بالالارعا قالام تاڭداۋدا مىنالاردى ەسكەرۋ كەرەك

جاقىندا شاندۇڭ ولكەسى تاي-ان قالاسىنىڭ ٴمالىم ٴبىر مەكتەبىندە مىناداي ٴبىر ۋاقيعا تۋىلدى:

ساباق ۋاقىتىندا 6-جىلدىق وقۋشىسى شياۋ يۇيدىڭ تىنىسى كەنەتتەن تارىلادى، بۇنى ساباق ٴوتىپ جاتقان سۇن لەي مۇعالىم دەركەزىندە بايقايدى.

سونىمەن سۇن مۇعالىم حايمليك شۇعىل قۇتقارۋ ٴادىسىن قولدانىپ، شياۋ يۇيدىڭ ارتىندا تۇرىپ، بەلىنەن قۇشاقتاپ، قۇرساقتىڭ ۇستىنگى بولەگىنە شۇعىل كۇش سالادى، سونان ٴتورتىنشى رەت كۇش سالعاندا شياۋ يۇيدىڭ كەڭىردەگىندە تۇرىپ قالعان بوگدە زات شىعادى، بۇل بوگدە زات ماي قالامنىڭ ٴبىر بولشەگى ەكەن.

مىنە بۇل شياۋ يۇيدىڭ جانىن الا جازداعان ماي قالامنىڭ بولشەگى. ٴتىلشىنىڭ ۇعىسۋىنا قاراعاندا، شياۋ يۇيدە قالامنىڭ قاقپاعىن تىستەۋ ادەتى بار ەكەن.

جاقىنعى جىلداردان بەرى وقۋشىلاردىڭ جازۋ قۇرالدارىن بايقاۋسىزدا جۇتىپ الاتىن جايتتەرى از ەمەس. 2017 – جىلى شانشي ولكەسى انكاڭ قالاسىنداعى 12 جاستاعى ٴبىر وقۋشى تاپسىرما جازىپ وتىرعاندا، قالام قاقپاعىنىڭ ٴبىر ۇساق بولشەگىن جۇتىپ قويادى دا، دارىگەر امالسىزدان وقۋشىنىڭ كەڭىردەگىن اشىپ، الىپ شىعادى. 

ۇعىسۋعا قاراعاندا، بالالاردىڭ بوگدە زاتتاردى جۇتىپ الۋ قاتەرىنەن ساقتانۋ ٴۇشىن، ەلىمىزدىڭ وقۋ بۇيىمدارىنا قاتىستى مەملەكەتتىك ولشەمدە ديامەترى 16 ميلليمەتردەن كىشى بولعان قالامداردىڭ قالپاعىندا تەسىك ورناتىلۋى نەمەسە قالپاقتىڭ اۋا وتەتىندەي كولەمى اشىق بولۋى كەرەك دەپ بەلگىلەنگەن، ەگەر بالالار بايقاۋسىزدا قالام قالپاعىنداعى وسى بولشەكتى جۇتىپ السا، بۇل تەسىكتەر اۋا وتكىزگىشتىك رول اتقارىپ، بالالار كەڭىردەگىنىڭ بىتەلىپ قالۋىن ساقتايدى. دەسەدە تىلشىلەردىڭ تەكسەرۋىنە قاراعاندا، كوپتەگەن وقۋشىلاردىڭ قالامىندا مىناداي ماڭىزدى تەسىك ورناتىلماعان.

ەندەشە جازۋ قۇرالدارىن قالاي تاڭداۋ كەرەك؟

1. جۇيەلى زاۆودتتاردان شىققان جازۋ قۇرالدارىن تاڭداۋ؛

2. سىرتىندا «زالالسىز، ۋسىز» دەگەن جازۋ باسىلعاندارىن تاڭداۋ؛

3. «حوش ٴيىس مۇڭكيتىن» جازۋ قۇرالدارىن تاڭداماۋ كەرەك، جازۋ قۇرالدارىنان شىققان جاعىمدى ٴيىس حوش ٴيس قوسپاسىنان كەلەتىندىكتەن، ۇزاق ۋاقىت پايدالانسا دەنساۋلىققا ٴتيىمسىز؛

4. رەڭى قانىق جازۋ قۇرالدارىن پايدالانباۋ كەرەك، رەڭى قانىق جازۋ قۇرالدارىنىڭ قۇرامىندا كوبىنەسە اۋىر مەتال بولاتىندىقتان، ادامنىڭ ىشكى مۇشەلەرىنە، قان اينالىسى جۇيەسىنە، ٴتىپتى سۇيەگىنىڭ ٴوسىپ-جەتىلۋىنە ناشار ىقپال جاسايدى؛

5. قاعاز رەڭى وتە اق بولماۋى كەرەك، قاعاز رەڭى وتە اق بولسا، وقۋشىلاردىڭ كوزىن تىتىركەندىرەدى، زاقىمدايدى، كورۋ تۇيسىگى وڭاي شارشايدى، كورۋ قۋاتىنا ىقپال جاسايدى؛

6. قالام سالاتىن قالتا، سومكانى تاڭداعاندا ٴيىسسز، رەڭى جەڭىل باسىلعانىن، مەتال بولشەكتەرى ازىن، يىققا اساتىن باۋدىڭ كەڭدىگى 5 سانتيمەتردەن اساتىنىن، جەڭىلىن تاڭداۋ كەرەك؛

7. كىتاپ قاپتايتىن قاعازدى تاڭداعاندا ماتەريالىنا اسا كوڭىل ٴبولۋ كەرەك، كىتاپ قاپتايتىن قاعازدا PP ماتەريالدىق بەلگىسى باسىلعانىن تاڭداۋ، كىتاپتىڭ سىرتىنا توتە جاپسىرا سالاتىن كىتاپ قابىن ىستەتپەۋ كەرەك.

来源：央视新闻

翻译、视频制作：古丽巴合夏

微信制作：古丽美热

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر