ينفورماتسيا اشكەرەلەۋ: mzjubao@cnr.cn

وزەكتى ماقالالار

اۋرۋىن ەلەمەگەندىكتەن ومىرلىك وكىنىشكە قالدى

来源:央广网     |责编:达吾力别克|     发布日期: 2022-05-13 22:05

 

اۋرۋىن ەلەمەگەندىكتەن ومىرلىك وكىنىشكە قالدى

بيىل 24 جاستاعى لۋ بيكەش (بالاما ات) نانجيڭ قالاسىنداعى بەلگىلى ءبىر جوعارى مەكتەپتىڭ اسپيرانتى ەدى. اسپيرانتتىق وقۋىن تامامداۋ الدىندا تۇرعان ونىڭ وتكەن جىلى 7 – ايدان باستاپ اسقازانى توقتاۋسىز جايسىزدانىپ اۋىراتىندى تاپتى.

 

ول توراپتاعى سۇراق سۇراۋ تەكشەلەرىنەن ءوزىنىڭ اسقازانىنىڭ نە ءۇشىن اۋىراتىندىعىنىڭ سەبەبىن سۇراپ، ينفورماتسيالار توپتايدى. قورىتىندىلاي كەلە اسقازانىمنىڭ جايسىزدانىپ اۋىرعانى وقۋ ءبىتىرۋ مەن بىتىرگەننەن كەيىن قالاي قىزمەت ىزدەيمىن دەگەن قوس باسىمنىڭ اۋىرلاۋى، سونداي – اق دەمالىسىمنىڭ تۇراقسىز بولعاندىعىنان بولار نەمەسە جاستاردا ۇنەمى كەزىگەتىن 12 بارماق ىشەك جاراسىنىڭ سەبەبى شىعار دەپ تۇسپالدايدى.

 

سونىمەن اسقازانى جايسىزدانسا بولدى، ءوز ءبىلىپ ءدارى ساتىپ الىپ ىشەتىن بولدى.

ۋاقىت وتە كەلە، لۋ بيكەشتە باسقادا ءىشى كەۋىپ، تاماق ىشە الماۋ، ارىقتاۋ، جۇدەۋ سياقتى قوسانجار اۋرۋ بەلگىلەرى پايدا بولادى. اۋرۋ ازابى جانىنا باتقان ول اقىرى شيپاحاناعا كەلىپ تەكسەرىلەدى. شيپاگەردەن اۋرۋىنىڭ جاعدايىن سۇراعاندا، شيپاگەر: قۇرساق سۋى سەبەبىنەن ءىش كەۋىپ، وعان قوسا اسقازان ءبۇيىرى قاباتى قالىڭداعان، ەڭ جاقىسىسى اسقازان – ىشەك اينەگىنە ءتۇسىپ ىشكەرىلەي تەكسەرىلۋدى ايتادى.

 

سوڭىنان شيپاگەرلەر اسقازان – ىشەك اينەگىنە ءتۇسۋ ناتيجەسى مەن پاتولوگيالىق تەكسەرۋ ناتيجەسىن سالىستىرا كەلە، ءبولىنۋ دارەجەسى تومەن، وتكىر حارەكتىرلىگى جوعارى يندۋكسيالىق كلەتكا راگى، CT اسپابىنا ءتۇسۋ ناتيجەسىنە قاراپ اسقازان راگىنىڭ سوڭعى مەزگىلى جانە قۇرساق قۋىسىنىڭ اۋىسۋى سياقتى ناۋقاس دياگنوزىن قويادى. وسىلايشا، جاپاسىنا شىداپ اسپيرانتتىق وقۋىن تامامداپ، ەندى جەمىسىن كورەيىن دەگەندە بۇلدىرشىندەي جاس قىزدىڭ اۋرۋىن ەلەمەي جۇرە بەرىپ، اۋرۋىنىڭ اسقازان راگىنىڭ سوڭعى مەزگىلىنە ءوتىپ كەتكەندىگى، راسىندا، ادامدى اشىندىرادى.

 

شيپاگەر مىنانى ەسكەرتەدى: 

 

اسقازانىڭىز جايسىزدانسا ءسال قاراماي، اسقازان – ىشەك اينەگىنە ءتۇسىپ تەكسەرىلىڭىز، بۇل راكتىڭ الدىن الۋدا ماڭىزدى رول اتقارادى، ابدەن بولارى بولىپ، اۋرۋ جانعا باتقاندا عانا شيپاحاناعا بارۋداي ناشار ادەتتەن ارىلىڭىز.

 

ەندەشە اسقازان نەدەن قورقادى؟ تومەندەگى ديالوگقا قارايىق: 

 

«تاڭعى استى ىشۋگە ۇلگىرمەيتىن بولدىم، بولدى، تۇسكى اسپەن قوسىپ ىشەيىن»

 

«ءبىر كۇن قاربالاس بولدىق، كەشتە جاقسىلاپ ءبىر تاماقتانايىقشى»

 

«جارىم ءتۇن بولدى، قارنىم اشقاندا ۇيىقتاي المادىم، بولماسا اشتى تەڭىز شايانى تاماعىن بۇيىرتىپ جەسەك قالاي؟»

...

 

استە، بۇلاي ىستەي كورمەڭىز، بولماسا اسقازانىڭىزدى قۇردىمعا جىبەرەسىز

 

اسقازان – ادام دەنەسىندەگى ماڭىزدى اس قورىتقىش بولىپ، ونىڭ دا وزىندىك قىزمەت باسىمى بار، وعان اۋىر سالماق سالساڭىز، ونىڭ دا «اشۋى» كەلەتىن كەزى بولادى عوي.

 

سوندىقتان دا اسقازانىمىزدى قورعاي بىلەيىك، كۇتە بىلەيىك.

 

اۋدارعان: جارقىن تۇسەن ۇلى

 

 

中央广播电视总台 央广网 版权所有

اۋرۋىن ەلەمەگەندىكتەن ومىرلىك وكىنىشكە قالدى

بيىل 24 جاستاعى لۋ بيكەش (بالاما ات) نانجيڭ قالاسىنداعى بەلگىلى ءبىر جوعارى مەكتەپتىڭ اسپيرانتى ەدى. اسپيرانتتىق وقۋىن تامامداۋ الدىندا تۇرعان ونىڭ وتكەن جىلى 7 — ايدان باستاپ اسقازانى توقتاۋسىز جايسىزدانىپ اۋىراتىندى تاپتى.