«ازىقتىق دارەجەلى» بەزەنۋ بۇيىمدارى اناعۇرلىم حاۋىپسىز بە؟ مەملەكەتتىك ءدارى-دارمەكتى باقىلاۋ مەكەمەسى اڭىس قايتاردى....

جەۋگە بولاتىن جەمىس ۋىزى ەرىن بوياۋى، «ازىقتىق دارەجەلى» بالالار تەرىسىن كۇننەن قورعاۋ مايى...قازىر «ازىقتىق دارەجەلى» بەزەنۋ بۇيىمدارىن ۇگىتتەۋ مازمۇندارى بازاردى بارىنشا يەلەپ تۇر، ساۋدالاۋشى جاقتىڭ ايتۋىنشا وسى تۇردەگى بەزەنۋ بۇيىمدارىنىڭ شيكىزاتى تۇگەلدەي «ەشقانداي قوسپاسىز» «بۇكىلدەي تابيعي» بولىپ، حاۋىپسىز ءارى ءونىمى جوعارى بولىپ قالماستان، اۋەلى تىكەلەي جەۋگە بولادى. وسى تۋرالى، مەملەكەتتىك ءدارى-دارمەكتى باقىلاۋ مەكەمەسى 10-ايدىڭ 18-كۇنى مالىمدەمە جاريالاپ، «ازىقتىق دارەجەلى» بەزەنۋ بۇيىمدارىنىڭ حاريدارلارعا قاتە تۇسىنىك قالىپتاستىرعانىن ايىتتى. 

وسىدان بۇرىن، مەملەكەتتىك ءدارى-دارمەكتى باقىلاۋ مەكەمەسى «بالالارعا پايدالاناتىن بەزەنۋ بۇيىمدارىن باقىلاۋ باسقارۋ بەلگىلەمەسىندە» ايقىن بەلگىلەمە بار ەكەنىن جاريالادى: بالالارعا پايدالاناتىن بەزەنۋ بۇيىمدارىنىڭ ماركا بەلگىسىنە «ازىقتىق دارەجەلى» «جەۋگە بولادى» دەيتىن سوزدەردى جازباۋ كەرەك نەمەسە ازىقتىققا قاتىستى سۋرەتتەردى قويماۋ كەرەك. اۋە ارمياسى ەرەكشەلىككە يە مەديتسينا ورتالىعى تەرى اۋرۋلارى ءبولىمىنىڭ ورىنباسار مەڭگەرۋشىسى، شيپاگەر تيان ءيان ەرەكشە ەسكەرتۋ جاساپ، «ازىق دارەجەلى» بەزەنۋ بۇيىمدارى مۇلدە بولمايتىنىن ايىتتى. 

تيان ءياننىڭ تۇسىندىرۋىنشە، كەيبىر ءوندىرىس كاسىپورىندارى بەزەنۋ بۇيىمدارىن وندىرگەندە «ازىقتىق» وندىرىسىندە پايدالاناتىن ءىشىنارا شيكىزاتتى قوسادى، ءىشىنارا ساۋدالاۋشى جاق وسىنى وراي ەتىپ بۇل تۇردەگى بەزەنۋ بۇيىمدارىن «ازىقتىق دارەجەلى» دەپ كوپىرتە ماقتايدى، وسى ءادىس ارقىلى ساۋدالاعان بەزەنۋ بۇيىمدارىنىڭ اناعۇرلىم حاۋىپسىز ەكەنىن اسپەتتەپ، اتا-انالارعا وسى تۇردەگى بەزەنۋ بۇيىمدارىن پايدالانسا اناعۇرلىم حاۋىپسىز كەلەتىنىن، بالالاردىڭ وسىنداي بۇيىمدى بايقاماي جەپ قويسا دا قاتەرى جوق ەكەنىن دارىپتەيدى. 

«انىعىندا بەزەنۋ بۇيىمدارى مەن ازىقتىق بۇيىمدارى ەكى ءتۇرلى ۇقساماعان تۇردەگى ونىمگە جاتادى، ءار ءتۇرلى زاڭ-ءتۇزىم بەلگىلەمەلەرىنە نەگىزدەلگەندە، ۇقساماعان ونىمدەر ولشەمىن، شيكىزات تالابىن، ءوندىرىس شارت-جاعدايىن پايدالانۋ بارىسىندا ايتىلمىس <ازىق دارەجەلى> بەزەنۋ بۇيىمدارى مۇلدە بولمايتىنىن» تيان ءيان باسا دارىپتەدى. 

تيان ءياننىڭ ايتۋىنشا، بەزەنۋ بۇيىمدارىنىڭ حاۋىپسىز، حاۋىپسىز ەمەستىگىن تۇراقتاندىرۋدا بەزەنۋ بۇيىمدارىنا قولدانعان شيكىزاتتىڭ حاۋىپسىزدىك سيپاتىن باعالاۋ كەرەك، سونىمەن بىرگە ونىڭ ءونىم دايىنداۋ ءادىسى، ءوندىرىس تەحنولوگياسى، ءونىمدى ساقتاۋ شارت-جاعدايى قاتارلىلار بىرگە باعالانۋى قاجەت. بەزەنۋ بۇيىمدارىنىڭ حاۋىپسىزدىك سيپاتى وسى ءونىمدى جەۋگە بولاتىن-بولمايتىنىمەن مۇلدە قاتىسسىز. 

ءىشىنارا ساۋداگەرلەر «ازىقتىق» وندىرۋگە پايدالاناتىن كەيبىر شيكىزاتتى قوسىپ بەزەنۋ بۇيىمدارىن وندىرگەنىمەن، سوڭىندا ولار وندىرگەن بەزەنۋ بۇيىمدارىنىڭ حاۋىپسىز ەكەنىن ايگىلەي المايدى. «بەزەنۋ بۇيىمدارىنا قولدانىلاتىن شيكىزات تىزىمدىگىنە» ەنگىزىلمەگەن «ازىقتىق» شيكىزاتىن، بەزەنۋ بۇيىمدارىنىڭ قۇرامىنا شيكىزات رەتىندە قوسپاق بولسا، ونىڭ تەرىگە رەاكسياسى، تەرىنىڭ وسىعان سەزىمتالدىعى، فوتوۋىتتىق سيپاتى، فوتو سەزىمتالدىعى قاتارلى توكسيكولوگيالىق باعالاۋ جۇرگىزۋ كەرەك، جالپى بەتتىك باعالاۋدا حاۋىپسىز دەپ قارالسا، ونىڭ ۇستىنە مەملەكەتتىك ءدارى-دارمەك باقىلاۋ مەكەمەسىنە بەزەنۋ بۇيىمدارى شيكىزاتى رەتىندە تىزىمگە الدىرسا نەمەسە ەستەلىككە الدىرىپ مالىمدەسە، ودان كەيىن بەزەنۋ بۇيىمدارىنىڭ شيكىزاتى رەتىندە پايدالانۋىنا بولادى. الايدا «بەزەنۋ بۇيىمدارىنىڭ حاۋىپسىزدىك تەحنولوگياسى ولشەمىندە»، جەۋگە بولاتىن نەمەسە ازىقتىق ونىمدەردە مولىنان ساقتالاتىن زاتتار بەزەنۋ بۇيىمدارىنا شيكىزات ەتۋگە تيىم سالۋ تىزىمىنە الىنعان، بەزەنۋ بۇيىمدارىنىڭ قۇرامىنا قوسۋعا تيىم سالىنعان، مىسالى: مويۇي(魔芋)، ۆيتامين K-1 قاتارلىلار. 

مەملەكەتتىك ءدارى-دارمەكتى باقىلاۋ مەكەمەسىنىڭ ەسكەرتۋىنشە، «بەزەنۋ بۇيىمدارىن باقىلاپ باسقارۋ ەرەجەسىنە» نەگىزدەلگەندە، بەزەنۋ بۇيىمدارى «جاعۋ، سىلاۋ، بۇركۋ نەمەسە باسقادا تاسىلدەر ارقىلى قولدانىلادى، تەرىگە، شاش پەن تۇك ورىندارىنا، تىرناققا، ەرىنگە قولدانىلاتىن كۇندەلىكتى حيميالىق ونەركەسىپ ونىمدەرى، سوندىقتان، بەزەنۋ بۇيىمدارى جەۋگە جوبالانعان ونىمدەر ەمەس. كۇندەلىكتى قولدانۋ بارىسىندا، وتە شاعىن مولشەردە اۋىزدان كىرگەن بەزەنۋ بۇيىمدارى، مىسالى، ەرىن بوياۋ، ەرىنگە جاعاتىن مايلار قاتارلىلاردان الاڭداۋدىڭ قاجەتى جوق، سەبەبى وتە شاعىن مولشەردە اۋىزدان ىشكە كىرسەدە، حاۋىپسىزدىك ولشەمىنىڭ كولەمىندە بولادى. الايدا بالالار بەزەنۋ بۇيىمدارىن ازىقتىق رەتىندە اعات تۇتىنسا، كوپ مولشەردە جەسە، وندا ولاردىڭ سالاماتتىعىنا قاتەر ءتوندىرۋى مۇمكىن» جايسىزدانۋ جاعدايى تۋىلسا، دەر كەزىندە شيپاحاناعا اپارىپ تەكسەرتۋ كەرەك. 

بۇدان سىرت، «بەزەنۋ بۇيىمدارىن باقىلاپ باسقارۋ ەرەجەسىنە» نەگىزدەلگەندە، بەزەنۋ بۇيىمدارى ماركا بەلگىسىنە «جالعان نەمەسە اعات تۇسىنىك قالىپتاستىراتىن مازمۇندار» جازۋعا تيىم سالىنادى. بەزەنۋ بۇيىمدارىنىڭ ماركا بەلگىسىندە «ازىقتىق دارەجەلى» «جەۋگە بولادى» دەگەن مازمۇندار بولسا، بەزەنۋ بۇيىمدارىنىڭ ماركا بەلگىسىن باسقارۋ زاڭ بەلگىلەمەسىنە قايشى كەلىپ، بۇنداي ارەكەتتەر باتىل تەكتەلەدى. 

 اۋدارعان: قۋات جۇماش ۇلى

来源：央视财经

编辑、制作：古丽美热