ەلەكترلى ۆەلوسيپەدتى الباتى توقتاتىپ، زاريادتاسا، ەڭ جوعارى بولعاندا 10 مىڭ يۋان ايىپ سالىنادى

شۇعىل جاعدايعا توتەپ بەرۋدى باسقارۋ مينيسترلىگى بىرنەشە كۇننىڭ الدىندا «بيىك قاباتتى حالىقتىق قۇرىلىستاردىڭ ورتتەن ساقتانۋ حاۋىپسىزدىگىن باسقارۋ بەلگىلەمەسىن» جاريالاپ، جوعارى دارەجەلى حالىقتىق قۇرىلىستاردىڭ الەۋمەتتىك رايوندارىندا ەلەكترلى ۆەلوسيپەد پەن زاريادتاۋدى توقتاتۋعا تيىم سالۋدى ايقىن بۇيىردى، قايشىلىق جاساعاندارعا ەڭ جوعارى بولعاندا 10 مىڭ يۋان ايىپ سالىنادى. بۇل جاڭا بەلگىلەمە 8-ايدىڭ 1-كۇنىنەن باستاپ رەسمي اتقارىلدى، بارلىق ادامنىڭ وعان سانالى بويسۇنۋىن ٴۇمىت ەتەمىز. 

قانداي قۇرىلىستار بيىك قاباتتى حالىقتىق قۇرىلىستارعا جاتادى؟ ەلەكتر موتورلى كولىكتى ەرەجەگە قايشى توقتاتۋ ارەكەتى بولسا، كىم جازاعا تارتىلادى؟ ٴتىلشى شۇعىل جاعدايعا توتەپ بەرۋدى باسقارۋ مينيسترلىگىنىڭ ٴورت ٴسوندىرۋ، ورتتەن ساقتانۋ قۇتقارۋ-كومەكتەسۋ مەكەمەسىنىڭ قاتىستى ماماندارىنا تىلشىلىك ىستەدى. 

جاڭا بەلگىلەمەدە ايتىلعان بيىك قاباتتى حالىقتىق قۇرىلىستار قۇرىلىس بيىكتىگى 27 مەتردەن اساتىن تۇرعىن ٴۇي قۇرىلىستارى مەن قۇرىلىس بيىكتىگى 24 مەتردەن اساتىن بەي جالاڭ قاباتتى الەۋمەتتىك قۇرىلىستاردى قامتيدى. تۇرعىنداردىڭ بيىك قاباتتى تۇرعىن ۇيلەرى، ٴىرى ساۋدا كەشەندەرى، جوعارى دارەجەلى قوناق ۇيلەر، ت. ب. وسى كولەمگە كىرەدى.

جاڭا بەلگىلەمەدە بىلاي دەپ بەلگىلەنگەن: بيىك قاباتتى حالىقتىق قۇرىلىستىڭ الەۋمەتتىك زالىندا، بىتىراتۋ جولىندا، باسپالداق اراسىندا، حاۋىپسىز شىعۋ اۋزىنا ەلەكترلى ۆەلوسيپەدتى توقتاتسا نەمەسە ەلەكترلى ۆەلوسيپەدتى زاريادتاپ، تۇزەتۋدەن باس تارتسا، ٴورت ٴسوندىرۋ، ورتتەن ساقتانۋ قۇتقارۋ-كومەكتەسۋ قۇرىلىمى تۇزەتۋگە بۇيىرادى، تيجارات سيپاتىنداعى ورىندار مەن جەكەلەرگە 2000 يۋاننان جوعارى، 10 مىڭ يۋاننان تومەن اقشالاي ايىپ سالادى، تيجاراتتىق ەمەس ورىندار مەن جەكەلەرگە 500 يۋاننان جوعارى، 1000 يۋاننان تومەن اقشالاي ايىپ سالادى. 

شۇعىل جاعدايعا توتەپ بەرۋدى باسقارۋ مينيسترلىگى ٴورت ٴسوندىرۋ، ورتتەن ساقتانۋ قۇتقارۋ-كومەكتەسۋ مەكەمەسى زاڭ قىزمەتى باسقارماسىنىڭ 3-دارەجەلى قولباسشىسى حۋ تي بىلاي دەدى: ەگەر شاعىن رايونداعى قوجالىق قىزمەت وتەۋ كاسىپورىندارى باسقارۋ جاۋاپكەرشىلىگىن اتقارماسا، ەلەكترلى ۆەلوسيپەدتىڭ بەلگىلەمەگە قايشىلىق جاساپ توقتاۋىنا جانە زاريادتالۋىنا سەبەپشى بولسا، قاتىستى جازاعا تارتىلادى. ەگەر تۇرعىندار ورتتەن ساقتانۋ حاۋىپسىزدىگىن باسقارۋ تارماقتارىنا قايشىلىق جاساپ، تۇزەتۋدەن باس تارتسا، زاڭ تارماقتارى بويىنشا سايكەستى جازاعا تارتىلادى. 

جاڭا بەلگىلەمە بيىك قاباتتى تۇرعىن ٴۇي شاعىن رايونىندا ەلەكترلى ۆەلوسيپەدتى شوعىرلى ساقتاۋ جانە زاريادتاۋ ورىندارىن قۇرۋعا دەم بەردى ٴارى وسى ورىننىڭ ورتتەن ساقتانۋ حاۋىپسىزدىگىنە ناقتى تالاپتار قويدى. ەلەكتر موتورلى ۆەلوسيپەدتى بەلگىلەمەگە قايشىلىق جاساپ توقتاتۋدان سىرت، جاڭا بەلگىلەمەدە بەلگىلەمەگە قايشى ەلەكترمەن دانەكەرلەۋ، بەلگىلەمە بويىنشا ٴورت ٴسوندىرۋ، ورتتەن ساقتانۋ تىزگىندەۋ كەڭسەسىنىڭ كەزەكشىلىك ٴتۇزىمىن تياناقتاندىرماۋ سياقتى باسقا دا 6 ٴتۇرلى ارەكەت جازا تارماقتارىنا ەنگىزىلدى.

来源：央视财经

微信制作：古丽美热

تومەندەگى 阅读原文 جالعانىمىن باسىپ حاباردىڭ كەسكىندى نۇسقاسىن كورىڭىزدەر