ينفورماتسيا اشكەرەلەۋ: mzjubao@cnr.cn

وزەكتى ماقالالار

پۋتين قاشان زەينەتكە شىعادى

来源:央广网     |责编:古丽美热·霍孜汗|     发布日期: 2021-04-08 09:22

پۋتين مىندەت وتەۋ مەرزىمى زاڭ جوباسىنا قول قويدى، ەڭ ۇزاق بولعاندا 2036-جىلعا دەيىن مىندەت وتەيتىن سىڭايلى

حابارىنا قاراعاندا، جەرگىلىكتى ۋاقىت 4-ايدىڭ 5-كۇنى رەسەيدىڭ پرەزيدەنتى پۋتين پرەزيدەنتتىك مىندەت وتەۋ مەرزىمى جونىندەگى زاڭ جوباسىنا قول قويعان. اتالعان زاڭ جوباعا ساي، پرەزيدەنت پۋتين قازىرگى مىندەت وتەۋ مەرزىمى اياقتاعاننان كەيىن، تاعى دا ەكى كەزەك مىندەت وتەۋىنە بولادى. بۇل زاڭ جوباسى رەسەيدىڭ زاڭ قاعيدا ينفورماتسيا تورابىندا جاريالاندى.

پۋتين 

 

2020-جىلى رەسەي نەگىزگى زاڭعا وزگەرىس ەنگىزدى، نەگىزگى زاڭعا وزگەرىس ەنگىزۋ ناتيجەسىنە ساي، ءبىر قىدىرۋ زاڭ جوباسىن جاسادى. مۇنداعى ءبىر زاڭ جوباسىندا قازىرگى مەملەكەت باسشىسىنىڭ تاعى دا ەكى كەزەك پرەزيدەنت بولۋىنا رۇقسات ەتىلدى. 

 

سول جىلى 7-ايدا، رەسەي مەملەكەتتىك دۋماسى مەن فەدەراتسيالىق كوميتەتى جوعارى داۋىسپەن ماقۇلداعان نەگىزگى زاڭعا وزگەرىس ەنگىزۋ جوباسىن جالپى حالىقتىق داۋىس بەرىپ شەشىم قابىلداۋدا، 67 پايىزدىق بەلەت تاستاۋ، 78 پايىزدىق قولداۋ مولشەرىمەن بەكىتىلدى.   

    

بيىل 3-ايدىڭ 31-كۇنى، رەسەي فەدەراتسيالىق كوميتەتى (رەسەي جوعارى پالاتاسى) وسى زاڭ جوباسىن ەكىنشى رەت قاراپ ماقۇلدادى.

رەسەيدىڭ نەگىزگى زاڭىندا بۇرىن: پرەزيدەنتتىڭ مىندەت وتەۋ ۋاقىتى ەكى كەزەكتەن اسپاۋى كەرەك،- دەپ بەلگىلەنگەن بولاتىن. پۋتين 2000-جىلدان 2008-جىلعا دەيىن پرەزيدەنتتىك مىندەت وتەپ، ەكى كەزەك 4 جىلدان مىندەت وتەۋ مەرزىمىن اياقتاتتى. 4 جىل زۇڭليلىق مىندەتىن وتەگەننەن كەيىن، پۋتين 2012-جىلى جانە 2018-جىلى ەكى رەت جالعاستى پرەزيدەنت بولىپ سايلاندى، دەمەك 2024-جىلعا دەيىن بيلىك جۇرگىزەدى.

 

وسى ارالىقتا، پۋتين زۇڭليلىق مىندەت وتەگەن 2008-جىلى، سول كەزدەگى رەسەي پرەزيدەنتى مەدۆەدەۆ نەگىزگى زاڭعا وزگەرىس ەنگىزۋ جوباسىنا قول قويىپ، پرەزيدەنتتىڭ مىندەت وتەۋ مەرزىمىن 4 جىلدان 6 جىلعا ۇزارتتى. 

 

پۋتيننىڭ وسى كەزەكتى پرەزيدەنتتىك مىندەت وتەۋى 2024-جىلى اياقتايدى. ەندى عانا ماقۇلدانعان زاڭ جوباسىنا ساي، پۋتيننىڭ 2024-جىلى پرەزيدەنت سايلامىنا جالعاستى تۇسۋىنە بولادى.

 

تاعى ءبىر سوزبەن ايتقاندا، پۋتين قالاسا ءارى رەسەي بۇقاراسى قولداسا، ول 2036-جىلعا دەيىن پرەزيدەنتتىك مىندەت وتەپ، 84 جاسىندا زەينەتكە شىعادى ەكەن.   

 

 اۋدارعان: ساعىنبەك رابات ۇلى

来源:长安街知事

监制、审稿:叶力夏提

 

编辑、制作:古丽美热

 

 

中央广播电视总台 央广网 版权所有

پۋتين قاشان زەينەتكە شىعادى

پۋتين قالاسا ءارى رەسەي بۇقاراسى قولداسا، ول 2036-جىلعا دەيىن پرەزيدەنتتىك مىندەت وتەپ، 84 جاسىندا زەينەتكە شىعادى ەكەن