بۇكىل قىستاقتىڭ ەمدەۋ قامسىزداندىرۋىندا الدامشىلىق ىستەلگەندىگى بايقالدى، مەملەكەتتىك تەكسەرۋ گرۋپپاسى تەكسەرۋگە كىرىستى

جاقىندا، شاندۇڭ ولكەسى حىزى قالاسى دانشيان اۋدانىنداعى 2000 نان استام قىستاق تۇرعىنى بەيحابار جاعدايدا، ەمدەۋ قامسىزداندىرۋ ەسەبات نومىرىمەن الدامشىلىق ىستەتكەن ەمدەۋ قامسىزداندىرۋ ەسەباتىن جاساعاندىعى اشكەرەلەنىپ، بۇل ٴىس 5 جاستاعى بالالار مەن قايتىس بولىپ كەتكەن قىستاق تۇرعىندارىنا دەيىن سايعان.

جەرگىلىكتى ورىن قاتىسىتى قىستاق شيپاحاناسىنىڭ ەمدەۋ قامسىزداندىرۋىنان ەسەپتەن كوتەرۋ تولىمدىلىعىن الىپ تاستاعاندىعىن حابارلاندىردى

مەديالار حابارلاعان دانشيان اۋدانىنىڭ قالا-اۋىل ەمدەۋ قامسىزداندىرۋ ەسەباتىندا كورىلگەن قاتىستى ماسەلەگە قاراتا، حىزى قالالىق كوميتەت، قالالىق ۇكىمەت باسا ٴمان بەرىپ، دانشيان اۋداندىق كوميتەتكە، اۋداندىق ۇكىمەتكە بۇكىل اۋدان بويىنشا تۇبەگەيلى تەكسەرىپ انىقتاۋدى تاپسىردى. دانشيان اۋداندىق كوميتەت، اۋداندىق ۇكىمەت دەرەۋ، اۋداندىق ٴتارتىپ تەكسەرۋ-باقىلاۋ كوميتەتى، قوعام حاۋىپسىزدىك مەكەمەسى، دەنساۋلىق ساقتاۋ سالاماتتىق مەكەمەسى، ەمدەۋ قامتاماسىزداندىرۋ مەكەمەسى قاتارلى تاراۋلاردان بىرىككەن تەكسەرۋ گرۋپپاسىن ۇيىمداستىرىپ، اڭىس ەتكەن ماسەلەلەرگە قاراتا ٴبىر-بىرلەپ ارناۋلى تەكسەرۋ الىپ باردى، ەرەجە-تارتىپكە قايشى ماسەلەلەردى قاتاڭ ٴبىر جاقتى ەتىپ، قىلمىسقا شاتىلعاندارعا زاڭ بويىنشا ٴۇزىلدى-كەسىلدى قاتاڭ سوققى بەرەدى.

تەكسەرىپ انىقتاۋ ارقىلى، بۇقارانىڭ اۋرۋىنىڭ اتىن قىستاق دارەجەلى شيپاحانانىڭ ەسەبات جۇيەسىنە تىزىمدەگەندەگى قاتە ينفورماتسيانى تۇزەتتى، ٴارى بۇقاراعا تۇسىنىك بەردى. العاشقى تەكسەرۋ ناتيجەسىنە نەگىزدەلىپ، اۋداندىق دەنساۋلىق ساقتاۋ سالاماتتىق مەكەمەسى جاۋاپكەرگە قاراتا اۋىل-قىستاق شيپاگەرى كۋالىگىن ۋاقىتشا قايتارىپ الۋ قارارىن شىعاردى، اۋداندىق ەمدەۋ قامتاماسىزداندىرۋ مەكەمەسى اۋىل-قالاشىق شيپاحانالارىنا لانحى قالاشىعىنداعى قاتىستى قىستاق شيپاحانالارىنىڭ ەمدەۋ قامسىزداندىرۋىنان ەسەپتەن كوتەرۋ تولىمدىلىعىن الىپ تاستاۋدى مىندەتتەدى. بىرىككەن تەكسەرۋ گرۋپپاسى قاتە ينفورماتسيانى جاساعان قاتىستى تاراۋلار مەن قىزمەتكەرلەردى زاڭ-ٴتۇزىم بويىنشا ونان ارى قاتاڭ ٴبىر جاقتى ەتەدى.

قىستاق شيپاگەرىنىڭ تۇرعىنداردىڭ ەمدەۋ قامسىزداندىرۋ امبالاتوريا ٴبىرتۇتاس قورىن الداپ الۋ ماسەلەسىنە قاراتا، قوعام حاۋىپسىزدىك مەكەمەسى زاڭ بويىنشا شاقىرتۋ شىعارىپ، تەكسەرۋ، دالەل-سپات الۋ قاتارلى قىزمەتتەردى ىستەدى. قازىر، بۇل دەلو جالعاستى ىستەلۋ ۇستىندە. 

مەملەكەتتىك ەمدەۋ قامتاماسىزداندىرۋ مەكەمەسى قىزمەت گرۋپپاسىن شاندۇڭ ولكەسى دانشيان اۋدانىنا جىبەرىپ، ەمدەۋ قامسىزداندىرۋ قورىن الداپ الۋ ٴىسىن ٴبىر جاقتى ەتۋگە باقىلاۋشىلىق ەتتى

مەملەكەتتىك ەمدەۋ قامتاماسىزداندىرۋ مەكەمەسى قوردى باقىلاپ باسقارۋ ٴبولىمىنىڭ جاۋاپتىسى 10-ايدىڭ 18-كۇنى بىلاي دەدى: مەملەكەتتىك ەمدەۋ قامتاماسىزداندىرۋ مەكەمەسى قوعام اڭىس ەتكەن شاندۇڭ ولكەسى حىزى قالاسى دانشيان اۋانىنداعى قالا-اۋىل تۇرعىندارىنىڭ ەمدەۋ قامسىزداندىرۋ قورىن الداپ الۋ ماسەلەسىنە باسا نازار اۋدارىپ، دەرەۋ شاندۇڭ ولكەلىك ەمدەۋ قامتاماسىزداندىرۋ مەكەمەسىنە ٴىستى تەكسەرىپ انىقتاپ، زاڭ-ٴتۇزىم بويىنشا قاتاڭ ٴبىر جاقتى ەتۋدى تاپسىردى، ٴارى قىزمەت گرۋپپاسىن شاندۇڭ ولكەسىنىڭ دانشيان اۋدانىنا جىبەرىپ، ناق مايداندا باقىلاۋشىلىق ەتتى.

كوپ تاراۋ بىرلەسىپ، ەمدەۋ قامسىزداندىرۋ قورىن الداپ العان زاڭعا قايشى قىلمىستىق ىستەرگە قاتاڭ سوققى بەرەدى

جاقىنعى جىلداردان بەرى قاراي، مەملەكەتتىڭ ەمدەۋ قامسىزداندىرۋ قۇرىلىمدارىنىڭ اقاۋسىز تۇردە كەمەلدەنۋىنە ىلەسە، ەمدەۋ قامسىزداندىرۋىنىڭ جالپىلاسۋى (％95، 1 ميلليارت 361 ميلليون ادام) مەن قور مولشەرى (جالپى ساقتالعان قور 30 تريلليون 100 ميلليارت يۋان) ۇزدىكسىز ارتىپ، وعان ىلەسە قاتەر تۇيىندەرى دە كوبەيدى.

10-ايدىڭ 8-كۇنى، قوعام حاۋىپسىزدىك مينيسترلىگى اقبارات جاريالاۋ ٴماجىلىسن اشىپ، مەملەكەتتىك ەمدەۋ قامتاماسىزداندىرۋ مەكەمەسىمەن، مەملەكەتتىك دەنساۋلىق ساقتاۋ سالاماتتىق كوميتەتىمەن بىرلىكتە ورنالاستىرۋ جاساپ، ەمدەۋ قامسىزداندىرۋ قورىن الداپ الۋعا زاڭ بويىنشا سوققى بەرىپ، ارناۋلى وڭاۋ قيمىلىنىڭ قاتىستى جاعدايىن حابارلاندىردى: بيىل 1-ايدان 8-ايعا دەيىن، بۇكىل ەل بويىنشا ارناۋلى بەلگىلەنگەن 510 مىڭ 660 ەمدەۋ، ٴدارى-دارمەك تاراۋىن تەكسەرىپ، 210 مىڭ 250 ورىننىڭ ماسەلەسىن انىقتاپ شىعىپ، 8 ميلليارت 812 ميلليون يۋان ەمدەۋ قامسىزداندىرۋ قورىن قايتارىپ الدى. 9-ايدىڭ سوڭىنا دەيىن، بۇكىل ەلدەگى قوعام حاۋىپسىزدىك ورگاندارى جيىنى 251 قىلمىستىق توپتى تالقانداپ، 3819 قىلمىس كۇماندىسىن تۇتقىندادى، 1246 ەمدەۋ قامسىزداندىرۋ قورىن الداپ الۋ دەلوسىن اشكەرەلەپ، 200 ميلليون 300 مىڭ يۋان ەمدەۋ قامسىزداندىرۋ قورىن تاپسىرتقىزدى، بىرىككەن ەمدەۋ قامتاماسىزداندىرۋ تاراۋلارى 277 ەمدەۋ، ٴدارى-دارمەك تاراۋىن جاپتىردى.

ۇعىسۋعا قاراعاندا، مەملەكەتتىك قامتاماسىزداندىرۋ مەكەمەسى قوعام حاۋىپسىزدىك تاراۋلارىمەن بىرلەسىپ، «ەمدەۋ قامسىزداندىرۋ قورىن الداپ الۋ قىلمىستىق ىستەرىنە قاتاڭ سوققى بەرىپ، اكىمشىلىك شارا كورۋ مەن قىلمىستىق ىستەر بويىنشا جازالاۋدى ۇشتاستىرۋ قىزمەتى جونىندەگى ۇقتىرۋدى» باسىپ تاراتىپ، ٴارقايسى تاراۋلاردىڭ بىرلەسكەن قيمىلىنىڭ ۇزاق مەرزىمدىك قۇرىلىمىن كۇشەيتىپ، ەمدەۋ قامسىزداندىرۋ قورىن الداپ الۋ قىلمىستىق ارەكەتتەرىنە سوققى بەرۋدىڭ قىزۋ ورلەۋىن جالعاستى ساقتاپ، ەمدەۋ قامسىزداندىرۋ قورىن باقىلاۋ-باسقارۋ قىزمەتىن جان-جاقتىلى ىلگەرىلەتەدى ەكەن. 

اۋدارعان: اناربەك ٴابىلماجىن ۇلى 

来源：中国新闻网

翻译 : 阿那尔别克

编辑、制作：古丽美热