جۇڭگو ۇلتتار اۋدارما مەكەمەسىنىڭ 2022-جىلعى جاڭا اتاۋ-تەرميندەردى قازاقشاعا اۋدارىپ بەكىتۋ ماماندار جيىنى بۋىرشىن اۋدانىندا اشىلدى

جۇڭگو ۇلتتار اۋدارما مەكەمەسى باس بولىپ، بۋىرشىن اۋداندىق حالىق ۇكىمەتى سايكەسىپ ۇيىمداستىرعان جۇڭگو ۇلتتار اۋدارما مەكەمەسىنىڭ 2022-جىلعى جاڭا اتاۋ-تەرميندەردى قازاقشاعا اۋدارىپ بەكىتۋ ماماندار جيىنى 8-ايدىڭ 4-كۇنى بۋىرشىن اۋدانىندا اشىلدى. 

بەيجيڭدەگى ورتالىق راديو تەلەۆيزيا باس ستانسياسى، ورتالىق ۇلتتار اۋدارما مەكەمەسى، ورتالىق ۇلتتار باسپاسى قاتارلى ورىنداردان جانە شينجياڭداعى باسپا ٴسوز،  اقپارات،  وقۋ-اعارتۋ سالاسىنان كەلگەن 30 نەشە اۋدارما ٴتىل ماماندارى تالقىعا قاتىناسىپ، جاڭا اتاۋ تەرميندەردى اۋدارۋ،  ارناعاٴتۇسىرۋ ماسەلەلەرىن تالقىلاپ،  كەڭ كولەمدە پىكىر الماستىردى.

ورتالىق ۇلتتار اۋدارما مەكەمەسى پارتكومىنىڭ شۋجيى،  مەكەمە باستىعى لان جىچي،   التاي ايماقتىق پارتكومنىڭ تۇراقتى مۇشەسى،  ۇگىت ٴبولىمىنىڭ باستىعى لان شىڭشين،  بۋىرشىن اۋداندىق پارتكومنىڭ ورىنباسار شۋجيى، اۋدان اكىمى نۇربەك رازبەك ۇلى قاتارلى باسشىلار جىيىننىڭ اشىلۋ سالتىنا قاتىناستى.  

ورتالىق ۇلتتار اۋدارما مەكەمەسىنىڭ ورىنباسار باستىعى باۋىرجان نۇرمولدا ۇلى جيىندى باسقاردى.

ورتالىق اۋدارما مەكەمەسى پارتكومىنىڭ شۋجيى،  مەكەمە باستىعى لان جىچي بىلاي دەدى: ٴتىل-جازۋ ىستەرى نەگىزدىك،  جالپى جاعدايلىق،  قوعامدىق،  جالپى حالىقتىق سيپات الاتىن ماڭىزدى ٴىس. اۋدارما قىزمەتىن ويداعىداي ىستەۋ از ساندى ۇلتتاردىڭ پارتيانىڭ لۋشيان باعىت ساياساتتارىن سونداي-اق زاڭ-ەرەجەلەردى دۇرىس تۇسىنۋى مەن يگەرۋىنە سايادى. باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دۇرىس يگەرىپ جانە جاپپاي دايەكتىلەندىرىپ،  جۇڭحۋا ۇلتى ورتاق تۇلعا تانىمىن بەرىك ورناتۋدى نەگىز ەتە وتىرىپ، جاڭا اتاۋ-تەرميندەردى ارناعا ٴتۇسىرۋدى جۇيەلەندىرىپ،  ۇلتتار اۋدارما قىزمەتىنىڭ دانەكەرلىك رولىن اناعۇرلىم ساۋلەلەندىرىپ،  ٴار ۇلت بۇقاراسىنىڭ مەملەكەت كوزقاراسى،   تاريح كوزقاراسى،   ۇلت كوزقاراسى،   مادەنيەت كوزقاراسى،   ٴدىن كوزقاراسىن دۇرىس ورناتۋىنا جەتەكشىلىك ەتۋ قاجەت.  

وسى رەتكى تالقى ورتالىقتىڭ ۇلت قىزمەتى ٴماجىلىسىنىڭ رۋحىن دايەكتى تياناقتاندىرۋدىڭ ناقتى شاراسى رەتىندە،  جاڭا اتاۋ تەرميندەردى اۋدارۋدى ولشەمدەندىرۋ قۇرىلىسىن ىلگەرىلەتىپ، ەلىمىزدىڭ قازاق ٴتىلى اۋدارما ىستەرىنىڭ عىلمي دامۋى جونىنەن بەلسەندى رول اتقارادى.

来源：中央广播电视总台

监制，审稿：叶力夏提

记者：夏力哈尔

微信制作：古丽美热