ينفورماتسيا اشكەرەلەۋ: mzjubao@cnr.cn

وزەكتى ماقالالار

قىزىل ارحيۆ16-ٴبولىم: سەنىم قول بۇلعايدى‐ پارتيانى ىزدەۋ جولىندا

来源:央广网     |责编:古丽美热·霍孜汗|     发布日期: 2021-04-07 17:58

ٴجۇز ٴبولىمدى شاعىن قۇجاتتى فيلىم-قىزىل ارحيۆ

36  جاستاعى جۋ دىنىڭ پارتياعا كىرۋ ٴوتىنىشى تويتارىلدى، ول سەنىم جولىندا پارتيانى ىزدەپ بۇراڭ جول باستى

 

 

 

تويتارۋعا بولمايتىن ٴبىر پارشا ٴوتىنىش حاتى. بۇراڭ جول باسىپ، پارتيانى ىزدەگەن 36 جاستاعى جۋ دى بارلىعىنان باس تارتىپ، تىڭ ساپارعا اتتاندى.

 

جۋ دىنىڭ جاستىق شاعىنداعى جۇڭگو جارتىلاي وتار جارتىلاي فەودالدىق قوعام ەدى. ول وتاندى قۇتقارۋ جولىندا ارمياعا كىرىپ، باتىرلىقپەن ەرەن ەڭبەك كورسەتكەندىگى ٴۇشىن، بىرنەشە جىلدا-اق يۇننان ارمياسىنىڭ ايگىلى قولباسشىسىنا اينالادى.

 

سوعىستان كوز اشپادىق جىلدار بويى،

ەر ەتىكپەن سۋ كەشكەن زامان بولدى،

حالى نەشىك ەلىمنىڭ ازىپ-توزعان،

سونى كورىپ جانارىم جاسقا تولدى.

 

جۋ دى مىنە وسىنداي ولەڭ جولدارىمەن ميليتاريستەردىڭ قىرىق پىشاق بۇلىگىنەن ابدەن مەزى بولعان كۇيىن بەينەلەيدى. ورنى جوعارى بولسا دا، شينحاي توڭكەرىسىنەن كەيىنگى تولاسسىز ىشكى سوعىستىڭ ەلدى كۇيزەلتكەنىن ٴوز كوزىمەن كورگەن جۋ دى نە ىستەرىن بىلمەي داعداردى. قازان توڭكەرىسىنىڭ زەڭبىرەك ٴۇنى تۇنەك ىشىندە الاسۇرعان جانداي كۇي كەشكەن جۋ دىعا ٴۇمىت وتىن جاققانداي بولدى.

 

ول كەيىن ٴوزىنىڭ ەستەلىگىندە بىلاي دەپ جازادى:

‐ ەسكى اسكەري كۇرەس ادىسىمەن توڭكەرىس جاساۋ ماقساتىنا جەتۋگە بولمايتىنىنا كوزىم جەتتى. قازان توڭكەرىسىنىڭ ىقپالىن كورگەن سوڭ، روسسيانىڭ جاڭاشا توڭكەرىس نازارياسى مەن توڭكەرىستىك ٴادىس-امالدارىن ۇيرەنىپ، تىڭنان توڭكەرىس جۇرگىزۋ كەرەك دەگەن ويعا كەلدىم.

 

1922-جىلى جۋ دى شەن-شەكپەنىن تاستاپ، مەملەكەتتى قۇتقارۋدىڭ جاڭا جولىن ىزدەۋگە بەل بۋدى. سول جىلى ول 36 جاستا ەدى.

 

يۇنناننان شاڭحايعا بارعان سوڭ قارىشتاپ دامىپ كەلە جاتقان جۇمىسشىلار قوزعالىسىنا، قۇرىلعانىنا ۇزاق بولماعان جۇڭگو كوممۋنيستىك پارتياسى باسشىلىق ەتەتىنىن بىلگەننەن كەيىن، جۋ دى قالايدا وسى پارتيانى ىزدەپ تاۋىپ، سونىڭ ٴبىر مۇشەسى بولۋعا بەل بۋادى.

 

ٴبىراق كوممۋنيستىك پارتيامەن قالاي بايلانىس ورناتۋ كەرەك؟  جۋ دى بۇعان شاراسىز ەدى.

 

6-ايدا شاڭحايدان كوممۋنيستىك پارتيانى ىزدەگەنىمەن تابا المايدى، سونىمەن بەيجيڭگە بارىپ جالعاستى ىزدەۋ بەكىمىنە كەلەدى. 7-ايدا بەيجيڭگە بارىپ كومپارتيانىڭ جاۋاپتى ادامىن ىزدەيدى، ٴبىراق تابا المايدى. كەيىن كومپارتيا جاۋاپتىسى چىن دۋشيۋدىڭ شاڭحايدا ەكەنىن ەستىپ، جۋ دى اقىرى شاڭحايعا قايتا ورالادى. ٴبىر ايدان استام ۋاقىتتان كەيىن، كوممۋنيستىك پارتيانىڭ العاشقى جاۋاپتىسى چىن دۋشيۋدى ىزدەپ تاپقاندا پارتياعا كىرۋ ٴوتىنىشى قابىلدانبايدى.

 

چىن دۋشيۋ جۋ دىعا بىلاي دەپ ايتادى:

‐ كوممۋنيستىك پارتياعا مۇشە بولام دەسەڭ ٴسوزسىز جۇمىسشىلار ٴىسىن ٴوز ٴىسىڭ ساناۋىڭ كەرەك. ٴارى سونىڭ جولىندا قۇربان بولۋعا دايىن بولۋىڭ ٴتيىس. كونە ارميانىڭ جوعارى دارەجەلى ٴمانساپتىسى بولعان ادام، ۇزاق ۋاقىت ۇيرەنۋى جانە شىن پەيىلمەن ٴوتىنىش ٴبىلدىرۋى قاجەت.

 

ون نەشە جىلدان كەيىن جۋ دى سول رەتكى كەزدەسۋدى ەسكە العاندا بىلاي دەيدى:

‐ سول كەزدەر وتە قيىن ەدى. تورىقتىم، داعداردىم. كونە تارتىپتەن شىعا الماي، جاڭا تارتىپكە كىرە الماي، تياناق تاپپاي دال بولدىم.

 

سالىنى سۋعا كەتسە دە، جۋ دى ٴۇمىتىن ەشقاشان ۇزبەدى. سونىمەن ول شەتەلگە بارىپ كوممۋنيزمدى زەرتتەپ، اقيقاتتى ىزدەۋ ساپارىن توقتاتپاۋعا بەكىدى. 1922-جىلى 9-ايدا، جۋ دى ەۆروپاعا باراتىن پوچتا كەمەسىنە وتىرىپ جولعا شىقتى. ول پاريجدە جۇرگەندە ەۆروپاداعى جۇڭگولىق وقۋشىلار اراسىندا جۇڭگو كوممۋنيستىك پارتياسىنىڭ ەۆروپاداعى ۇيىمى قۇرىلعانىن، ونىڭ نەگىزگى قۇرۋشىلارىنىڭ ٴبىرى بولعان جوۋ ىنلاي گەرمانيانىڭ بەرلين قالاسىندا تۇراتىنىن ەستىپ، ٴۇمىت وتى جانعانداي بولىپ، گەرمانياعا تارتادى.

 

ول بەرلينگە بارىپ وزىنەن ون نەشە جاس كىشى جوۋ ىنلايدى تاپقاندا وعان ٴوزىنىڭ سالاۋاتىن ەش جاسىرماستان بايانداپ، جۇڭگو كوممۋنيستىك پارتياسىن ىزدەپ بارعان ساپارىن ايتادى. سوڭىنان جۇڭگو كوممۋنيستىك پارتياسىنا مۇشە بولۋ تىلەگىن بىلدىرەدى. جوۋ ىنلاي ونى مۇقيات تىڭداعاننان كەيىن ونىڭ پارتياعا دەگەن شىنايى ىنتاسىن كورىپ، وتىنىشىنە ماقۇل بولادى. ەكى ايدان كەيىن، جۋ دى ج ك پ-نىڭ ەۆروپاداعى ياچەيكاسىنىڭ جاۋاپتىسى جاڭ شىنفۋ مەن جوۋ ىنلايدىڭ تانىستىرۋىندا جۇڭگو كوممۋنيستىك پارتياسىنا رەسىمي مۇشە بولادى.

 

«قانشا ميحىنات شەكسەم دە، پارتياعا مۇشە بولسام» دەگەن تىلەگى اقىرى ورىندالدى. ٴبىراق جۋ دى مۇنىمەن توقتاپ قالعان جوق. گەرمانيادا وقىپ جۇرگەندە توڭكەرىس جەڭىسكە جەتۋ ٴۇشىن، حالىقتىڭ ارمياسى، حالىقتىڭ قولداۋى بولۋ كەرەكتىگىن ٴتۇيسىندى. ٴسويتىپ ول ٴومىر بويى پارتيا ٴۇشىن اسكەري ىستەرمەن شۇعىلدانامىن دەگەن مۇرات قويدى. ٴارى وسى تىلەگىن ورىنداۋ ٴۇشىن سوۆەت وداعىنا بارىپ اسكەري ٴبىلىم الۋعا تالاي رەت تالپىندى. 1925-جىلى 3-ايدىڭ 7-كۇنى گەرمانيادا جۇرگەن جۋ دى سوۆەت وداعىندا ٴبىلىم الىپ جاتقان ج ك پ-نىڭ مۇشەسى لي جي مەن چىن چيشيۋعا بىلاي دەپ ٴبىر پارشا حات جازادى:

 

‐ جيزى، شىننۇڭ جولداس، مەن ٴبىر اپتادا ەكى رەت حات جازدىم، تاپسىرىپ العان بولارسىزدار. تىلەگىمدى ج ك پ-نىڭ موسكۆاداعى ۋاكىلىنە جەتكىزسەڭىزدەر. گەرمانيا كوممۋنيستىك پارتياسى باس شتابىنا بارىپ، سولاردىڭ اسكەري ۇيىمىنا كىرىپ، بىرنەشە اي زەرتتەۋ جۇرگىزىپ، ٴارى موسكۆاداعى شىعىس داشۋەسىنە ٴتۇسىپ وقىپ، قىزىل ارمياعا قاتىناسىپ اسكەري ىستەردى زەرتتەسەم، ەلگە ورالعان سوڭ ٴومىر بويى پارتيا ٴۇشىن قىزمەت ەتىپ، اسكەري ىستەرمەن شۇعىلدانسام دەيمىن.

 

بۇل حاتتىڭ ساقتالعانىنا قازىرگە دەيىن 96 جىل بولدى. بۇگىن ٴبىز وسى وتىنىشتەن جۋ دىنىڭ سول كەزدەگى بىلىمگە دەگەن تالىقپايتىن تالپىنىسى مەن مىزعىماس بەكىمىن اڭعارا الامىز.

 

‐ ەگەر شىعىس داشۋەسىنەن وقۋعا رۇقسات بەرسە، ساباق الۋعا دەرەۋ كىرىسەمىن. ەگەر رۇقسات بەرمەسە وندا ج ك پ-نىڭ موسكۆاداعى ياچەيكاسىنا قوسىلىپ، جاتتىعامىن. سىرتتا نەشە اي تۇرسام دا، وسى بەكىمىمنەن قايتپايمىن، ٴسوزسىز بارامىن. ەكەۋلەرىڭىزدەن وتىنىشىمە ەش قىسىلماي، توتەسىنەن ماقۇلدىق بەرۋلەرىڭىزدى سۇرايمىن.

 

36 جاسىنان 39 جاسىنا دەيىن ىزدەنىس جولىندا، جۋ دى نەشە مىڭداعان شاقىرىم جول باستى. 1925-جىلى جازدا ونىڭ ارمانى ورىندالىپ، حالىقارالىق توڭكەرىستىك جاردەم بەرۋ قوعامىنىڭ كومەگىمەن موسكۆاعا وقۋعا باردى.

 

جۋ دى ەلگە ورالعاننان كەيىن، ٴوزىنىڭ ايرىقشا اسكەري تالانتى جانە مول كۇرەس تاجىريبەسىمەن 1-تامىز نانچاڭ كوتەرىلىسىنە باسشىلىق ەتىپ، گومينداڭ كەرتارتپا توبىنا قارسى قارۋلى قوزعالىستىڭ العاشقى وعىن اتىپ، ۇلت تاۋەلسىزدىگى مەن حالىق ازاتتىعى ٴۇشىن، مەملەكەتتىڭ باي دا قۇدىرەتتى بولۋى جانە حالىقتىڭ باقىتى ٴۇشىن وشپەس ۇلەس قوستى. ول توڭكەرىستىك عۇمىرىندا پارتياعا دەگەن العاشقى ماقساتىنان ەش كوز جازعان ەمەس. ٴىس جۇزىندىك ارەكەتى ارقىلى ٴومىر بويى پارتيا ٴۇشىن قىزمەت وتەيمىن، اسكەري ىستەرمەن اينالىسامىن دەيتىن اسقاق ۋادەسىن ورىندادى.

来源:央视新闻

 

 

视频制作:赛里克江,海纳尔

微信制作:古丽美热

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر 

中央广播电视总台 央广网 版权所有

قىزىل ارحيۆ16-ٴبولىم: سەنىم قول بۇلعايدى‐ پارتيانى ىزدەۋ جولىندا

تويتارۋعا بولمايتىن ٴبىر پارشا ٴوتىنىش حاتى. بۇراڭ جول باسىپ، پارتيانى ىزدەگەن 36 جاستاعى جۋ دى بارلىعىنان باس تارتىپ، تىڭ ساپارعا اتتاندى