ينفورماتسيا اشكەرەلەۋ: mzjubao@cnr.cn

وزەكتى ماقالالار

قىزىل ارحيۆ 88-ٴبولىم: كوسەمنىڭ قاتاڭ وتباسى سالتى

来源:央广网     |责编:阿依娜|     发布日期: 2021-06-18 18:37

ءجۇز ءبولىمدى شاعىن قۇجاتتى فيلم ‐ قىزىل ارحيۆ

 تۋىسىم دەپ قولقالاعان جاقىندارىنا ماۋ ان-يىڭ قالاي جاۋاپ قايتاردى

 

 

 

جاۋاپ حاتتا بەتى-ٴجۇزىڭ دەمەدى، بۇل جات باۋىرلىق پا الدە پرينسيپكە تاباندى بولعاندىق پا؟ ونىڭ ٴاربىر ٴسوز-سويلەمىنەن كوسەم شاڭىراعىنىڭ قاتاڭ وتباسى سالتى كورىنەدى.

 

-سانلي جولداس، حاتىڭىزدا ناعاشى اعامنىڭ چاڭشادان مەڭگەرمە باستىعى بولاتىن ٴمانساپ الىپ بەرسە ەكەن دەپ قولقا سالعانىن تىلگە تيەك ەتىپسىز. مەن ول كىسى ٴۇشىن ۇيالدىم. جاڭا داۋىردە بۇلايشا بىردەن جوعارى لاۋازىمدى ٴمانساپتى بولسام دەۋشىلىك بارىپ تۇرعان مەشەۋلىك. ونىڭ ۇستىنە مەنىڭ اكەمە ارقالانىپ ٴمانساپتى بولۋ ويى دۇرىس ەمەس.

بۇل ماۋ ان-يىڭنىڭ تۋىسى شياڭ سانليگە جازعان جاۋاپ حاتى. ول حاتتا قاتاڭ ەمەۋرىن تانىتىپ، وتباسىنداعىلاردى بەتى-ٴجۇزىڭ دەمەي اياۋسىز سوگىپ، ماڭىن باستىرمايدى. 1949-جىلى ناعاشى اعاسى ياڭ كايجى بەيجيڭدە ىستەيتىن تۋىسى شياڭ سانليدەن ماۋ ان-يىڭگە حات جازدىرىپ، نە بەيجيڭگە بارسام، بولماسا چاڭشادا مەڭگەرمە باستىعى بولاتىنداي ٴمانساپ بەرسە دەپ قولقا سالعاندا ماۋ ان-يىڭ مۇنى ەستىگەن جەردەن تويتارىس بەرەدى. ٴىس جۇزىندە ناعاشى اعاسىنىڭ وتباسى كەزىندە وعان كوپ جاقسىلىق ىستەپ ەدى. 1930-جىلى اناسى توڭكەرىس جولىندا قۇربان بولعاننان كەيىن ناعاشى تاتەسى لي چۇڭدى ونى شاڭحايداعى جاسىرىن پارتيا ۇيىمدارىنا امان-ەسەن جەتكىزەدى. 19 جىلدان كەيىن ناعاشى اعاسىنىڭ كوڭىلىن قانشا قيماسا دا ماۋ ان-يىڭ بىلاي دەپ حات جازادى:

 

[ماۋ ان-يىڭ شياڭ سانليگە جازعان حاتتان الىندى]

-مەندە تۋىستارىما جوعارى ٴمانساپ الىپ بەرەتىندەي ۇقىق تا، اقشا دا، ٴتىپتى ونداي قۇلىق تا جوق. اكەم بولسا، مۇنداي ىسكە ٴتىس-تىرناعىمەن قارسى شىعاتىن ادام.

 

حاتتا ماۋ ان-يىڭ ناعاشى اعاسىنا وي-ساناڭىزدى اشىپ، ٴوز كۇشىڭىزگە سۇيەنىپ ٴومىر سۇرىڭىز دەپ ٴناسيحات ايتادى.

 

-پاتشانىڭ تۋىس-تۋعاندارى بيلىككە سۇيەنىپ بايلىق جياتىن، از ادام كوپ ادامدى بيلەپ-توستەيتىن زامان كەلمەسكە كەتتى. ٴوز ەڭبەگىڭ مەن اقىلىڭا سۇيەنىپ كۇن كورەتىن زامان تۋدى.

 

ماۋ ان-يىڭنىڭ مۇنداي اڭعارلى ساناسى مەن باتىلدىعى وسى كوسەم شاڭىراعىنىڭ قاتاڭ وتباسى سالتىنان باستاۋ العان ەدى.

 

جاڭا جۇڭگو قۇرىلعاننان كەيىن ماۋ زىدۇڭنىڭ تۋعان اۋىلىنداعى تۋىس-تۋعاندارى ىركەس-تىركەس حات جازىپ، قىزمەت تابۋىمىزعا قول ٴۇشىن بەرسە دەپ قولقالايدى. ماۋ زىدۇڭ بولسا ولاردىڭ ەشقايسىسىنىڭ تىلەگىن ورىندامايدى. ماۋ زىدۇڭنىڭ جيەن ٴىنىسى ۋىن يۇنچاڭ جازعان حاتقا ول بىلاي دەپ تۇسىنىكتەمە بەرەدى:

 

-تالاي ادام قىزمەتكە تانىستىرسا دەپ قولقا سالدى، بۇيتۋگە بولمايدى، جۇرتتىڭ نارازىلىعى تۋادى.

 

«ەرەكشەلەنبەۋ» ماۋ زىدۇڭنىڭ تۋىس-تۋعان، دوس-جاراندارىمەن قارىم-قاتىناس جاساۋىنىڭ بۇلجىماس پرينسيپى. ماۋ زىدۇڭ بالالارىنا ۇنەمى وزىنە جاي ادام رەتىندە قاراۋ تۋرالى تاربيە بەرىپ وتىراتىن. ول ۇنەمى بىلاي دەيتىن: قاي جەر جاپالى بولسا سول جەرگە بارىڭدار، جاپا-ماشاقاتتان قورىقپايتىن ادام عانا جەتەلى بولادى.

 

1946-جىلى ۇلكەن ۇلى ماۋ ان-يىڭ سوۆەت وداعىنان ەلگە ورالادى. سوۆەت وداعىنىڭ اسكەري فورىمىن كيگەن ماۋ ان-يىڭ وتە كەلبەتتى كورىنەتىن. سويتسە دە ماۋ زىدۇڭ ونى كونە ماقتالى شاپان مەن ماقتالى سىم، جۋان ٴجۇن جىپتەن توقىلعان شولاق جەڭ مايكى كيىپ، شەتەلدە وقىعان وقۋشىدان 8-ارميا جاۋىنگەرلەرىنىڭ قاتارىنا قوسىلىپ، سولارمەن بىرگە تاي قازاننان تاماقتانۋعا بۇيىرادى.

 

18 جىل جۇزدەسپەگەن اكەلى-بالالى ەكەۋىنىڭ قاۋىشقانىنا نەبارى ەكى ايعا جەتپەي ماۋ زىدۇڭ ونى اۋىل-قىستاقتارعا بارىپ ۇيرەنىپ، اۋىل-قىستاقتىڭ جاعدايىمەن تانىسۋعا جۇمسايدى. سونىمەن جارتى جىلدان كەيىن ماۋ ان-يىڭ يان-انعا ورالادى. ماۋ زىدۇڭ ونىڭ كۇنگە كۇيىپ توتىعىپ كەتكەن ٴجۇزىن كورىپ، قۋانعانىنان قايتا-قايتا كۇلىمسىرەپ باسىن يزەپ: جارايسىڭ، سازانداي ٴاپپاق ۇلىم قاپ-قارا جىگىت بولعان ەكەن-دەيدى، سونان ۇلىنىڭ مۇيىزگەكتەنگەن كۇرەكتەي الاقانىن ايالاي ۇستاپ تۇرىپ: مىنە بۇل سەنىڭ ەڭبەك داشۋەسىنەن العان ديپلومىڭ دەپ ماقتايدى. ماۋ زىدۇڭ سۇيىكتى ەكى قىزى ليمين مەن ليناعا دا باستان-اياق قاتاڭ تالاپ قويىپ وتىرعان.

 

[ليميننىڭ «مەنىڭ اكەم ماۋ زىدۇڭ» شىعارماسىنان الىندى]

-اكەم بىزگە ۇنەمى جاقسى ادام بولىڭدار دەپ ەسكەرتىپ وتىراتىن، ٴارى قاسىنداعى قىزمەتكەرلەرگە بىزگە ەرەكشە مامىلە جاساماۋدى ايتاتىن.

 

ٴبىر جولى قورعاۋشى لي ينچياۋ سىرتتان جاي قايتقان ماۋ زىدۇڭنىڭ كىشى قىزى لينانى الىپ كەلۋگە كولىك جىبەرەدى. مۇنى ەستىگەن ماۋ زىدۇڭ ونى اياۋسىز سىندايدى.

 

[لي ينچياۋدىڭ «ماۋ زىدۇڭنىڭ قاسىندا وتكەن 15 جىل» شىعارماسىنان الىندى]

-ەلدىڭ بالاسى ۇيىنە ٴوزى قايتادى ەكەن، مەنىڭ بالام نەگە ويتپەيدى، الىپ كەلۋگە كولىك جىبەرمەڭدەر، ايتقانىم بويىنشا ىستەڭدەر. وزدەرى ۆەلەسيپەتپەن كەلسىن.

 

ٴوز ەڭبەگىمەن كۇنەلتۋ، ٴوز كۇشىنە سۇيەنىپ ٴومىر ٴسۇرۋ، ەرەكشە ۇقىقتان يگىلىكتەنەمىن دەگەن ٴارقانداي ويدا بولماۋ ‐ ماۋ زىدۇڭنىڭ ۇل-قىزدارىنا بەرگەن ماڭىزدى تاربيەسىنىڭ ٴبىرى. اكەسىنىڭ وسى تاربيەسىن بويىنا سىڭىرگەن ماۋ ان-يىڭ تۋىستارىنا «جات باۋىر» كورىنگەنىمەن، ٴبىراق ونىڭ حاتىنان جاقىندارىنا دەگەن جانە ٴبىر مەيىرىمىن اڭعارۋعا بولادى.

 

[ماۋ ان-يىڭ شياڭ سانليگە جازعان حاتتان الىندى]

-كوممۋنيستىك پارتيانىڭ ەلگە دەگەن جاقىندىعى وزگەشە، بۇل ونىڭ حالىققا دەگەن شەكسىز سۇيىسپەنشىلىگى، جاپاكەش بۇقاراعا دەگەن شەكسىز سۇيىسپەنشىلىگى. مۇندا ٴوزىنىڭ اتا-اناسى، ۇل-قىزدارى، تۋىس-تۋعاندارى تۇگەل قامتىلادى. مۇنداي ەرەكشە سۇيىسپەنشىلىكتى كوممۋنيستىك پارتيا تەرىسكە شىعارمايدى، قايتا ونى تەرەڭدەتە تۇسكىسى كەلەدى، ٴارى ونى حالىق مۇددەسىنە ساي كەلەتىن، حالىققا پايدالى دۇرىس جولعا قاراي بەيىمدەۋگە قۇلشىنادى.

 

1950-جىلى ا ق ش-قا قارسى تۇرىپ چاۋشيانعا كومەك بەرۋ سوعىسى بۇرىق ەتە تۇسكەندە ماۋ ان-يىڭ سوعىس مايدانىنا اتتانۋدى ٴوزى تالاپ ەتەدى. مۇنى كورگەن اكەسى ەستىگەن جەردەن بارەكەلدى ايتىپ بىلاي دەيدى:

 

-جارايدى، چاۋشيانعا بارساڭ، سوعىس ورتىندە شىنىعاسىڭ.

 

سول كەزدە كەيبىرەۋلەر ماۋ زىدۇڭعا ۇلىن جىبەرمەۋ تۋرالى اقىل ايتقاندا ماۋ زىدۇڭ بىلاي دەپ تويتارىس بەرەدى:

 

-كىم وعان ماۋ زىدۇڭنىڭ ۇلى بولسىن دەپتى، ول بارماسا كىم بارادى.

 

ٴسويتىپ 28 جاسار ماۋ ان-يىڭ سوعىسقا اتتانىپ، سول كەتكەننەن ورالمايدى. ٴارى كوسەم ٴارى اكە بولعان ەسىل ەر زور قايعىعا توزە وتىرىپ، ۇلىنا دەگەن شەكسىز ساعىنىشىن ودان قالعان ماقتالى جەيدە، سۇرعىلت ٴتۇستى بايپاق، ٴبىر ەسكى ورامالمەن باسادى. مىنە بۇلار ان-يىڭنەن قالعان زاتتار ەدى، اكەسى ونى ۇلىنىڭ كوزىندەي كورىپ 26 جىل بويى ساقتايدى.

 

وسى شاعىن وتباسىندا ماۋ زىدۇڭ پەرزەنتتەرىنە سوزىمەن دە ىسىمەن دە ونەگە بولىپ، بالالارىنىڭ بويىنا جاپالى كۇرەس جۇرگىزىپ، ەرەكشە ۇقىقتان اۋلاق بولىپ، حالىقتى جان-تانىمەن سۇيەتىن اسىل قاسيەتتى ٴسىڭىردى. ماۋ زىدۇڭ وتباسىندا ٴوزى ونەگە بولىپ، وسى كوسەم شاڭىراعىنداعى پاك، ادال، حالىقشىل تاماشا وتباسى سالتىن سان-ساناقسىز سوڭعى ۇرپاققا ونەگە ەتىپ قالدىردى.

来源:央视新闻

 

 

视频制作:赛里克江,海纳尔

微信制作:阿依娜

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر 

中央广播电视总台 央广网 版权所有

قىزىل ارحيۆ 88-ٴبولىم: كوسەمنىڭ قاتاڭ وتباسى سالتى

تۋىسىم دەپ قولقالاعان جاقىندارىنا ماۋ ان-يىڭ قالاي جاۋاپ قايتاردى