مەملەكەتتىك ەكى ٴماجىلىس تۋرالى 90 سەكۋند

2021-جىلعى مەملەكەتتىك ەكى ٴماجىلىس اشىلۋ الدىندا تۇر، ەكى ٴماجىلىس تۋرالى نەلەردى بىلەسىز؟ بيىلعى ەكى ٴماجىلىستىڭ بوگەنايى قانداي؟ ولاي بولسا نازار سالايىق.

مەملەكەتتىك ەكى ٴماجىلىس−مەملەكەتتىك حالىق قۇرىلتايى مەن جۇڭگو حالىق ساياسي كەڭەسىنىڭ ٴار جىلى اشىلاتىن كەزەكتى ماجىلىسىنە قاراتىلعان.

بيىلعى اشىلاتىنى 13-كەزەكتى مەملەكەتتىك حالىق قۇرىلتايىنىڭ 4-ٴماجىلىسى مەن ساياسي كەڭەس 13-كەزەكتى مەملەكەتتىك كوميتەتىنىڭ 4-ٴماجىلىسى.

ەندەشە، حالىق قۇرىلتايى ۋاكىلى مەن ساياسي كەڭەس مۇشەلەرى قالاي سايلانادى؟

حالىق قۇرىلتايى ۋاكىلىن بەلگىلى تولىمدىلىققا يە سايلاۋشى تىكەلەي جانە جانامالاي سايلاپ شىعادى. مۇندا، اۋدان، اۋىل دارەجەلى حالىق قۇرىلتايى ۋاكىلىن تىكەلەي داۋىس بەرۋ ارقىلى سايلاپ شىعادى. ال، مەملەكەت، ولكە، رايون جانە قالا دارەجەلى حالىق قۇرىلتايى ۋاكىلىن ودان ٴبىر دارەجە تومەن حالىق قۇرىلتايى جانامالاي سايلاپ شىعادى.

ساياسي كەڭەس مۇشەسى بولسا كەڭەسپەن كورسەتۋ ارقىلى سايلانادى.

ٴار جىلعى ەكى ٴماجىلىس 3-ايدا اشىلادى. بۇل نەلىكتەن؟

مەملەكەتتىك ەكى ٴماجىلىستىڭ 3-ايدا اشىلۋى 1985-جىلدان باستاپ داعدىعا اينالعان. جاڭا ٴبىر جىلداعى ۇكىمەت قىزمەتىنەن بايانداما مەن مەجە ەسەپ بايانداماسىن بەكىتۋ مەملەكەتتىك حالىق قۇرىلتايىنىڭ ماڭىزدى ٴبىر مىندەتى بولىپ، ەگەر ەرتە اشىلاتىن بولسا، وتكەن جىلداعى ساندى مالمەت تولىق بولماي، باياندامانىڭ ناقتى مازمۇنىنا ىقپال ەتەدى. ال بۇدان كەش اشىلاتىن بولسا، سول جىلعى قازىنالىق شىعىسقا اسەر ەتەدى. سوندىقتان 3-اي ەكى ٴماجىلىستىڭ ەڭ تاڭداۋلى مەزگىلى ەسەپتەلەدى.

ىندەت جاعدايى سەبەپتى، بىلتىرعى ەكى ٴماجىلىس كەشەۋىلدەتىلىپ 5-ايدا اشىلعان بولاتىن. بۇل ٴبىر ەرەكشە جاعداي.

ارينە، ىندەتتەن ساقتانۋ-تىزگىندەۋ قىزمەتى بويىنشا بيىلعى مەملەكەتتىك ەكى ٴماجىلىستىڭ قاتىستى حابار-وشار تىلشىلىك قىزمەتى دە بىلتىرعى قاتىستى تالاپتار بويىنشا جۇرىلەدى.

2021-جىلعى مەملەكەتتىك ەكى ٴماجىلىس اشىلۋ قارساڭىندا تۇر، ٴبىز كوكتەم سامالىن الا جەتكەن وسى سالتاناتتى جينالىستىڭ حالقىمىزدى نۇرلى بولاشاققا باستايتىن كەلەلى كەڭەس بولۋىنا تىلەكتەسپىز.

来源：新华网

视频制作：赛里克江、海纳尔

微信制作：古丽美热

تومەندەگى 阅读原文 جالعانىمىن باسىپ حاباردىڭ كەسكىندى نۇسقاسىن كورىڭىزدەر