بالانىڭ سىمباتى دۇرىس قالىپتاسۋ ءۇشىن نە ىستەۋ كەرەك؟

 بالا سىمباتىنىڭ دۇرىس قالىپتاسۋى−ونىڭ دەنساۋلىعى ءۇشىن اسا ماڭىزدى.

الايدا، كوپتەگەن اتا- انالار بالالارىنىڭ ءبىر يىعى تومەن، نەمەسە بۇكىر بولىپ وسە باستاعانىن بايقاعاندا عانا الاڭداي باستايدى. 

ەگەر بالانىڭ ومىرتقاسى دۇرىس جەتىلمەسە ونىڭ كورۋ قۋاتىنىڭ السىرەۋىنە، جۇرەك قانتامىر جۇيەسىنىڭ بۇزىلۋىنا، تىنىس الۋىنىڭ ناشارلاۋىنا اكەلىپ سوعادى.

بالانىڭ سىمباتى ەڭ اۋەلى مەكتەپ كەزىنەن قالىپتاسا باستايدى. وقۋشىنىڭ ۇستەلگە نەمەسە پارتاعا جاتىپ الىپ جازۋ جازۋىنىڭ، تىك وتىرماۋىنىڭ كەسىرىنەن ونىڭ ومىرتقاسى قيسايا باستايدى. ادەتتە جازۋ داپتەرى مەن وقۋشىنىڭ ارا قاشىقتىعى 35-40 سانتيمەتر بولۋى كەرەك. پارتادا وتىرعاندا ارا قاشىقتىعى دا وسى ارالىقتا بولادى. كەيبىر بالالاردىڭ بويى پارتامەن سايكەس كەلمەيتىندىكتەن ولار قيسايىپ وتىرادى. بۇل دا بالانىڭ ومىرتقاسىنىڭ قيسىق جەتىلۋىنە اسەر ەتەدى. سوندىقتان وقۋشىلارعا ورىندىق-ۇستەل تاڭداعاندا وتە مۇقياتتىلىقپەن، بالانى وتىرعىزىپ كورىپ تاڭداۋ كەرەك.

ادەتتە وقۋشىلار ءبىر يىققا اساتىن نەمەسە وتە اۋىر سومكا اسپاۋى كەرەك. ويتكەنى بالانىڭ ءبىر يىعىنا اۋىر سالماق تۇسەتىندىكتەن، باسى ەكىنشى جاعىنا قاراي اۋىپ، مويىنى قيسىق قالىپتاسىپ قالۋى مۇمكىن. سوندىقتان ەكى يىقتى سومكا ۇستاعانى ابزال. 

بالانىڭ دەنەسى مەن ومىرتقا مۇشەسىنىڭ دۇرىس جەتىلۋى ءۇشىن ٴتۇرلى جاتتىعۋلار جاساۋ كەرەك، سونىمەن قاتار جوعارىداعى ناشار ادەتتەرگە دە كوڭىل بولگەن جون.

来源：中央广播电视总台

主播、视频制作：沙娅

微信制作：古丽美热

كەسكىنىڭ تۇنىعىن تومەندەگى 阅读原文 جالعانىمىن باسىپ كورىڭىز