ج ك پ ورتالىق كوميتەتى پارتيا سىرتىنداعى قايراتكەرلەرمەن اڭگىمە ٴماجىلىس اشىپ، ەكونوميكالىق قىزمەت جونىندە پىكىر-ۇسىنىس توپتادى، شي جينپيڭ ٴماجىلىستى باسقاردى ٴارى ماڭىزدى ٴسوز سويلەدى، لي كىچياڭ قاتىستى جاعدايلاردى حابارلادى، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى

ٴوز حابارىمىز. ج ك پ ورتالىق كوميتەتى 12-ايدىڭ 2-كۇنى جۇڭنانحايدا پارتيا سىرتىنداعى قايراتكەرلەرمەن اڭگىمە ٴماجىلىس اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە دەموكراتيالىق پارتيا-توپتار ورتالىق كوميتەتتەرىنىڭ، مەملەكەتتىك ساۋدا-ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ٴماجىلىستى باسقاردى ٴارى ماڭىزدى ٴسوز سويلەپ مىنانى باسا دارىپتەدى: ج ك پ 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن جاپپاي دايەكتى تياناقتاندىرىپ، كوپ پارتيا سەلبەستىگىنىڭ باسىپ وتكەن بەلەسى مەن رولىن قايتا ەسكە الىپ، داڭقتى ٴداستۇردى ساۋلەلەندىرىپ، سەلبەستىك اۋەلگى ماقساتىنان اينىماي، ماكرولىق ساياسات ورنىقتى، ٴونىمدى بولۋ، ميكرولىق ساياساتتا بازار تۇلعالارىنىڭ ومىرشەڭدىك كۇشىن تاسقىنداتۋ، رەفورما جاساپ، ەسىك اشۋ ساياساتىندا دامۋدىڭ قوزعاۋشى كۇشىن ارتتىرۋ، قوعامدىق ساياساتتا حالىق تۇرمىسىنىڭ تومەنگى شەگىن مىقتى يگەرۋ توڭىرەگىندە فۋنكتسيانى بەلسەندى اتقارىپ، وزىندىك قۇرىلىستى كۇشەيتىپ، قالىڭ مۇشەلەر مەن ولار بايلانىس جاسايتىن بۇقارانى ٴماجىلىس رۋحىن ورتاق كۇرەس جاسايتىن ساياسي ورتاق تانىمعا اينالدىرۋعا جەتەكتەپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىندا ۇزدىكسىز ىنتىماقتاسا كۇرەس جۇرگىزۋ كەرەك. 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى. لي كىچياڭ ج ك پ ورتالىق كوميتەتىنىڭ تاپسىرۋىمەن، بيىلعى ەكونوميكالىق قىزمەتكە قاتىستى جاعدايلاردى حابارلاندىرىپ، كەلەر جىلعى ەكونوميكالىق قىزمەت جونىندەگى قاتىستى ويلاردى تانىستىردى.

اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ٴتوراعاسى ۋان ى-شياڭ، جۇڭگو دەموكراتيالىق وداعى ورتالىق كوميتەتىنىڭ ٴتوراعاسى ديڭ جۇڭلي، جۇڭگو دەموكراتيالىق ەل قۇرۋ وداعى ورتالىق كوميتەتىنىڭ ٴتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ٴتوراعاسى ساي دافىڭ، جۇڭگو جۇمىسشى-شارۋا دەموكراتيالىق پارتياسى ورتالىق كوميتەتىنىڭ ٴتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ٴتوراعاسى جياڭ زوجۇن، 3-قىركۇيەك ٴىلمي قوعامى ورتالىق كوميتەتىنىڭ ٴتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ٴتوراعاسى سۋ حۇي، مەملەكەتتىك ساۋدا-ونەركاسىپشىلەر بىرلەستىگىنىڭ ٴتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى يۇي رۋسۇڭ ىلگەرىندى-كەيىندى ٴسوز سويلەدى. ولار ج ك پ ورتالىق كوميتەتىنىڭ كەزەكتەگى ەلىمىزدىڭ ەكونوميكالىق جاعدايى جونىندەگى تالداۋى مەن تۇجىرىمىن جانە كەلەر جىلعى ەكونوميكالىق قىزمەت جونىندەگى جوسپارى مەن ويلارىن تولىق قۇپتادى، ٴارى ماكرولىق تىزگىندەۋدى كۇشەيتىپ، ساياساتتىڭ ونىمدىلىگىن جوعارىلاتۋ، يمپورت-ەكسپورت قۇرىلىمىن جاقسارتىپ، ىشكى-سىرتقى ساۋدانىڭ ٴبىر تۇلعالانۋىن جەبەۋ. ٴوندىرۋ-جاساۋ جابدىقتاۋ ورەسىن جوعارىلاتىپ، ەلىمىزدىڭ جوعارى دەڭگەيدەگى جاساۋ كاسىبىنىڭ دامۋىن جەدەلدەتۋ، جان سانىنا قىزمەت وتەۋ جۇيەسىن كەمەلدەندىرىپ، ىشكى سۇرانىمنىڭ ارتۋ كومەسكى كۇشىن تاسقىنداتۋ، ەلىمىزدىڭ جۇقپالى اۋرۋلاردان ساقتانۋ جانە ونى تىزگىندەۋ تاكتيكاسىن كەمەلدەندىرىپ، ورنىقتى ارتۋعا بەرىك نەگىز قالاۋ، زاڭمەن باسقارۋدى قامتاماسىزداندىرۋ مەن ساياساتتىق جەتەكشىلىكتى كۇشەيتىپ، كومىر قىشقىل گازىنىڭ شىعارىلۋىن ەڭ جوعارى شەكتەن اسىرماۋ، كومىر قىشقىل گازىن بەيتاراپتاندىرۋ نىساناسىن عىلمي، ٴتارتىپتى ىلگەرىلەتۋ، كاسىپورىندارعا ساياتىن قازىنا-باجى جاعىنداعى قولداۋ تاسىلىنە بۇرىلىس جاساپ، قازىنالىق كىرىس ساپاسىن جوعارىلاتۋ، اۋىل-قىستاقتىڭ ەكولوگيالىق ورتاسىن وڭاۋدى كۇشەيتىپ، اۋىل-قىستاقتى گۇلدەندىرۋ نەگىزىن بەكەمدەۋ، رەفورما تەبىنىن ارتتىرىپ، ورتاق اۋقاتتانۋدى ىلگەرىلەتۋگە دەم بەرۋ، ورتا، شاعىن كاسىپورىنداردى دامىتۋ ساياساتىنىڭ بەتالىسى مەن باياندى دامۋ قۋاتىن كۇشەيتۋ، حالىق باسقارۋىنداعى كاسىپورىنداردىڭ ورتاق اۋقاتتانۋدى جەبەۋدەگى بەلسەندى رولىن ساۋلەلەندىرۋ، عىلىم-تەحنيكا سالاسىنداعى «عىلىم-تەحنيكالىق سيلاۋ ٴتۇزىلىسى» قىزمەت مەحانيزمىن كەمەلدەندىرۋ، ولكەلەردىڭ شەكارالاسقان رايوندارىنىڭ سايكەستى دامۋىن جەدەل ىلگەرىلەتۋ سياقتىلار جونىندە ۇسىنىس-پىكىر بەردى. 

كوپشىلىكتىڭ ٴسوزىن مۇقيات تىڭداعاننان كەيىن، شي جينپيڭ ماڭىزدى ٴسوز سويلەپ، بىلاي دەدى: كوپشىلىك سوزىندە بيىلعى ەكونوميكالىق قىزمەتتە قول جەتكەن تابىستاردى تولىق تۇراقتاندىردى ٴارى ج ك پ 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ، كەزەكتەگى ەكونوميكالىق جاعدايدى دۇرىس تانۋ، كەلەر جىلعى ەكونوميكالىق قىزمەتتى ويداعىداي ىستەۋ جونىندە كوپتەگەن سىندارلى پىكىرلەر مەن ۇتىمدى ۇسىنىستاردى العا قويدى، ٴبىز بۇل پىكىر-ۇسىنىستاردى مۇقيات زەرتتەپ، بەلسەنە قابىلدايمىز. 

شي جينپيڭ مىنالاردى اتاپ كورسەتتى: بيىل-پارتيا مەن مەملەكەت تاريحىنداعى بەلەستىك مانگە يە جىل. كۇردەلى دە قاتاڭ ەل ٴىشى-سىرتى جاعدايى الدىندا، ج ك پ ورتالىق كوميتەتى ەل ٴىشى-سىرتى سىندى ەكى جالپى جاعدايدى ٴبىر تۇتاس جوسپارلاۋعا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جۇقپالى اۋرۋدان ساقتانۋ جانە ونى تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، جاڭا دامۋ جاعدايىن جەدەل قالىپتاستىرىپ، ماكرولىق ساياساتتىڭ پەريودتىق رەتتەلۋىن كۇشەيتىپ، ەكونوميكانىڭ باياندى، اقاۋسىز دامۋىن كۇش سالا جەبەپ، رەفورما جاساپ، ەسىك اشۋدى، جاڭالىق جاراتۋدى كۇش سالا تەرەڭدەتكەندىكتەن، ەكونوميكالىق دامۋدىڭ تابىسى كورنەكتى بولدى. وسى مەزگىلدە دەموكراتيالىق پارتيا-توپتار، ساۋدا-ونەركاسىپشىلەر بىرلەستىگى جانە پارتيادا، توپتا جوق قايراتكەرلەر قىزمەت جاۋاپكەرشىلىگىن اتقارىپ، بەلسەنە ٴىس تىندىرىپ، ەكونوميكالىق، قوعامدىق دامۋعا اقىل-پاراساتتارى مەن كۇش-قۋاتتارىن ارنادى. كوپشىلىك «14-بەسجىلدىق» جوسپاردىڭ اتقارىلۋىن ارقاۋ ەتىپ، ىشكەرىلەي تەكسەرۋ-زەرتتەۋ جۇرگىزىپ، جاڭا دامۋ جاعدايىن ورناتۋ، مەملەكەتتىڭ ستراتەگيالىق عىلىم-تەحنيكالىق كۇشىن نىعايتۋ، وسى زامانعى كاسىپتىك وقۋ-اعارتۋ جۇيەسىن جەدەل قۇرۋ، ساندى مالىمەت حاۋىپسىزدىگىن باسقارۋدى كۇشەيتىپ، مەملەكەتتىڭ ينفورماتسيا حاۋىپسىزدىگىن قامتاماسىزداندىرۋ سياقتى جاقتاردا سىندارلى اقىل-كەڭەس بەرىپ، ناقتى شارالاردى ورتاعا قويدى. ٴار قايسى دەموكراتيالىق پارتيا-توپتاردىڭ ورتالىق كوميتەتتەرى اۋىل-قىستاقتى گۇلدەندىرۋ ستراتەگياسىن اتقارۋ جونىندە ۇتىمدى ۇسىنىستاردى ورتاعا قويىپ، چاڭجياڭ وزەنىنىڭ ەكولوگيالىق ورتاسىن قورعاۋعا دەموكراتيالىق باقىلاۋ جۇرگىزۋدى تىڭنان باستادى. مەملەكەتتىك ساۋدا-ونەركاسىپشىلەر بىرلەستىگى حالىقتىق شارۋاشىلىق سالاسىنداعى قايراتكەرلەردىڭ مۇرات-سەنىم تاربيەسىن ىشكەرىلەي ورىستەتىپ، حالىقتىق شارۋاشىلىقتىڭ اقاۋسىز دامۋىن جانە حالىقتىق شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن بەلسەنە جەبەدى. شي جينپيڭ ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى. 

شي جينپيڭ مىنالاردى باسا دارىپتەدى: كەلەر جىلى جۇڭگو كوممۋنيستىك پارتياسىنىىڭ 20-قۇرىلتايى اشىلادى، بۇل پارتيا مەن مەملەكەتتىڭ ساياسي ومىرىندەگى ٴىرى ٴىس. قازىر ەل ٴىشى-سىرتىنداعى ەكونوميكالىق جاعداي ٴالى دە كۇردەلى. ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ تانىمىن تولىق، ٴدال، جاپپاي دايەكتىلەندىرىپ، جاڭا دامۋ جاعدايىن جەدەل ورناتىپ، رەفورما جاساپ، ەسىك اشۋدى جاپپاي تەرەڭدەتىپ، جوعارى ساپالى دامۋدى ىلگەرىلەتىپ، جۇقپالى اۋرۋلاردان ساقتانۋ مەن ونى تىزگىندەۋدى ‎جانە ەكونوميكالىق، قوعامدىق دامۋدى ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، حالىق تۇرمىسىن ۇزدىكسىز جاقسارتىپ، قوعامدىق جالپى جاعدايدىڭ ورنىقتىلىعىن ساقتاپ، ج ك پ 20-قۇرىلتايىنىڭ جەڭىسپەن اشىلۋىن قارسى الۋ كەرەك. 

شي جينپيڭ مىناداي ٴۇش ٴتۇرلى ٴۇمىت ورتاعا قويدى: ٴبىرىنشى، كوپشىلىكتەن ج ك پ 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، يگەرىپ، ج ك پ ورتالىق كوميتەتىمەن باستان-اياق وسكەلەڭ ٴبىر اۋىزدىلىقتى ساقتاپ، قىزمەت امالياتىمەن تىعىز ۇشتاستىرىپ، ۇيرەنۋ جەتىستىكتەرىن ۇكىمەت ىسىنە اتسالىسۋ، مىندەت اتقارۋ امالياتىندا قولدانۋىن ٴۇمىت ەتەمىن. ەكىنشى، كوپشىلىكتەن يدەيالىق تانىمدى ج ك پ ورتالىق كوميتەتىنىڭ ەل ٴىشى، حالىقارالىق ەكونوميكالىق جاعداي جونىندەگى عىلمي تۇجىرىمىمەن بىرلىككە كەلتىرىپ، قىزمەت ٴتۇيىنىن ج ك پ ورتالىق كوميتەتىنىڭ شەشىمدەرىنە، ورنالاستىرۋلارىنا شوعىرلاندىرىپ، قالىڭ مۇشەلەردىڭ ٴىس تىندىرىپ، كاسىپ جاراتۋ قىزعىندىلىعىن تولىق جۇمىلدىرىپ، نازاردى دۇنيە ٴجۇزى عىلىم-تەحنيكاسىنىڭ الدىڭعى لەگىنە، مەملەكەتتىڭ عىلىم-تەحنيكا سالاسىنداعى ولقىلىعىنا، عىلىم-تەحنيكانىڭ وزەكتى سالاسىنا شوعىرلاندىرىپ، كومىر قىشقىل گازىنىڭ شىعارىلۋىن ەڭ جوعارى شەكتەن اسىرماۋ، كومىر قىشقىل گازىن بەيتاراپتاۋ، سيفرلى ەكونوميكا سياقتى كەلەلى ماسەلەلەردى ارقاۋ ەتىپ، ىشكەرىلەي تەكسەرۋ-زەرتتەۋ جۇرگىزىپ، بەلسەنە اقىل-كەڭەس بەرىپ، دەموكراتيالىق باقىلاۋدى كۇشەيتىپ، ساياساتتىڭ ناقتى، ەگجەي-تەگجەيلى تياناقتانۋىن ىلگەرىلەتۋىن ٴۇمىت ەتەمىن. ٴۇشىنشى، كوپشىلىكتەن قالىڭ مۇشەلەر مەن ولار بايلانىس جاسايتىن بۇقارانىڭ يدەيالىق اۋقىمىن دەر كەزىندە يگەرىپ، ساياساتتى باعىتتامالىٴتۇسىندىرۋ جانە يدەيالىق جاقتان جەتەكشىلىك ەتۋ قىزمەتىن ىرىقتىلىقپەن ورىستەتۋىن ٴۇمىت ەتەمىن. دەموكراتيالىق پارتيا-توپتاردىڭ، ساۋدا-ونەركاسىپشىلەر بىرلەستىگىنىڭ كەزەك اۋىستىرۋ قىزمەتىن ورنىقتى، ٴتارتىپتى ىلگەرىلەتىپ، ورتالىق پەن ولكە دارەجەلى ۇيىمداردىڭ جاڭا كەزەكتى باسشىلىق القاسىن ويداعىداي تاڭداپ، كۇشەيتىپ، جۇڭگو كوممۋنيستىك پارتياسىمەن باستان-اياق ٴبىر-بىرىنە ادال بولىپ، قول ۇستاسا العا باسۋ كەرەك. 

来源：中央广播电视总台

微信制作：古丽美热