فيليپپين تۇتاس ەل بويىنشا قاتەرلى كۇيگە ٴوتتى

5-ايدىڭ 11-كۇنى، فيليپپيننىڭ پرەزيدەنت سارايى جاريالاعان ءبىر قۇجاتتا «توسىننان افريكا دوڭىز وباسى تارالعاندىقتان، فيليپپيننىڭ پرەزيدەنتى دۋتەرتى 5-ايدىڭ 10-كۇنىنەن باستاپ، وسى مەملەكەتتىڭ تۇتاس ەل بويىنشا ءبىر جىلدىق قاتەرلى كۇيگە وتكەندىگىن جاريالادى» دەپ اشىق كورسەتىلگەن. 

ال 5-ايدىڭ 10-كۇ نى بەكىتىلگەن وسى قۇجاتتا مىنالار اشىق كورسەتىلگەن: فيليپپيندە 2019-جىلى تۇڭعىش رەت افريكا دوڭىز وباسى بايقالعاننان قازىرگە دەيىن، وسى مەملەكەتتىڭ 12 رايونى، 46 ولكەسىنە تارالدى. ۇكىمەت شارا قولدانعانىمەن، تىڭنان جۇعىمدالۋ ءالى دە تۋىلۋدا. افريكا دوڭىز وباسىنان فيليپپيندە 3 ميلليون باس دوڭىزدىڭ ءتۇسىمى كەمەيىپ، شىعىن 100 ميلليارد پەسوعا (مولشەرمەن جيىنى 13 ميلليارد 400 ميلليون حالىق اقشاسىنا) جەتتى، بۇل جاعداي تاعى فيليپپيندە دوڭىز ەتى باعاسىنىڭ ۇزدىكسىز قىمباتتاۋىن كەلتىرىپ شىعاردى. 

فيليپپين پرەزيدەنتى دۋتەرتى بەكىتىم جاساعان 5-ايدىڭ 10-كۇنگى وسى قۇجاتتا «افريكا دوڭىز وباسى توسىننان تارالعاندىعىنا بايلانىستى، فيليپپيننىڭ تۇتاس ەل بويىنشا قاتەرلى كۇيگە وتكەندىگىن ەرەكشە جاريالايمىن، ۋاقىتى بۇگىننەن باستاپ ءبىر جىل، جاعدايدىڭ قاجەتىنە ساي، الدىن–الا كۇشىنەن قالدىرىلۋى نەمەسە ۇزارتىلۋى دا مۇمكىن» دەپ ايتىلعان. 

افريكا دوڭىز وباسى ىندەتىنەن ساقتانىپ جانە ونى تىزگىندەپ، جەرگىلىكتىڭ باعىمشىلىق كاسىبىن قايتا گۇلدەندىرۋ ءۇشىن، فيليپپيننىڭ پرەزيدەنتى دۋتەرتى مىنالاردى جاريالادى: بيىل 5-ايدىڭ 10-كۇنىنەن باستاپ، فيليپپين تۇتاس ەل بويىنشا ءبىر جىلدىق قاتەرلى كۇيگە ٴوتتى. فيليپپين مەملەكەتتىك ۇكىمەتى مەن جەرگىلىكتى ۇكىمەتتەر جابال اتسالىسىپ، اپاتتان قۇتقارۋ قاراجاتتارىن دەرەۋ جەتكىزىپ، افريكا دوڭىز وباسى ىندەتىنە توتەپ بەرۋلەرى كەرەك. 

سۋرەت: فيليپپيننىڭ پرەزيدەنتى دۋتەرتى

اۋدارعان: مارالبەك ابدىكارىم ۇلى

来源：央视新闻

监制，审稿：叶力夏提

微信制作：阿依娜