قازاقستاندا جاڭا تيپتى ايدارشا ۆيرۋسىمەن جۇعىمدالعان بالالاردىڭ سانى قاۋىرت ارتتى، «ۆاكسينا پاسپورتىن» جالعاننان جاساعاندار قاتاڭ جازاعا تارتىلادى

جۇڭگو اقپارات اگەنتتىگىنىڭ 7-ايدىڭ 21-كۇنى نۇرسۇلتان قالاسىنان بەرگەن حابارى (ءتىلشى جاڭ شو) جۋىقتان بەرى قازاقستاندا ىندەت جاعدايى ۋشىعىپ، سالماقتى ناۋقاستار مەن قاتەرلى، سالماقتى ناۋقاستاردىڭ سانى ۇزدىكسىز ارتقان. قاتىستى ساندى مالىمەتتەرگە نەگىزدەلگەندە، جاڭا تيپتى ايدارشا ۆيرۋسىنىڭ بالالار اراسىنداعى تارالۋ قارقىنى كورنەكتى تەزدەگەن. 

قازاقستاننىڭ پرەزيدەنتى توقايەۆ جۋىقتا جاڭا تيپتى ايدارشا ۆيرۋسىنان ساقتانۋ-تىزگىندەۋ قىزمەت ءماجىلىسىن باسقارىپ اشىپ، كەزەكتەگى ىندەت جاعدايىنان الاڭدايتىندىعىن ءبىلدىردى. توقايەۆ بىلاي دەدى: قازاقستاندا ىندەت جاعدايى ۋشىعىپ، اسىرەسە، استانا نۇرسۇلتان قالاسىندا ىندەت جاعدايى اۋىر كۇيگە ءتۇستى. قاتىستى تاراۋلار ىندەتتىڭ ءورشۋىن تەجەۋ قىزمەت جوسپارىن مۇقيات جاساۋى كەرەك. ول بىلاي دەدى: ۆاكسينا ەگۋدىڭ جالپى بەتالىسى جاقسى بولعانىمەن، جەر-جەردىڭ ۆاكسينا ەگۋ مولشەرى بىركەلكى بولماعاندىقتان، جىلجىمالى قىزمەت گرۋپپاسىن شۇعىل قۇرىپ، ۆاكسينانى ەگۋ مولشەرى ءبىرشاما تومەن رايوندارعا كومەك كورسەتۋ كەرەك. كولەمدى توپتىق قيمىلداردان تىس، ۆاكسينا ەكتىرۋدە زورلىقتى شارا قولدانىلمايدى. توقايەۆ بىلاي دەپ اتاپ كورسەتتى: جاڭا تيپتى ايدارشا ۆيرۋسىمەن جۇعىمدالعان وكپە قابىنۋ ىندەتىنە شالدىققانداردىڭ ەمدەلۋىنە كەپىلدىك ەتۋمەن بىرگە، باسقا اۋرۋعا شالدىققانداردىڭ ەمدەلۋ مولشەرىن دە جوعارىلاتۋ كەرەك. 

ساندى مالىمەتتەرگە نەگىزدەلگەندە، جىل باسىنان بەرى، قازاقستان كولەمىندە 30 مىڭنان استام بالا جاڭا تيپتى ايدارشا ۆيرۋسىمەن جۇعىمدالعان. قازاقستان دەنساۋلىق ساقتاۋ مينيسترلىگى دەنساۋلىق ساقتاۋ جانە ەپيدەميولوگيالىق اۋرۋلاردى تىزگىندەۋ كوميتەتىنىڭ ءتوراعاسى ەسماعامبەتوۆا بۇل جونىندە بىلاي دەدى: 7-ايدا بالالاردىڭ ىندەتكە شالدىعۋ مولشەرى بيىل 1-ايداعىدان ەكى ەسەلەنىپ، اۋرۋ بەلگىسى جوق جۇعىمدالۋشىلار %86.5 كە جەتتى. 

قازاقستان ىشكى ىستەر مينيسترلىگىنىڭ حابارىنا قاراعاندا، قازىرگە دەيىن ىشكى ىستەر مينيسترلىگىنىڭ توراپ باقىلاۋ تاراۋلارى جالعان ۆاكسينا ەگۋ كۋالىگى مەن جاڭا تيپتى ايدارشا ۆيرۋسىن تەكسەرۋ دوكلاتىن ساتقان 46 ينتەرنەت ينفورماتسياسىن تەكسەرىپ ءبىر جايلى ەتكەن. ىشكى ىستەر مينيسترلىگىنىڭ اقپارات مالىمدەمەشىسى تۇرلىبەك بىلاي دەدى: جەر-جەردەگى ساقشى ىستەرى قۇرىلىمدارى ارناۋلى توراپ باقىلاۋ گرۋپپاسىن قۇرىپ، ينتەرنەتتەگى جالعان قۇجاتتاردى ساتۋ ينفورماتسياسىن ءبىر جايلى ەتۋگە جاۋاپتى بولدى. قازاقستان قىلمىستىق ىستەر زاڭىنداعى «جالعان قۇجات» جاساۋعا قاتىستى تارماقتارعا نەگىزدەلگەندە، جالعاننان جاساۋشىلاردىڭ قىلمىستىق ىستەر جاۋاپكەرشىلىگى قۋزاستىرىلۋمەن بىرگە ەڭ جوعارى بولعاندا 4 جىلدىق قاماۋ جازاسى بەرىلەدى ەكەن. 

قازاقستان دەنساۋلىق ساقتاۋ مينيسترلىگىنىڭ ەڭ جاڭا حابارىنا نەگىزدەلگەندە، جەرگىلىكتى ۋاقىت 7-ايدىڭ 21-كۇنى ساعات 15 كە دەيىن، وسى ەلدە وتكەن 24 ساعات ىشىندە دياگنوزى تۇراقتاندىرىلعان 5200 ناۋقاس جاڭادان كوبەيىپ، جالپى دياگنوزى تۇراقتاندىرىلعانداردىڭ سانى 563 مىڭنان اسقان. 7-ايدىڭ 20-كۇنىنە دەيىن، قازاقستاندا 1-رەتكى ۆاكسينا ەكتىرگەندەر 4 ميلليون 940 مىڭ ادامعا جەتسە، 2-رەتكى ۆاكسينا ەكتىرگەندەر 2 ميلليون 870 مىڭ ادامعا جەتكەن.

حانزۋشادان اۋدارعان: تۇيمەقان يساقان قىزى

来源：中国经济网

监制，审稿：叶力夏提

翻译 : 铁梅汉

微信制作：阿依娜