الدا زەينەتكەرلەردىڭ زەينەتاقىسى ٴۇرتىس جوعارىلايدى

2021-جىلى زەينەتاقىنى جوعارىلاتۋ قىزمەتى باستالۋ الدىندا تۇر. ٴتىلشىنىڭ ۇعىسۋىنا قاراعاندا، ەلىمىزدىڭ قالا-قالاشىقتارىنداعى زەينەتكەرلەردىڭ زەينەتاقىسى ءۇرتىس جوعارىلايدى، قازىر ناقتىلى جوعارىلاتۋ جوباسى دايىندالۋ باسقىشىندا، مەجەمەن 4-ايدىڭ ىشىندە جاريالانادى. قالا، اۋىل تۇرعىندارىنىڭ زەينەتاقى مامىلەسى دە جوعارىلايدى، قاتىستى قىزمەت كوپتەگەن جەرلەردە قاۋىرت جۇرگىزىلۋدە. سونىمەن قاتار، زەينەتكەرلىك قامسىزداندىرۋ ٴتۇزىمى رەفورماسىن ىلگەرىلەتۋ قىزمەتى دە تياناقتاندىرىلىپ، زەينەتكەرلىك قامسىزداندىرۋىن مەملەكەت بويىنشا ءبىر تۇتاس جوسپارلاۋ ٴتۇزىمى مەن جەكەلەردىڭ زەينەتاقى ٴتۇزىمى دە زەرتتەپ جاسالۋدا.

2020-جىلعا دەيىن ەلىمىزدە زەينەتكە شىققانداردىڭ زەينەتاقىسى ءۇرتىس جوعارىلادى. 2018-جىلدان باستاپ ٴۇرتىس 3 جىل %5 مولشەرىندە جوعارىلاۋ مولشەرىن ساقتادى. 2021-جىلى ۇكىمەت قىزمەتىنەن باياندامادا زەينەتكە شىققانداردىڭ نەگىزگى زەينەتاقىسىن جوعارىلاتۋ ورتاعا قويىلدى. تاياۋدا مەملەكەتتىك كەڭەستىڭ «ۇكىمەت قىزمەتىنەن بايانداماداعى» ٴتۇيىندى قىزمەت ءبولىسىن تياناقتاندىرۋ جونىندەگى پىكىرىنە ساي، بيىل زەينەتكەرلەردىڭ زەينەتاقىسى ءۇرتىس جوعارىلاتىلادى، الداعى جەردە، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى باستاماشى بولىپ، 4-ايدىڭ سوڭىنان بۇرىن قاتىستى ساياسات شىعارىپ، جىل ىشىندە ءۇرتىس ىلگەرىلەتەدى. كاسىپتىك قايراتكەرلەردىڭ مەجەلەۋىنشە، 2021-جىلى زەينەتاقىنىڭ جوعارىلاۋ مولشەرى مەجەمەن %5 بولۋى مۇمكىن.

زەينەتكە شىققانداردىڭ زەينەتاقىسى ورنىقتى جوعارىلاۋدان تىس، قالا-اۋىل تۇرعىندارىنىڭ زەينەتاقى مامىلەسى دە جوعارىلايدى. ساندى مالىمەتتە كورسەتىلۋىنشە، 2020-جىلدىڭ سوڭىنا دەيىن ەلىمىزدىڭ قالا-اۋىل تۇرعىندارىنىڭ نەگىزدىك زەينەتكەرلىك قامسىزداندىرۋىنا قاتىناسقان ادام سانى 542 ميلليوننان اسقان، مۇنىڭ باسىم كوپ ساندىسى اۋىل-قىستاق تۇرعىندارى ەكەن. 2020-جىلى ٴار دارەجەلى ۇكىمەتتەر قالا-اۋىل تۇرعىندارىنىڭ زەينەتكەرلىك قامسىزداندىرۋىنا 300 ميلليارد يۋاننان استام قوسىمشا قاراجات بەردى. ونىڭ ۇستىنە جەرگىلىكتى ورىنداردىڭ قازىنالىق قوسىمشا قاراجاتىنىڭ ارتۋى مەن جەكەلەردىڭ اقى تاپسىرۋ قورى قوسىلعاندا، قالا-اۋىل تۇرعىندارىنىڭ ورتاشا زەينەتاقى دەڭگەيى اي سايىن 2020-جىلدىڭ سوڭىندا 170 يۋانعا جوعارىلاعان.

كاسىپتىك قايراتكەرلەر مىنالاردى ٴبىلدىردى: ەلىمىزدىڭ زەينەتاقى جۇيەسىنىڭ رەفورما ٴورىسى كەڭ. الداعى جەردە، قالا-قالاشىقتارداعى قىزمەتكەرلەردىڭ قامسىزداندىرۋعا قاتىناسۋ مولشەرىن جوعارىلاتۋ، جاڭا كاسىپ تۇرىندەگى قىزمەتكەرلەردى قامسىزداندىرۋعا قاتىناستىرۋ تالابىن سايكەستى تومەندەتۋ، ەڭ تومەنگى اقى تاپسىرۋ جىل شەگى تىم قىسقا بولۋ ماسەلەسىن شۇعىل شەشۋ سونداي-اق زاڭدا بەلگىلەنگەن زەينەتكە شىعۋ جاسىن كەشەۋىلدەتۋ قىزمەتىن دە ورنىقتى ىلگەرىلەتۋ كەرەك. وسى ماسەلەلەردى ويداعىداي شەشۋ، قازىرگى ٴبىز ٴدوپ كەلىپ وتىرعان زەينەتاقى اۋرتپالىعىنا توتەپ بەرۋ، زەينەتكەرلىك قامسىزداندىرۋ ٴتۇزىمىن اقاۋسىزداندىرۋدىڭ ۇزاق بولاشاقتىق جوسپارىن قۇرۋ جانە كەلەسى قادامداعى زەينەتكەرلىك قامسىزداندىرۋ ٴتۇزىمى رەفورماسىن تەرەڭدەتۋ قىزمەتىنىڭ ماڭىزدى ٴتۇيىنى سانالادى.

来源：新华网

微信制作：古丽美热