«باتىس سولتۇستىكتەگى ءىشىپ-جەۋدەن تارىقپايتىن داشۋەدە» تەگىن ءىشىپ-جەۋ ماۋسىمى تاعى كەلدى

6000 جىڭ قاربىز، 3000 جىڭ شيە، 2000 جىڭ بال قاۋىن، قالاي بولعانى؟ قىزىعا قارايتىندار بار ما ەكەن؟ 

مەكتەپ ءبىتىرۋ ماۋسىمىنىڭ كەلۋىنە وراي، «باتىس سولتۇستىكتەگى ءىشىپ-جەۋدەن تارىقپايتىن داشۋەنىڭ» (باتىس سولتۇستىك اۋىل شارۋاشىلىق، ورمان شارۋاشىلىق عىلىم-تەحنيكا داشۋەسىنىڭ) تارتۋى تاعى كەلدى. 

باتىس سولتۇستىك اۋىل شارۋاشىلىق، ورمان شارۋاشىلىق عىلىم-تەحنيكا داشۋەسى مەكتەپ بىتىرگەن وقۋشىلارعا 10 مىڭ جىڭنان استام ءتۇرلى جەمىس-جيدەكتىڭ ءدامىن تاتقىزدى

تاياۋدا، باتىس سولتۇستىك اۋىل شارۋاشىلىق، ورمان شارۋاشىلىق عىلىم-تەحنيكا داشۋەسىنىڭ باۋ-باقشا شۋەيۋانى «باۋ-باقشا جەتىستىكتەرىنەن بىرلىكتە ءدام تاتىپ، مەكتەپ بىتىرگەن وقۋشىلاردى اتتاندىرۋ» قيمىلىن وتكىزىپ، وزدەرى ەككەن جەمىس-جيدەكتەردى مەكتەپ بىتىرگەن وقۋشىلارمەن بىرلىكتە جەپ، جۇزدەرىنەن شاتتىق كۇلكىسى ەستى. 

شۋەيۋاننىڭ جەتەكشىسى ساي شيۇڭچۇن بىلاي دەدى: داشۋە پەن شۋەيۋاننىڭ عىلمي زەرتتەۋ ونىمدەرىن وقۋشىلارعا ۇلەستىرىپ بەرىپ، مەكتەپ بىتىرگەن وقۋشىلار مەكتەپتەن اتتانار الدىندا، ولارعا ەڭ سوڭعى العىس ايتۋ تاربيەسى ساباعىن ءوتتى، مۇنداعى باستى ماقسات: وقۋشىلارعا انا مەكتەپتىڭ مەيىرىن سەزىندىرىپ، اۋىل شارۋاشىلىعىنىڭ قۇنىن ۇعىندىرىپ، ولاردىڭ اۋىل شارۋاشىلىعىنا بولعان سۇيىسپەنشىلىگىن نىعايتىپ، ولاردى وتان قاجەت ەتكەن جەرلەرگە بارىپ ەڭبەك ءسىڭىرىپ، شارۋاشىلىق قۇرىپ، اۋىل شارۋاشىلىعىنىڭ دامۋىنا تىڭ كۇش قوسۋدى ءۇمىت ەتۋ. 

جەمىس-جيدەكتەن ءدام تاتۋ قيمىلىندا وقۋشىلار وزدەرى قاۋىن-قاربىز ءتىلىپ، مەكتەپ جەتىلدىرگەن عىلمي زەرتتەۋ سورتىنان ءدام تاتىپ، ەرەكشە قۋانىشقا بولەندى. ءبىر وقۋشى اسەرلەنە بىلاي دەدى: داشۋەگە تۇسكەن 1-جىلدان باستاپ مەكتەپتىڭ عىلمي زەرتتەۋ جەتىستىكتەرىنەن باستان-اياق ءدام تاتىپ كەلەمىن، باتىس سولتۇستىك اۋىل شارۋاشىلىق، ورمان شارۋاشىلىق عىلىم-تەحنيكا داشۋەسىنەن وقۋ بىتىرگەن ستۋدەنت بولۋ سالاۋاتىمدى باقىت ءارى ماقتانىش سەزىنەمىن.

ءىس جۇزىندە، جوعارى مەكتەپتەردىڭ بۇكىل مەكتەپتەگى وقىتۋشى-وقۋشىنى تەگىن ءىشىپ-جەۋگە ۇسىنىس ەتۋى تۇڭعىش رەت بولىپ وتىرعان جوق، بۇدان بۇرىن دا تالاي رەت وسىلاي بولعان. 

شىنجىن داشۋەسىنىڭ ليجى ءونىم مولشەرى 100 مىڭ جىڭعا جەتىپ، ۆاكسينا ەكتىرىپ بولعان وقۋشىلار ليجى جەدى

مەكتەپتە ليجىنى تەگىن جەۋ قانداي سەزىنۋ؟ تاياۋدا، شىنجىن داشۋەسى ليجىدان مول ءونىم الۋدى قارسى الدى، ءونىم مولشەرى 100 مىڭ جىڭنان اسىپ، بىلتىرعىدان ەسەلەپ ارتتى. 

ۇعىسۋعا قاراعاندا، بۇل مەكتەپتىڭ ەكى مەكتەپ رايونىندا جيىنى 3000 تۇپكە جۋىق ليجى اعاشى بار ەكەن، وندا حانىم كۇلكىسى، جابىسقاق كۇرىش، ءدارشىن ءدامى، قارا جاپىراق..... سورتتىڭ قايسى ءتۇرىن ىزدەسەڭ دە ءبارى تابىلادى. 

مەكتەپ ليجى تاراتۋ تۇيىندەرىنىڭ بىرىنە ۆاكسينا ەگۋ ورنىن ادەيى ورنالاستىرىپ، ۆاكسينا ەكتىرىپ بولعان سوڭ، وقۋشىلار بىرلىكتە ليجى جەپ، مارە-سارە بولىپ جايراڭداپ قالدى. 

باتىس وڭتۇستىك داشۋەسى 1500 جىڭ كارتوپتى بۇكىل مەكتەپتەگى وقىتۋشى-وقۋشىنىڭ تەگىن ءدام تاتۋىنا ۇلەستىرىپ بەردى

تاياۋدا، باتىس وڭتۇستىك داشۋەسىنىڭ تاجىريبە ەگىس الاڭىندا ساپالى كارتوپتان مول ءونىم الىندى، وقۋشىلار 1500 جىڭ كارتوپ قازدى. بۇل كارتوپتى بۇكىل مەكتەپتەگى وقىتۋشى-وقۋشىنىڭ تەگىن ءدام تاتۋىنا ۇلەستىرىپ بەردى. 

ـــ بۇدان كەيىن تاجىريبە ەگىس الاڭىنداعى جۇگەرىنى ءۇزىپ، ءتاتتى كارتوپتى قازعاندا دا وسىنداي قيمىل وتكىزىپ، ساباقتاستاردىڭ تەگىن ءدام تاتۋىنا وراي جاراتامىز،- دەدى مەكتەپتىڭ ءبىر مۇعالىمى.

توراپتاستار: ولارعا قىزىعا، قىزعانا قارايمىن

توراپتاستار ارت-ارتىنان بىلاي دەپ لەبىز قالدىردى: 

وزگەنىڭ داشۋەسىندە جەمىس-جيدەككە سىلقيا تويادى ەكەنسىڭ. 

ولار نەتكەن باقىتتى، قىزىققانىمنان كوز جاسىما ەرىك بەردىم. 

كەيبىر توراپتاس ءوزىنىڭ بۇرىن مەكتەپ قۇشاعىندا ورتاق يگىلىكتەنگەن مەكتەپ ناتيجەسىن ەمىرەنە ەسىنە الدى.

بۇل كادىمگىنى ءىشىپ-جەيتىن داشۋە ەمەس، ولاردىڭ ءدام تاتىپ وتىرعانى تۇگەلدەي جاڭا سورت. 

مەكتەپتىڭ ءدامى اۋزىندا قالسىن دەگەن وسى عوي. 

ءوزىڭىز وقىعان مەكتەبىڭىزدىڭ تاڭعالارلىق مۇنداي تاماشا تارتۋىن تاپسىرىپ الىپ كورگەن بە ەدىڭىز؟ 

اۋدارعان: ساعىنبەك رابات ۇلى

来源：人民网

微信制作：阿依娜