جاڭادان قوسىلعان دياگنوزى تۇراقتانعان ناۋقاس 115 بولدى، جيليندا «اسقىن تارالۋ» قۇبىلىسى جارىققا شىقتى

مەملەكەتتىك دەنساۋلىق ساقتاۋ سالاماتتىق كوميتەتىنىڭ حابارىندا، 1-ايدىڭ 15-كۇنى ساعات 0 دەن 24 كە دەيىن، 31 ولكە (اۆتونوميالى رايون) جانە شينجياڭ ءوندىرىس-قۇرىلىس بيڭتۋانى مالىمدەگەن جاڭادان قوسىلعان دياگنوزى تۇراقتانعان ناۋقاس 130 ادام، بۇندا جەرلىك ناۋقاس 115 ادام(حىبەيدا 90 ادام، حيلۇڭجياڭدا 23 ادام، بەيجيڭدە 2 ادام)؛ جاڭادان قوسىلعان اۋرۋ بەلگىسى جوق جۇعىمدالۋشى 79 ادام (شەتەلدەن كىرگەن 24 ادام)

شىجياجۋاڭ قالاسى وسى ايدىڭ 19-كۇنى ساعات 24 كە دەيىن ۇيدەن شىقپاي ىندەتتەن ساقتانۋ ءتۇزىمىن اتقارادى.

1-ايدىڭ 15-كۇنى، حىبەي ولكەسى شىجياجۋاڭ قالالىق ىندەتتەن ساقتانۋ-تىزگىندەۋ قولباسشىلىق ىشتابى كەڭسەسىنىڭ حابارىنا نەگىزدەلگەندە، ىندەتتەن ساقتانۋ-تىزگىندەۋ جاعدايىنىڭ تالابىنا ساي، مامانداردىڭ ساراپتاۋى، شىجياجۋاڭ قالالىق ىندەتتەن ساقتانۋ-تىزگىندەۋ قولباسشىلىق ىشتابىنىڭ اقىلداسىپ ۇيعارۋى بويىنشا، تۇتاس قالا 1-ايدىڭ 19-كۇنى ساعات 24 كە دەيىن ۇيدەن شىقپاي ىندەتتەن ساقتانۋ ءتۇزىمىن اتقارادى. 

شىجياجۋاڭداعى باۋليلافەي الەۋمەتتىك اۋماعى، قوجالىق باسقارۋ قىزمەتكەرلەر ورتانى ديزەنفەكسيالاۋدا

شيڭتاي قالاسىندا بۇگىننەن باستاپ نانگۇڭ قالاسىنان وزگە جەرلەردە ءوندىرىس تۇرمىس بىرتىندەپ قالپىنا كەلەدى. 

حىبەي ولكەسى شيڭتاي قالاسى جاڭا تيپتى ايدارشا ۆيروس وكپە قابىنۋ ىندەتىنە قارسى تۇرۋعا جەتەكشىلىك ەتۋ شاعىن گرۋپپاسى كەڭسەسىنىڭ حابارلاندىرۋىنشا، ەكى رەتكى جالپى حالىقتىق نۋكلەين قىشقىلىن تەكسەرۋدەن سوڭ، نانگۇڭ قالاسىنان وزگە جەرلەر، شيڭتاي قالاسىنىڭ وزگە اۋدانىنداعى (قالا، رايون) نۋكلەين قىشقىلىن تەكسەرۋ ناتيجەسى بولىمسىز بولعاندار، ءماجىلىس اشىپ اقىلداسقان سوڭ، 1-ايدىڭ 16-كۇنىنەن باستاپ، نانگۇڭ قالاسىنان وزگە جەرلەر، شيڭتاي قالاسىنىڭ وزگە اۋداندارى(قالا، رايون) ءتارتىپتى تۇردە ءوندىرىس پەن تۇرمىستى قالپىنا كەلتىرۋىن ۇيعاردى. 

جيلين ولكەسىندە جاڭادان قوسىلعان اۋرۋ بەلگىسى جوق جۇعىمدالۋشى 13 ادام، بۇندا 10 ادام ءبىر ورىندا كۋرىسكە قاتىناسقان

جيلين ولكەلىك دەنساۋلىق ساقتاۋ سالاماتتىق كوميتەتىنىڭ حابارىنشا، 1-ايدىڭ 15-كۇنى ساعات 0 دەن 24 كە دەيىن، جيلين ولكەسىندە جاڭادان قوسىلعان اۋرۋ بەلگىسى جوق جۇعىمدالۋشى 13 ادام، بۇلاردىڭ بارلىعى 1-ايدىڭ 13-كۇنى حابارلاندىرىلعان حيلۇڭجياڭ ولكەسىنەن كىرگەن اۋرۋ بەلگىسى جوق 3 جۇعىمدالۋشىمەن بايلانىسى بارلار. جوعارىداعى ادامداردىڭ بارلىعى شوعىرلى وڭاشالاپ مەديتسينالىق باقىلاۋ جۇرگىزۋ كەزىندە ىرىقتى تۇردە سارالاپ تەكسەرۋ ارقىلى بايقالعان. 

قازىر جوعارىدا ايتىلعان اۋرۋ بەلگىسى جوق 13 جۇعىمدالۋشى جەرلىك ورىنداعى ءتۇيىندى بەلگىلەنگەن شيپاحاناعا وڭاشالانىپ مەديتسينالىق باقىلاۋعا الىنعان. گۇڭجۋليڭ قالاسى جوعارىدا ادامدارمەن تىعىز جاناسۋشىلاردى، تىعىز جاناسۋشىلارمەن كەزىككەندەردى، جانە ادەتتەگى جاناسۋشىلاردى ىزىنە ءتۇسىپ تەكسەرۋدە سونداي-اق باسقارۋ تىزگىندەۋ شارالارىن تياناقتاندىرۋدا، بۇدان سىرت تۇرمىس جانە قىزمەت ورىندارىنا ديزەنفەكسيالاۋ جۇرگىزىپ ءزارارسىزداندىرۋدا. 

حيلۇڭجياڭدا جاڭان قوسىلعان دياگنوزى تۇراقتانعان ناۋقاس 23 ادام چيچيحاردا جالپى حالىقتىق نۋكلەين قىشقىلىن تەكسەرۋ قىزمەتى ورىستەتىلدى

حيلۇڭجياڭ ولكەلىك دەنساۋلىق ساقتاۋ سالاماتتىق كوميتەتىنىڭ حابارىنشا، 1-ايدىڭ 15-كۇنى ساعات 0 دەن 24 كە دەيىن، حيلۇڭجياڭ ولكەسىندە جاڭادان قوسىلعان دياگنوزى تۇراقتانعان ناۋقاس 23 ادام (سۇيحۋا قالاسى ۋاڭكۇي اۋدانىندا 21 ادام، بۇنىڭ ىشىندە 7 ادام ۋاڭكۇي اۋدانىنداعى اۋرۋ بەلگىسى جوق جۇعمدالۋشىدان دياگنوزى تۇراقتانعان ناۋقاسقا وزگەرگەن، سۇيحۋا قالاسى بەيلين رايونىندا 1 ادام، سۇيحۋا ءاندا قالاسىندا 1 ادام)؛ جاڭادان قوسىلعان اۋرۋ بەلگىسى جوق جۇعىمدالۋشى 30 ادام (سۇيحۋا قالاسى ۋاڭكۇي اۋدانىندا 25 ادام، سۇيحۋا قالاسى سۇيليڭ اۋدانىندا 2 ادام، سۇيحۋا ءاندا قالاسىندا 2 ادام، حاربين قالاسى داۋۋاي رايونىندا 1 ادام).

جوعارىدا ايتىلعان دياگنوزى تۇراقتانعان ناۋقاستار مەن اۋرۋ بەلگىسى جوق جۇعىمدالۋشىلاردىڭ ىشىندە، حاربين قالاسى داۋۋاي رايونىنداعى اۋرۋ بەلگىسى جوق جۇعىمدالۋشىدان باسقاسى(ايەل، 46 جاستا، قازىر داۋۋاي رايونى تۋانجيە قالاشىعى دۇڭدۋشيڭفۋ تۇرعىندار رايونىندا تۇرادى، جەرلىك ورىن جالپى بەتتىك نۋكلەين قىشقىلىن تەكسەرۋ بارىسىندا ناتيجەسى بولىمدى بولعان)، تۇگەلدەي ۋاڭكۇي اۋدانى حۇيچي قالاشىعى حۇيچي قىستاعىنداعى دياگنوزى تۇراقتانعان ناۋقاستارمەن، اۋرۋ بەلگىسى جوق جۇعىمدالۋشىلارمەن تىعىز جاناسۋشىلاردى، تىعىز جاناسۋشىلارمەن تىعىز جاناسقانداردى سارالاپ تەكسەرۋ بارىسىندا نۋكلەين قىشقىلىن تەكسەرۋ ناتيجەسى بولىمدى بولعان. دياگنوزى تۇراقتانعان ناۋقاستار مەن اۋرۋ بەلگىسى جوق جۇعىمدالۋشىلاردى جەرلىك ورىنداعى ماماندار بىرلەسىپ دياگنوز قويۋ ارقىلى تۇراقتاندىرعان، قازىر بارلىعى ءتۇيىندى بەلگىلەنگەن شيپاحانادا وڭاشالانىپ ەمدەلۋدە جانە شوعىرلى مەديتسينالىق باقىلاۋدا. 

بۇدان سىرت، 1-ايدىڭ 15-كۇنى، حيلۇڭجياڭ چيچيحار قالالىق ۇكىمەت جاريالاعان حابارلاندىرۋدا، قالا بويىنشا بۇكىل حالىقتىق نۋكلەين قىشقىلىن تەكسەرۋ جۇمىسى جۇرىلۋدە. 

بەيجيڭدە جاڭادان قوسىلعان دياگنوزى تۇراقتانعان جەرلىك ناۋقاس 2 ادام ەكەۋى دە شۇن-يي رايونىندا

بەيجيڭ قالالىق دەنساۋلىق ساقتاۋ سالاماتتىق كوميتەتىنىڭ حابارىنشا، 1-ايدىڭ 15-كۇنى ساعات 0 دەن 24 كە دەيىن، بەيجيڭدە جاڭادان قوسىلعان دياگنوزى تۇراقتانعان جەرلىك ناۋقاس 2 ادام بولعان. 

جۇقپالى اۋرۋدان ساقتانۋ جانە الدىن الۋ قۇرىلىمى جوعارىداعى ەكى ناۋقاسقا ەپيدەميولوگيالىق تەكسەرۋ جۇرگىزىپ، قاتىستى تالاپتار بويىنشا باسقارۋ مەڭگەرۋ شارالارىن تياناقتاندىردى. 

شانشي جينجۇڭدا جاڭادان قوسىلعان اۋرۋ بەلگىسى جوق جۇعىمدالۋشى 1 ادام حىبەي ولكەسىنەن كىرگەن

1-ايدىڭ 15-كۇنى كەشتە، شانشي ولكەسى جينجۇڭ قالاسى اقپارات جاريالاۋ ءماجىلىسىن اشىپ، حىبەي ولكەسىنەن كىرگەن اۋرۋ بەلگىسى جوق جۇعىمدالۋشىمەن تىعىز جاناسقان ءبىر ادامنىڭ اۋرۋ بەلگىسى جوق جۇعىمدالۋشى بولعانىن حابارلاندىردى. 

تيانجيندەگى ىندەتكە قاتىستى بالمۇزداق ءوندىرىسى شيكزاتىنا نۋكلەين قىشقىلى تەكسەرۋىن جۇرگىزگەندە ناتيجەسى بولىمدى بولعان

تيانجين قالالىق ىندەتتەن ساقتانۋ-تىزگىندەۋ قولباسشىلىق شتابىنىڭ حابارىنشا، تيانجين قالالىق جۇقپالى اۋرۋلاردىڭ الدىن الۋ ورنى جيناعان بالمۇزداق وندىرىسىنە پايدالاناتىن ۋكراينادان يمپورت ەتىلگەن ءسۇت سارسۋى ۇنتاعىنىڭ 3 ءتۇرلى ۇلگىسىنىڭ نۋكلەين قىشقىلىن تەكسەرۋ ناتيجەسى بولىمدى بولعان، بۇدان سىرت، حىبەي رايونىندا، شيچيڭ رايونىنداعى ۇقساس توپتا وندىرىلگەن بالمۇزداق ۇلگىلەرىنە جۇرگىزىلگەن نۋكلەين قىشقىلىن تەكسەرۋ ناتيجەسى بولىمسىز بولعان. 

اۋدارعان: قۋات جۇماش ۇلى