ىشكى موڭعۇلدا ىندەتكە شالدىققاندار جالپى سانى 400  ادامنان استى 

ەلىمىزدە جاڭادان ارتقان جاڭا تيپتى ايدارشا ۆيرۋس وكپە قابىنۋ ىندەتىنە شالدىعىپ دياگنوزى تۇراقتانعان ناۋقاستار ىشكى موڭعۇل، جىجياڭ، حيلۇڭجياڭ جانە شاڭحايدا.

12-ايدىڭ 7-كۇنى ساعات 0 دەن 24 كە دەيىن، 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس قۇرىلىس بيڭتۋانى حابارلاعان جاڭادان ارتقان جاڭا تيپتى ايدارشا ۆيرۋس وكپە قابىنۋ ىندەتىنە شالدىعىپ دياگنوزى تۇراقتانعان ناۋقاس 74 ادام. بۇنىڭ ىشىندە جەرلىك ورىنداعى ناۋقاس 44 ادام (ىشكى موڭعۇلدا 34 ادام، بۇلاردىڭ ٴبارى حۋلۇنبەر قالاسىندا؛ جىجياڭدا 8 ادام، ولار نيڭبو قالاسىندا 5، حاڭجوۋ قالاسىندا 2، شاۋشيڭ قالاسىندا 1 ادام؛ حيلۇڭجياڭدا 1 ادام، حاربين قالاسىندا؛ شاڭحايدا 1 ادام، پۋدۇڭ جاڭا رايونىندا). بۇعان اۋرۋ بەلگىسى جوق جۇعىمدالۋشىدان دياگنوزى تۇراقتانعان 1 ناۋقاس قامتىلدى (ىشكى موڭعۇل اۆتونوميالى رايونىندا).  وسى ىندەتتەن جاڭادان قايتىس بولعان ادام جوق، جاڭادان ارتقان كۇماندى ناۋقاس 1 ادام، ول شەتەلدەن كەلگەن، شاڭحاي قالاسىندا. 

ىشكى موڭعۇلدا جاڭادان ارتقان دياگنوزى تۇراقتانعان جەرلىك ناۋقاس 34 ادام

12-ايدىڭ 7-كۇنى ساعات 0 دەن 24 كە دەيىن، ىشكى موڭعۇل اۆتونوميالى رايونى جاڭادان ارتقان كۇماندى ناۋقاس پەن اۋرۋ بەلگىسى جوق جۇعىمدالۋشىنىڭ جوق ەكەندىگىن حابارلاندىردى.

12-ايدىڭ 7-كۇنى ساعات 24 كە دەيىن ىشكى موڭعۇل اۆتونوميالى رايونىندا جاڭا تيپتى ايدارشا ۆيرۋس وكپە قابىنۋ ىندەتىنە شالدىعىپ دياگنوزى تۇراقتانعان ناۋقاستاردىڭ جالپى سانى 449 عا جەتتى. ناۋقاستاردىڭ ٴبارى ٴتۇيىندى شيپاحانادا اۋاشالانىپ ەمدەلۋدە، ولارمەن تىعىز ارالاسقانداردىڭ ٴبارى بەلگىلەنگەن ورىندا شوعىرلى اۋاشالانىپ مەديتسينالىق باقىلاۋعا الىنىپ، ىندەتتىڭ تارالۋى قاتاڭ الدىن الىندى. 

来源：中国新闻网

翻译、制作：古丽美热