ينفورماتسيا اشكەرەلەۋ: mzjubao@cnr.cn

وزەكتى ماقالالار

شاعانتوعاي مەن التايداعى جاۋىنگەرلەرگە وسكەلەڭ قۇرمەت

来源:央广网     |责编:古丽美热·霍孜汗|     发布日期: 2021-01-18 09:10

تەمپەراتۋرا نولدەن تومەن ℃40، بەلۋاردان كەلەتىن قاسات قار… سىزدەرگە وسكەلەڭ قۇرمەت، شەكارا قورعانىس لەنياسىنداعى «جىلجىمالى شەكارا بەلگىلەرى»!

 

 

 

كەسكىننىڭ كەلۋ قاينارى: جۇڭگو اسكەري ىستەر تورابى

 

1-ايدىڭ 13-كۇنى، شينجياڭنىڭ تارباعاتاي ايماعى. قاپالاقتاعان قالىڭ قار جاۋىپ، 8 بال بوران تۇردى. قارلى بوران ۇيتقي ءۇيىرىپ، جاعا-جەڭىڭىزدى جۇلقىلاپ، قاسات قاردى قوينى-قونىشىعىڭىزعا نىعارلايدى. جەر مەن كوكتى تۇگەل ءتۇتىپ جىبەرەردەي قۇتىرىنعان اق تۇتەك بوراننىڭ قاھارىنا جان توزەر ەمەس.

شينجياڭ اسكەري رايونى ءمالىم شەكارا قورعانىس تۋانى شاعانتوعاي شەكارا قورعانىس ليانىنىڭ كوماندير-جاۋىنگەرلەرى نولدەن تومەن ℃20 تىق سۋىقتا قارلى بورانعا قاراماي شارلاۋعا اتتاندى.

جول بويى قارلى بوران جاۋىنگەرلەردىڭ بەت-اۋزىن سابالاۋمەن بولدى. قاسات قاردىڭ قالىڭدىعى 1 مەترگە تايايدى، جاۋىنگەرلەردىڭ الدىعا قاراي ءبىر ادىم ىلگەرلەۋىنىڭ ءوزى اسا ماشاقاتتى ىسكە اينالىپ، اق تۇتەك بوراننان كورۋ اۋماعى نە بارى 20 مەترگە ءتۇستى.

شارلاۋ مىندەتىن تابىسپەن اقىرلاستىرۋ ءۇشىن، ولار ءبىرىن-ءبىرى جەتەكتەپ، بىرىنە-ءبىرى سۇيەۋ بولىپ، جاپا-ماشاقاتتان قورىقپايتىن جان قيارلىق رۋحپەن، ماڭگى تايسالماي العا باساتىن سەنىممەن توقتاۋسىز ىلگەرىلەپ، اقىرى شارلاۋ ورنىنا ءساتتى جەتتى.

 

جىلدار بويىنا قارلى تاۋدى سەرىك ەتىپ، قارلى بوراندا كۇن كەشەتىن وسىناۋ ابزال جاندار وزدەرىنىڭ ءىس جۇزىندىك ارەكەتى ارقىلى وتاندى، بەيبىت ءومىردى قورعاۋدا. وتانىمىزدىڭ شەكارا وتكەلدەرىندە جۇڭگو اسكەرلەرى قۇرىشتان قۇيعانداي باتىر تۇلعالارىن تۋ ەتىپ تىكتى. 

 

الاتاۋ ساعاسىنىڭ بورانى قانشالىق قاتتى ەكەنىن بىلسىز بە؟ شەكارا قورعاۋشى جاۋىنگەرلەر بورانعا قارسى شالقاسىنان جىعىلماق بولسا، بۇل ويلارىن مۇلدە ورىنداي المايدى.

 

 

 

شينجياڭنىڭ الاتاۋ ساعاسى رايونىنا جىلدار بويىنا بوران ازىناپ تۇرادى. ءار جىلعى 365 كۇننىڭ 180 كۇنىندە 8 بالدان جوعارى بوران سوعاتىندىقتان، بۇل اراداعى شەكارا قورعانىس ليانى «جەل وتىندەگى 1-قاراۋىل ورنى» اتالعان.

بوراندى كۇندەرى شارلاۋعا شىعۋ، قاراۋىلعا تۇرۋ الاتاۋ ساعاسى شەكارا قورعانىس ليانىندەگى كوماندير-جاۋىنگەرلەردىڭ كۇندەلىكتى جۇمىسىنا اينالعان.

 

باتىس شەكاراداعى شەكارا قورعاۋشى كوماندير-جاۋىنگەرلەر نولدەن تومەن ℃40 تىق قاقاعان ايازدا دا شارلاۋعا شىعىپ، مىندەت وتەيدى

 

وسى بىرنەشە كۇندە سارى شۇناق ايازىمەن اتى ايگىلى بولعان التاي ايماعىنا تاعى دا سۋىق اعىس كىردى. ءىشىنارا رايونداردىڭ تەمپەراتۋراسى نولدەن تومەن ℃40 قا شۇعىل تومەندەدى. وسى ارادا تۇراتىن تايكەشكەن شەكارا قورعانىس ليانىنىڭ كوماندير-جاۋىنگەرلەرى قارلى بورانعا قاسقايا قارسى ءجۇرىپ، شارلاۋعا اتتاندى.

ومبى قاردىڭ استىندا قالعان قورىم تاس پەن اعاش بۇتاقتارى اتتىڭ اياعىن وڭاي جارالايدى. كوپشىلىك مۇنداي جەرگە كەلگەندە اسا ەپتىلىكپەن ابايلاي باسىپ، اۋپىرىممەن وتەدى.

سۇيەكتەن وتەتىن ىزعارلى بوراندا، جاۋىنگەرلەر وزدەرى ۇناتاتىن اندەرىن شىرقاپ، ەرلىكپەن العا ىلگەرلەيدى. وسىناۋ قارلى القاپتاعى جولبارىس جوندى جوتالاردا قاجىماس-قايتپاس شەكارا قورعانىس جاۋىنگەرلەرىنىڭ اياق ءىزى جىلدار كەرۋەنىمەن بىرگە جوسىلا بەرەدى. 

 

ولار جاپا-ماشاقات پەن حاۋىپ قاتەردى قايراتتى يىقتارىمەن قايىسپاي كوتەرۋدە. نە ءۇشىن دەيسىز عوي؟ ارينە، ارت جاقتارىنداعى مىناۋ ۇلان-بايتاق ولكەنىڭ ۇلان-اسىر شاتتىعى مەن باقىتى ءۇشىن. سولار بولعاندىقتان عانا بەيبىتشىلىكتىڭ ارايلى اق تاڭىندا قام-قايعىسىز، باقىتتى دا باياشات تىرلىك كەشىپ بارامىز.

 

سىزدەرگە وسكەلەڭ قۇرمەت، شەكارا قورعانىس لەنياسىنداعى «جىلجىمالى شەكارا بەلگىلەرى»! 

 

اۋدارعان: نۇرگۇل قۇمارقان قىزى

来源:人民日报

监制、审稿:叶力夏提

 

编辑:古丽美热

 

中央广播电视总台 央广网 版权所有

شاعانتوعاي مەن التايداعى جاۋىنگەرلەرگە وسكەلەڭ قۇرمەت

شينجياڭ اسكەري رايونى ءمالىم شەكارا قورعانىس تۋانى شاعانتوعاي شەكارا قورعانىس ليانىنىڭ كوماندير-جاۋىنگەرلەرى نولدەن تومەن ℃20 تىق سۋىقتا قارلى بورانعا قاراماي شارلاۋعا اتتاندى