«ەكىنى جەڭىلدەتۋدە» ايقىن ءتۇزىم شىعارىلىپ، وتباسى تاربيەسى بەس جاقتان جەڭىلدەتىلەدى

ءۇشىنشى رەتكى قاراۋعا تاپسىرۋ الدىندا تۇرعان وتباسى تاربيەسىن جەبەۋ زاڭىندا وتباسى تاربيەسىندەگى ۋايىم ماسەلەلەرىنە جاۋاپ قايتارىلىپ، وتباسى تاربيەسى تۇرعىسىنان بەلگىلەمە شىعارىلىپ، مىندەتتى وقۋ-اعارتۋ ساتىسىنداعى وقۋشىلاردىڭ جۇگى جەڭىلدەتىلەتىن بولادى.

10-ايدىڭ 18-كۇنى مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مالىمدەمەشىسى زاڭ تيەۋي اقبارات جاريالاۋ ماجىلىسىندە بىلاي دەپ تانىستىردى: كەزەكتە كەيبىر اتا-انالاردىڭ وتباسى تاربيەسىندە بەلگىلى ۋايىم ساقتالىپ، كەيبىرى ازامات جاسىنا تولماعان ۇل-قىزدارىنىڭ ۇيرەنۋ اۋىرتپالىعىن ونان ارمان ارتتىرسا، كەيبىرى ازامات جاسىنا تولماعان ۇل-قىزدارىنىڭ ينتەرنەت جەلىسىنە قۇمار بولۋ سياقتى ارەكەتتەرىنە نەمقۇرايدى قارايدى نەمەسە قالاي باسقارىپ، قالاي تاربيەلەۋدى بىلمەيدى ت.ب. وسى ماسەلەلەرگە قاراتا، مەكتەپ وقىتۋى، وتباسى تاربيەسى، قوعام تاربيەسى سياقتى كوپ جاقتاردان جالپىلىق شارا قولدانىپ، ورتاق شەشۋدى ىلگەرىلەتۋ دارىپتەلدى.

وسى نەگىزدە وتباسى تاربيەسىن جەبەۋ زاڭىندا وتباسى تاربيەسى تۇرعىسىنان بەلگىلەمە شىعارىلىپ، اتا-انالاردىڭ ۋايىمنان ارىلۋىنا كومەكتەسەدى:

ءبىرىنشى، وتباسى تاربيەسىنىڭ مازمۇنى جاعىندا، وتباسى تاربيەسىنىڭ ەرەكشەلىكتەرىن كورنەكتىلەندىرىپ، ءمورال ارقىلى ادام تاربيەلەۋدى دارىپتەپ، اتا-انالاردىڭ وتباسى تاربيەسىندە ازامات جاسىنا تولماعان جەتكىنشەكتەردىڭ ءمورالى، عىلمي ىزدەنىس رۋحى جانە جاڭالىق اشۋ تانىمىن جەتىلدىرۋگە، سونداي-اق تاماشا ۇيرەنۋ ءتاسىلى، ءجۇرىس-تۇرىس ادەتى، تۇرمىس داعدىسىن جەتىلدىرۋگە كوبىرەك نازار اۋدارىپ، جەتەكتەۋ كەرەك.

ەكىنشى، وتباسى تاربيەسىنىڭ ءادىسى جاعىندا، اتا-انالار وتباسى تاربيەسىندە دۇرىس تانىم تىكتەپ، وتباسى تاربيەسىنىڭ ادىستەرىن عىلمي يگەرىپ، وتباسى تاربيەسىنىڭ قۋاتىن جوعارىلاتىپ، ازامات جاسىنا تولماعان جەتكىنشەكتەردىڭ اقاۋسىز ەرجەتۋىنە تاماشا وتباسى ورتاسىن جاراتۋ كەرەك.

ءۇشىنشى، اتا-انالار ازامات جاسىنا تولماعان جەتكىنشەكتەردىڭ ۇيرەنۋ، دەمالىس، كوڭىل كوتەرۋ جانە دەنە شىنىقتىرۋ ۋاقىتىن ۇيلەسىمدى ورنالاستىرۋى ءتيىس، ازامات جاسىنا تولماعان جەتكىنشەكتەردىڭ ۇيرەنۋ اۋىرتپالىعىن ارتتىرۋدان ساقتانىپ، ازامات جاسىنا تولماعان جەتكىنشەكتەردىڭ ينتەرنەت جەلىسىنە قۇمار بولۋىنان ساقتانۋ كەرەك.

ءتورتىنشى، اۋداننان جوعارى جەرگىلىكتى حالىق ۇكىمەتتەرى شارا قولدانۋى جاعىندا، مىندەتتى وقۋ-اعارتۋ ساتىسىندا وقۋشىلاردىڭ تاپسىرما ورىنداۋ اۋىرتپالىعى مەن مەكتەپتەن سىرت كۋرستارعا قاتىناسۋ اۋىرتپالىعىن جەڭىلدەتىپ، مەكتەپ پەن وتباسىلارىنىڭ ءوزارا پىكىرلەسۋ ارناسىن ىركىلىسسزدەندىرىپ، مەكتەپ وقىتۋى مەن وتباسى تاربيەسىن ءوزارا سايكەستىرۋدى ىلگەرىلەتۋ كەرەك.

بەسىنشى، مەملەكەت، قوعام كوپ تۇرعىدان، ٴار جاقتاعىلاردىڭ اتا-انالاردىڭ نەمەسە باسقا دا قامقورشىلاردىڭ وتباسى تاربيەسىنە قولداۋ كورسەتۋ، سەلبەسۋ جاۋاپكەرشىلىگىمەن قامداۋدى اناعۇرلىم ايقىنداۋ كەرەك.

اۋدارعان: جازيرا بولاتباي قىزى

来源：北京日报

翻译 : 贾孜拉

编辑、制作：古丽美热