ينفورماتسيا اشكەرەلەۋ: mzjubao@cnr.cn

وزەكتى ماقالالار

قىزىل ارحيۆ 79-ٴبولىم: كوممۋنيستەردىڭ ورەسى

来源:央广网     |责编:阿依娜|     发布日期: 2021-06-10 17:41

ءجۇز ءبولىمدى شاعىن قۇجاتتى فيلم ‐ قىزىل ارحيۆ

ماۋ زىدۇڭنىڭ «كادرلار ٴسوزسىز وقۋعا ٴتيىستى» دەپ كورسەتكەن 12 كىتابى

 

 

 

مەيلى وقۋشى كەزىندە بولسىن، الدە سوعىس جىلدارىندا بولسىن، ماۋ زىدۇڭ كىتاپ وقۋدى ەشقاشان ۇمىتقان ەمەس. ٴسوزسىز وقۋعا ٴتيىستى 12 كىتاپتا كوسەمنىڭ كوممۋنيستەرگە قويعان قاتاڭ تالابى جاتىر.

 

1949-جىلى 3-ايدىڭ 5-كۇنى جۇڭگو حالقىنىڭ ازاتتىق سوعىسى بۇكىل ەل بويىنشا جەڭىسكە جەتۋ قارساڭىندا حىبەي ولكەسى پيڭشان اۋدانى شيبايپوداعى ورتالىق ورگاننىڭ اسحاناسىندا جۇڭگو كوممۋنيستىك پارتياسى 7-كەزەكتى 2-جالپى ٴماجىلىسىن اشادى. ماجىلىستە ماۋ زىدۇڭ بۇكىل پارتياعا بىلاي دەپ ەسكەرتۋ جاسايدى:

 

[«ماۋ زىدۇڭ تاڭدامالىلارىنىڭ» 4-تومىنان الىندى]

 

‐ ٴبىز قيىنشىلىقتى ٴسوزسىز جەڭۋىمىز، ٴوزىمىز تۇسىنبەگەن نارسەنى ٴسوزسىز ۇيرەنۋىمىز، ٴبىز بارلىق كاسىپتىك ادامداردان ۇيرەنۋىمىز، مەيلى قانداي ادام بولسا دا، ەكونوميكا قىزمەتىن قالاي جۇرگىزۋدى ۇيرەنىپ، ولاردى ۇستاز تۇتىپ، بارىنشا سىپايىلىقپەن، بەرىلە ۇيرەنۋىمىز كەرەك.

 

ٴماجىلىستىڭ سوڭعى كۇنى ماۋ زىدۇڭ كادرلار ٴسوزسىز وقۋعا ٴتيىستى كىتاپتاردىڭ ٴتىزىمىن ورتاعا قويادى.

«كوممۋنيستىك پارتيا جارناماسى»، «سوتسياليزمنىڭ قيالدان عىلىمعا دەيىن دامۋى»، «ماركىس-ەنگەلس-لەنين يدەياسىنىڭ ٴادىسناماسى» قاتارلى 12 كىتاپ ەدى. ماركىس، ەنگەلىس ونان لەنيننىڭ ەڭبەكتەرىنە دەيىنگى شىعارمالاردى قامتىعان وسى ىقشام ٴتىزىم وسىزامانعى جۇڭگو ٴۇشىن ايرىقشا ٴمان الاتىن.

 

[«ماۋ زىدۇڭ تاڭدامالىلارىنىڭ» 5-تومىنان الىندى]

 

-بۇرىنعى تاجىريبەلەرگە نەگىزدەلە وتىرىپ، كادرلار ٴسوزسىز وقۋعا ٴتيىستى 12 كىتاپتى وقۋعا كەلەر بولساق، ەگەر ٴۇش جىل ىشىندە 30 مىڭ ادام وسى 12 كىتاپتى وقىپ تاۋىسسا، ٴۇش مىڭ ادام وسى 12 كىتاپتى جەتتىك مەڭگەرسە، وندا جاقسى بولار ەدى.

 

وسى كەزدە جۇڭگو كوممۋنيستىك پارتياسىنىڭ قىزمەت ٴتۇيىنى اۋىل-قىستاقتان قالاعا قاراي ويىسۋ بولاتىن. ۇيرەنۋ، كىتاپ وقۋ جاڭا جاعدايعا بەيىمدەلۋدەگى قىزمەتتىڭ تالابى رەتىندە كەزەك كۇتتىرمەيتىن ٴىس بولىپ تابىلاتىن.

 

1949-جىلى جۇڭگو كوممۋنيستىك پارتياسى بەيپيڭگە قاراي جەڭىسپەن شەرۋ تارتادى. سوندا ماۋ زىدۇڭ جاۋىنگەر سەرىكتەرىنە بىلاي دەيدى:

 

‐ بۇگىن ٴبىز بەيجيڭگە «ەمتيحان تاپسىرۋعا» بارامىز، ٴبىز استە لي زىچىڭ بولمايمىز، ٴبارىمىز جاقسى ناتيجە العىمىز كەلەدى.

 

 تاريح پەن حالىق قاناعاتتانارلىق ناتيجە جاراتۋ ٴۇشىن ماۋ زىدۇڭ جاڭا جۇڭگو قۇرىلۋ قارساڭىندا «ۇيرەنۋدى» پارتيا باسشىلىق ەتكەننەن كەيىنگى وزىندىك قۇرىلىسىتىڭ كەلەلى ستراتەگيالىق مىندەتى دەپ ٴبىلىپ، پارتيانىڭ مەملەكەتتى باسقارۋ مەن قۇرۋ قابىلەتىن جوعارىلاتۋداعى جانە ٴوزىنىڭ العاباسارلىعى مەن پاكتىگىن ساقتاۋداعى ماڭىزدى تاربيە دەپ قارايدى.

 

مەيلى جاستىق جالىنى لاۋلاعان وقۋشى كەزىندە بولسىن، الدە جاپالى كۇرەس جۇرگىزگەن سوعىس جىلدارىندا بولسىن، ول قاشان دا ۋاقىت تاۋىپ كىتاپ وقيتىن. ماۋ زىدۇڭ 8 جاسىندا باستاۋىش مەكتەپتە كىتاپ وقي باستايدى. ەسەيە كەلە ٴوزى كىتاپ تاۋىپ وقيتىن بولادى. ٴار جولى تۇندە، ادامدار ۇيقىعا كەتكەندە ول ماي شامدى جاعىپ، تابىلعان كىتاپتاردىڭ ٴبارىن وقىپ شىعاتىن. حۋنان ولكەلىك 1-پەداگوگيكا مەكتەبىندە وقىپ جۇرگەندە ساباقتاستارىنىڭ كوبى قىزىقپايتىن گەرمانيانىڭ فيلوسوفيالىق وقۋلىعى «ەتيكا ٴىلىمىنىڭ قاعيدالارىن» ٴبىر جىلداي ۋاقىت جۇمساپ، تۇگەل وقىپ شىعىپ، 12 مىڭ ارىپتەن استام تۇسىنىكتەمە جازادى. بەيجيڭ داشۋەسىنىڭ كىتاپحاناسىندا كىتاپ باسقارۋشى بولىپ ىستەگەن كەزىندە ماۋ زىدۇڭ قىرۋار كىتاپتاردى وقىپ، وسى ارادا ماركىسيزم-لەنينيزممەن دە تانىسادى.

 

[ەدگار سنونىڭ «قىزىل جۇلدىز جۇڭگونى نۇرلاندىردى» شىعارماسىنان الىندى]

 

-مەن سوۆەت وداعى تۋرالى كوپتەگەن ىستەردى وقىدىم، سونىمەن بىرگە سول كەزدە كوممۋنيزم تۋرالى جۇڭگودان كەزىكتىرۋگە بولاتىن ٴبىراز كىتاپتاردى جان-تانىممەن ىزدەپ تاپتىم. سولاردىڭ ىشىندە مىنا ٴۇش كىتاپ ماعان ەرەكشە اسەر قالدىردى. ٴارى مەنىڭ ماركىسيزمگە بولعان سەنىمىمدى قالىپتاستىردى. ول تاريحتىڭ دۇرىس تۇسىندىرمەسى بولعاندىعىن قابىلداعانىمنان باستاپ، بۇل سەنىمنەن تيتتەي دە اۋىتقىعان ەمەسپىن.

 

زور توڭكەرىس ساتسىزدىككە ۇشىراعاننان كەيىن ماۋ زىدۇڭ شالعاي اۋىل-قىستاقتاردا قول باستاپ شايقاس جۇرگىزگەندە وقيتىن كىتاپ تابا الماي ۇنەمى تىقىرشيتىن. 1932-جىلى ول قىزىل ارميانى باستاپ فۋجياننىڭ جاڭجوۋ قالاسىن العاندا ٴبىر توپ كىتاپتى قولعا تۇسىرەدى. ونىڭ ىشىندە لەنيننىڭ «سوتسيال دەموكراتيالىق پارتيانىڭ دەموكراتيالىق توڭكەرىستەگى ەكى ٴتۇرلى تاكتيكاسى» مەن «سولشىل شيكىلىك اۋرۋى» دەگەن ەكى كىتاپ بار ەدى. ول «سوتسيال دەموكراتيالىق پارتيانىڭ دەموكراتيالىق توڭكەرىستەگى ەكى ٴتۇرلى تاكتيكاسىن» وقىپ بولعان سوڭ ونى پىڭ دىحۋايدىڭ وقۋىنا ۇسىنىپ، وعان حات جازىپ، بۇل كىتاپ زور توڭكەرىس كەزىندە وقىلعان بولسا، قاتەلىك كەتپەۋشى ەدى دەيدى.

 

ۇزاق جورىق اياقتالعاننان كەيىن ماۋ زىدۇڭدى ۋاكىل ەتكەن جۇڭگو كوممۋنيستەرى يان-ان سىندى نەبارى نەشە ون مىڭ ادام عانا تۇراتىن باتىس تەرىستىكتەگى شاعىن قالاشىقتا 20 نەشە مەكتەپ اشادى. كوركەمونەر شۋەيۋانى، ايەلدەر شۋەيۋانىنان جاس كادرلار شۋەيۋانىنا، ونان ۇلتتىق كادرلار شۋەيۋانىنا دەيىنگى وقۋ ورىندارىندا ٴار دارەجەلى پارتيالى كادرلار نازاريا، مادەنيەت جانە تەحنيكا ۇيرەنىپ قانا قويماي، ماڭىزدىسى ۇيرەنۋگە ەرەكشە ٴمان بەرەتىن كوزقاراس ورناتىپ، ۇيرەنەتىن داعدى قالىپتاستىرادى.

 

سوتسياليستىك توڭكەرىس پەن قۇرىلىس مەزگىلىندە ماۋ زىدۇڭ كاسىپتىك ادامداردان، بۇقارادان، شەتەلدەن ۇيرەنۋدى دارىپتەپ، «جازۋى بار كىتاپتان» «جازۋى جوق كىتاپقا» دەيىن كوممۋنيستەردىڭ ۇيرەنۋىنە بۇرىنعىدان دا جوعارى تالاپ قويادى.

 

[«پارتيا قۇجاتتارىنان» الىندى]

 

‐ ٴار سالاداعى كادرلار تەحنيكا مەن كاسىپتىڭ قىر-سىرىن جەتتىك مەڭگەرۋگە قۇلشىنىپ، ٴوزىن سول كاسىپتىڭ مامانىنا اينالدىرۋ كەرەك.

 

[«ماۋ زىدۇڭ تاڭدامالىلارىنىڭ» 3-تومىنان الىندى]

 

- ٴبىز بۇقارانىڭ اراسىنا بارۋىمىز، بۇقارادان ۇيرەنۋىمىز، ولاردىڭ تاجىريبەسىن جيناقتاپ، ولاردى نەعۇرلىم پايدالى ٴارى جۇيەلى ٴادىس-امالدارعا اينالدىرىپ، بۇقارانى ازات ەتىپ، باقىتقا كەنەلتۋىمىز ٴتيىس.

 

[«ماۋ زىدۇڭ تاڭدامالىلارىنان ۇزىندىلەردىڭ» سوڭعى بولىمىنەن الىندى]

 

-بارلىق ۇلتتىڭ، بارلىق مەملەكەتتىڭ ارتىقشىلىعىن ۇيرەنۋ كەرەك. ٴبىراق تالداۋ جاساي وتىرىپ، سىن كوزبەن قاراپ ۇيرەنۋ كەرەك. كوزسىزدىكپەن ۇيرەنۋگە، بارلىعىن سول كۇيىندە كوشىرىپ پايدالانۋعا بولمايدى. ولاردىڭ كەمشىلىكتەرىن تۇگەلدەي مەحانيكالى تۇردە كوشىرىپ اكەلۋدى ارينە ۇيرەنۋگە بولمايدى.

 

ٴجۇز جىلدىق جاۋىن-شاشىندى باستان وتكەرسە دە جۇڭگو كوممۋنيستىك پارتياسىنىڭ بويىندا جالىنداعان ومىرشەڭدىك كۇش پەن تىرشىلىك تىنىسى ۇزدىكسىز تاسقىندايدى. رەفورما جاساپ، ەسىك اشقاننان كەيىن كەزدەسكەن تىڭ جاعداي، تىڭ ماسەلەگە قاراتا جۇڭگو كوممۋنيستىك پارتياسى «ىزدەنە ٴجۇرىپ جول تابۋعا» تاباندى بولىپ، بۇرىنعىلار باسپاعان تىڭ جولدى تابادى.

 

18-قۇرىلتايدان بەرى، باس شۋجي شي جينپيڭ كوپ رەت بىلاي دەپ ورتاعا قويادى: زامانامەن بىرگە ىلگەرىلەپ، قابىلەتسىزدىگىنەن ۇرەيلەنۋدى ۇيرەنۋ ارقىلى جەڭۋ كەرەك. وسىلايشا ۇيرەنۋ، ٴسىڭىرۋ، قايتا جاڭعىرتۋ جۇڭگو كوممۋنيستىك پارتياسىنىڭ ٴوزىن توقتاۋسىز جاڭارتۋىنىڭ قوزعاۋشى كۇشىنە اينالادى.

 

[2017-جىلى 10-ايدىڭ 18-كۇنى شي جينپيڭنىڭ ج ك پ-نىڭ 19-رەتكى مەملەكەتتىك قۇرىلتايىندا جاساعان بايانداماسى]

 

‐ ۇيرەنۋ قابىلەتىن ۇشتاۋ ٴۇشىن، بۇكىل پارتيادا ۇيرەنۋگە شەبەر، امالياتتا ايگىلەۋگە باتىل بولاتىن جەتەكشى اۋقىم قالىپتاستىرۋ، ماركىسيزمدىك ۇيرەنۋگە ىنتالى ساياسي پارتيا قۇرىپ، ۇيرەنۋگە ىنتالى ٴىرى ەل قۇرۋ اياق الىسىن ىلگەرىلەتۋ كەرەك.

 

[2016-جىلى 11-ايدىڭ 29-كۇنى شي جينپيڭنىڭ جۋ دى جولداس دۇنيە كەلگەندىگىنىڭ 130 جىلدىعىن ەسكە الۋ اڭگىمە ماجىلىسىندە سويلەگەن ٴسوزى]

 

‐ ٴبىز بۇگىنگى كۇنگە ۇيرەنۋ ارقىلى جەتتىك، ٴارى ٴسوز جوق ۇيرەنۋ ارقىلى كەلەشەككە بەتالامىز.

 

 

来源:央视新闻

 

 

视频制作:赛里克江,海纳尔

微信制作:阿依娜

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر 

中央广播电视总台 央广网 版权所有

قىزىل ارحيۆ 79-ٴبولىم: كوممۋنيستەردىڭ ورەسى

مەيلى وقۋشى كەزىندە بولسىن، الدە سوعىس جىلدارىندا بولسىن، ماۋ زىدۇڭ كىتاپ وقۋدى ەشقاشان ۇمىتقان ەمەس. ٴسوزسىز وقۋعا ٴتيىستى 12 كىتاپتا كوسەمنىڭ كوممۋنيستەرگە قويعان قاتاڭ تالابى جاتىر.