قۇنى نەشە ون تيىن تۇراتىن ارىقتاتاتىن ۋلى جەمەكتىكتى گو مەيمەي 699 يۋانعا ساتتى

بايلىعىن ماقتان ەتىپ اتى شىققان گو مەيمەي (郭美美) وسىدان بۇرىن قۇمارحانا اشىپ تۇرمەگە تۇسكەن ەدى. تۇرمەدەن شىققاننان كەيىن الدىڭعى ايدا گو مەيمەي تاعى تيىم سالىنعان ارىقتاتاتىن جەمەكتىك ساۋدالاعاندىعى سەبەپتى قولعا الىندى. 4-ايدىڭ 12-كۇنى شاڭحاي ساقشى جاعى وسى دەلوعا قاتىستى حابارلاندىرۋ شىعاردى.

تانىستىرۋعا قاراعاندا، ساقشىلار جاعىنان قولعا الىنعان 75 ادامنىڭ ىشىندەگى گو فاميليالى قىلمىس كۇماندىسى ينتەرنەتتە اتىشۋلى گو مەيمەي بولىپ، وسى رەتكى ارىقتاتاتىن جەمەكتىكتەردى ساۋدالاۋ دەلوسىنداعى تيجاراتشىلاردىڭ ٴبىرى بولعان؛ دەلوداعى كامپيت سياقتى ارىقتاتاتىن جەمەكتىكتىڭ قۇرامىندا ەلىمىز جاعىنان تيىم سالىنعان ۋلى زات «سيبۋترامين» (西布曲明) بولعان؛ مۇنداي ارىقتاتاتىن جەمەكتىكتىڭ ٴبىر تالىنىڭ وزىندىك قۇنى مولشەرمەن نەشە ون تيىن، تولايىم ساتۋ باعاسى 1 يۋان بولىپ، تۇتىنۋشىلاردىڭ قولىنا بارعاندا ٴبىر قاپشىعىنىڭ باعاسى 699 يۋانعا ساتىلعان.

2020-جىلى 12-ايدا، شاڭحاي پۋدۇڭ ساقشى جاعى ٴمالىم ادامداردىڭ توراپتا جالعان ارىقتاتاتىن جەمەكتىكتى ساۋدالاعانىنا قاتىستى دەرەكتەردى تاپسىرىپ العان. ساقشىلار بىرنەشە اي ىشكەرلەي بارلاۋ، تەكسەرۋ جۇرگىزگەننەن كەيىن بيىل 3-ايدا كوپتەگەن ولكەلەردە قاتىستى قيمىلداردى ورىستەتىپ، جالعان جەمەكتىكتەردى ٴوندىرۋ اپانىنان 3 ورىندى، ساۋدالاۋ اپانىنان 24 ورىندى ٴساتتى تالقانداعان.

ساقشىلار ارىقتاتاتىن ۋلى، زياندى جەمەكتىكتەن ناق مايداندا 65 مىڭنان استامىن، سىرتقى قوراپتاۋ بۇيىمىنان 20 مىڭنان استامىن قولعا ٴتۇسىرىپ، دەلوعا قاتىستى قاراجات سوماسى 50 ميلليون يۋاننان اسقان. شاڭحاي ساقشى مەكەمەسى پۋدۇڭ بولىمشەسى ەكونوميكالىق بارلاۋ تارماق اترەتىنىڭ باس بارلاۋشىسى حۋاڭ شۇايشۇاي مىنانى ٴبىلدىردى: «سيبۋترامين 2010-جىلى 10-ايدىڭ 30-كۇنى ەلىمىز جاعىنان شەكتەلگەن دارىلەر تىزىمدىگىنە ەنگىزىلگەن، ول جۇرەك، جۇرەك قان تامىرلارى، سونداي-اق، بۇيرەك سىندى دەنە مۇشەلەرىنە زور ىقپال جاسايدى، ونىڭ قاتەرى اۋىر بولعاندا ٴتىپتى ادام ولىمىنە اپارىپ سوعادى. ازىق-تۇلىككە مۇنداي ۋلى زاتتى قوسۋ زاڭعا قايشى، ٴدارى-دارمەكتەرگە قوسۋعا دا بولمايدى».

كەزەكتە، قىلمىس كۇماندىسى گو مەيمەيعا ۋلى، زياندى ازىق-تۇلىك ٴوندىرۋ جانە ساۋدالاۋ قىلمىسىن وتكىزگەندىگى سەبەپتى ساقشىلار قاتاڭ شارا قولداندى. ساقشى جاق مىنانى ەسكەرتتى: «جالعان ارىقتاتۋ جارنامالارىنىڭ الداپ-ارباۋىنا سەنىپ، زيانعا ۇشىراپ، دەنساۋلىقتان ايىرىلىپ قالمايىق!»

来源：央视网

翻译、视频制作：玛哈帕尔

微信制作：古丽美热

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر