ينفورماتسيا اشكەرەلەۋ: mzjubao@cnr.cn

وزەكتى ماقالالار

بۇگىن شينجياڭدا اقى الىناتىن تاس جولدا اۆتوكولىك تەگىن قاتىنايدى

来源:央广网     |责编:阿依娜|     发布日期: 2021-05-14 19:01

 

بۇگىن شينجياڭداعى اقى الىناتىن تاس جولدا اۆتوكولىكتەر تەگىن قاتىنايدى

ورازا ايت كۇنى (5-ايدىڭ 13-كۇنى)، شينجياڭداعى اقى الىناتىن تاس جولدا شاعىن تيپتەگى جولاۋشىلار اۆتوكولىگى تەگىن قاتىنايدى، تەگىن قاتىناۋ ۋاقىتى 5-ايدىڭ 13-كۇنى 0 ساعاتتان 24 ساعاتقا دەيىن بولادى. 

 

ورازا ايت كەزىندە 7 ادامدىق ورىننان تومەن شاعىن تيپتەگى جولاۋشىلار اۆتوكولىگى شينجياڭداعى اقى الىناتىن تاس جولدا تەگىن قاتىنايدى، جابىق تۇردەگى جوعارى قارقىندى تاس جولدا اۆتوكولىكتەردىڭ اقى الۋ جول بولەگىنەن وتكەن ۋاقىتى ەسەپتەلەدى. اشىق تۇردەگى جوعارى قارقىندى تاس جول جانە ادەتتەگى اقى الاتىن تاس جولدا اۆتوكولىكتەردىڭ اقى الۋ جول بولەگىنەن وتكەندەگى ۋاقىتى ەسەپتەلەدى. 

 

مەرەكە كەزىندە، ءۇرىمجى ماڭىنداعى G30 سانجى اينالمالى كوپىرىنەن تۋتۇنحى كوپىرى اقى الۋ پۋنكيتى جول بولەگىنە دەيىن، ۇرىمجىدەن تۇرپانعا دەيىنگى جول بولەگىنە دەيىن، S116 ۇرىمجىدەن ءۇرىمجى اۋدانى نانشان ەكولوگيالىق ساياحات بازاسى جول بولەگىنە دەيىن، G314K9-K10 جابايى حايۋاناتتار باقشاسى، تۋتۇنحى اقى الۋ پۋنكيتى، گوزىگوۋ اقى الۋ پۋنكيتى، G3003 ۇلانباي باتىسىنداعى اقى الۋ پۋنكيتى، S116 ۇلانباي وڭتۇستىگىندەگى اينالمالى جول اقى الۋ پۋنكيتى، G7 ميدۇڭ سولتۇستىگىندەگى اقى الۋ پۋنكيتى قاتارلى جەرلەردە اۆتوكولىكتەردىڭ كەپتەلۋ جاعدايى تۋىلۋى مۇمكىن. 

 

وسى ۋاقىتتا، سولتۇستىك شينجياڭنىڭ ءىشىنارا وڭىرىندە جەلدى اۋارايى قالىپتاسادى. اۆتونوميالى رايوندىق اۋارايى تاراۋلارى جاريالاعان حابارعا نەگىزدەلگەندە، 5-ايدىڭ 13-كۇنى كۇندىز سولتۇستىك شينجياڭ، شىعىس شينجياڭ قاتارلى جەرلەردىڭ تاس جول لەنيالارىندا 5-6 بال باتىس تەرىستىك جەلى سوعادى، G3015 دوربىلجىننەن تەمىرتامعا دەيىن، S201 مايتاس جەلدى ءوڭىرى، S221 تولى سارعۇلسىن جەل ءوتى، S319 جانە S229 التاي نوقاي جەلدى وڭىرىندەگى جول بولەگى، G3014 قارامايدان ورحىعا دەيىنگى جول بولەگى، G217 قارامايدان ورحىعا دەيىنگى جول بولەگى، G30、G312 دابانچىڭنان داحىعا دەيىنگى جول بولەگى (سانشىلي جەلدى ءوڭىرى)، چيكىتايدان دۇنحۋاڭعا (بايلي جەلدى ءوڭىرى) دەيىنگى جول بولەگىندە 10-11 بال باتىس تەرىستىك بورانى سوعادى. 

 

مەرەكەدەگى دەمالىس كەزىندە اۆتونوميالى رايونىمىزداعى تاس جول تورابىندا قاتىناستىڭ ىركىلىسسىز بولۋىنا كەپىلدىك ەتۋ ءۇشىن، اۆتونوميالى رايوندىق قاتىناس تاسىمال مەڭگەرمەسى الدىن الا ورنالاستىرۋ جاساپ، تۇتاس اۆتونوميالى رايونىمىزداعى تاس جول قاتىناس تاسىمال جاعدايىن ۋاق-ۋاق باقىلاپ ساراپتاپ وتىرادى، ءتۇيىندى جول بولەگىندەگى اۆتوكولىكتەردىڭ قاتىناۋ جاعدايىنداعى وزگەرىسىن جانە جولعا شىعۋ بارىسىن ءجىتى باقىلايدى، جول جاعدايىن ۋاعىندا حابارلايدى، تاس جول قاتىناس تورابىنىڭ ىركىلسسىز بولۋىن قاداعالايدى، سۇركەي اۋارايىنىڭ تاس جولدا قاتىنايتىن اۆتوكولىكتەرگە بولعان ىقپالىن ازايتۋعا كەپىلدىك ەتەدى. 

 

اۆتوكولىك جۇرگىزىپ جولعا شىققاندا، كولىك يەسى قاتىنايتىن جول بولەگىندەگى قاتىناس جاعدايىن الدىن الا يەلەۋى كەرەك، جولعا شىعاتىن ۋاقىت پەن جول لەنياسىن ۇيلەسىمدى ورنالاستىرعان دۇرىس. سونىمەن بىرگە، جولعا شىققان سوڭ شۇعىل جاعدايعا ۇشىراسا، اۆتوكولىك شوفەرى 110、12122、12328 قاتارلى ىستىق لەنيالى تەلەفون نومىرلەرىنە حابارلاسىپ كومەك سۇراۋىنا بولادى. 

 

اۋدارعان: قۋات جۇماش ۇلى 

来源:新疆日报

监制,审稿:叶力夏提

 

微信制作:阿依娜

 

 

中央广播电视总台 央广网 版权所有

بۇگىن شينجياڭدا اقى الىناتىن تاس جولدا اۆتوكولىك تەگىن قاتىنايدى

ورازا ايت كۇنى (5-ايدىڭ 13-كۇنى)، شينجياڭداعى اقى الىناتىن تاس جولدا شاعىن تيپتەگى جولاۋشىلار اۆتوكولىگى تەگىن قاتىنايدى، تەگىن قاتىناۋ ۋاقىتى 5-ايدىڭ 13-كۇنى 0 ساعاتتان 24 ساعاتقا دەيىن بولادى.