شينجياڭداعى 12 جوعارى مەكتەپتە جىلقى باعۋ، ءشوپ ەگۋ، جازىپ-سىزۋ قاتارلى 32 كاسىپ تىڭنان قوسىلدى

جۋىقتا وقۋ-اعارتۋ مينيسترلىگى 2020-جىلعى ادەتتەگى جوعارى مەكتەپتەردىڭ تولىق كۋرس كاسىبىن تىزىمگە ءتۇسىرۋ جانە تەكسەرىپ بەكىتۋ ناتيجەسىن جاريالادى ءارى ادەتتەگى جوعارى مەكتەپتەردىڭ تولىق كۋرس كاسىبى تىزىمدىگىن جاڭالادى. مۇنىڭ ىشىندە، شينجياڭداعى 12 جوعارى مەكتەپكە 32 كاسىپ تىڭنان تىزىمگە ءتۇسىرىلدى نەمەسە تىڭنان بەكىتىلدى.

تىڭنان تىزىمگە تۇسىرىلگەن تولىق كۋرس كاسىپتەرىندە، شينجياڭ اۋىل شارۋاشىلىق ۋنيۆەرسيتەتىنە جىلقى شارۋاشىلىعى عىلىمى، كوگال عىلىمى جانە ينجەنەرياسى كاسىبى قوسىلسا، قاشقار ۋنيۆەرسيتەتىنە اۋدارماشىلىق، حابارلاسۋ ينجەنەرياسى كاسىبى قوسىلدى، شينجياڭ پەداگوگيكا ۋنيۆەرسيتەتىنە ساياسات ءىلىمى جانە اكىمشىلىك ءىلىمى، ماركسيزم نازارياسى كاسىبى قوسىلدى، ال، شىحىزى ۋنيۆەرسيتەتىنە باستاۋىش مەكتەپ وقۋ-اعارتۋى جانە شۇعىل جاعدايعا توتەپ بەرۋدى باسقارۋ كاسىبى تىڭنان قوسىلدى؛ ىلە پەداگوگيكا ۋنيۆەرسيتەتى، شينجياڭ قازىنا-ەكونوميكا ۋنيۆەرسيتەتى قاتارلى 7 جوعارى مەكتەپكە زەردەلى اۋىل شارۋاشىلىعى، ەنەرگيا، حيميا ينجەنەرياسى قاتارلى كاسىپتەر تىڭنان قوسىلدى؛ تىڭنان بەكىتىلگەن تولىق كۋرس كاسىپتەرىندە، شينجياڭ مەديتسينا ۋنيۆەرسيتىنە جۇڭگوشا شيپاگەرلىكپەن ساۋىقتىرۋ عىلىمى جانە بيولوگيالىق ءدارى-دارمەك ساندى مالىمەت عىلىمى تىڭنان قوسىلدى، تارىم ۋنيۆەرسيتەتىنە كلينيكالىق مەديتسينا كاسىبى تىڭنان قوسىلدى.

شينجياڭ اۋىل شارۋاشىلىق ۋنيۆەرسيتەتى تىڭنان قوسىلعان 2 كاسىپكە وسى جىل ىشىندە وقۋشى قابىلداۋدى باستايتىندىعىن ايتتى.

جىلقى شارۋاشىلىعى عىلىمى كاسىبى دەگەن نە؟

جىلقى شارۋاشىلىعى عىلىمى كاسىبى حايۋاناتتار عىلىمى ينستيتۋتىندا قۇرىلعان بولىپ، بۇل كاسىپ جىلقى شارۋاشىلىعى عىلىمىنىڭ نەگىزگى نازارياسىن، نەگىزگى ءبىلىمىن جانە نەگىزگى ونەرىن يگەرگەن، جىلقى تۇلىگىنىڭ وسىزاماندانعان وندىرىستىك بىلىمدەرى مەن ونەرىن مەڭگەرگەن، وسىزامانعى جىلقى شارۋاشىلىعى قۇرىلىسىنىڭ قاجەتىنە ۇيلەسە الاتىن، جىلقى تۇلىگىن ءوسىرۋ، باعىپ-باسقارۋ، ۇيرەتۋ، جىلقى ونىمدەرىن مانەرلەۋ، پايدالانۋ قاتارلى سالالارداعى قىزمەتتەرمەن شۇعىلدانا الاتىن، وسى زامانعى جىلقى شارۋاشىلىعىنىڭ دامۋى مەن ەكونوميكالىق، قوعامدىق دامۋعا قىزمەت وتەيتىن جوعارى ساپالى، بەساسپاپ دارىندىلاردى جەتىلدىرۋگە كۇش سالادى.

كوگال عىلىمى جانە ينجەنەرياسى كاسىبى قانداي كاسىپ؟

كوگال عىلىمى جانە ينجەنەرياسى كاسىبى جايىلىم جانە ورتا عىلىمى ينستيتۋتىندا قۇرىلعان بولىپ، بۇل كاسىپتى اشۋداعى ماقسات ـ تاماشا عىلمي گۋمانيتارلىق ساپا مەن جاڭالىق جاراتۋ رۋحىنا يە، بيولوگيا عىلىمى، ەكولوگيا عىلىمى، ورتا عىلىمى، جايىلىم عىلىمى، كورىنىس باقشاسى عىلىمى قاتارلىلاردىڭ نەگىزگى نازاريالىق بىلىمدەرىن جۇيەلى يگەرگەن، كوگال، ساپالى ءشوپ تۇقىمى بايلىعىن اشۋ، كوگال جەرلەردى جوبالاۋ، كوگال جەرلەردى قۇرۋ جانە كۇتىمدەپ باسقارۋ، كوگال ونىمدەرىن تيجارات ەتۋ، سونداي-اق، كوگال ەستەتيكاسى جانە مادەنيەتى سياقتى كاسىبي بىلىمدەر مەن ونەرىن مەڭگەرگەن، عىلمي زەرتتەۋ تاراۋلارى، وقۋ-اعارتۋ ورىندارى، كاسىپورىندار، ءىس ورىندار، كاسىپتىك تەحينكالىق جانە اكىمشىلىك باسقارۋ تاراۋلارى قاتارلى ورىنداردا كوگال وندىرىسىنە ۇيىمداستىرۋمەن جانە تيجارات ەتۋمەن، ءشوپ تەكتەس وسىمدىكتەر بايلىعىن اشىپ پايدالانۋ، كوگال جەرلەردى جوبالاۋ جانە قۇرىلىس جۇرگىزۋ، ەكولوگيانى قالپىنا كەلتىرۋ جانە جونگە سالۋ، ءشوپ تۇقىمى كاسىبى قاتارلى كاسىپتەردىڭ وقىتۋىمەن، عىلمي زەرتتەۋىمەن جانە ءوندىرىس امالياتىمەن شۇعىلدانا الاتىن جوعارى ساپالى بەساسپاپ دارىندىلار جەتىلدىرۋ.

شينجياڭ كوركەمونەر ينستيتۋتى مەن شينجياڭ پەداگوگيكا ۋنيۆەرسيتەتىنىڭ تىڭنان قوسىلعان حاتكەرلىك ءىلىمى تولىق كۋرس كاسىبى بەكىتۋدەن ءوتتى، كەلەر جىلدان باستاپ وقۋشى قابىلدايدى

شينجياڭ كوركەمونەر ينستيتۋتى مەن شينجياڭ پەداگوگيكا ۋنيۆەرسيتەتىنىڭ تىڭنان قوسىلعان حاتكەرلىك ءىلىمى تولىق كۋرس كاسىبى بەكىتۋدەن ءوتتى، كەلەر جىلدان باستاپ وقۋشى قابىلدايدى

شينجياڭ كوركەمونەر ينستيتۋتى حاتكەرلىك ينستيتۋتى پارتيا باس ياچەيكاسىنىڭ شۋجيى لي جىرۇڭنىڭ تانىستىرۋىنا قاراعاندا، بۇل ينستيتۋت 2018-جىلى حاتكەرلىك فاكۋلتەتىن قۇرىپ، 2019-جىلى حاتكەرلىك ينستيتۋتى دەپ رەسمي وزگەرتكەن، قازىر ەكى جىلدىقتا جيىنى 19 حاتكەرلىك اسپيرانتى وقىپ جاتىر ەكەن. لي جىرۇڭ مىنانى ەسكەرتتى: حاتكەرلىك ءىلىمى كوركەمونەر تۇرىندەگى كاسىپكە جاتاتىندىقتان، ەمتيقان بەرۋشىلەر الدىمەن حاتكەرلىك كاسىپتىك ەمتيقانىنان تولىمدى بولۋى كەرەك، مەجەمەن تۇڭعىش رەتتە 30 ادام قابىلدانادى.

شينجياڭ پەداگوگيكا ۋنيۆەرسيتەتى اسەمونەر ينستيتۋتىنىڭ باستىعى لي يۇڭنىڭ تانىستىرۋىنشا، بۇل ينستيتۋت كەلەر جىلدان باستاپ تۇڭعىش رەت حاتكەرلىك ءىلىمى تولىق كۋرس كاسىبىنە وقۋشى قابىلدايدى، تۇڭعىش توپتا 30 وقۋشى قابىلداۋدى جوسپارلاپ وتىر.

حاتكەرلىك كاسىبى نەلەردى ۇيرەتەدى؟ لي جىرۇڭ بىلاي دەدى: حاتكەرلىك كاسىبى نەگىزىنەن حاتكەرلىك جاسامپازدىعى، حاتكەرلىك نازارياسىن زەرتتەۋ، حاتكەرلىك وقىتۋى قاتارلى قىزمەتتەردىڭ ۇددەسىنەن شىعا الاتىن امبەباپ، قولدانىلمالى، جوعارى دارەجەلى، ارناۋلى دارىندىلاردى تاريبەلەيدى.

«حاتكەرلىك كاسىبىنىڭ نەگىزگى نازارياسى مەن ونەرىن يگەرۋدەن تىس، وقۋشىلار جۋانشۋ ۇلگىسى، ليشۋ ۇلگىسى، كايشۋ ۇلگىسى، شيڭشۋ ۇلگىسى، ساۋشۋ ۇلگىسى قاتارلى 5 ءتۇرلى جازۋ ۇلگىسى مەن ءمور ويماشىلىعى دەربەس جاسامپازدىق قابىلەتىنە يە بولۋى كەرەك». لي يۇڭ تاعى بىلاي دەدى: جۇڭگوشا سۋرەت، بايىرعى جازۋ عىلىمى، جۇڭگو حاتكەرلىك تاريحى، جۇڭگونىڭ ءمور ويۋ تاريحى، حاتكەرلىك ەستەتيكاسى، كىتاپتار تەورياسى، جۇڭگونىڭ اسەمونەر تاريحى قاتارلىلار تۇگەلدەي وقۋشىلار ۇيرەنەتىن ساباقتار قاتارىندا. 

«حاتكەرلىك ۇيرەنۋ قاراماققا كەنجە قالعان كاسىپ سياقتى كورىنگەنىمەن، ءىس جۇزىندە بولاشاعى نۇرلى»،ـ دەيدى لي يۇڭ. ونىڭ ايىتۋىنشا، ينستيتۋت حاتكەرلىك كاسىبىن اشۋدان بۇرىن ءبىر رەت تەكسەرۋ جۇرگىزگەن ەكەن. سوندا بايقاۋىنشا، شينجياڭداعى بارلىق باستاۋىش مەكتەپتەردە حاتكەرلىك ساباعى وتىلەدى، الايدا، شينجياڭدا كاسىپتىك حاتكەرلىك وقىتۋشىلارى تاربيەلەنبەگەندىكتەن، قازىر شينجياڭداعى باستاۋىش مەكتەپتەردىڭ %90 ىندە حاتكەرلىك ساباعىن ادەبيەت وقىتۋشىلارى مەن اسەمونەر وقىتۋشىلارى بەرىپ كەلەدى. قازىرگى ساندى مالىمەتتەرگە نەگىزدەلگەندە، شينجياڭداعى ورتا-باستاۋىش مەكتەپتەرگە 10 مىڭنان استام حاتكەرلىك وقىتۋشىسى قاجەت، مۇنان تىس، شينجياڭدا كوپتەگەن كوركەمونەرگە تاربيەلەۋ بازارى بار بولىپ، بارلىعى دا حاتكەرلىككە تاربيەلەيتىن وقىتۋشىلاردى شۇعىل قاجەت ەتىپ وتىر ەكەن. 

 اۋدارعان: نۇرگۇل قۇمارقان قىزى

来源：工人日报

监制、审稿：叶力夏提

编辑、制作：阿依娜