ ورنى وۋفان دەنە تاربيە جارىسى مەن وۋفان مادەنيەتىن نەگىز ەتەدى. مۇراجايدا ناقتى زات، سۋرەت قاتارلى ماتەريالداردى پايدالانا وتىرىپ، وسىزاماندانعان كورمە ءتاسىلىن تولىقتاۋشى ەتىپ، بولمە ىشىندەگى كورمە مەن بولمە سىرتىنداعى كورىنىستەردى ءوزارا سايكەستىرگەن مەملەكەت دارەجەلى وليمپيادا جۇرتى سيپاتىنداعى كولەمدى ارناۋلى تاقىرىپتىق مۇراجاي؛

 

تاريحقا قىزىعىپ، اسكەري ىستەرگە قۇمارتاتىندار چيڭداۋ زەڭبىرەك تەكشەسىنىڭ بايىرعى جۇرتى كورىنىس رايونىنان قۇر قالماڭىزدار. ول دۇنيە جۇزىلىك ءبىرىنشى سوعىستاعى قيىر شىعىستىڭ بىردەن-ءبىر سوعىس مايدانىنىڭ بايىرعى جۇرتى. بۇندا  دۇنيە جۇزىلىك ءبىرىنشى سوعىستىڭ ەسكى جۇرتى مۇراجايى مەن چيڭداۋ زەڭبىرەك تەكشەسىنىڭ كونە جۇرتى قامتىلعان. كورىنىس رايونىندا سوعىس جونىندە قىرۋار دەرەكتەر مەن ەستەمەلەر ساقتالعان. تاريحي گۋمانيتارلىق كورىنىستەرى مول، مەملەكەتتىك ءتۇيىندى مادەني مۇرا رەتىندە قورعالاتىن ورىن، مەملەكەتتىك 3A دارەجەلى كورىنىس رايونى. 

 

شاندۇڭ ولكەسى وزگە بارلىق ولكەلەردىڭ جاسىل ءتۇستى دەنساۋلىق كنەشكاسىن مويىندايدى. جاسىل ءتۇستى دەنساۋلىق كنەشكاسى بارلار شاندۇڭدا وڭاشالانبايدى. ساياحات ساپارىنا قولايلى بولۋ ءۇشىن، شاندۇڭعا بارۋدان ىلگەرى «شاندۇڭعا ساپارلاۋعا ءوتىنىش» بەرىپ، جاسىل ءتۇستى دەنساۋلىق كنەشكاسىن شاندۇڭداعى دەنساۋلىق كنەشكاسىنا الماستىرۋ قاجەت. 

 

ساياحاتشىلارعا ەسكەرتۋ: 

 

ساياحاتشىلار ساپارعا شىعۋدان بۇرىن جول لەنياسىن ۇيلەسىمدى جوسپارلاۋى كەرەك، «ساياحاتتاۋدان بۇرىن، الدىن الا ۋادەلەسىپ الىڭىز» ، ساياحات كورىنىس رايوندارىمەن الدىن الا كەلىسپەسەڭىز، كوزسىزدىكپەن بارۋىڭىزعا بولمايدى. الدىن الا كەلىسپەگەندەر كورىنىس رايوندارىنا كىرە المايدى. سونىمەن بىرگە، ەسىك بەلەتىن المايتىن كورىنىس رايونىنا بەتالدى كىرۋگە بولمايدى، الدىن الا كەلىسكەن شارتتى ءنومىرى ارقىلى كورىنىس رايونىنىڭ ەسىك كوزىندەگى شەكتەۋ جۇيەسىنەن ءوتۋى كەرەك. كورىنىس رايونىنداعى باۋ-باقشاعا كىرگەندە، سانالى تۇردە ماسكى تاعۋ، ەلەكتروندى دەنساۋلىق كنەشكا ءنومىرىن كورسەتۋ، قىزمەتكەرلەرگە ىرىقتى تۇردە سايكەسىپ، باقشاعا كىرۋدەن بۇرىن دەنساۋلىق تەكسەرتۋ، ساياحاتشىلاردى توپقا ءبولىپ باسقارۋ ـ مەڭگەرۋگە بويسۇنۋ سياقتى ىندەتتەن ساقتانۋ-تىزگىندەۋ قىزمەتىن ويداعىداي ىستەۋ كەرەك. 

 

اۋدارعان: قۋات جۇماش ۇلى

 

    中央广播电视总台 央广网 版权所有

    الاقاي! ايگىلى كورىنىس رايوندارىنىڭ ەسىك بەلەتى تەگىن تاراتىلادى

    مەملەكەت مەرەكەسى مەن جۇڭچيۋ مەرەكەسىندە جالپى 8 كۇن دەمالىس بەرىلەتىن بولدى، ۇزاق دەمالىستا قايدا ساياحاتتاۋدى جوسپارلادىڭىز؟