ساقپىنى جۋىپ بولعان سوڭ، باسىن جوعارى قاراتىپ قويامىز با، جوق الدە تومەن قاراتىپ قويامىز با؟ مۇنى كوپتەگەن ادام ءالى بىلە بەرمەيدى

ساقپى−ازىقتانۋ بارىسىندا ۇنەمى ىستەتىلەتىن قاجەتتى قۇرال، ونى بارلىعىمىز دەرلىك پايدالانامىز. ساقپىنى جۋعان كەزدە ونداعى باكتەريالاردىڭ باسىم كوبىن اعىن سۋ شايىپ كەتەتىن بولسا دا، تۇبەگەيلى تازالانىپ كەتە قويمايدى، ساقپىدا جۇعىنى قالا بەرەدى.

سوندىقتان، ساقپىنى قالاي قويۋ ەرەكشە ماڭىز الادى. كەيبىرەۋ ساقپىنىڭ باسىن جوعارى قاراتىپ قويعان ءجون دەسە، ەندى بىرەۋلەر تومەن قاراتىپ قويعان ءجون دەيدى. ساقپىنى جۋىپ العان سوڭ باسىن قالاي قاراتىپ قويعان ابزال؟ بۇگىن وسى ماسەلە جونىندە كەڭەس بەرەمىز.

1.ساقپىنىڭ باسىن جوعارى قاراتىپ قويامىز

كوپتەگەن ادام ساقپىنىڭ باسىن قالاي قاراتىپ قويۋعا كوپ ءمان بەرمەيدى، قالاي بولسا سولاي قويا سالادى. ءىس جۇزىندە، ساقپىنىڭ باسىن تومەن قاراتىپ قويۋ تازالىققا جات ادەت. ساقپى سالعىنىڭ تۇبىنە سارقىن سۋ جيىلاتىندىقتان، ساقپىعا باكتەريا وڭاي پايدا بولادى.

ساندى مالىمەتتەردە كورسەتىلۋىنشە، ساقپىنىڭ باسىن ساقپى سالعىنىڭ تۇبىنە قاراتىپ قويعاندا، تەكسەرۋ ناتيجەسىنەن قاراعاندا، باكتەريا شوعىرىنىڭ جالپى سانى مەن جۋان ىشەك باكتەريا توبىنىڭ ساندىق ءمانى تۇگەلدەي توتەنشە جوعارى بولعان. سوندىقتان، ساقپىنىڭ باسىن، ءسوز جوق، جوعارى قاراتىپ قويۋ كەرەك.

2. ساقپىنى دەزينفەكسيالاپ تۇرۋ اسا قاجەت

ۇزاق ۋاقىت پايدالانىلماعان ساقپىنى ۇنەمى قايناق سۋعا شىلاپ قويامىز عوي، وسىلاي ەتكەندە ساقپىداعى باكتەريالاردى ءونىمدى تۇردە جويۋعا بولادى.

ادەتتە ۇنەمى ىستەتىلمەيتىن ساقپىلاردى قۇرعاتىپ ءبىر جاقتىلى ەتكەن سوڭ قويعان ءجون، قۇرعاق ورتادا باكتەريا وڭاي ءوسىپ-ونە المايدى. ال، جايشىلىقتا ۇنەمى ىستەتىلەتىن ساقپىلاردى دەزينفەكسيالاپ تۇرايىق. وسىلاي ەتكەندە كۇردەلى باكتەريالاردىڭ دەنساۋلىققا ىقپال ەتۋىنەن ساقتانۋعا بولادى. سەميادا ىستەتىلەتىن زارارسىزداندىرۋ ىشكابىن پايدالانساق اسا قولايلى، دەزينفەكسيالاۋ ماقساتىنا جەتۋدەن تىس، ىشىنە باسقالاي ىدىس-اياقتارىمىزدى دا قويۋىمىزعا بولادى.

3. ال، مىنا تۇردەگى ساقپىلاردى لاقتىر سالىڭىز

كەيبىر ادام كىرپياز بولاتىندىقتان، وتباسىندا دا وزىنە ارناۋلى ساقپى ۇستايدى. الايدا، ساقپىنى ىستەتكەن ۋاقىت ۇزارعان سايىن قاجالىپ، جارىلاتىندىعى تابيعي. ساقپىدا تۇبەگەيلى جۋىپ تازالاۋعا كەلمەيتىن ناۋاشىق پايدا بولعاندا نەمەسە ساقپىنىڭ فورماسى وزگەرىپ ءيىلىپ قالعاندا، زەڭ داقتارى نەمەسە بوگدە ءيىس پايدا بولادى. ساقپىدا وسىنداي بەلگىلەر بايقالعاندا، ونى دەرەۋ لاقتىرا سالىڭىز، ايتپەگەندە، باكتەريانىڭ وشاعىنا اينالادى. سوندىقتان، ساقپىنى ۇنەمى اۋىستىرىپ تۇرۋدى ادەتكە اينالدىرايىق.

اۋدارعان: نۇرگۇل قۇمارقان قىزى

来源：科普中国

微信制作：古丽美热