سۋ بيڭتيان! جۇڭگونىڭ ماقتانىشى، ازيانىڭ اڭىزى!

8-ايدىڭ 1-كۇنى توكيو وليمپيادا سپورت جارىسىندا ەرلەردىڭ 100 مەترگە جۇگىرۋ شەشۋشى جارىسىندا، جۇڭگو شەبەرى سۋ بيڭتيان 9 سەكۋند 98 تاقىلدىق ناتيجەمەن التىنشى ورىندى يەلەپ، تاريحي ناتيجە جاراتتى! 

سول كۇنى تۇستەن كەيىنگى جارتىلاي شەشۋشى جارىستا سۋ بيڭتيان جەكە باسىنىڭ تاريحتاعى ەڭ جاقسى ناتيجەسى 9 سەكۋند 83 تاقىل بولىپ، ازيا رەكوردىن جاڭالادى. 

ول دا تاريحتا وليمپيادا سپورت جارىسىنا قاتىناسقان ەرلەردىڭ 100 مەترگە جۇگىرۋ شەشۋشى جارىسىنا تۇڭعىش رەت قادام تاستاعان جۇڭگولىققا اينالدى! 

9 سەكۋند 85 تاقىل−باستان-اياق ازيالىقتاردىڭ ٴجۇز مەترگە جۇگىرۋ شەكتى ۋاقىتى دەپ قارالىپ كەلەدى، ٴبىراق سۋ بيڭتيان بۇلاي دەپ قارامايدى. ول ازيالىقتاردىڭ 9 سەكۋند 85 تاقىل ىشىندە جۇگىرە الاتىندىعىن تالاي رەت بىلدىرگەن بولاتىن. 

قازىر ول مۇنى ورىنداپ بولدى! 

9 سەكۋند 83 تاقىل!!! بۇل ناتيجە ازيالىقتار ٴۇشىن ٴداۋىر بولگىشتىك قارقىن، دۇنيە ٴجۇزىنىڭ جەڭىل اتلەتيكا تاريحى جونىنەن دە توتەنشە ماڭىزدى. 

وسى ساتتە سۋ بيڭتيان اڭىزعا اينالدى! 

قۇلشىنا جۇگىرۋ−ەڭ تاماشا بەينە، وزىمىزدەن وزۋ−ەڭ كۇشتى پوزيتسيا. سۋ بيڭتياندى قۇتتىقتايمىز! جۇڭگونىڭ جىلدامدىعىنا قۇرمەت بىلدىرەمىز! باتىلدىقپەن ەڭ جوعارى شەككە سايىس جاريالايتىن ٴاربىر سپورت شەبەرلەرىنە قۇرمەت بىلدىرەمىز!

来源：央视新闻

微信制作：古丽美热