ول 20 جىلدا 60 نەشە رەت سيلىق تورىنە شىقتى

2014-جىلدىڭ قىس كۇندەرىنىڭ ءبىرى تۇستەن بۇرىن، ول ۇجىمىنداعى بىرنەشە سەرىگىن ەرتىپ، ءوز كولىگىمەن ءمالىم ءبىر قالاشىقتى بەتكە الىپ التاي قالاسىنان جولعا شىققاندا، كۇن بۇلتتاپ، قىلاۋلاپ قار جاۋىپ تۇرعان بولاتىن. ولار عۇمىر قامسىزداندىرۋ ىسىمەن بىرنەشە وتباسىنا بارىپ، ۇگىت جۇرگىزىپ بولعاندا، قىستىڭ قىسقا كۇنى باتىپ تا ۇلگىردى. سول كۇنگى جوباداعى ەڭ سوڭعى وتباسىنا بارىپ، عۇمىر قامسىزداندىرۋعا قاتىناسۋدىڭ ماڭىزدىلىعى جونىندە توقتالعان ول: ەكى بالاڭ بار ەكەن، بالالارىڭدى قامسىزداندىرۋعا قاتىناستىرساڭ، اۋىرىپ-سىرقاساڭ جاقىن ادامدارىڭا قول جايىپ، ەشقانداي سالماق سالمايسىڭ، ال، اۋىرىپ-سىرقاماساڭ ۇرپاعىڭ ءۇشىن جيناعان اقشا، ءبىر جىلدا ءبىر رەت بانكەگە قويعان سوما، ونىڭ ۇستىنە جىل سايىن ءوسىم قوسىلىپ مولايا بەرەتىن قورىم دەپ تۇسىنسەڭ بولعانى،- دەپ نەشە قايتارا ىشكەرىلەي تۇسىندىرگەندە، ءتۇن شىمىلدىعى الدە قاشان تارتىلىپ، ساعات ءتىلى بەيجيڭ ۋاقىتى بويىنشا تاڭعى ساعات 2 نى كورسەتتى. ول كولىگىن ايداپ جولعا شىققاندا، ازىناپ تۇرعان قارلى بورانعا كەز بولىپ، بىردە ءجۇرىپ، بىردە توقتاپ، 60 كيلومەتر كەلەتىن جولدى 3.5 ساعاتتا ارەڭ باسىپ، سەرىكتەرىن ءۇيدى-ۇيىنە جەتكىزىپ بولىپ، ءوز ۇيىنە جەتكەندە تاڭعى ساعات 6 بولدى. قارلى بوراندا كولىك جۇرگىزۋدىڭ جاپا-ماشاقاتى ايتپاساق تا تۇسىنىكتى عوي. ۇيىنە كىرگەندە، تورمۋز بەن ماي تەپكىنى الما كەزەك باسۋدان دومبىعىپ ءىسىنىپ كەتكەن اياعىن اياق كيىمنەن ارەڭ شەشتى. جىل اينالىپ، ەكىنشى رەتكى قامسىزداندىرۋ سوماسىن تاپسىرۋعا ساناۋلى كۇن قالعاندا، ول بەيتانىس بىرەۋدەن كەلگەن تەلەفوندى قابىلدادى. تەلەفوندا قارسى جاق ءوزىن جوعارىدا ايتىلعان ەڭ سوڭعى وتباسى وتاعاسىسىنىڭ اعاسىمىن دەپ تانىستىرىپ: قاتىناس شىرعالاڭى سەبەبىنەن ءىنىم باقىتقا قارسى قازا بولدى،- دەپ جىلامسىرادى. اتالعان وتاعاسىنىڭ ارتقى جۇمىستارىن ىڭعايلاپ، ەس-اقىلىن جيعان جۇبايى ءبىر كۇنى ونى ىزدەپ كەلدى. ول ولار تاپسىرعان 3872 يۋاندىق قامسىزداندىرۋ سوماسى بويىنشا، قاتىستى بەلگىلەمەلەرگە ساي، سەرىكتەستىكتەن وعان 100 مىڭ يۋان تولەم الىپ بەردى. وتكەن 20 جىلدا ول تالاي رەت قاڭتاردىڭ قاقاعان ايازىنا توڭىپ، شىلدەنىڭ شىلىڭگىر ىستىعىنا كۇيدى. ول — جۇڭگو عۇمىر قامسىزداندىرۋ جارنا شەكتى سەرىكتەستىگى التاي بولىمشە سەرىكتەستىگىنىڭ قىزمەتكەرى گۇلجاينار جەتىباي قىزى ەدى.

جۇڭگو عۇمىر قامسىزداندىرۋ التاي بولىمشە سەرىكتەستىگىنىڭ ەگەي قىزمەتكەرى گۇلجاينار جەتىباي قىزى

تاياۋدا، ءساتى ءتۇسىپ جۇڭگو عۇمىر قامسىزداندىرۋ التاي بولىمشە سەرىكتەستىگىنىڭ گۇلجاينار ءۇشىن وتكىزگەن جەكە باسىندىق جەتىستىگىنە العىس ايتۋ قيمىلىنا قاتىناسقان ەدىم. «جاقسىنىىڭ جاقسىلىعىن ايت نۇرى تاسىسىن» دەگەندەيىن، كاسىپتىك مەكتەپتەگى وقۋىن ءبىتىرىپ، العاشقى قىزمەت ساپارىن التاي قالاسىنىڭ استىق مەكەمەسىنە قاراستى ءابيتان قالاشىعىنداعى استىق پۋنكتىنەن باستاپ، وسى ورىندا بىرنەشە جىل قىزمەت ىستەگەن گۇلجاينار سول تۇستا اتقارىلعان جۇمىس ورنىنان بوساتۋ، ساۋداعا بەت الۋ ساياساتىنىڭ قىرىنا ءدوپ كەلىپ، جۇمىس ورنىنان بوساتىلدى. سونىمەن گۇلجاينار «ۇلكەن ورتانى وزگەرتۋگە دارمەنىم جەتپەيدى، قالايدا ءوزىمدى وزگەرتۋىم، قوعامنىڭ دامۋىنا ىلەسۋىم كەرەك» دەگەن تۇيىنگە توقتاپ، جۇڭگو عۇمىر قامسىزداندىرۋ التاي بولىمشە سەرىكتەستىگىنە قىزمەتكەر بولىپ كىرەدى. بۇل ورىندا قىزمەتتى قالاي ىستەگەنى جونىندەگى اڭگىمەنى ەندى قىزمەتتەستەرى مەن قاريدارىنىڭ اۋزىنان ەستىلىك. 

ءسوز كەزەگىن العان قاتىستى باسشى: ءبىز بۇگىن گۇلجايناردىڭ قاريدارلارىن، تۋىس-تۋعاندارىن جانە دوس-جاراندارىن وسى اراعا باس قوسۋعا ۇسىنىس ەتتىك. وسى ورايدا، مەن جۇڭگو عۇمىر قامسىزداندىرۋ التاي بولىمشە سەرىكتەستىگى اتىنان وسى رەتكى قيمىلعا قاتىناسقان سيلى قوناقتاردى، دوستاردى قىزۋ قارسى الامىن. گۇلجاينار 2003-جىلى جۇڭگو عۇمىر قامسىزداندىرۋ التاي بولىمشە سەرىكتەستىگىنىڭ ءبىر مۇشەسىنە اينالىسىمەن ۇدەرە العا تارتىپ، عۇمىر قامسىزداندىرۋ ىسىنە 20 جىل ايانباي تەر توگىپ، 10 مىڭ 600 قاريدارعا ءبىر ميلليارد 607 ميلليون يۋان قامسىزداندىرۋ كەپىلدىگىن جانە جيىنى ءبىر ميلليون 791 مىڭ 600 يۋان تولەم سوماسىن بەرىپ، 80 وتباسىنا تولەم تولەۋدەي قىزمەت وتەدى. 20 جىلدا گۇلجاينار تاباندىلىقپەن قىزمەت ىستەدى، ول باسقالارعا ىستىق ىقىلاستى مامىلە جاسايدى ءارى قول ۇشىن بەرۋدى ۇناتادى، قىزمەت بارىسىندا ول سەرىكتەرىنىڭ جەڭىستى شايقاس جۇرگىزۋىنىڭ باسقارۋشى سەركەسى؛ سەرىكتەستىك مىنبەسىندە باسقالارعا ۇيرەتۋشى ۇستاز، سەرىكتەرىن جول-جوسىن ارقىلى كاسىپ اشۋعا جەتەلەۋشى؛ قايدارلارىنىڭ جۇرەگىندە ول عۇمىر قامسىزداندىرۋ اقىلشىسى بولا ءبىلدى. وتكەن 20 جىلدا، ول جۇڭگو عۇمىر قامسىزداندىرۋ باس سەرىكتەستىگى، شينجياڭ سەرىكتەستىگى جانە التاي بولىمشە سەرىكتەستىگىنىڭ ءتۇرلى ماداقتاپ-سيلاۋىنا يە بولىپ، 60 نەشە رەت سيلىق تورىنە كوتەرىلىپ، ءۇرتىس 19 جىل ساتۋشىلاردىڭ ەگەيى اتاعىن الىپ، ءار جىلى ءتۇرلى كۋسكە قاتىناسىپ، كاسىپتىك ساپاسىن ۇزدىكسىز ءوسىرىپ وتىردى. گۇلجاينار قىزمەتكە مامىلە جاساۋدا قاجىرلى، قايسار بولعاندىقتان، سونداي-اق وسىندا وتىرعان سيلى قوناقتار مەن دوستارىنىڭ زور كۇشپەن قولداۋى مەن كومەگى بولعاندىقتان، ول سەرىكتەستىگىمىزدىڭ تاڭداۋلى عۇمىر قامسىزداندىرۋ ەگەيى بولدى، بۇگىن سەرىكتەستىكتىڭ گۇلجايناردىڭ جەكە باسىندىق ەگەي ەڭبەگىنە العىس ايتۋ قيمىلىن وتكىزۋى سەرىكتەستىگىمىز ءۇشىن دە ۇلكەن مەرەي دەپ بىلەمىن! 

گۇلجاينار كاسىپتەستەرىمەن بىرگە نەمەسە سيلىق ساحناسىندا.

گۇلجايناردىڭ قاجىرلى ەڭبەگى مەن قۇلشىنىسىنا وسكەلەڭ قۇرمەت بىلدىرەمىن، تالاي جىلدان بەرى زور بوداۋ بەردى دەپ كەسىپ ايتا الامىن ءارى ۇزدىك ناتيجەگە قول جەتكىزگەنىن قۇتتىقتايمىن. سيلى قوناقتار مەن دوستاردىڭ ۇزاق ۋاقىتتان بەرى، گۇلجاينارداي ەگەيدى قولداعانىنا العىس ايتامىن. سونىمەن بىرگە، كوپشىلىكتىڭ ونى كوبىرەك ۇگىتتەپ، تۋىس-تۋعان، دوس-جاراندارىنا تانىستىرىپ، گۇلجايناردىڭ اتاعىن اسپانداتۋىن، قامسىزداندىرۋ ساتىپ السا گۇلجايناردى ىزدەپ، سان مىڭداعان وتباسىنا مەيىر سيلاۋدى قامتاماسىز ەتۋىن شىن جۇرەكتەن ءۇمىت ەتەمىن،- دەدى اعىنان اقتارىلىپ. 

سەرىكتەستىك قىزمەتكەرىنىڭ جەتەكشىلىگىندە، ىنتىماق بۇزاۋباي قىزى گۇلجايناردىڭ العان سيلىقتارىن كورۋدە. 

گۇلجايناردىڭ قاريدارى ىنتىماق بۇزاۋباي قىزى: «گۇلجايناردىڭ جەكە جەتىستىكتەرى» اتىنداعى قيمىلدىڭ شاقىرتۋ حاتىن تاپسىرىپ العاندا، ايرىقشا قۋاندىم. ونىڭ قاجىماي-تالماي ەڭبەكتەنىپ، كاسىپتىڭ بيىك شىڭىنا شىققانىنا اسەرلەندىم. مەنىڭ جۇڭگو عۇمىر قامسىزداندىرۋىنا سەنىمىم گۇلجايناردىڭ 20 جىلدى ءبىر كۇندەي وتكىزگەن قايسارلىعىنان دەگىم كەلەدى. مەن گۇلجايناردىڭ كوپ جىلدان بەرگى كونە قايدارى ءارى سىرلاس اپەكەسى رەتىندە، ونىڭ تابىسقا جەتۋ جولىندا بەرگەن بوداۋى مەن باسىنان كەشىرگەن جاپا-ماشاحاتىنا كۋاشىمىن. شىنىمدى ايتسام، اۋەل باستا مەن دە قامسىزداندىرۋدىڭ وتباسىمىزعا بولعان ماڭىزدىلىعىن ونشا ءتۇسىنىپ جەتپەگەن ەدىم، ءتىپتى ازداپ قارسىلىق كورسەتكەن جەرىم دە بولعان. الايدا، گۇلجايناردىڭ كاسىپتىك تۇرعىدا قايتا-قايتا جالىقپاي ناقتى مىسال كورسەتىپ ءتۇسىندىرۋىنىڭ ارقاسىندا، قامسىزداندىرۋ جونىندەگى سانام وياندى، تانىمىم بىرتىندەپ وزگەردى. دەمەك، ءوز باسىما جانە وتباسىما لايىقتاپ كورسەتكەن جوباسى ارقىلى بىرنەشە ءتۇرلى قامسىزداندىرۋعا قاتىناستىم. ەداۋىر سالماقتى ناۋقاسقا شالدىعىپ بالنيتساعا جاتىپ شىققان ءمالىم بىرەۋدىڭ كوڭىلىن سۇراۋ بارىسىندا، ونىڭ: وسى رەت بالنيتسادان شىققاندا، قامسىزداندىرۋعا قاتىناسۋدىڭ ءتيىمدى ەكەنىن تەرەڭ سەزىندىم، جالپى جۇمسالعان سومانىڭ %70 تەن استامىن قالا، اۋىل تۇرعىندارىنىڭ جاڭاشا سەلبەسىپ ەمدەۋ قامسىزداندىرۋى ەسەپتەن كوتەرسە، قالعان بولەگىن ساۋدا قامسىزداندىرۋى ەسەپتەن كوتەرىپ، ءوزىم ماردىمسىز اقشا تولەدىم،- دەگەنىن ەستىدىم. قامسىزداندىرۋعا قاتىناسۋ نەمەسە قامسىزداندىرۋ ساتىپ الۋ دەگەنىمىز وزىڭىزگە، وتباسىڭىزعا دەگەن جاۋاپكەرشىلىك ءارى سۇيىسپەنشىلىك. ويتكەنى، ادام بالاسى جۇمىس قاربالاستىعى، تۇرمىس باسىمدىلىعى، سونداي-اق كولدەنەڭ پالەدەن اۋلاق بولامىز، دەنساۋلىقتىڭ سىر بەرۋىنەن اۋلاق بولامىز دەپ ايتا المايدى. «جامان ايتپاي جاقسى جوق» دەگەندەيىن، ءبىر وتباسىندا ءبىر ادام وسىنداي جاعدايعا تاپ بولسا، سول وتباسىنان سىرت، بارلىق جاناشىر اعايىن، تۋىسى قينالادى. جيعان-تەرگەنىن شاشادى نەمەسە تۇگەتەدى. سول ءۇشىن ءار جىلعى كىرىسىتىڭ 5 تە 10 پايىزىن بولەك الىپ قويىپ، قامسىزداندىرۋعا قاتىناسۋ ەڭ ورىندى، ەڭ ۇيلەسىمدى تالعام دەپ قارايمىن. سول تۇستا ازداپ قينالعانىڭىزبەن، كەيىن سىزگە ۇلكەن ەس قاتاتىنى مۇندا تۇرعان بۇلتارتپاس شىندىق،- دەپ كەلەلى كەڭەس، ورىندى ۇسىنىس بەردى. 

گۇلجايناردىڭ باقىتتى جانۇياسى

قيمىلدىڭ سىرگە جيار ءسوز كەزەگىن العان گۇلجاينار جەتىباي قىزى: ەڭ اۋەلى، كوپشىلىكتىڭ جۇمىستارىن قايىرىپ قويىپ، مەنىڭ جەكە جەتىستىكتەرىمە العىس ايتۋ قيمىلىنا قاتىناسقانىنا، قاريدارلارىم مەن دوستارىمنىڭ تالاي جىلدان بەرى قىزمەتىمدى قولداپ كەلگەنىنە جانە كومەكتەسكەنىنە العىس ايتامىن. ونان قالسا، جۇڭگو عۇمىر قامسىزداندىرۋ سەرىكتەستىگىنىڭ ماعان ارمانىمدى جۇزەگە اسىراتىن تەكشە ازىرلەپ بەرگەنىنە، باسشىلاردىڭ ماعان كوڭىل بولگەنىنە جانە قولداعانىنا العىس ايتامىن. سونىمەن بىرگە، وتباسىمداعىلاردىڭ كەڭ پەيىل كورسەتكەنىنە جانە تۇسىنگەنىنە العىس ايتامىن. سىزدەر بولعاندىقتان عانا مەن بۇگىنگىدەي تابىسقا جەتە الدىم. كاسىپپەن شۇعىلدانعان 20 جىلدان بەرى، جۇڭگو عۇمىر قامسىزداندىرۋ سەرىكتەستىگىنەن ءوزىم سۇيەتىن كاسىپ پەن دامۋ ساحناسىن تاپتىم، وسى بارىستا ەسەيىپ-ەرجەتۋىمە كۋا بولدىڭىزدار، بۇل ماعان تىنباي العا باسۋعا قوزعاۋشى كۇش سيلادى. سىزدەر، عۇمىر قامسىزداندىرۋ جولىندا باسقان قادامىمنىڭ بارعان سايىن نىعايا تۇسۋىنە مۇمكىندىك جاسادىڭىزدار. بۇگىنگى بۇل قيمىلدىڭ وتكىزىلۋى سەرىكتەستىكتىڭ مەنىڭ قىزمەت ناتيجەمدى تۇراقتاندىرۋى دەپ بىلەمىن.

وتكەن 20 جىلعا قايىرىلا قاراسام، كوز جاسىما ەرىك بەرەمىن، عۇمىر قامسىزداندىرۋ كاسىبىمەن شۇعىلدانۋ بارىسىندا، قول قويعان تۇڭعىش رەتكى قامسىزداندىرۋ توقتامىن، قاريدارىما جەتكىزىپ بەرگەن ءبىرىنشى رەتكى تولەم سومانى استە ەسىمنەن شىعارمايمىن. بۇگىنگى قيمىلدان كوپشىلىككە ءتىپتى دە جاقسى قارىمجى قايتارۋعا، ءتىپتى دە جاقسى قىزمەت وتەۋگە مىزعىماس كۇش، قۋات الدىم. ناتيجە وتكەنگە ءتان، الداعى قىزمەت ساپارىمدا ءالى دە تالاي بەلەس بار، ەرتەڭ ءۇشىن ءتىپتى دە قۇلشىنامىن، ءسوز جوق، ءوزىمنىڭ ەڭ جاقسى ناتيجەممەن سەرىكتەستىكتىڭ ءمان بەرۋىنە، كوپشىلىكتىڭ قولداۋىنا جاۋاپ بەرەتىن بولامىن،- دەدى سەنىمدى تۇردە.

گۇلجايناردىڭ العان سيلىقتارىنىڭ ءبىر ءبولىمى

سۇحباتتاسقان تورابىمىز ۇسىنىس ەتكەن ءتىلشى ساعىنبەك رابات ۇلى 

来源：原创

记者：萨恒别克

编辑，制作：阿依娜