·  DNA ىن تەكسەرتۋ ارقىلى الداپ ساتىلعانىنا 31 جىل بولعان ۇلىمەن قايتا قاۋىشتى ·

جۋىقتا شانشيدىڭ چىڭچىڭ اۋدانىنداعى ءبىر ازامات الداپ ساتىلىپ 31 جىلدان كەيىن، DNA ساندى مالىمەتىن سالىستىرۋ ارقىلى اقىرى اۋىلىنا قايتىپ، اكە-شەشىمەن قايتا قاۋىشتى. 

1990-جىلى ليۋ فاميليالى 6 جاستا عانا ەدى، بالالار باقشاسىنان ۇيگە قايتار جولىندا ءوزىن اكەسىنىڭ دوسى اتاعان ورتا جاستاعى ءبىر ەر الداپ اكەتىپ، قولدان-قولعا وتكىزىپ، حىناننىڭ حىبەي قالاسىنا الداپ ساتىلادى. شانشي ولكەسىنىڭ ۋينان قالالىق قوعام حاۋىپسىزدىگى مەكەمەسى دەلونى تاپسىرىپ العاننان كەيىن دەرەۋ بارلاۋ جۇرگىزىپ، جاعداي ۇعىسىپ، كورگەندەر مەن توڭىرەكتەگى بۇقاراعا تەكسەرۋ جۇرگىزەدى، الايدا، ماندىك ىلگەرىلەۋشىلىكتەرگە قول جەتكىزە المايدى. 

وسىدان كەيىنگى 31 جىلدا، ليۋ فاميليالىنىڭ اكە-شەشەسى مەن ساقشىلار ىزدەۋدى توقتاتپادى. 2020-جىلدىڭ سوڭىندا، مەملەكەتتىك الداپ ساتۋعا سوققى بەرۋ DNA ينفورماتسيا قامباسىنىڭ كومەگىندە، چىڭچىڭ قالاسىنداعى ساقشىلار شاڭ فاميليالى ەر ادامدى ىزدەپ تابادى بۇل كەزىندە الداپ ساتىلعان ليۋ فاميليالىنىڭ بيولوگيالىق ينفورماتسيالارىمەن بارىنشا سايكەس كەلەدى. 

ۋينان قالاسى چىڭچىڭ اۋداندىق قوعامدىق حاۋىپسىزدىگى مەكەمەسى قىلمىستىق ىستەردى بارلاۋ ۇلكەن اترەتىنىڭ ورىنباسار باستىعى شى جيشۋە: «2020-جىلى 12-ايدا ءبىز الداپ ساتۋ جۇيەسىنەن ءبىر ينفورماتسيانى بايقاپ قالدىق، سول كەزدە شاڭ فاميليالى، حىناندىق ادامدى، چۇڭچيڭ ساقشى جاعى بالا كەزىندەگى ينفورماتسياسىن قوندىرعان ەكەن. ءبىز ونىڭ اتى-ءجونى مەن ازاماتتىق كۋالىگىنىڭ ءنومىرىن عانا كورە الدىق، الايدا، ونىڭ قايدا ەكەندىگىن بىلە المادىق» دەدى. 

شاڭ فاميليالى ۇزاق ۋاقىت جان-جاقتا جۇمىس ىستەگەندىكتەن، چىڭچىڭ ساقشى جاعى چۇڭچيڭ، حىنان سياقتى جەرلەرگە بارىپ تەكسەرۋ جۇرگىزىپ، اقىرى بيىل 3-ايدا شاڭ فاميليالىمەن حابارلاستى. 3-ايدىڭ 20-كۇنى DNA ساندى مالىمەتىنەن ۇلگى الىپ سالىستىرۋى ءساتتى بولىپ، شاڭ فاميليالىنىڭ 31 جىلدىڭ الدىندا الداپ اكەتىلگەن ليۋ فاميليالى ەكەندىگى انىقتالدى. 

ليۋ فاميليالى: «بۇل ءىس ەسىمدە ساقتاۋلى، كەزىندە ىزدەنىپ تە كوردىم، كەيبىر ىستەر ەسىمدە انىق قالماپتى» دەدى.

ليۋ فاميليالىنىڭ اكەسى ليۋ جىنمين: «31 جىل بولدى، بۇل بارىستاعى ساعىنىش پەن تاقسىرەتىمدى تىلمەن جەتكىزىپ بەرۋگە شاراسىزبىن، ءبىز كەزدەسكەنىمىزدە ۇلىم ماسكى تاعىپ الىپتى، ەكەۋىمىز قۇشاقتاسىپ كوز جاسىمىزدى كولدەتتىك» دەدى. 

ليۋ فاميليالى: «ەرەكشە تەبىرەندىم، تابانى كۇرەكتەي 31 جىل ءوتتى، تۋعان اكە-شەشەسىن ىزدەپ تابۋ قانشاما قيىن دەسەڭىزشى. اكە-شەشەم مەنى ىزدەپ تابۋ ءۇشىن بارلىق تاپقان-تايانعانىن جۇمساپ بولىپتى. اكە-شەشەمنىڭ جانىندا بولىپ، ولارعا قارايلاسىپ، ەكى جاقتىڭ وكىنىشىنىڭ ورنىن تولتىرسام دەيمىن» دەدى. 

ۇعىسۋعا قاراعاندا، بۇل دەلو شانشي ولكەسى ۋينان قالالىق قوعام حاۋىپسىزدىگى ورگانىنىڭ 2021-جىلى «قاۋىشتىرۋ قيمىلىن» ورىستەتكەننەن بەرى، تۇڭعىش تابىلعان الداپ ساتىلعان ادامى ەكەن. جۋىق جىلداردان بەرى، ۋينان قالالىق قوعام حاۋىپسىزدىگى ورگانى ءداستۇرلى تاسىلدەر مەن DNA ساندى مالىمەتىنەن ۇلگى الىپ سالستىرۋدى ۇشتاستىرۋعا تاباندى بولىپ، 2017-جىلدان بەرى الداپ ساتۋعا قاتىستى دەلولاردان ىلگەرىندى-كەيىندى 18 دەلونى اشكەرەلەپ، الدانعان 15 ادامدى ىزدەپ تابۋعا كومەكتەسكەن ەكەن. 

ۋينان قالاسى چىڭچىڭ اۋداندىق قوعام حاۋىپسىزدىگى مەكەمەسى قىلمىستىق ىستەردى بارلاۋ ۇلكەن اترەتىنىڭ ورىنباسار باستىعى شى جيشۋە: «وسى ورايدا قالىڭ ەرىكتىلەر مەن مەيىربان جانداردى الداپ ساتۋدان كۇماندانعان جاعدايدى بايقاعاندا، مەيلى بالا، الدە ەرەسەك ادام بولسىن، جاقىن ماڭداعى قوعام حاۋىپسىزدىگى ورگاندارىنا بارىپ، قان ۇلگىسىن جيناۋعا ۇندەيمىز» دەدى. 

اۋدارعان: تۇيمەقان يساقان قىزى 

来源：人民网

监制、审稿：叶力夏提

编辑、制作：古丽美热