بۇكىل ەلدىڭ كوپ جەرىندە «كۇشەيتپەلى ۆاكسينا» ەگۋ باستالدى، مۇندا ۆاكسينانى دۇرىس تاڭداۋعا كوڭىل ءبولۋ كەرەك

جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ الدىن الۋدىڭ جانە ونى تىزگىندەۋدىڭ، وعان قاتىستى سالماقتى اۋرۋعا شالدىعۋ مەن ءولىم-ءجىتىم مولشەرىن تومەندەتۋدىڭ ءونىمدى شاراسى ــ جاڭا تيپتى ايدارشا ۆيرۋس ۆاكسيناسىن ەكتىرۋ قىزمەتى جەر-جەردە ۇزدىكسىز قانات جايدى. جاڭا تيپتى ايدارشا ۆيرۋس ۆاكسيناسىن ەكتىرۋدىڭ تۇتاس بارىسىنا 6 اي تولعان ءتۇيىندى سالالارداعى، ءتۇيىندى قاۋىمعا قاراتا، بۇكىل ەلدىڭ كوپ جەرىندە ۆاكسينانىڭ «كۇشەيتپەلى ەكپەسىن» ەگۋ قىزمەتى ىركەس-تىركەس باستالدى. 

تۇستەن بۇرىن ساعات 10 نان 30 مينۋد وتكەندە، جىجياڭ ولكەسىنىڭ نيڭبو قالاسىنداعى ءمالىم ءبىر الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعىندا بىرنەشە حالىق ساقشىسى الدىن الا تىزىمدەلىپ، جاڭا تيپتى ايدارشا ۆيرۋس ۆاكسيناسىنىڭ كۇشەيتپەلى ەكپەسىن ەكتىرۋگە دايىندالدى. قازىر نيڭبو قالاسى جاڭا جۇيەنى قولداندى، قاتىستى ينفورماتسيانى تۇراقتاندىرىپ، بارماق بەدەرىن ەنگىزسە بولعانى، ۆاكسينا ەكتىرۋدى تەز ارادا تىزىمگە الدىرۋعا بولادى. 

جىجياڭ ولكەسى نيڭبو قالاسى يىنجوۋ قوعام حاۋىپسىزدىگى بولىمشە مەكەمەسى بايحى ساقشى بولىمشەسىنىڭ حالىق ساقشىسى شيە سايلين بىلاي دەدى: ءبىز ءار كۇنى ءبىرشاما كوپ بۇقارامەن كەزدەسەمىز، ساقشى بولىمشەمىزدە ىسساپارمەن ۇنەمى سىرتقا شىعاتىندار دا بار، ىندەت جاعدايىنىڭ قاجەتىنە قاراي، ءسوز جوق، ءۇشىنشى ۆاكسينانى ەكتىرۋىمىز كەرەك. 

جىجياڭ ولكەسى نيڭبو قالاسى يىنجوۋ قوعام حاۋىپسىزدىگى بولىمشە مەكەمەسى بايحى ساقشى بولىمشەسىنىڭ حالىق ساقشىسى سۇن يۋە بىلاي دەدى: ۆاكسينا ەكتىرۋگە شامامەن 3 تە 5 مينۋت ۋاقىت قاجەت، الدىمەن تىزىمگە الدىرۋ كەرەك، قازىر بارلىعى ەلەكترونداسقان، بۇرىنعىعا قاراعاندا ءبىرشاما تەز ءارى قولايلى ەكەن. 

گۋاڭجوۋ قالاسىندا دا وسىمەن ۇقساس، تۇستەن بۇرىن ساعات 10 دا، ءتىلشى گۋاڭجوۋ قالاسىنداعى جاڭا تيپتى ايدارشا ۆيرۋس ۆاكسيناسىن ەگەتىن ءمالىم ءبىر ورىننان كەستە تولتىرۋدان ۆاكسينانىڭ كۇشەيتپەلى ەكپەسىن ەكتىرۋگە دەيىن 5 مينۋت قانا جۇمساعانىن، الدىن الا كەلىسۋدىڭ قاجەتى جوق ەكەنىن كوردى. 

گۋاڭدۇڭ ولكەسى گۋاڭجوۋ قالاسىنداعى ورتا تازالىعى جۇمىسشىسى چىن مين بىلاي دەدى: ۆاكسينانىڭ ءۇشىنشى ەكپەسىن ەكتىردىك، قازىرشە ەشقانداي كەرى اسەر بەرگەن جوق، سايىپ كەلگەندە ۆاكسينا ەكتىرۋ ءوزىڭ ءۇشىن دە، باسقالار ءۇشىن دە ءتيىمدى. 

گۋاڭشي ولكەسى ناننيڭ قالاسىنداعى ءمالىم ءبىر الەۋمەتتىك اۋماق دەنساۋلىق ساقتاۋعا قىزمەت وتەۋ پۋنكتىندە، تاڭەرتەڭگى ساعات 8 دەن 30 مينۋد وتكەننەن باستاپ، بىرەۋلەر ارت-ارتىنان «كۇشەيتپەلى ۆاكسينانى» ەكتىردى، سول كۇنى تۇسكى ساعات 12 گە دەيىن 300 دەن استام ادام ۆاكسينانى تەگىن ەكتىردى. 

گۋاڭشي ولكەسىنىڭ ناننيڭ قالاسىنداعى توراپ ارقىلى كەلىسەتىن كىرە كولىك شوفەرى تاڭ مىرزا بىلاي دەدى: ءبىز توراپ ارقىلى كەلىسەتىن كىرە كولىك شوفەرىمىز، ەسكەرتۋ ينفورماتسياسىن تاپسىرىپ العاننان كەيىن دەرەۋ جەتىپ كەلدىك. ءار كۇنى سونشاما كوپ جولاۋشىعا جولىعامىز، ءسوز جوق، ەڭ الدىمەن ۆاكسينا ەكتىرۋىمىز كەرەك دەپ قارايمىن. 

ۇعىسۋعا قاراعاندا، ءۇشىنشى رەتكى ۆاكسينانى ەكتىرۋدە تيىم سالىنعان ىستەر الدىڭعى ەكى رەتكى ۆاكسينا ەكتىرۋدەگىمەن نەگىزىنەن ۇقساس بولعانىمەن، ۆاكسينا تاڭداۋدا كوڭىل بولۋگە ءتيىستى ىستەر بار ەكەن. 

جىجياڭ ولكەسى نيڭبو قالاسى يىنجوۋ حالىق شيپاحاناسى ەمدەۋ ورتاق تۇلعاسى بايحى بولىمشە شيپاحاناسىنىڭ باستىعى ۋاڭ شى بىلاي دەدى: ءۇشىنشى رەتكى ۆاكسينانىڭ كۇشەيتپەلى ەكپەسى مەن بۇرىن ەگىلگەن، اسىرەسە، ەكىنشى رەت ەگىلگەن ۆاكسينا ەكەۋى ادەتتە ۇقساس ءبىر زاۆودتا وندىرىلگەن بولۋى كەرەكتىگىن ۇسىنىس ەتەمىن. 

اۋدارعان: ساعىنبەك رابات ۇلى

来源：央视财经

编辑、制作：古丽美热