ينفورماتسيا اشكەرەلەۋ: mzjubao@cnr.cn

وزەكتى ماقالالار

مۇعالىم مەن وقۋشىنىڭ ماحابباتتاسۋىنا قاتاڭ تيىم سالىنادى

来源:央广网     |责编:古丽美热·霍孜汗|     发布日期: 2021-04-08 09:23

مەكتەپتەردە مۇعالىم مەن وقۋشىنىڭ ماحابباتتاسۋىنا قاتاڭ تيىم سالىنادى!

4-ايدىڭ 6-كۇنى، وقۋ-اعارتۋ مينيستىرلىگى «كامەلەتكە تولماعان بالالاردى مەكتەپتە قورعاۋ بەلگىلەمەسىن (پىكىر الىناتىن نۇسقا)»  جاريالاپ پىكىر جينادى. وسى بەلگىلەمە ادەتتەگى ورتا باستاۋىش مەكتەپتەردە، ورتا دارەجەلى كاسىپتىك مەكتەپتەردە كامەلەتكە تولماعان بالالاردىڭ مەكتەپتەگى زاڭدى ۇقىق مۇدەسىن قورعاۋعا قولدانىلادى. 

 

مەكتەپتەر وقۋشىنىڭ ساباق اراسىندا كلاستان شىعىپ ارەكەت جاساۋىن شەكتەۋىنە بولمايدى، وقۋشىلار اتا-اناسىنىڭ كاسىبىنە قاراي وقۋشىلارعا پارىقتى ماملە ۇستانۋعا بولمايدى، وقىتۋشى-قىزمەتشىلەردىڭ وقۋشىلارمەن ماحابباتتاسۋىنا تيىم سالىنادى...كامەلەتكە تولماعان بالالاردىڭ مەكتەپتەگى ۇقىق مۇدەسىنە ساياتىن ءبىرىسپىرا ماسەلەگە قاراتا، پىكىر الۋ نۇسقاسى وتە ۇقىپتى بەلگىلەمەلەر شىعارعان. 

ماتەريال سۋرەت: 3-ايدىڭ 1-كۇنى تۇستەن كەيىن، حىبەي ولكەسى شىجياجۋاڭ قالاسى جاييىڭ ۇلكەن كوشەسىندەگى باستاۋىش مەكتەپتە وقۋشىلار جاڭا وقۋ ماۋسىمىنداعى العاشقى ساباقتى وقۋدا.

 

——ورتا باستاۋىش مەكتەپتە وقۋشىلاردىڭ جەكە ەمتيحان ناتيجەسىنىڭ رەت قاتارىن اشىق جاريالاۋعا بولمايدى

 

مەكتەپتە وقۋشىلاردىڭ جەكە ەمتيحان ناتيجەسى رەت ءنومىرىن اشىق جاريالاۋعا بولمايدى؛ سىرتقا وقۋشىلاردىڭ جوعارىلاپ وقۋ جاعدايىن ۇگىتتەۋگە بولمايدى، سيلاۋ، قارجىلاي كومەكتەسۋ، كەدەيلەرگە جاردەم ساياساتىنا ءوتىنىش بەرۋ قىزمەتى بارىسىندا، وقۋشىلار مەن ولاردىڭ اتا-انالارىنىڭ جەكەلىك قۇپيالىعىن ءپاش ەتۋگە بولمايدى. 

 

مەكتەپ وقۋشىلاردىڭ جەكە ينفورماتسياسىن جيناقتايتىن بولسا، الدىمەن اتا-اناسىنا ايتۋى قاجەت، سونىمەن بىرگە وقۋشىلار مەن ولاردىڭ سەمياسى تۋرالى جيناقتاعان ينفورماتسيالاردى باسقارۋ، قۇپيالىقتى ساقتاۋ بورىشى بولادى، جاسىرىپ الىپ قالۋعا، ءبۇلدىرىپ قۇرتۋىنا سونداي-اق ءوشىرىپ تاستاۋىنا، اشكەرەلەۋىنە، تاراتۋىنا، ساۋدالاۋىنا بولمايدى. 

 

——ورتا باستاۋىش مەكتەپتە وقۋشىلارىنىڭ ساباق ارالىعىندا كلاستان شىعىپ ارەكەت جاساۋىن شەكتەۋىنە بولمايدى

 

مەكتەپ وقۋشىلاردى بەلگىلەنگە ساباق ۋاقىتىنان بۇرىن مەكتەپكە بارىپ ءبىر تۇتاس وقىتۋ قيمىلىنا قاتىناسۋىن تالاپ ەتۋىنە بولمايدى، وقۋشىلاردىڭ ساباق ارالىعىندا كلاستان شىعىپ ارەكەت جاساۋىن شەكتەۋىنە بولمايدى. 

 

مىندەتتى وقۋ-اعارتۋ ساتىسىنداعى مەكتەپتەر مەملەكەتتىڭ زاڭ-تۇزىمىندە بەلگىلەنگەن مەرەكە دەمالىس كۇندەرىن، قىستىق، جازدىق كانيكۋلدى يەلەۋىنە بولمايدى، وقۋشىلاردى توپتىق ساباق پىسىقتاۋعا ۇيىمداستىرۋىنا بولمايدى؛ توپتىق ساباق پىسىقتاۋ قاتارلى تاسىلدەر ارقىلى وقۋشىلاردىڭ دەمالىس ۋاقىتىن يەلەۋىنە بولمايدى. مەكتەپ تاپسىرما باسقارۋدى كۇشەيتۋى ءتيىس، وقىتۋشىلاردىڭ بەلگىلەنگەن پاندەر بويىنشا لايىقتى سەميا تاپسىرماسىن ورنالاستىرۋىنا جەتەكشىلىك ەتۋ جانە باقىلاۋ جۇرگىزۋى قاجەت، بەلگىلەمەدەن تىسقارى تاپسىرما مولشەرىن مولايتۋعا، وقۋشىلاردىڭ ۇيرەنۋ اۋىرتپالىعىن ارتتىرۋعا بولمايدى. 

 

مەكتەپ اتا-انالارمەن بولعان قارىم-قاتىناستى كۇشەيتۋى ءتيىس، وقۋشىلاردىڭ ۇنامدى دەمالىس جانە وقۋ داعدىسىن ورتاق جەتىلدىرۋىنە كۇش سالۋى قاجەت، وقۋشىلاردىڭ ۇيىندەگى ۇيقى ۋاقىتىن تولىق قامتاماسىز ەتۋى ءتيىس.  

ماتەريال سۋرەت: ورتا مەكتەپ وقۋشىسى جولدا كىتابىنا قاراۋدا. ياڭبو فوتوسى 

 

——مەكتەپتىڭ سىرتتاعى تاربيەلەۋ قۇرىلىمدارىمەن سەلبەسىپ وقۋشىلارعا ساباق پىسىقتاتۋىنا بولمايدى

 

مەكتەپتەر مەملەكەت بەلگىلەگەن ساباق پروگرامماسىن قاتاڭ اتقارۋى، تالاپ بويىنشا ساباقتاردى، تاڭدالعان وقۋلىقتاردى جانە وقۋ-وقىتۋعا كومەكشى ماتەريالداردى تولىق ورنالاستىرۋى كەرەك. مەكتەپتەر جەكە زەرتتەپ اشقان نەمەسە سىرتتان ەنگىزىلگەن ساباقتاردى قاتاڭ عىلىمي دالەلدەۋدەن وتكىزۋى نەمەسە نەگىزگى باسقارۋ تاراۋلارىنىڭ ماقۇلداۋىنان وتكىزۋى كەرەك.  

 

مەكتەپتەر سىرتتاعى تاربيەلەۋ قۇرىلىمدارىمەن سەلبەسىپ وقۋشىلارعا اقىلى ساباقتار ورنالاستىرۋىنا جانە ساباق پىسىقتاتۋىنا بولمايدى 

 

 ——مەكتەپتەر وقۋشىلاردى اپاتتان قۇتقارىپ قاتەردەن اراشالاۋ نەمەسە ساۋدا سيپاتتى قيمىلدارعا ورنالاستىرۋىنا بولمايدى

 

مەكتەپتەر وقۋشىلاردى اپاتتان قۇتقارىپ قاتەردەن اراشالاۋ نەمەسە ساۋدا سيپاتىنداعى قيمىلدارعا ۇيىمداستىرۋىنا، ورنالاستىرۋىنا بولمايدى، وقۋشىلاردى ۋلى، زياندى قىزمەتكە سونداي-اق وقۋشىلاردىڭ قاتىناسۋىنا قولايسىز باسقادا قيمىلدارعا ورنالاستىرۋىنا بولمايدى. مەكتەپتەر ۇيىمداستىرعان مەكتەپ ىشىندەگى جانە مەكتەپ سىرتىنداعى قيمىلدا جازاتايىم ۋاقيعا تۋىلاتىن بولسا، مەكتەپ دەركەزىندە ادامدى قۇتقارۋى،قاتىستى ىستەرىن ويداعىداي ءبىر جاقتى ەتۋى، وقۋشىنىڭ اتا-اناسى مەن باسقادا زاڭدى قامقور ادامىنا دەرەۋ حابار بەرۋى كەرەك؛ زاردابى اۋىر بولعانداردى قاتىستى تاراۋلارعا دەرەۋ دوكلات ەتۋى ءتيىس. 

 

——مەكتەپتەردىڭ وقۋشىلار اتا-انالارىنىڭ كاسىبىنە قاراي وقۋشىلارعا پارىقتى ماملە ۇستانۋىنا بولمايدى

 

مەكتەپ وقۋشىلاردىڭ بارلىعىنا بىردەي ماملەدە بولۋى كەرەك، وقۋشىلاردىڭ اتا-اناسىنىڭ ۇلتى، ءناسىلى، جىنىسى، نوپوس قاراستىلىعى، كاسىبى، ءدىنني سەنىمى، ءبىلىم دارەجەسى، سەميالىق احۋالى، سالاماتتىق جاعدايى، ۇيرەنۋ قابىلەتى قاتارلىلارعا قاراي وقۋشىلاردى كەمسىتىپ قورلاۋىنا نەمەسە وقۋشىلارعا پارىقتى ماملە ۇستانۋىنا بولمايدى.  

ماتەريال سۋرەت: 3-ايدىڭ 4-كۇنى، حوححوت قالاسىنداعى 7-ورتا مەكتەپتە ءبىر وقۋشى ساباقتاسىنىڭ ۇيالى تەلەفونىن ىشكافقا سالۋدا. 

 

——مەكتەپ وقۋشىلاردان ۇستاپ قالعان زاتتاردى ءبىر ماۋسىمنان ارتىق الىپ قالۋىنا بولمايدى

 

مەكتەپتە وقۋشىلاردىڭ مال-مۇلكىن قورعاۋ ۇقىعى بولادى، مال-مۇلىكتى ءبۇلدىرۋ قاتارلى تاسىلدەر ارقىلى وقۋشىلارعا تاربيە جۇرگىزىپ باسقارۋعا بولمايدى. باسقارۋدىڭ قاجەتىنە ساي وقۋشىلاردىڭ مال-مۇلكىن ۋاقىتشا ۇستاپ قالۋ كەرەك بولسا، كەرى ىقپالى جويىلعان سوڭ وقۋشىنىڭ وزىنە نەمەسە اتا-اناسىنا قايتارىپ بەرۋى ءتيىس، ۇستاپ قالىنعان ۋاقىت ءبىر ايدان اساتىن بولسا، وقۋشىنىڭ اتا-اناسىنا ايتۋى كەرەك. ۇستاپ قالىنعان ۋاقىت ەڭ ۇزاق بولعاندا ءبىر وقۋ ماۋسىمىنان اسپايدى. 

 

مەكتەپتەر بەلگىلەمەگە قيعاش تۇردە وقۋشىلاردان قاراجات جيۋىنا بولمايدى، مەكتەپ وقۋشىلار مەن وقۋشىلاردىڭ اتا-انالارىن اقشا، زات جىلۋعا اتاۋعا، توۆار ساتىپ الۋعا نەمەسە باسقادا اقىلى قىزمەت وتەۋگە قىساۋىنا، زورلاۋىنا بولايدى، اتا-انالاردى زاتتىق بۇيىم جاردەم ەتۋگە، قىزمەت وتەۋ تۇرلەرىنىڭ اقشاسىن تولەۋگە زورلاۋىنا، ماجبۇرلەۋىنە بولمايدى. 

 

——وقىتۋشىلاردىڭ، جۇمىسشى قىزمەتشىلەردىڭ وقۋشىلارمەن ماحابباتتاسۋىنا تيىم سالىنادى

 

مەكتەپ قاجەتتى شارالاردى قولدانۋ ارقىلى وقىتۋشىلاردىڭ، جۇمىسشى قىزمەتشىلەردىڭ سونداي-اق باسقادا مەكتەپ اۋلاسىنا كىرگەن ادامداردىڭ وقۋشىلارعا مىناداي زياندى ارەكەتتەر ىستەۋىنىڭ الدىن الۋى جانە وعان تيىم سالۋى كەرەك: 

 

(ءبىرىنشى) وقۋشىلارمەن ماحابباتتاسۋ، جىنستىق قارىم قاتىناستا بولۋ؛

 

(ەكىنشى) وقۋشىلاردىڭ سەزىمتال دەنە مۇشەسىن سيپاۋ، ادەيى جاناسۋ سياقتى ۇياتسىز قىلىقتار؛

 

(ءۇشىنشى) وقۋشىلارعا قىلجاقتاۋ، قىرىنداۋ نەمەسە جاسىرىن ەمەكسىتۋ بەلگىلەرىن بىلدىرەتىن ءسوز-ارەكەتتەر؛

 

(ءتورتىنشى) وقۋشىلارعا ءناپسىقۇمارلىق، ادەپسىز، قىرت مازمۇنداعى ينفورماتسيا، كىتاپ-جۋرنال، كەسكىن، سۋرەت نەمەسە زاتتاردى كورسەتۋ؛ 

 

(بەسىنشى) كامەلەتكە تولماعان بالالاردى تاقىرىپ ەتكەن بادىك ادەپسىز، ءناپسىقۇمارلىق مازمۇنداعى دىبىس كەسكىن، سۋرەت ماتەريالدارى؛

 

(التىنشى) جىنىستىق مازالاۋ، جىنىستىق زيانداۋ قاتارلى زاڭعا قايشى قىلمىستىق ارەكەتتەر. 

 

مەكتەپ وقۋشىلاردىڭ اقاۋسىز ءوسىپ جەتىلۋ ەرەكشەلىگىنە قاراي وقۋشىلار مەن ولاردىڭ اتا-انالارىنا جىنىستىق زيانداۋدان ساقتانۋعا قاتىستى ۇنەمىلىك تاربيە جۇرگىزۋى، سول ارقىلى وقۋشىلاردىڭ وزدەرىن قورعاۋ تانىمى مەن قابىلەتىن نىعايتۋى ءتيىس. 

 

——كەلەكە ەتۋ، كەكەپ-مۇقاۋ، ماسقارالاۋ ماعىناسىنداعى لاقاپ قويۋ قاتارلىلار قورقىتىپ جابىرلەۋگە جاتادى

 

وقىتۋشى-قىزمەتشىلەر وقۋشىلار اراسىندا تومەندەگىدەي احۋال بايقالسا دەر كەزىندە تيىم سالۋى كەرەك: 

 

(ءبىرىنشى) توبەلەسۋ، تەبىسۋ، جۇدىرىقتاسۋ، تىرناۋ-تىستەۋ، يتەرۋ، جۇلقىسۋ قاتارلى دەنەگە قاتەر توندىرەتىن نەمەسە قورقىتىپ ۇرەيلەندىرەتىن ءىس-ارەكەتتەر؛ 

 

(ەكىنشى) ماسقارالاپ ءتىل تيگىزۋ، اجۋالاۋ، كەلەكە ەتۋ، كەكەپ-مۇقاۋ، قورلاپ جابىرلەۋ سيپاتىنداعى لاقام قويۋ قاتارلى ادامدىق ار-نامىسقا زيان جەتكىزەتىن ءىس-ارەكەتتەر؛

 

(ءۇشىنشى) باسقالاردىڭ مال-مۇلكىن توناپ الۋ، كۇشپەن تارتىپ الۋ نەمەسە قاساقانا ءبۇلدىرۋ قاتارلى ءىس-ارەكەتتەر؛ 

 

(ءتورتىنشى) وقۋشىلاردى جامان ويمەن سىرتقا تەۋىپ وڭاشالاۋ، جالعىز-جارىم قالدىرۋ، وقۋشىلاردىڭ مەكتەپ ۇيىمداستىرعان قيمىلدارعا نەمەسە قوعامدىق قارىم-قاتىناس قيمىلدارىنا قاتىناسۋىنا بوگەت بولۋ؛ 

 

(بەسىنشى) عالامتور نەمەسە باسقادا ينفورماتسيا تاراتۋ تاسىلدەرىنەن پايدالانىپ شىندىقتى بۇرمالاپ باسقالارعا پالە جابۋ، وسەك-اياڭ تاراتۋ نەمەسە قاتە ينفورماتسيا ارقىلى باسقالاردى قارالاۋ، باسقالاردىڭ جەكە قۇپيالىعىن جات پيعىلمەن اشكەرەلەۋ.

 

وقۋشىلار اراسىندا جاس شاماسى، دەنە تۇلعاسى جانە جانىنداعى جاندايشاپتارىنىڭ سانى جونىنەن باسىمدىلىققا يە ءبىر جاعى كوپە-كورنەۋ نەمەسە جامان نيەتپەن الدىڭعى تارماقتاردا ايتىلعان ىستەردى ىستەگەن بولسا، نەمەسە باسقادا تاسىلدەرمەن قارسى جاعىن جابىرلەپ باسىنسا، قورلاپ بوزەك قىلسا، دەنەسىن جارالاسا، مال-مۇلكىن زيانداسا نەمەسە رۋحاني زيانعا ۇشىراتسا، بۇل جابىرلەپ بوزەك ەتكەندىك ەسەپتەلەدى. 

 

——كوپشىلىك 4-ايدىڭ 23-كۇنىنەن بۇرىن پىكىر-ۇسىنىستارىن اڭىس ەتۋىنە بولادى

 

«كامەلەتكە تولماعانداردى مەكتەپتە قورعاۋ بەلگىلەمەسى» قازىر قوعامعا اشىق جاريالانىپ كوپشىلىكتىڭ پىكىر ۇسىنىسىن قابىلداۋدا، كوپشىلىك تومەندەگى ارنالار ارقىلى پىكىر-ۇسىنىستار بەرە الادى: 

 

1. حات جازۋ ارقىلى پىكىر-اڭىستارىن پوچتامەن جولداۋىنا بولادى: بەيجيڭ قالاسى شيچىڭ رايونى دامۋساڭ شاعىن كوشەسى 35-ءنومىرلى اۋلا  وقۋ اعارتۋ مينيستىرلىگىنىڭ ساياسات زاڭ-ءتۇزىم مەڭگەرمەسى زاڭ-ءتۇزىم كەڭسەسى (پوچتا ءنومىرى: 100816) كونۆەرتتىڭ سىرتىنا «كامەلەتكە تولماعانداردى مەكتەپتە قورعاۋ بەلگىلەمەسى» تۋرالى پىكىر دەپ جازۋدى ۇمىتپاڭىز. 

 

北京市西城区大木仓胡同35号 教育部政策法规司法制办(邮编:100816)。来信请注

明“《未成年人学校保护规定》征求意见”字样

 

2. ەلەكتىروندى پوچتا ارقىلى پىكىر-اڭىسىڭىزدى جىبەرەتىن ادىرەس: fzb@moe.edu.cn

پىكىر-ۇسىنىستى 2021-جىلى 4-ايدىڭ 23-كۇنىنە دەيىن جولداۋعا بولادى.

 

اۋدارعان: قۋات جۇماش ۇلى

来源:中国新闻网

监制、审稿:叶力夏提

 

编辑、制作:古丽美热

 

中央广播电视总台 央广网 版权所有

مۇعالىم مەن وقۋشىنىڭ ماحابباتتاسۋىنا قاتاڭ تيىم سالىنادى

ورتا باستاۋىش مەكتەپتە وقۋشىلارىنىڭ ساباق ارالىعىندا كلاستان شىعىپ ارەكەت جاساۋىن شەكتەۋىنە بولمايدى