شينجياڭ فۋتبول ەرەكشەلىگىن العان 1000 بالا باقشاسىن قۇرۋ قىزمەتىن تۇڭعىش رەت جاپپاي قولعا الدى

بيىل، ٴۇرىمجى، سانجى، حوتان، قاشقار، اقسۋ سىندى بەس ايماق، وبلىستا (قالادا) فۋتبول ەرەكشەلىگىن العان 1000 بالا باقشاسى قۇرىلادى، مۇنىڭ 170 ىن ٴۇرىمجى قالاسىندا قۇرۋ جوسپارعا الىندى. 

جاقىندا، ٴتىلشىنىڭ اۆتونوميالى رايوندىق دەنە-تاربيە مەكەمەسىنەن ۇعىسۋىنشا، بۇل فۋتبول ەرەكشەلىگىن العان بالا باقشا قۇرۋ قىزمەتىن شينجياڭنىڭ تۇڭعىش رەت جالپى بەتتىك قانات جايدىرۋى ەكەن.

 مۇنداعى ماقسات، مەكتەپ فۋتبولىن جالپىلاستىرۋدىڭ ٴتۇيىنىن جالعاستى تومەنگە ٴتۇسىرۋ، ياعني، فۋتبول ەرەكشەلىگىن العان مەكتەپتەردى قۇرعاننان كەيىنگى مەكتەپ فۋتبولىن تومەنگە قاراي دامىتۋداعى ماڭىزدى قادامدى جاقسى باسۋ. 

ٴۇرىمجى قالالىق جەتىنشى بالا باقشانىڭ فۋتبول ەرەكشە ساباعى 

اۆتونوميالى رايوندىق دەنە-تاربيە مەكەمەسىندەگى قاتىستى قىزمەتكەردىڭ تانىستىرۋىنشا، فۋتبول دارىندىلارىن جەتىستىرۋ ٴۇشىن، 6-3 جاسقا دەيىنگى كىشكەنتاي بالالاردىڭ دەنە-تاربيەگە اۋەستەنۋ ادەتىنىڭ، تانىمىنىڭ جانە شەبەرلىگىنىڭ پايدا بولۋ جانە دامۋىنداعى ماڭىزدى مەزگىلدى قاتاڭ ۇستاپ، زاڭدىلىققا قۇرمەت ەتىپ، ويىن ويناۋدى، قىزىعۋ اۋەسىن نەگىز ەتىپ، ٴارقايسى بالا باقشالاردىڭ كىشكەنتاي بالالاردىڭ فۋتبول قيمىلىن جاپپاي قانات جايدىرۋىنا جەتەكشىلىك ەتۋ كەرەك. 

تاڭدالعان بالا باقشالار كىشكەنتاي بالالار فۋتبولىنىڭ قاتىستى قىزمەتتەرىن قانات جايدىرىپ، كىشكەنتاي بالالاردىڭ دەنە-تاربيەلىك ماشىقتانۋ بارىسىنان ٴلاززات الۋىنا، دەنە ساپاسىن جاقسارتۋىنا دەم بەرۋ، ٴارى بۇكىل ەلىمىزدەگى فۋتبول ەرەكشەلىگىن العان بالا باقشا جۇيەسىنىڭ تەكشەسى قامداعان ۇيرەنۋ قۇرىلىمىنىڭ تالابى بويىنشا، كىشكەنتاي بالالار فۋتبولى تاربيەسى، كىشكەنتاي بالالاردىڭ دەنە ساپاسىن سىناۋ، قيمىل ارەكەتىن سىناۋ سونداي-اق قىزىقتى جارىس قيمىلدارى قاتارلىلاردى ٴوز ىشىنە العان قاتىستى قيمىلداردى جاپپاي ورىستەتۋ. 

فۋتبول ەرەكشەلىگىن العان بالا باقشالار تاعى دا، فۋتبول مادەنيەتىن تاراتۋ مىندەتىن دە ارقالايدى. 

 ٴۇرىمجى قالالىق جەتىنشى بالا باقشانىڭ فۋتبول ەرەكشە ساباعى

ۇعىسۋعا قاراعاندا، كىشكەنتاي بالالار فۋتبول قۇرىلىسىنىڭ سىناق تۇيىندەرىن دەنە-تاربيە ۇتىس بەلەتى الەۋمەتتىك يگىلىك قورى مەن جۇڭگو فۋتبولىن دامىتۋ قور قوعامى بىرلىكتە جەبەيدى، فۋتبول ەرەكشەلىگىن العان بارلىق بالا باقشالار مەملەكەتتىك وقۋ-اعارتۋ مينيسترلىگى بىردەن-ٴبىر بەلگىلەگەن كىشكەنتاي بالالار فۋتبولى ٴتالىم-تاربيە قۇرىلىمىنان پايدالانادى، 6-3 جاسقا دەيىنگى وقۋعا تۇسۋدەن بۇرىنعى ٴتالىم-تاربيە جاسىنداعى بالالاردى كوزدە ۇستاپ، كاسىپتىك وقىتۋشىلاردى تاربيەلەيدى. 

ون ٴتورتىنشى بەس جىلدىق پىلان كەزىندە، اۆتونوميالى رايوندىق دەنە-تاربيە مەكەمەسى «ٴۇش نەگىزگى دوپ» (ياعني فۋتبول، باسكەتبول، ۋاليبول) نىسانى نەگىزىن مىقتى ورناتىپ، «بالا كەزدەن باستاپ مىقتى ۇستاۋدى» ىسكە اسىرىپ، جاستار مەن وسپىرىمدەردىڭ «ٴۇش نەگىزگى دوپ» بىرلەسپە جارىسىن جالپى بەتتىك جولعا قويىپ، جاستاردىڭ اناعۇرلىم جوعارى دەڭگەيدەگى ماشىقتانۋ قۇرىلىمىن قۇرىپ شىعىپ، شينجياڭنىڭ «ٴۇش نەگىزگى دوبىنىڭ» دامۋىنا ۇيلەسەتىن، جاڭا جولدى بەلسەنە قاراستىرۋدى ورتاعا قويدى. فۋتبول ەرەكشەلىگىن العان بالا باقشا قۇرۋ قۇرىلىسى جاستار مەن وسپىرىمدەردىڭ «ٴۇش نەگىزگى دوبىن» دامىتۋعا داڭعىل جول سالىپ، دەنە-تاربيەگە قىزىعۋ اۋەسىنە قاراي تاربيەلەۋ جاسىن تومەندەتىپ، ۇزدىك دەنە-تاربيە جەتكىنشەكتەرىن ەرتەرەك بايقاۋعا نەگىز قالايدى. 

اۋدارعان: اناربەك ٴابىلماجىن ۇلى 

来源：天山网

编辑，制作：古丽美热