ينفورماتسيا اشكەرەلەۋ: mzjubao@cnr.cn

وزەكتى ماقالالار

قىزىل ارحيۆ 80-ٴبولىم: كوممۋنيستەردىڭ ورەسى ‐ 22 ارناۋ ٴسوز

来源:央广网     |责编:阿依娜|     发布日期: 2021-06-10 17:46

ءجۇز ءبولىمدى شاعىن قۇجاتتى فيلم ‐ قىزىل ارحيۆ

كوسەم ٴوندىرىس سالاسىنىڭ 22 قاھارمانىنا ارناۋ ٴسوز جازىپ ماراپاتتادى

 

 

 

جاپپاي ٴوندىرىس ناۋقانىنداعى وتكەن ىستەردى تىلگە تيەك ەتىپ، ٴوندىرىس سالاسىنداعى 22 قاھارماندى تانىستىرادى. ماۋ زىدۇڭ ولارعا 22 ارناۋ ٴسوز جازىپ، ولاردىڭ كوممۋنيستەردىڭ ماڭگىلىك اينىماس رۋحىن ايگىلەگەندىكتەرىن ماراپاتتايدى.

 

1943-جىلى 2-ايدىڭ 3-كۇنگى «ازاتتىق گازەتىنىڭ» باسقى بەتىنە باتىس تەرىستىك مەكەمەسىنىڭ ٴوندىرىس سالاسىنداعى 22 قاھارماندى ماراپاتتاعاندىعى تۋرالى حابار باسىلادى. باس حابار تاقىرىبى «باتىس تەرىستىك مەكەمەسى ٴوندىرىس سالاسىنداعى 22 قاھارماندى ماراپاتتادى» دەپ اتالادى. وسىمەن بىرگە «ماۋ زىدۇڭ جولداس ماراپاتتالعان جولداستارعا ارناۋ ٴسوز جازدى»، «ماراپاتتالعان ورىنداردىڭ نەگىزگى ەڭبەكتەرى»، «ماراپاتتالعان جولداستاردىڭ نەگىزگى قىزمەتى جانە ەڭبەكتەرى» دەگەن ماقالالار مەن «ەكونوميكالىق قىزمەتكە جەتەكشىلىك ەتۋدەگى ەرەن ەڭبەگى ٴۇشىن ماراپاتتالعان جولداستاردان ۇيرەنەيىك» دەگەن شولۋدى قوسا جاريالايدى. ماراپاتتالعان ٴوندىرىس قاھارماندارى ۋاڭ جىن، شي جۇڭشۇن، يان فۋشىڭ قاتارلى 10 قاھارماننىڭ اعاشقا ويىپ سالىنعان بەينەسى دە گازەتكە باسىلادى. ج ك پ-نىڭ تاريحىندا كوسەمنىڭ ٴبىر جولدا ٴبىرتالاي كادرلارعا ارناۋ ٴسوز جازىپ، ٴارى اقپارات قۇرالدارىندا جاپپاي ۇگىتتەلۋى وتە سيرەك كەزىگەتىن.

 

1938-جىلى جاپون شاپقىنشىلارىنا قارسى سوعىس ىستراتەگيالىق تىرەسۋ كەزەڭىنە ٴوتىپ، جاپون ارمياسى نەگىزگى كۇشىن ارتقى شەپتەگى جاپون شاپقىنشىلارىنا قارسى توڭكەرىستىك بازالارعا ويىستىرىپ، تازالاۋ جۇرگىزەدى. جاۋ قولىنا تۇسكەن وڭىرلەردىڭ كەڭەيۋىمەن حالىق تەنتىرەپ، زات باعاسى شارىقتاپ، بۇكىل ەل اۋىر استىق تاپشىلىعى داعدارىسىنا ۇشىرايدى.

گومينداڭ بيلەپ-توستەگەن وڭىردە اسكەري ازىق-تۇلىك پەن ەڭبەكاقىنى تولىقتاۋ ٴۇشىن گومينداڭ كەرتارتپاشىلارى ناقتى بۇيىم الۋ، قارىزعا الۋ، ساتىپ الۋ ساياساتىن اتقارىپ، جاي بۇقارانى تالان-تاراجىلاپ، وسى رەتكى داعدارىستىڭ تىعىرىعىنان شىقپاق بولادى. وسىمەن بىرگە گومينداڭ كەرتارتپاشىلارى «جاپون شاپقىنشىلارىنا قارسى تۇرۋعا سەلقوس قاراپ، كوممۋنيستىك پارتياعا بەلسەنە قارسى شىعۋ» ساياساتىن ۇستانىپ، 8-ارمياعا بەرىلەتىن ازىق-تۇلىك پەن ەڭبەك اقىنى توقتاتىپ تاستايدى. ٴارى جۇڭگو كوممۋنيستىك پارتياسى باسشىلىق ەتكەن توڭكەرىستىك بازالاردى ەكونوميكالىق جاقتان قۇرساۋلايدى.

 

[«ماۋ زىدۇڭ تاڭدامالىلارىنىڭ» 3-تومىنان الىندى]

 

‐ ٴبىزدىڭ كەزىندە كيەرگە كيمىمىز، ىشەرگە اسىمىز بولمادى، قاعاز، كوكونىس، جاۋىنگەرلەردە اياق كيىم، بايپاق دەگەن بولمادى. قىزمەتكەرلەردىڭ قىستا جامىلاتىن كورپەسى دە جوق ەدى. گومينداڭ قاراجاتتى توقتاتۋ مەن ەكونوميكالىق قۇرساۋلاۋ ارقىلى جان-جاعىمىزدان قىسپاققا الىپ، ٴبىزدى قۇرتپاققا نيەتتەندى. ٴبىز شىنىمەن دە وراسان زور قيىندىققا جولىقتىق.

 

ەكونوميكالىق قيىنشىلىقتىڭ العاشقى مەزگىلىندە ارميا مەن حالىقتىڭ ىشىندەگى قامداۋ مەن قاجەتسىنۋ قايشىلىعىن شەشىپ، توڭكەرىستىك بازاداعى حالىقپەن بىرگە قيىندىقتان ٴوتۋ ٴۇشىن ج ك پ-نىڭ باتىس تەرىستىك مەكەمەسى وندىرىسكە جۇمىلدىرۋ جينالىسىن اشادى. ماۋ زىدۇڭ «ٴوزىمىز ەڭبەك ەتسەك، ىشەر اس، كيەر كيىمنەن تارىقپايمىز» دەگەن ۇندەۋ تاستاپ، ٴار دارەجەلى پارتكوم، اسىرەسە باسشى كادرلاردىڭ تۇگەل ەڭبەككە ارالاسۋىن تالاپ ەتەدى. سونىمەن ارميا مەن حالىقتىڭ جاپپاي ٴوندىرىس ناۋقانى جالپى بەتتىك باستالادى.

 

يان-اندا ماۋ زىدۇڭ كوكونىس ەگىپ، جۋ دى شاعىن گرۋپپا قۇرىپ، تىڭ يگەرۋمەن شۇعىلدانادى. توقىما جارىسىندا رىن بيشى ٴبىرىنشى بولسا، جوۋ ىنلاي توقىمانىڭ شەبەرى بولىپ باعالانادى. ورتالىق باسشىلارىنىڭ الدىمەن وزدەرى ونەگە بولۋى ەل اراسىندا تاماشا باستاماشىلىق رول اتقارادى. سول كەزدە پارتيا، ۇكىمەت، ارميا، حالىق جابال اتتانىسقا كەلىپ، نەشە ون شاقىرىمدىق توبەلەر قايناعان ەڭبەككە تولادى.

 

كوماندير-جاۋىنگەرلەر، ارميا مەن حالىق ٴبىر نيەت، ٴبىر تىلەكتە بولا وتىرىپ ەڭبەك ەتىپ، 1943-جىلعا كەلگەندە تەك جينسۇي، بەييۋە، جياۋدۇڭ، تايحاڭ، تاييۋە، ۋانجۇڭ قاتارلى وڭىرلەردە 6 ميلليون مۋدان استام ەگىس اتىزى كەڭەيتىلەدى. شانشي-گانسۋ-نيڭشيا شەكارا رايونىنداعى ورگاندار مەن اسكەري بولىمدەر 39 ميلليون كيلوگرامدىق اق استىق قاجەتىنە ساي، وزدەرى 15 ميلليون كيلوگرام استىق وندىرەدى. كەزىندە كيەر كيىم، ىشەر استىقتان تارىعىپ وتىرعان جاپون شاپقىنشىلارىنا قارسى توڭكەرىستىك بازالاردا مىنە وسىلايشا كيەر كيىم، ىشەر اس جەتكىلىكتى تاماشا جاعداي بارلىققا كەلەدى.

 

پارتيا ورتالىق كوميتەتىنىڭ ۇندەۋىمەن جاپپاي ٴوندىرىس ناۋقانى كەزىندە تالايلاعان العاباسار تۇلعالار جارىققا شىعادى. 1942-جىلى 10-ايدا باتىس تەرىستىك مەكەمەسىنىڭ جوعارى دارەجەلى كادرلار ماجىلىسىندە ەكونوميكالىق قۇرىلىسقا جەتەكشىلىك ەتۋدە ەلەۋلى ۇلەس قوسقان ۋاڭ جىن، شي جۇڭشۇن قاتارلى 22 كادرگە «ٴوندىرىس قاھارمانى» اتاعى بەرىلەدى. ماۋ زىدۇڭ ولارعا ٴبىر-بىرلەپ ارناۋ ٴسوز جازىپ، سيلىق تاراتادى.

 

«ازاتتىق گازەتى» بىلاي دەپ حابارلايدى: ۋاڭ جىن 359-لۇيدى باستاپ، يەن دالاداعى ناننيۋانعا شەرۋ تارتىپ، قالىڭ قولباسىلار مەن جاۋىنگەرلەرگە ٴوندىرىس نىساناسىن ايقىن كورسەتىپ، ٴوندىرىستى جوسپارلاۋ مەن باسقارۋ قىزمەتىنە ارناۋلى كادرلاردى جۇمىلدىرادى. بۇكىل لۇي ۋاقىتتى ٴبىرتۇتاس ورنالاستىرىپ، ٴوندىرىس پەن جاۋىنگەرلەر جاتتىعۋىن بىردەي ەسكەرەدى.

 

شي جۇڭشۇن ماۋ زىدۇڭ ورتاعا قويعان «ەكونوميكانى دامىتىپ، قامتاماسىزدىققا كەپىلدىك ەتۋ» دەگەن ەكونوميكا قازىنا قىزمەتىنىڭ جالپى باعىتىن دايەكتى تياناقتاندىرىپ، پارتيا، ۇكىمەت، ارميا، حالىقتى تەگىس اتتانىسقا كەلتىرىپ، 1941-جىلدىڭ وزىندە مەملەكەتتى قۇتقارۋ استىق باجىسىن اسىرا ورىنداپ 3896 دادان استىق ٴوندىرىپ، 915 سارجان كەزدەمە توقىپ، استىقپەن ٴوزىن ٴوزى قامداۋدى جۇزەگە اسىرىپ، بۇكىل وڭىردەگى تۇرعىنداردىڭ ۇشتەن ٴبىرىنىڭ كيەر كيىم ماسەلەسىن شەشەدى.

 

[«ەكونوميكالىق قۇرىلىسقا جەتەكشىلىك ەتۋدە ماراپاتتالعان جولداستاردان ۇيرەنەيىك» شولۋىنان الىندى]

 

ماۋ زىدۇڭ وسىمەن بىرگە ليۋ بيڭۋىن، ۋاڭ پي-نيان، ما ۋىنرۇي قاتارلى باسقا دا سيلانعان جولداستارعا ارناپ «ٴوزى ونەگە بولدى»، «بۇقاراعا شەبەرلىكپەن باستاماشىلىق ەتتى»، «شىندىقتى ٴىس جۇزىنەن ىزدەپ، سىلدىر سوزدەن اۋلاق بولدى»، «بۇقارامەن تىعىز قارىم-قاتىناس جاسادى»، «بۇقارادان ەكى ەلى ايىرىلمادى»، « پارتيا مەن مەملەكەت ٴۇشىن شەكسىز ادالدىقپەن ەڭبەك ەتتى» قاتارلى ارناۋ سوزدەردى جازادى.

 

[«ەكونوميكالىق قۇرىلىسقا جەتەكشىلىك ەتۋدە ماراپاتتالعان جولداستاردان ۇيرەنەيىك» شولۋىنان الىندى]

 

‐ وسى ماراپاتتالعان جولداستاردىڭ قاي جەرىنەن ۇيرەنۋىمىز كەرەك؟ ٴبىرىنشى، ولار شەكارا رايوننىڭ كەزەكتەگى قىزمەتىنىڭ ٴتۇيىنى ەكونوميكالىق قۇرىلىس ەكەنىن جىعا تانىدى، ولار بۇقارا مەن ورگان، اسكەري بولىمدەردىڭ ٴوندىرىس جۇمىستارىنا بەلسەنە باسشىلىق ەتتى. ەكىنشى، ولار كەرباقپالىققا سالىنبادى، سىلدىر ٴسوزدى ساپىرمادى، ولاردىڭ بويىندا تەكسەرىپ-زەرتتەيتىن، شىندىقتى ٴىس جۇزىنەن ىزدەيتىن رۋح بار. سوندىقتان جاسامپازدىق رۋح بولدى. ٴۇشىنشى، ولار بۇقارانىڭ اراسىنا تەرەڭ بويلاپ، بۇقارانىڭ كۇشىنە ارقا سۇيەدى. ولاردا بيۋروكراتتىق دەگەن اتىمەن جوق. ٴتورتىنشى، ولار قيىندىققا مويىماي، پارتياعا، كاسىبىنە شەكسىز ادالدىق تانىتتى.

 

جاپپاي ٴوندىرىس ناۋقانىنىڭ تابىسقا جەتۋى ‐ جۇڭگو كوممۋنيستىك پارتياسى مەن جۇڭگو توڭكەرىسىن قيىنشىلىق قىسپاعىنان قۇتىلدىردى. ماۋ زىدۇڭنىڭ 22 «ٴوندىرىس قاھارمانىنا» ارناۋ ٴسوزى ‐ كوممۋنيستەردىڭ ٴداۋىر اتتاعان، ماڭگى اينىماس رۋحىنىڭ شوعىرلى بەينەسى.

 

 

来源:央视新闻

 

 

视频制作:赛里克江,海纳尔

微信制作:阿依娜

 

中央广播电视总台 央广网 版权所有

قىزىل ارحيۆ 80-ٴبولىم: كوممۋنيستەردىڭ ورەسى ‐ 22 ارناۋ ٴسوز

جاپپاي ٴوندىرىس ناۋقانىنداعى وتكەن ىستەردى تىلگە تيەك ەتىپ، ٴوندىرىس سالاسىنداعى 22 قاھارماندى تانىستىرادى. ماۋ زىدۇڭ ولارعا 22 ارناۋ ٴسوز جازىپ، ولاردىڭ كوممۋنيستەردىڭ ماڭگىلىك اينىماس رۋحىن ايگىلەگەندىكتەرىن ماراپاتتايدى.