قولدانىستان قالعان بانكە كارتچكاسى تىزىمنەن وشىرىلەتىن بولدى

جايشىلىقتا ٴار جەكەدە كوپتەگەن بانكە كارتچكاسى بولاتىن، مۇنىڭ ىشىندە ٴبىر، ەكى كارتچكا ۇنەمى قولدانىلعانىمەن قالعانى «قولدانىستان قالعان كارتچكاعا» اينالعان جاعداي ٴجيى كەزدەسەدى، جۋىردا وسىنداي قولدانىستان قالعان بانكە كارتچكاسىنا قاراتا تىزىمنەن ٴوشىرۋ قىزمەتى جۇرگىزىلە باستادى.

وسى رەتكى بانكەنىڭ تىزىمنەن ٴوشىرۋ قىزمەتى نەگىزىنەن ۇزاق ۋاقىت قولدانىستان قالعان بانكە كارتچكاسىنا قاراتىلعان، مۇنداي كارتچكالاردى تىزىمنەن وشىرۋدەگى ماقسات بانكەنىڭ قىزمەت وتەۋ ساپاسىن جوعارىلاتۋ جانە جەكەلەردىڭ بانكە كارتچكاسىنىڭ حاۋىپسىزدىگىن قامتاماسىزداندىرۋ ٴۇشىن بولىپ تابىلادى.

كوپتەگەن «قولدانىستان قالعان بانكە كارتچكالارى» بانكە جۇيەسىنىڭ بايلىعىن يەلەۋدە، مۇنداي كارتچكالاردى تىزىمنەن ٴوشىرۋ بانكەنىڭ وزىندىك اينالىم قۇنىن تومەندەتۋىنە، قىزمەت وتەۋ ساپاسىن جوعارىلاتۋىنا سەپتىگىن تيگىزەدى، ونىڭ ۇستىنە «قولدانىستان قالعان بانكە كارتچكالارىنىڭ» باسقالار جاعىنان زاڭسىز ۇرلانىپ پايدالانۋ قاتەرى بولادى، سوندىقتان مۇنداي كارتچكالاردى دەكەزىندە تىزىمنەن ٴوشىرۋ تەلەگراف جانە توراپ الدامشىلىعىنىڭ الدىن الۋدا ماڭىزدى رول اتقارادى.

«قولدانىستان قالعان بانكە كارتچكاسىن» تىزىمنەن ٴوشىرۋ بانكە قاريدارىنىڭ ۇقىق-مۇددەسىنە تولىق كەپىلدىك ەتۋ العى شارتىندا جۇرگىزىلەدى. ٴمالىم جارنا تۇزىمىندەگى بانكە اينالىمىن باسقارۋ ٴبولىمى قىزمەتكەرىنىڭ تانىستىرۋىنا نەگىزدەلگەندە، بانكە جاق «قولدانىستان قالعان بانكە كارتچكاسىن» تىزىمنەن ٴوشىرۋ قىزمەتىن جۇرگىزۋ بارىسىندا، قالدىق اقشاسى بار قاريدارلاردىڭ كارتچكاسىن تىزىمنەن وشىرمەگەنىمەن، قازىنالىق بارىس-كەلىستى شەكتەۋ سياقتى شارالاردى قولدانادى. بۇدان تىس، بانكە قاتاڭ سارالاۋ شارتىن بەلگىلەدى، مۇندا «ٴۇرتىس 3 جىل بويى بانكە كارتچكاسى قولدانىستان قالعان، سونداي-اق قالدىق اقشاسى 0 يۋان» بولعان شارتقا ۇيلەسەتىن بانكە كارتچكالارى عانا تىزىمنەن وشىرىلەدى.

ٴبىر ٴبولىم بانكە قاريدارلارى، بانكە كارتچكاسىنداعى قازىنالىق بارىس-كەلىس ەستەلىگىنىڭ كەي جاعدايدا ماڭىزدى رول اتقاراتىندىعىن ايتىپ، ەگەر مۇنداي بانكە كارتچكالار تىزىمنەن وشىرىلسە، ونىڭ ىشىندەگى قالدىق اقشا مەن قازىنالىق بارىس-كەلىس ەستەلىگى بىرلىكتە جوعالىپ كەتۋى مۇمكىن دەگەن ۋايىمدارىن ٴبىلدىردى. وسىعان قاراتا، اتالعان بانكە اينالىمىن باسقارۋ ٴبولىمى قىزمەتكەرى: «بۇل جاعىندا بانكە قاتاڭ ٴبىرجاقتىلى ەتۋ تۇزىمىنە بويسۇنادى، كارتچكانى تىزىمنەن وشىرۋدەن بۇرىن ەڭ اۋەلى قاريدارعا كەلتە حات ارقىلى ۇقتىرۋ جولداپ، قاريداردىڭ قولدانىستان قالعان بانكە كارتچكاسىن ٴوزى ٴبىرجاقتىلى ەتۋىنە ۋاقىت بەرەدى. ەگەر اتالعان بانكە كارتچكاسىنىڭ قازىنالىق بارىس-كەلىس قىزمەتى توقتالىسا، قاريدار ٴوزىنىڭ ازاماتتىق كۋالىگىن بانكەگە الىپ بارىپ، كارتچكانىڭ قىزمەت وتەۋىن قالپىنا كەلتىرۋىنە بولادى»،-دەدى.

来源：人民网

翻译、视频制作：伯塔

主播：吾夏尔

微信制作：古丽美热

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر