ينفورماتسيا اشكەرەلەۋ: mzjubao@cnr.cn

وزەكتى ماقالالار

بورتىنكە اۋىلى اتالىق مالداردى ساراپتاپ باعالاۋ جارىسىن وتكىزدى

来源:央广网     |责编:达吾力别克|     发布日期: 2022-06-23 09:57

 

بورتىنكە اۋىلى اتالىق مالداردى ساراپتاپ باعالاۋ جارىسىن وتكىزدى

نازار ءارىپ ۇلى، توقتاۋباي ماكەباي ۇلى حابارلايدى. پارتيا 20- قۇرىلتايىن كەسەك تابىستارمەن قارسى الۋعا ات سالىسىپ جاتقان مەرەيلى ساتتە، 2022- جىلى 6-ايدىڭ 21-كۇنى ەرەنقابىرعا تاۋىنىڭ بوكتەرىندەگى ساۋان قالاسى بورتىنكە اۋىلىنىڭ تۇڭعىش كەزەكتى اتالىق مال ءناسىلىن سارالاپ باعالاۋ جارىسى تابىسپەن وتكىزىلدى. 

اۋىلدىق ءادىليا بولىمشەسى، ساقشى بولىمشەسى، ءجايىلىم باسقارۋ تاراۋلارى قاتارلى ورىندار حالىق تۇرمىسىنا تىكە قاتىستى بولعان زاڭدىق ساۋاتتاردان شاعىن لەكسيا جاساپ زاڭدىق كەڭەس بەردى. اۋداندىق مال شارۋاشىلىق مال دارىگەرلىك مەكەمەسىنەن كەلگەن ارناۋلى ماماندار بورتىنكە اۋىلىنىڭ ءار قايسى قىستاقتاردان جارىسقا قاتىناستىرعان ءناسىلدى اتالىق مالداردى عىلىمي جولمەن ساراپتاپ وتكىزىپ الدى. جالپى قيمىل اقىرلاسقاننان كەيىن، بورتىنكە اۋىلى دايىنداعان كونسەرت نومىرلەرى قويىلىپ ءار ۇلت ەگىنشى مالشىلارىنا تاماشا رۋحاني ءلاززات سيلادى.

ءبىر كۇنگە جالعاسقان قيمىلدىڭ سوڭىندا اۋىل بويىنشا ساراپقا قاتىناستىرعان 60 نەشە شينجياڭ قوڭىر سيىرى، سەمينتال سيىرى قاتارلى ءناسىلدى سيىر اتالىعىنان 9 باس بۇقا، التاي تەگەنە قۇيرىقتى قويىنىڭ اتالىعىنان 3 تۇياق قوشقار جان-جاقتىلى ولشەمگە تولعاندىقتان ءۇش دارەجە بويىنشا اقشالاي سيلىققا جانە داڭق كۋالىگىنە يە بولدى.

 

 

بۇل رەتكى قيمىل بورتىنكە اۋىلىنىڭ مال شارۋاشىلىعى شەبىندەگى مالدى عىلىمي جولمەن باعىپ جەتىلدىرۋ، مال تۇقىمىن اسىلداندىرۋ بارىسىنداعى قول جەتكەن ناقتىلى جەتىستىكتەردى تۇراقتاندىرىپ، الداعى جەردە مال تۇقىمىن بارعان سايىن اسىلداندىرىپ، ەگىنشى مالشىلاردىڭ عىلىمي جولمەن مال باعىپ اۋقاتتانۋ سەنىمىن بەكەمدەۋ جانە مال تۇقىمىن اسىلداندىرۋدى ونان ارى جوعارى ورەگە كوتەرۋدى كوزدە ۇستاي وتىرىپ وتكىزىلگەن ءبىر جولعى ۇگىت سيپاتىندىق قيمىل بولدى.

 

 

 

قازىر بورتىنكە اۋىلىنداعى ەگىنشى مالشىلار پارتيانىڭ حالىقتى اۋقاتتاندىرۋ ابزال ساياساتتارىنىڭ ارقاسىندا، مالدى تابيعاتقا سۇيەنىپ باعۋدان عىلىمي جولمەن قولدا باعۋعا، مال ناسىلىنە ءمان بەرىپ مال تۇقىمىن اسىلداندىرىپ ىقشامداپ باعۋعا ويىسىپ، كىرىستى ارتتىرۋعا قۇلشىنىپ كەلەدى. 

مال تۇقىمىن اسىلداندىرۋدىڭ يگىلىگىن كورىپ، ابزالدىلىعىن سەزگەن ەگىنشى مالشىلار مال تۇقىمىن جىلدان جىلعا ساپالاندىرىپ، اۋىلدىڭ مال شارۋاشىلىعىن دامىتۋدىڭ سارا جولىن اشتى.

 

中央广播电视总台 央广网 版权所有

بورتىنكە اۋىلى اتالىق مالداردى ساراپتاپ باعالاۋ جارىسىن وتكىزدى

پارتيا 20- قۇرىلتايىن كەسەك تابىستارمەن قارسى الۋعا ات سالىسىپ جاتقان مەرەيلى ساتتە، 2022- جىلى 6-ايدىڭ 21-كۇنى ەرەنقابىرعا تاۋىنىڭ بوكتەرىندەگى ساۋان قالاسى بورتىنكە اۋىلىنىڭ تۇڭعىش كەزەكتى اتالىق مال ءناسىلىن سارالاپ باعالاۋ جارىسى تابىسپەن وتكىزىلدى.