ٴبىر ادام 102 ادامعا ىندەت جۇقتىردى

1-ايدىڭ 17-كۇنى تۇستەن كەيىن، جيلين ولكەسى ىندەتتەن ساقتانۋ-تىزگىندەۋ جونىندە اقپارات جاريالاۋ ٴماجىلىسىن اشىپ، ىندەتتەن ساقتانۋ-تىزگىندەۋگە قاتىستى جاعدايدى حابارلاندىردى. 

1-ايدىڭ 17-كۇنى ساعات 14 كە دەيىن، جيلين ولكەسى مالىمدەگەن جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىقتى دەپ ديگنوزى تۇراقتانعاندار جيىنى 34 ادام، اۋرۋ بەلگىسى جوق جۇعىمدالۋشىلار 80 ادام بولعان.

لين X ەسىمدى جالعىز ادام 102 ادامعا ىندەت جۇقتىردى

اقپارات جاريالاۋ ماجىلىسىندە، قاتىستى جاۋاپتى ادام، جۇقپالى اۋرۋ عىلىمى بويىنشا تەكسەرۋ مەن ۆيرۋستىڭ تۇتاس گەن گرۋپپاسىنىڭ رەتىن ولشەۋدى بىرلەستىرىپ تالداۋ جاساعاندا، جيلين ولكەسىندەگى وسى رەتكى ىندەتتىڭ تارالۋ جولى ايقىن بولعاندىعىن، حيلۇڭجياڭ ولكەسى ۋاڭكۇي اۋدانىنداعى اۋرۋ بەلگىسى جوق جۇعىمدالۋشى جيلين ولكەسىنە كەلگەننەن كەيىن، سول جەردە ىندەتتىڭ جۇعىمدالۋىن كەلتىرىپ شىعارعاندىعىن ايتتى.

قازىرگە دەيىن، مالىمەت ەتكەن 114 جۇعىمدالۋشىنىڭ ىشىندە، 9 جۇعىمدالۋشى حيلۇڭجياڭ ولكەسىنەن كەلگەن، ال 105 جۇعىمدالۋشى جالعاستى جۇعىمدالعاندار. جالعاستى جۇعىمدالۋشىلاردىڭ ىشىندەگى 3 جۇعىمدالۋشى جيلين ولكەسىنە سىرتتان كەلگەن جۇعىمدالۋشىلاردىڭ وتباسىنداعىلار، قالعان 102 جالعاستى جۇعىمدالۋشىعا لين X ەسىمدى جالعىز ادام جۇقتىرعان.

لين X ەسىمدى وسى ناۋقاس جەكە ساۋدامەن اينالىسادى، حيلۇڭجياڭ ولكەسىنىڭ ادامى، جاقىننان بەرى قاراي، حيلۇڭجياڭ ولكەسى مەن جيلين ولكەسىنىڭ اراسىندا ٴجيى قاتىناعان، شيىرلاعان جەرى ٴبىرشاما كەڭ، كوپتەگەن ادامعا جاناسقان. 1-يدىڭ 6-كۇنىنەن 11-كۇنىنە دەيىن، گۇڭجۋليڭ قالاسىندا، تۇڭحۋا قالاسىندا، 4 رەت، ورتا جاستاعىلار مەن قارتتارعا زات ساتۋ قيمىلىمەن شۇعىلدانعان. جيلين ولكەسى ۋاڭكۇي اۋدانىندا ىندەت پايدا بولعانىن بىلگەننەن كەيىن، سول قالادان كەلگەندەرمەن تىعىز جاناسقانداردى تەكسەرۋ ارقىلى، لين X ەسىمدى ناۋقاستى دەر كەزىندە بايقاعان.

اۋدارعان: اناربەك ٴابىلماجىن ۇلى 

来源：央视网

监制、审稿：叶力夏提

编辑：古丽美热