ٴجۇز ٴبولىمدى شاعىن قۇجاتتى فيلىم-قىزىل ارحيۆ

ٴتورت پارشا حات شالعايداعى داعدارعان ۇلىنا باعىت سىلتەدى

ٴبىر پارشا حاتتا اكەنىڭ ۇلىنا دەگەن قانداي الاڭداۋشىلىعى جاتىر؟ اراسى شالعاي بولسا دا اكەنى ۇلىمەن بايلانىستىرىپ تۇرعان ساعىنىش قانا ەمەس، قايتا كەلەسى ۇرپاققا دەگەن قامقورلىق پەن ٴۇمىت ەدى.

[ليۋ شاۋچي ليۋ يۇنروعا جازعان حاتتان الىندى]

‐ سەن جازعان مىنا حات، ارينە يدەياڭداعى ٴبىراز ماسەلەلەردى اڭعارتادى. بۇل وتە جاقسى. ماسەلە بولعان ەكەن، ماعان، جولداستارعا ايت. بۇل قالايدا جاسىرىپ جۇرگەننەن جاقسى. ايتپاۋ دەگەن ماسەلە جوق دەگەن ٴسوز ەمەس. ماسەلە سوندا دا ساقتالادى. ايتساڭ عانا، جولداستار، تۋىستارىڭ كومەكتەسە الادى.

بۇل 1956-جىلى 1-ايدىڭ 21-كۇنى ليۋ شاۋچي كىشى ۇلى ليۋ يۇنروعا جازعان سالەم حاتتىڭ مازمۇنى. ٴبىز وسى حاتتان ليۋ شاۋچيدىڭ سول كەزدە شەتەلدە وقيتىن ۇلىنىڭ تۇرمىس پەن ۇيرەنۋدە جولىققان ماسەلەسىنە ايرىقشا كوڭىل بولگەنىن اڭعارا الامىز. كەزىندە 13 جىل بويى ٴبولىنىپ قالعان اكەلى-بالالى ەكەۋى وسىلايشا حات جازىسىپ، ٴبىرىن-ٴبىرى نەعۇرلىم تەرەڭ تۇسىنەدى.

ليۋ يۇنرو 1930-جىلى شاڭحايدا تۋىلادى. كىشى اتى ماۋماۋ. 1932-جىلى اكەسى ليۋ شاۋچي قىزمەتىنىڭ اۋىسۋىنا بايلانىستى شاڭحايدان سوۆەتتىك رايونعا اتتانادى. سودان كەيىن شەشەسى حى باۋجىن سىرتقا مىندەت وتەۋگە شىققاندا جاۋلارعا قولدى بولادى. كەلەسى جىلى حى باۋجىن نانجيڭنىڭ يۇيحۋاتاي دەگەن جەرىندە ەرلىكپەن قۇربان بولادى. ول كەزدە ليۋ يۇنرو نەبارى 4 جاستا ەدى. سول كەزدەگى توڭكەرىستىك ورتا حاۋىپ-قاتەرگە تولى بولاتىن. سونىمەن ليۋ شاۋچي امالسىزدان ۇلىن اۋىلداعى سەنىمدى ٴبىر كىسىگە باعۋعا تاپسىرادى. وسىلاي قوشتاسقان اكەلى-بالالى ەكەۋى قايتا جۇزدەسكەندە ليۋ يۇنرو الدە قاشان 15 جاسار ٴوسپىرىم بولىپ ەدى. جاڭا جۇڭگو قۇرىلعاننان كەيىن تۇرالاپ جاتقان شارۋاشىلىقتى قايتا كوركەيتۋگە قاجەتتى جوعارى دارەجەلى دارىندىلاردى تاربيەلەۋ ٴۇشىن مەملەكەت قىرۋار جاس زيالىلاردى ىرىكتەپ الىپ، سوۆەت وداعىنا وقۋعا جىبەرەدى. ولاردىڭ اراسىندا ليۋ يۇنرو دا بار ەدى.

1954-جىلى ول موسكۆاعا جەتىپ، موسكۆا اۆياتسيا عارىش شۋەيۋانىنا وقۋعا ٴتۇسىپ، ۇشاقتىڭ سىمسىز راديو كورسەتكىش اسپابى ماماندىعىن وقيدى. ورتا مەكتەپ وقىپ جۇرگەندە ادەبيەتكە اۋەس بولعاندىقتان، بۇرىننان بەرى قوعامدىق عىلىمدى مەڭگەرسەم دەپ ارماندايتىن. جەكە قىزىعۋشىلىعى مەن ۇيرەنگەن ماماندىعىنىڭ سايكەس كەلمەۋى ليۋ يۇنرونى قاتتى مازالايدى. سونىمەن ول ادەبيەت ماماندىعى نەمەسە اقپارات ماماندىعىنا اۋىسۋ ٴۇشىن اكەسى ليۋ شاۋچيگە نەشە مارتە حات جازىپ، جات ەلدەگى جايسىز تۇرمىسى مەن ۇيرەنىپ جاتقان ماماندىعىنا زاۋقى سوقپايتىنىن ايتىپ قاپالاناتىن. وسى ارقىلى اكەسىنەن جاناشىرلىق پەن قولداۋ كۇتۋشى ەدى.

[ليۋ شاۋچي ليۋ يۇنروعا جازعان حاتتان الىندى]

‐ حاتتا ۇمىتسىزدەنىپ وتىرعانىڭدى بايقادىم. بۇيتۋىڭە مۇلدە بولمايدى. ماعان وسىلاي حات جازعانىڭ وتە ورىندى. يدەياڭداعى ماسەلەلەردى وسىلايشا بۇكپەسىز، جاسىرماي ايتقانىڭدى ۇناتامىن. سويتسەڭ ٴبىز سەنى دۇرىس جاققا قاراي ىنتالاندىرىپ، سەنىمىڭدى بەكەمدەي تۇسەمىز. بۇرىس جاقتان ساقتاندىرىپ، دەر كەزىندە تۇزەتۋىڭە كومەكتەسەمىز.

1955-جىلى 5-ايدان كەلەسى جىلى 2-ايعا دەيىن ليۋ شاۋچي مەملەكەتتىڭ جۇمىسى قانشا قاۋىرت بولسا دا ۇلىنا ٴتورت پارشا ۇزاق حات جازىپ، حاتتاعى ليۋ يۇنرونىڭ ابىرجىعان، مازاسىزدانعان، جالىققان بەينەسىن قاتاڭ سىنداپ، سابىرلىقپەن تاربيە بەرەدى. ٴوزى سوۆەت وداعىنا بارا الماعاندىقتان، سول جەردەگى ەلشىحانادا ىستەيتىن جولداستاردان ليۋ يۇنروعا ۇيرەنۋ مەن يدەيالىق جاقتان كومەكتەسۋىن وتىنەدى.

[ليۋ شاۋچي ليۋ يۇنروعا جازعان حاتتان الىندى]

‐ سەن كوپ ۇزاماي ەلشىحانادان وسى حاتتى كورىپ قالۋىڭ مۇمكىن. حاتتى قاجەت بولعاندا سەندەر تۇرعان جەردەگى پارتيا ۇيىمىنا تاپسىراتىنىما رەنجىمە. ٴاربىر ادامنىڭ پارتيا مەن حالىقتىڭ باقىلاۋىنان جالتارۋعا بولمايتىنىن، قايتا ٴوزىنىڭ يدەياسى، ٴسوزى مەن ٴىس-ارەكەتىن پارتيا مەن حالىقتىڭ باقىلاۋىنا ىرىقتى تۇردە مۇمكىندىك جاساۋ كەرەكتىگىن ٴسوزسىز ٴبىلۋىڭ كەرەك.

ليۋ شاۋچي بالالارىن ەشقاشان شولجاڭداتىپ وسىرگەن ەمەس. قايتا حات جازىپ، ۇلىنا سابىرلى ٴارى قاتاڭ تۇردە تاربيە بەرەدى. حالقىمىزدا شيپالى ٴدارى اششى بولار، پايدالى ٴسوز قۇلاققا جاقپاس بولار دەگەن اتالى ٴسوز بار. ىعى-جىعى جازىلعان سوزدەردە اكەنىڭ ۇلىنا دەگەن مەيىرىمدى قامقورلىعى عانا ەمەس، قايتا مەملەكەتتىڭ كەلەشەگىنە دەگەن تىلەگى جاتىر ەدى.

[ليۋ شاۋچي ليۋ يۇنروعا جازعان حاتتان الىندى]

‐ سۇن جۇڭشان اۋەلدە شيپاگەرلىك ۇيرەنگەن ەكەن. بۇل ونىڭ كەيىن ۇلى ساياساتكەر بولۋىنا ەش كەدەرگى بولعان جوق. لۋشۇن دە اۋەلدە شيپاگەرلىك وقىعان. بۇل دا ونىڭ كەيىن ۇلى جازۋشى بولۋىنا كەدەرگى بولعان جوق. ٴتوراعا ماۋ زىدۇڭ بولسا ٴاسىلى اعارتۋشىلىق وقىعان. بۇل ول كىسىنىڭ پارتيامىزدىڭ كوسەمى بولۋىنا كەدەرگى بولعان جوق. ايتا بەرسەك مۇنداي مىسالدار جەتىپ ارتىلادى. ەگەر سەندە جاسامپازدىق قابىلەت بولسا، وسى ماماندىعىڭدى وقىپ بىتىرگەن سوڭ كەلەشەكتە باسقا ىسپەن اينالىسۋىڭا كەدەرگى بولۋشى ما ەدى؟

شىن كوڭىلمەن ايتىلعان وسى اقىل-كەڭەستى وقىعان ليۋ يۇنرو اكەسى جازعان حاتتان ٴتالىم مەن شابىت الىپ، يدەيالىق كوزقاراسى بىرتىندەپ وزگەرە باستايدى دا ۇيرەنۋ باعىتىن قايتادان رەتتەيدى. 1960-جىلى ەلگە ورالعان ليۋ يۇنرو مەملەكەت قورعانىس ىسىنە بەل شەشە ارالاسىپ، مەملەكەتتىك 7-ماشينا ونەركاسىپ مينيسترلىگىنە قاراستى مەكەمەدە باعدارلى بومبا جاساۋ قىزمەتىمەن شۇعىلدانادى. 

اراعا جارتى عاسىر سالىپ، وسى حاتتارعا قايتا كوز جىبەرەتىن بولساق، ٴسوز-سويلەمدەرىندەگى ونەگەلى وتباسى سالتى، كەلەسى ۇرپاققا دەگەن جۇرەك جاردى تىلەك كورگەن ادامعا ٴالى دە تەرەڭ وي سالادى.

来源：央视新闻

视频制作：赛里克江，海纳尔

微信制作：古丽美热

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر